之前我有寫過，英超賽會宣判，車路士因為油王時代（2011-2018年）隱瞞支付經紀同球員合共 £47.5m 嘅枱底交易，最終被罰款 1,075 萬鎊加緩刑轉會禁令，唔駛扣分。
但呢個判決一出，即刻辣㷫咗之前因為 PSR 違規而被扣分嘅 拖肥 同 森林。據英國傳媒報道，兩間球會家陣「極度憤怒、名譽掃地」 (等等，呢個梗係咪已經無人識？)，正準備聯手採取法律行動要求賽會解釋。
雖然我係車迷，但如果單企係車迷角度X拖肥同森林，感覺又有少少偏頗，所以今次試吓企喺兩邊嘅角度講下呢單羅生門問題。
車路士角度：駛橫手係前任，我仲要主動報案兼自首
由車仔現任高層（或者車迷）嘅角度睇，免扣分好X合理，甚至應該會覺得拖肥森林係無理取鬧…
首先當然係坦白從寬。呢堆假帳係前老闆油王搞出嚟嘅。現任美國財團買盤嗰陣發現咗，第一時間就去英超、足總同 UEFA 主動自首兼報備。英超賽會都承認，無車仔配合根本入唔到罪。認罪，罰得輕係賽會嘅決定。
望下拖肥同森林點解扣分，你哋係身有屎俾人捉，自己做錯數又無上報，到賽會查核嗰陣俾人捉到正一正，性質完全唔同。
最搞笑係，The Guardian 爆料，肥 Todd 買盤嗰陣因為發現呢單嘢，硬生生要油王俾 £150m（1.5億鎊）嘅買盤折購做預備金。即係依家罰嗰 1,000 萬鎊，根本就係油王找數，新老闆唔止毫髮無傷仲要賺到筆。
拖肥與森林角度：極致嘅大細超與搬龍門
但如果企喺拖肥同森林嘅角度，呢單嘢絕對係英超賽會神級搬龍門，委屈到想喊出嚟。
森林當年為咗將青訓 Brennan Johnson 賣靚個價，遲咗兩個月交資料，搞到果季超支 £34.5m，賽會話件事有競技利益問題 (Sporting Advantage)，扣 4 分，差啲搞到降班；拖肥亦因為超支被扣 8 分。
反觀車路士，連續 7 年用黑錢買夏薩特、大衛雷斯、韋利安、法比加斯，期間贏咗足足 8 個奬盃（包括 2 次英超）。但英超份判詞入面，竟然完全無提過車仔有競技利益問題。
所以佢哋嘅諗法唔難理解，大家都係違規，點解平民球隊違規少少就即刻扣分見血；豪門犯足 7 年法、贏晒冠軍，自首就可以交一千萬罰款了事？仲唔係香港政府式嘅搬龍門、雙重標準？
總結：曼城 115 條嘅預演？
作為車迷，我哋當然慶幸今次大步檻過。但客觀啲講，拖肥同森林嘅憤怒絕對可以理解，英超賽會把尺的確係伸長縮短。
最重要嘅係，呢單嘢其實仲未正式落幕。拖肥同森林依家正準備聯手採取法律行動，要求賽會正式交代理據，甚至隨時會提出上訴。當然，英超賽會最終接唔接納佢哋嘅抗議、會唔會有進一步嘅行動，暫時仲係另一回事。
唔少傳媒都猜測，英超賽會今次放生車仔，只係想盡快結案，費事搞大件事手尾長。但無論拖肥同森林今次爭唔爭取到翻案，呢個極具爭議嘅案例已經打開咗。大家真係擔定櫈仔繼續剝花生，睇下呢場法律風波點收科，順便等睇賽會遲啲點樣拆解曼城嗰 115 條世紀大案啦。(聽講要扣60分喎 [咬花生…])
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但呢個判決一出，即刻辣㷫咗之前因為 PSR 違規而被扣分嘅 拖肥 同 森林。據英國傳媒報道，兩間球會家陣「極度憤怒、名譽掃地」 (等等，呢個梗係咪已經無人識？)，正準備聯手採取法律行動要求賽會解釋。
雖然我係車迷，但如果單企係車迷角度X拖肥同森林，感覺又有少少偏頗，所以今次試吓企喺兩邊嘅角度講下呢單羅生門問題。
車路士角度：駛橫手係前任，我仲要主動報案兼自首
由車仔現任高層（或者車迷）嘅角度睇，免扣分好X合理，甚至應該會覺得拖肥森林係無理取鬧…
首先當然係坦白從寬。呢堆假帳係前老闆油王搞出嚟嘅。現任美國財團買盤嗰陣發現咗，第一時間就去英超、足總同 UEFA 主動自首兼報備。英超賽會都承認，無車仔配合根本入唔到罪。認罪，罰得輕係賽會嘅決定。
望下拖肥同森林點解扣分，你哋係身有屎俾人捉，自己做錯數又無上報，到賽會查核嗰陣俾人捉到正一正，性質完全唔同。
最搞笑係，The Guardian 爆料，肥 Todd 買盤嗰陣因為發現呢單嘢，硬生生要油王俾 £150m（1.5億鎊）嘅買盤折購做預備金。即係依家罰嗰 1,000 萬鎊，根本就係油王找數，新老闆唔止毫髮無傷仲要賺到筆。
拖肥與森林角度：極致嘅大細超與搬龍門
但如果企喺拖肥同森林嘅角度，呢單嘢絕對係英超賽會神級搬龍門，委屈到想喊出嚟。
森林當年為咗將青訓 Brennan Johnson 賣靚個價，遲咗兩個月交資料，搞到果季超支 £34.5m，賽會話件事有競技利益問題 (Sporting Advantage)，扣 4 分，差啲搞到降班；拖肥亦因為超支被扣 8 分。
反觀車路士，連續 7 年用黑錢買夏薩特、大衛雷斯、韋利安、法比加斯，期間贏咗足足 8 個奬盃（包括 2 次英超）。但英超份判詞入面，竟然完全無提過車仔有競技利益問題。
所以佢哋嘅諗法唔難理解，大家都係違規，點解平民球隊違規少少就即刻扣分見血；豪門犯足 7 年法、贏晒冠軍，自首就可以交一千萬罰款了事？仲唔係香港政府式嘅搬龍門、雙重標準？
總結：曼城 115 條嘅預演？
作為車迷，我哋當然慶幸今次大步檻過。但客觀啲講，拖肥同森林嘅憤怒絕對可以理解，英超賽會把尺的確係伸長縮短。
最重要嘅係，呢單嘢其實仲未正式落幕。拖肥同森林依家正準備聯手採取法律行動，要求賽會正式交代理據，甚至隨時會提出上訴。當然，英超賽會最終接唔接納佢哋嘅抗議、會唔會有進一步嘅行動，暫時仲係另一回事。
唔少傳媒都猜測，英超賽會今次放生車仔，只係想盡快結案，費事搞大件事手尾長。但無論拖肥同森林今次爭唔爭取到翻案，呢個極具爭議嘅案例已經打開咗。大家真係擔定櫈仔繼續剝花生，睇下呢場法律風波點收科，順便等睇賽會遲啲點樣拆解曼城嗰 115 條世紀大案啦。(聽講要扣60分喎 [咬花生…])
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊