阿士東維拉主場迎戰車路士，以2：1逆轉取勝，靠住馬高阿辛斯奧 (Marco Asensio) 嘅梅開二度同拉舒福特 (Marcus Rashford) 嘅兩次助攻，全取3分而且收窄左同車路士嘅積分差距。車路士雖然開賽9分鐘憑安素 (Enzo Fernández) 入球領先，但最終喺第89分鐘失守，錯失重返前四嘅機會。
比賽初段，車仔表現積極，彭馬 (Cole Palmer) 同尼圖 (Pedro Neto) 聯手主導進攻。開賽僅9分鐘，尼圖喺右路突破馬迪臣 (Ian Maatsen) 後傳中，安素門前輕鬆推射，車路士1：0領先，展現左早期嘅攻擊效率。但係，阿士東維拉隨即穩住陣腳，靠住麥堅 (John McGinn) 同泰利文斯 (Youri Tielemans) 嘅中場傳控，逐步壓縮車路士嘅空間。維拉呢邊靠屈堅斯 (Ollie Watkins) 為主隊製造多次威脅，但佐真臣 (Filip Jorgensen) 作出4次撲救，成功守住領先優勢。車路士亦有反擊機會，彭馬同尼圖聯手創造左2次大機會，但一直未能擴大比分。
半場後，阿士東維拉換入拉舒福特，場上形勢立即逆轉。第57分鐘，拉舒福特接應Cash嘅傳中，再精準傳送俾阿辛斯奧，後者近門撞射扳平1：1。比賽末段，車路士防線崩潰：第89分鐘，拉舒福特再送出關鍵傳球，阿辛斯奧禁區外起腳射門，佐真臣重大失誤俾波從身下碌入，維拉2：1反超，鎖定勝局全取3分。
賽後點評：
1) 戰術部署上，今場馬蛇起用尼圖擔任假九，目的係用速度的優勢突破維拉的防線；同時，為左應付維拉係中場的壓力，將占士放去中場同卡些度、安素組成三中場，初期的配置的確做得唔錯，甚至有效咁打亂左艾馬利的準備。當車路士進攻的時候，占士同右中堅留守作為中場最後一點的防線，透過卡些度前推半格同安素入侵禁區制造出唔錯的中路優勢。防守的時候，就由安素同彭馬做第一點掃蕩，後面幾乎係4中堅加2防中組成的6人防線。而第一個入球，就係黎自尼圖右路傳中俾安素撞入。
2) 可惜優勢就真係得咁多啦，放尼圖踢前鋒，Buildup Completion (88.4%) 雖然高，但進攻一直只能停喺禁區外，明顯缺乏終結點。
反觀維拉係失波之後，重整左自己的節奏，包括嘗試用更多的邊路攻勢挑戰彭馬同古斯度在陣的右線，Def Action Height (50.3 vs 42.2) 顯示車路士企位較前，但防守密度唔夠，特別係當維拉用邊路推進成功之後，好快就會傳去更加多空間的中路進行攻擊，Deep Entries (15 vs 12) 的數字就直接反映出維拉進入禁區的效率贏過車路士，PPDA (9.4 vs 8.0) 說明車路士壓迫力不足，俾維拉輕易推進。
3) 戰術同陣容深度的隱憂：維拉半場換人後，艾馬利嘅高位壓迫策略（PPDA 8.0、High Turnovers 5次）完全壓制咗車路士中後場，自聖誕節後車路士客場連續五場進攻效率低於xG 2.0 (對葉仔2.0，對水晶宮1.2，對曼城1.8，對白禮頓0.5，對維拉1.98)，今場再證明馬蛇嘅B計劃失蹤。
回應返我標題的講法，相比起之前的比賽，至少賽前準備的部份比之前做得好左，唔再係一上場就被動咁受壓，初段的確有見到明顯的進步。可惜的係後備席的深度決定左比賽的走向，連埋今場傷出的細查，車路士枱面上已經有7個正選級球員傷出，直接令車路士可以轉換的踢法減少，季初速度型同盤扭型兩套陣容而家變到面容扭曲，對住陣容尚算完整的維拉的確有d吃力。
個別表現：
尼圖：
新嘗試係唔錯，但始終都只係替工。
❌ 射門 (命中)：4 (2)
⭕️ 射門機會創造：6*
❌ 嘗試過人： 1 (0)
⭕️ 關鍵傳球：4*
⭕️ 接應前傳：7*
❌ 地面對抗：6 (1)
今場只睇前半的話，尼圖係我地進攻的關鍵人物。利用自己的速度去接應隊友的傳送，無論左中右都好都可以做到突破，就係呢兩個特點令尼圖係半場的前半段成為球場上的焦點。但隨住對手的調整，尼圖再無方法係對手的防線度搵到漏洞，所以下半場就由前場的接駁點轉成攻擊點，可惜實際的威脅唔大，前線的安宮古亦無好好配合到，淪為空有速度的無牙老虎。
彭馬：
任你再神都好，俾人針對性部署始終無力回天。
❌ 射門 (命中)：3 (0)
⭕️ 射門機會創造：3
❌ 嘗試過人： 3 (2)
❌ 關鍵傳球：2
⭕️ 地面對抗：6 (5*)
今場已經係連續第6場彭馬無錄得任何入球或者助攻的進帳。有趣的係，辛祖係呢個時間點已經俾人插到反艇，但仍然無人對於彭馬的低潮有意見。以今場為例，彭馬其實不乏係前線發難的機會，但相比上季同今季季初，彭馬要面對的防守人數大幅度上升左。一來盡量想收窄彭馬係禁區邊射門的角度，二來係想壓縮彭馬進入禁區後可以盤扭的空間，到目前為止，彭馬自己未搵到解決的方案，隊友亦無辦法為彭馬打破困局。
車仔係聯賽最後直路硬仗，到底彭馬會係重振旗鼓，定係一沉不起，就要睇黎緊幾場相對較輕鬆的比賽搵唔搵到比賽狀態。
安宮古：
難聽D講句，無心踢不如唔好上場。
❌ 射門 (命中)：1 (1)
❌ 射門機會創造：4
❌ 嘗試過人： 6 (2)
❌ 接應前傳：2
❌ 地面對抗：14 (7)
❌ 控失：3
❌ 失去球權：10
❌ 禁區內觸球數：3
如果係天生的不射男，好似辛祖尼圖咁，我覺得情有可原。但安宮古本身的定位就係殺手，負責最後一腳埋門，前線4個球員入面最掙扎果個偏偏係你，好難向人解釋你狀態唔好的原因。
今場比賽，整體轉成4-3-3的陣式，安宮古出任左翼鋒，好應該要有更多無球跑動同入侵禁區的次數，然而整體去計安宮古位置收得太深，完全無發揮出自己應有的實力之餘，進入進攻階段的反應速度都不足。
最簡單就係睇佢接應前傳的次數，只佔接應數的6.67%，甚至有好幾次的進攻係因為安宮古的跑動唔夠積極而浪費左進攻機會。對維拉黎講件事就簡單好多，出辛祖都仲要搵個人去攔下你，出安宮古就基本上收深防線你已經棟左係度，Mark住彭馬已經可以瓦解車路士9成的攻勢。所以話，如果過去幾場都要搵人負責，係你啦安宮古。
佐真臣：
無論你做得幾好，人類往往只會記得你出醜果刻，一個失誤足以致命。
⭕️ 撲救數：4
❌ 失球數：2
⭕️ PSxG：2.1
⭕️ G-PSxG差距：+0.1
⭕️ 中傳成功率：11 (11)
⭕️ 禁區外觸球數：30
可能好多人會聚焦係佐真臣甩手的一幕上，但撇除呢個失誤，佐真臣的表現仍然值得下場俾機會佢。其中一個原因係佐真臣今場就算失兩球，佢仍然錄得正數的撲救差距。維拉的射門後預計入球係2.1，實際只係入2球，側面印證左佐真臣係撲救方面有一定功勞。
面對阿辛斯奧的兩次射門，除左第二個射門真係自己甩手抵死之外，第一個入球的責任唔應該由龍門去負。
當然，如果黎緊幾場都有差唔多的小丑演出，都建議返球會下季用買一送一的形式賣佢地去KK園算啦。
總結：
講到尾，而家車路士的問題在於傷員過多，季初話我地人多到無位做Gym，而家就連填滿個後備List都無本事。暫時同般尼茅夫仲有曼城的積分差距唔算大，如果馬蛇真係將防線同進攻終結點問題解決，我地要爭入前4仲未絕望嘅。希望車仔的傷員盡快回歸，改善下前後的問題啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
比賽初段，車仔表現積極，彭馬 (Cole Palmer) 同尼圖 (Pedro Neto) 聯手主導進攻。開賽僅9分鐘，尼圖喺右路突破馬迪臣 (Ian Maatsen) 後傳中，安素門前輕鬆推射，車路士1：0領先，展現左早期嘅攻擊效率。但係，阿士東維拉隨即穩住陣腳，靠住麥堅 (John McGinn) 同泰利文斯 (Youri Tielemans) 嘅中場傳控，逐步壓縮車路士嘅空間。維拉呢邊靠屈堅斯 (Ollie Watkins) 為主隊製造多次威脅，但佐真臣 (Filip Jorgensen) 作出4次撲救，成功守住領先優勢。車路士亦有反擊機會，彭馬同尼圖聯手創造左2次大機會，但一直未能擴大比分。
半場後，阿士東維拉換入拉舒福特，場上形勢立即逆轉。第57分鐘，拉舒福特接應Cash嘅傳中，再精準傳送俾阿辛斯奧，後者近門撞射扳平1：1。比賽末段，車路士防線崩潰：第89分鐘，拉舒福特再送出關鍵傳球，阿辛斯奧禁區外起腳射門，佐真臣重大失誤俾波從身下碌入，維拉2：1反超，鎖定勝局全取3分。
賽後點評：
1) 戰術部署上，今場馬蛇起用尼圖擔任假九，目的係用速度的優勢突破維拉的防線；同時，為左應付維拉係中場的壓力，將占士放去中場同卡些度、安素組成三中場，初期的配置的確做得唔錯，甚至有效咁打亂左艾馬利的準備。當車路士進攻的時候，占士同右中堅留守作為中場最後一點的防線，透過卡些度前推半格同安素入侵禁區制造出唔錯的中路優勢。防守的時候，就由安素同彭馬做第一點掃蕩，後面幾乎係4中堅加2防中組成的6人防線。而第一個入球，就係黎自尼圖右路傳中俾安素撞入。
2) 可惜優勢就真係得咁多啦，放尼圖踢前鋒，Buildup Completion (88.4%) 雖然高，但進攻一直只能停喺禁區外，明顯缺乏終結點。
反觀維拉係失波之後，重整左自己的節奏，包括嘗試用更多的邊路攻勢挑戰彭馬同古斯度在陣的右線，Def Action Height (50.3 vs 42.2) 顯示車路士企位較前，但防守密度唔夠，特別係當維拉用邊路推進成功之後，好快就會傳去更加多空間的中路進行攻擊，Deep Entries (15 vs 12) 的數字就直接反映出維拉進入禁區的效率贏過車路士，PPDA (9.4 vs 8.0) 說明車路士壓迫力不足，俾維拉輕易推進。
3) 戰術同陣容深度的隱憂：維拉半場換人後，艾馬利嘅高位壓迫策略（PPDA 8.0、High Turnovers 5次）完全壓制咗車路士中後場，自聖誕節後車路士客場連續五場進攻效率低於xG 2.0 (對葉仔2.0，對水晶宮1.2，對曼城1.8，對白禮頓0.5，對維拉1.98)，今場再證明馬蛇嘅B計劃失蹤。
回應返我標題的講法，相比起之前的比賽，至少賽前準備的部份比之前做得好左，唔再係一上場就被動咁受壓，初段的確有見到明顯的進步。可惜的係後備席的深度決定左比賽的走向，連埋今場傷出的細查，車路士枱面上已經有7個正選級球員傷出，直接令車路士可以轉換的踢法減少，季初速度型同盤扭型兩套陣容而家變到面容扭曲，對住陣容尚算完整的維拉的確有d吃力。
個別表現：
尼圖：
新嘗試係唔錯，但始終都只係替工。
❌ 射門 (命中)：4 (2)
⭕️ 射門機會創造：6*
❌ 嘗試過人： 1 (0)
⭕️ 關鍵傳球：4*
⭕️ 接應前傳：7*
❌ 地面對抗：6 (1)
今場只睇前半的話，尼圖係我地進攻的關鍵人物。利用自己的速度去接應隊友的傳送，無論左中右都好都可以做到突破，就係呢兩個特點令尼圖係半場的前半段成為球場上的焦點。但隨住對手的調整，尼圖再無方法係對手的防線度搵到漏洞，所以下半場就由前場的接駁點轉成攻擊點，可惜實際的威脅唔大，前線的安宮古亦無好好配合到，淪為空有速度的無牙老虎。
彭馬：
任你再神都好，俾人針對性部署始終無力回天。
❌ 射門 (命中)：3 (0)
⭕️ 射門機會創造：3
❌ 嘗試過人： 3 (2)
❌ 關鍵傳球：2
⭕️ 地面對抗：6 (5*)
今場已經係連續第6場彭馬無錄得任何入球或者助攻的進帳。有趣的係，辛祖係呢個時間點已經俾人插到反艇，但仍然無人對於彭馬的低潮有意見。以今場為例，彭馬其實不乏係前線發難的機會，但相比上季同今季季初，彭馬要面對的防守人數大幅度上升左。一來盡量想收窄彭馬係禁區邊射門的角度，二來係想壓縮彭馬進入禁區後可以盤扭的空間，到目前為止，彭馬自己未搵到解決的方案，隊友亦無辦法為彭馬打破困局。
車仔係聯賽最後直路硬仗，到底彭馬會係重振旗鼓，定係一沉不起，就要睇黎緊幾場相對較輕鬆的比賽搵唔搵到比賽狀態。
安宮古：
難聽D講句，無心踢不如唔好上場。
❌ 射門 (命中)：1 (1)
❌ 射門機會創造：4
❌ 嘗試過人： 6 (2)
❌ 接應前傳：2
❌ 地面對抗：14 (7)
❌ 控失：3
❌ 失去球權：10
❌ 禁區內觸球數：3
如果係天生的不射男，好似辛祖尼圖咁，我覺得情有可原。但安宮古本身的定位就係殺手，負責最後一腳埋門，前線4個球員入面最掙扎果個偏偏係你，好難向人解釋你狀態唔好的原因。
今場比賽，整體轉成4-3-3的陣式，安宮古出任左翼鋒，好應該要有更多無球跑動同入侵禁區的次數，然而整體去計安宮古位置收得太深，完全無發揮出自己應有的實力之餘，進入進攻階段的反應速度都不足。
最簡單就係睇佢接應前傳的次數，只佔接應數的6.67%，甚至有好幾次的進攻係因為安宮古的跑動唔夠積極而浪費左進攻機會。對維拉黎講件事就簡單好多，出辛祖都仲要搵個人去攔下你，出安宮古就基本上收深防線你已經棟左係度，Mark住彭馬已經可以瓦解車路士9成的攻勢。所以話，如果過去幾場都要搵人負責，係你啦安宮古。
佐真臣：
無論你做得幾好，人類往往只會記得你出醜果刻，一個失誤足以致命。
⭕️ 撲救數：4
❌ 失球數：2
⭕️ PSxG：2.1
⭕️ G-PSxG差距：+0.1
⭕️ 中傳成功率：11 (11)
⭕️ 禁區外觸球數：30
可能好多人會聚焦係佐真臣甩手的一幕上，但撇除呢個失誤，佐真臣的表現仍然值得下場俾機會佢。其中一個原因係佐真臣今場就算失兩球，佢仍然錄得正數的撲救差距。維拉的射門後預計入球係2.1，實際只係入2球，側面印證左佐真臣係撲救方面有一定功勞。
面對阿辛斯奧的兩次射門，除左第二個射門真係自己甩手抵死之外，第一個入球的責任唔應該由龍門去負。
當然，如果黎緊幾場都有差唔多的小丑演出，都建議返球會下季用買一送一的形式賣佢地去KK園算啦。
總結：
講到尾，而家車路士的問題在於傷員過多，季初話我地人多到無位做Gym，而家就連填滿個後備List都無本事。暫時同般尼茅夫仲有曼城的積分差距唔算大，如果馬蛇真係將防線同進攻終結點問題解決，我地要爭入前4仲未絕望嘅。希望車仔的傷員盡快回歸，改善下前後的問題啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊