英超開季三場，兩勝一和，袋住七分，排緊喺聯賽榜前列。如果齋睇個排名，我哋車路士今季嘅開局，可以話係相當唔錯，分分鐘唔少車迷已經J到出血送咗去醫院。
但相信有睇足三場波嘅球迷，心裡面可能同我一樣，都有少少忐忑。個感覺就係，我哋好似贏得唔係好實在，考慮埋對手實力有啲位又好似好驚險。究竟，我哋而家呢個「強隊」嘅形象，係真材實料，定係只係一個呃到人嘅「假象」？
繼續秉乘住「數據係唔會呃人」嘅諗法，喺國際賽期呢個小休，我就做咗啲功課，深入研究咗我哋頭三場波嘅各項「進階數據」，同其他英超球隊嚟個小小嘅比較。一齊嚟做一次「數據偵探」，睇下數字背後嘅真相，到底係揭示緊一個「冠軍挑戰者」嘅誕生，定係暴露緊一啲我哋唔想見到嘅隱憂。
進攻面：火力全開，但隱藏死球殺著？
首先，我哋睇下進攻。未睇之前車迷們已經可以除定條褲先，因為好消息係，數據上我哋嘅攻擊力，絕對係「冠軍級」。
頭三場波，我哋總共攻入7球，係全英超第二多；
而我哋創造出嚟嘅預期入球（xG） 高達6.7，同樣係全英超第二；
至於「絕佳機會」（Big Chances） 嘅創造次數，更加係以12次冠絕全英超。
呢啲數字話俾我哋知，我哋嘅進攻體系，係能夠穩定咁製造出高質素嘅入球機會。單睇呢點，球迷嘅樂觀絕對係有道理。
但有趣嘅地方就嚟喇。我哋嘅進攻點樣嚟？如果你仲停留喺舊印象，以為我哋係靠兩翼傳中，咁你就錯晒。數據顯示，我哋今季嘅傳中入禁區次數（CrsPA），竟然係全英超包尾（第20位）。呢個證明，馬蛇已經徹底改造咗我哋嘅進攻DNA，我哋唔再係一支單純依賴邊路爆破嘅球隊。
咁我哋靠咩入波？除咗中路滲透，應該唔少球迷都留意到，就係Dark Art…丫唔係，係死球。上季車仔嘅死球攻勢，可以話係慘不忍睹。但今季頭三場，我哋直接透過死球傳送創造嘅入球機會（GCA PassDead），竟然有2次，係全英超第一！呢個極端嘅轉變，證明新嘅死球教練，睇嚟真係有料到。
防守：幸運定係系統？數據拆解不失球之謎
講完進攻，我哋睇下防守。頭三場波，我哋只係失咗1球，係全英超最少；而我哋嘅預期失球（xGA）亦都只係2.4，排全英超第三。呢啲數字算得上係銅牆鐵壁嘅。
但好多球迷（包括小弟我）應該都會覺得呢啲好可疑……高維爾重傷、門將係山齊士、第一場做替工嘅係無經驗嘅邦仔…其實，會唔會只係好彩？
數據話我哋知：唔係幸運，而係系統性。 我哋防守好，並唔係因為後衛作出咗幾多驚天地泣鬼神嘅攔截。相反，係因為我哋個中前場壓迫系統，根本就冇俾對手舒服組織嘅機會。
數據顯示，我哋迫使對手作出嘅射門，係全英超平均質素最低嘅（npxG/Sh排第20）。其中一個原因係我哋嘅攔截次數係全英超第一（33次），而中場搶斷次數亦都係第二（27次）。簡單講，我哋喺皮球去到危險地帶之前，就已經喺中場將佢搶返嚟。
不過，球迷對龍門嘅擔心，數據上亦都有根據。我哋嘅龍門，今季所面對嘅射門質素（PSxG），係全英超最易救嘅（排第20）；而佢衝出嚟沒收傳中波嘅次數，亦都係全英超最低（排第20）。
呢啲數字，畫出一個令人憂慮嘅畫面：我哋嘅防守體系，保護得山齊士太好，令佢根本未受過真正嘅考驗。一旦有對手成功突破我哋嘅中場壓迫，製造出黃金機會，我哋嘅最後一關，係咪真係頂得住？呢個，就係我哋冠軍相背後，最大嘅隱憂。
馬蛇的風格烙印：稱霸中場的「大陸式」控球
最後，我哋睇下傳球同控球數據，呢部分，最能夠體現出領隊馬蛇嘅戰術。
數據顯示，我哋喺開季頭三場，幾乎壟斷咗中場嘅控制權。我哋嘅總傳球次數（1764次）、總傳球距離、中距離傳球次數，全部都係英超第一；而總傳球成功次數（1516次）亦都排第二。最誇張嘅係，我哋喺中場中路嘅觸球次數（1047次），亦都係冠絕全英超。
呢啲數字，說明咗馬蛇嘅核心哲學，已經成功植入球隊：就係透過大量、穩定嘅中場傳控，去主導比賽節奏。而呢種極致嘅控球，其實就係我哋最好嘅防守。
我哋之所以失波少，係因為大部分時間，個波都喺我哋自己腳下。而當我哋一唔見咗個波，我哋嘅第一時間反應，並唔係退守，而係即刻喺中場進行反搶。呢點，由我哋極高嘅中場搶斷（排第二）同攔截（排第一）據，就可以得到證明。
呢套「以攻代守」、稱霸中場嘅踢法，算係我哋球隊最大嘅底牌。我哋唔再係一支淨係識打反擊嘅球隊，而係一支有清晰戰術體系、識得點樣去控制比賽嘅強隊。
戴返個頭盔：對手「含金量」有幾高？
好，分析完一大輪我哋自己嘅強勁數據，相信好多車迷已經不省人事。但喺我哋J到一地都係之餘，作為一個理智嘅球迷，我哋都要戴返個頭盔，抹返塊地，冷靜咁睇下，我哋頭三場嘅對手，到底實力係點？
要客觀評估，我哋唔齋睇排名，而係要睇OPTA嗰個更有價值嘅實力評分（Rating）。我簡單計過條數，今季英超20隊，實力評分嘅平均分，大概係91.75分。而我哋車路士，目前評分係96.3分，算係屬於爭冠份子。
用呢個「平均分」做標準，我哋就可以睇返我哋頭三場嘅對手含金量：
水晶宮 (94.3分)呢個分數，遠高於英超平均，證明佢哋絕對係一支實力強橫嘅「攔路虎」，能夠喺佢哋身上拎到一分，並唔失禮。
富咸（89.8分）同韋斯咸（88.5分）：呢兩隊嘅評分，就明顯低於英超平均線。數據上嚟講，佢哋都係屬於中下游實力嘅隊伍。
呢個評分或者多少可以幫車迷們清醒一下頭腦。冇錯，我哋開局不敗，數據好靚。但呢個成績，係喺對住兩隊實力評分低於平均嘅球隊身上，攞到三分嘅。
我哋嘅「冠軍相」，係咪真材實料，仲需要等我哋對住嗰啲評分同樣喺96分以上、甚至係接近100分滿分嘅真正強敵（利物浦、阿仙奴、曼城），先至可以得到最終驗證。
總結：有進步，但離冠軍仍有距離
好，完成晒全部分析，我可以總結我嘅感想。
我嘅感覺係，我哋正喺一條正確嘅道路上。數據顯示，馬蛇嘅戰術體系，用咗差唔多一年時間，終於成功建立起一個強隊嘅「骨架」，我哋識得控制比賽，識得主動壓迫，亦都識得創造黃金機會。呢啲，都係實實在在嘅進步。
但同時，數據亦都好誠實咁，話俾我哋知，我哋仲未係一支完成品。無論係新球員磨合情況，定係我哋嘅把握力全部都有待改善，後防線喺失去高維爾（Colwill）之後，穩定性依然存疑，而且，我哋仲未真正面對過頂級強隊嘅考驗。呢啲，都係我哋同真正嘅冠軍挑戰者之間，仍然存在嘅距離。
所以，我哋係咪有冠軍相？我會話，我哋有咗個冠軍嘅輪廓，但塊面仲有啲模糊。我哋絕對係一支有力嘅「爭四」份子。但要挑戰冠軍？或者要球員們係賽場上創造少少奇蹟出嚟先得。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
但相信有睇足三場波嘅球迷，心裡面可能同我一樣，都有少少忐忑。個感覺就係，我哋好似贏得唔係好實在，考慮埋對手實力有啲位又好似好驚險。究竟，我哋而家呢個「強隊」嘅形象，係真材實料，定係只係一個呃到人嘅「假象」？
繼續秉乘住「數據係唔會呃人」嘅諗法，喺國際賽期呢個小休，我就做咗啲功課，深入研究咗我哋頭三場波嘅各項「進階數據」，同其他英超球隊嚟個小小嘅比較。一齊嚟做一次「數據偵探」，睇下數字背後嘅真相，到底係揭示緊一個「冠軍挑戰者」嘅誕生，定係暴露緊一啲我哋唔想見到嘅隱憂。
進攻面：火力全開，但隱藏死球殺著？
首先，我哋睇下進攻。未睇之前車迷們已經可以除定條褲先，因為好消息係，數據上我哋嘅攻擊力，絕對係「冠軍級」。
頭三場波，我哋總共攻入7球，係全英超第二多；
而我哋創造出嚟嘅預期入球（xG） 高達6.7，同樣係全英超第二；
至於「絕佳機會」（Big Chances） 嘅創造次數，更加係以12次冠絕全英超。
呢啲數字話俾我哋知，我哋嘅進攻體系，係能夠穩定咁製造出高質素嘅入球機會。單睇呢點，球迷嘅樂觀絕對係有道理。
但有趣嘅地方就嚟喇。我哋嘅進攻點樣嚟？如果你仲停留喺舊印象，以為我哋係靠兩翼傳中，咁你就錯晒。數據顯示，我哋今季嘅傳中入禁區次數（CrsPA），竟然係全英超包尾（第20位）。呢個證明，馬蛇已經徹底改造咗我哋嘅進攻DNA，我哋唔再係一支單純依賴邊路爆破嘅球隊。
咁我哋靠咩入波？除咗中路滲透，應該唔少球迷都留意到，就係Dark Art…丫唔係，係死球。上季車仔嘅死球攻勢，可以話係慘不忍睹。但今季頭三場，我哋直接透過死球傳送創造嘅入球機會（GCA PassDead），竟然有2次，係全英超第一！呢個極端嘅轉變，證明新嘅死球教練，睇嚟真係有料到。
防守：幸運定係系統？數據拆解不失球之謎
講完進攻，我哋睇下防守。頭三場波，我哋只係失咗1球，係全英超最少；而我哋嘅預期失球（xGA）亦都只係2.4，排全英超第三。呢啲數字算得上係銅牆鐵壁嘅。
但好多球迷（包括小弟我）應該都會覺得呢啲好可疑……高維爾重傷、門將係山齊士、第一場做替工嘅係無經驗嘅邦仔…其實，會唔會只係好彩？
數據話我哋知：唔係幸運，而係系統性。 我哋防守好，並唔係因為後衛作出咗幾多驚天地泣鬼神嘅攔截。相反，係因為我哋個中前場壓迫系統，根本就冇俾對手舒服組織嘅機會。
數據顯示，我哋迫使對手作出嘅射門，係全英超平均質素最低嘅（npxG/Sh排第20）。其中一個原因係我哋嘅攔截次數係全英超第一（33次），而中場搶斷次數亦都係第二（27次）。簡單講，我哋喺皮球去到危險地帶之前，就已經喺中場將佢搶返嚟。
不過，球迷對龍門嘅擔心，數據上亦都有根據。我哋嘅龍門，今季所面對嘅射門質素（PSxG），係全英超最易救嘅（排第20）；而佢衝出嚟沒收傳中波嘅次數，亦都係全英超最低（排第20）。
呢啲數字，畫出一個令人憂慮嘅畫面：我哋嘅防守體系，保護得山齊士太好，令佢根本未受過真正嘅考驗。一旦有對手成功突破我哋嘅中場壓迫，製造出黃金機會，我哋嘅最後一關，係咪真係頂得住？呢個，就係我哋冠軍相背後，最大嘅隱憂。
馬蛇的風格烙印：稱霸中場的「大陸式」控球
最後，我哋睇下傳球同控球數據，呢部分，最能夠體現出領隊馬蛇嘅戰術。
數據顯示，我哋喺開季頭三場，幾乎壟斷咗中場嘅控制權。我哋嘅總傳球次數（1764次）、總傳球距離、中距離傳球次數，全部都係英超第一；而總傳球成功次數（1516次）亦都排第二。最誇張嘅係，我哋喺中場中路嘅觸球次數（1047次），亦都係冠絕全英超。
呢啲數字，說明咗馬蛇嘅核心哲學，已經成功植入球隊：就係透過大量、穩定嘅中場傳控，去主導比賽節奏。而呢種極致嘅控球，其實就係我哋最好嘅防守。
我哋之所以失波少，係因為大部分時間，個波都喺我哋自己腳下。而當我哋一唔見咗個波，我哋嘅第一時間反應，並唔係退守，而係即刻喺中場進行反搶。呢點，由我哋極高嘅中場搶斷（排第二）同攔截（排第一）據，就可以得到證明。
呢套「以攻代守」、稱霸中場嘅踢法，算係我哋球隊最大嘅底牌。我哋唔再係一支淨係識打反擊嘅球隊，而係一支有清晰戰術體系、識得點樣去控制比賽嘅強隊。
戴返個頭盔：對手「含金量」有幾高？
好，分析完一大輪我哋自己嘅強勁數據，相信好多車迷已經不省人事。但喺我哋J到一地都係之餘，作為一個理智嘅球迷，我哋都要戴返個頭盔，抹返塊地，冷靜咁睇下，我哋頭三場嘅對手，到底實力係點？
要客觀評估，我哋唔齋睇排名，而係要睇OPTA嗰個更有價值嘅實力評分（Rating）。我簡單計過條數，今季英超20隊，實力評分嘅平均分，大概係91.75分。而我哋車路士，目前評分係96.3分，算係屬於爭冠份子。
用呢個「平均分」做標準，我哋就可以睇返我哋頭三場嘅對手含金量：
水晶宮 (94.3分)呢個分數，遠高於英超平均，證明佢哋絕對係一支實力強橫嘅「攔路虎」，能夠喺佢哋身上拎到一分，並唔失禮。
富咸（89.8分）同韋斯咸（88.5分）：呢兩隊嘅評分，就明顯低於英超平均線。數據上嚟講，佢哋都係屬於中下游實力嘅隊伍。
呢個評分或者多少可以幫車迷們清醒一下頭腦。冇錯，我哋開局不敗，數據好靚。但呢個成績，係喺對住兩隊實力評分低於平均嘅球隊身上，攞到三分嘅。
我哋嘅「冠軍相」，係咪真材實料，仲需要等我哋對住嗰啲評分同樣喺96分以上、甚至係接近100分滿分嘅真正強敵（利物浦、阿仙奴、曼城），先至可以得到最終驗證。
總結：有進步，但離冠軍仍有距離
好，完成晒全部分析，我可以總結我嘅感想。
我嘅感覺係，我哋正喺一條正確嘅道路上。數據顯示，馬蛇嘅戰術體系，用咗差唔多一年時間，終於成功建立起一個強隊嘅「骨架」，我哋識得控制比賽，識得主動壓迫，亦都識得創造黃金機會。呢啲，都係實實在在嘅進步。
但同時，數據亦都好誠實咁，話俾我哋知，我哋仲未係一支完成品。無論係新球員磨合情況，定係我哋嘅把握力全部都有待改善，後防線喺失去高維爾（Colwill）之後，穩定性依然存疑，而且，我哋仲未真正面對過頂級強隊嘅考驗。呢啲，都係我哋同真正嘅冠軍挑戰者之間，仍然存在嘅距離。
所以，我哋係咪有冠軍相？我會話，我哋有咗個冠軍嘅輪廓，但塊面仲有啲模糊。我哋絕對係一支有力嘅「爭四」份子。但要挑戰冠軍？或者要球員們係賽場上創造少少奇蹟出嚟先得。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊