車路士喺史丹福橋嘅第 100 場歐聯比賽，原本以為係輕鬆嘅刷數據之夜，點知最後變成一場有驚無險嘅圍城之戰。
面對全隊身價得 £2,600 萬、甚至平過我哋任何一個後備嘅塞浦路斯球隊 Pafos，身價 £10 億嘅藍軍再一次向世人展示咗破密集恐懼症。全場佔盡優勢但老鼠拉龜，雖然最終憑卡些度嘅頭槌 1：0 險勝，成功升上第 8 位攞到直接晉級嘅主動權，但過程之尷尬、場面之便秘，實在令車迷難以收貨。不過，喺歐聯賽場，醜陋嘅 3 分永遠好過漂亮嘅 1 分，特別係為咗避開 2 月份嗰兩場攞命嘅附加賽，呢場勝利算係難食但有營養。
比賽簡述：死球的諷刺與傷情
比賽初段其實充滿危機。雖然車路士長時間壟斷控球，但最具威脅嘅畫面竟然來自對手。31 分鐘，帕福斯反擊，Jaja 嘅射門省中占士貼住身體嘅手臂再中柱彈出。球證無判 12 碼，我哋只能話係執身彩」。
進攻方面，安素早段有個頭槌入波被判推人食詐糊，之後就陷入漫長嘅攻堅戰。對方門將 Gorter 上晒身，連番救出卡些度同哈圖嘅必入球。半場休息時出現關鍵調動，門將佐真遜因為上半場不斷按住臀部似乎有傷，羅生保險起見換入山齊士。
換邊後雖然換入二安加強爆破，但依然久攻不下。直至 78 分鐘，喺運動戰毫無辦法之際，倫敦球會又再一次憑死球破局。尼圖開出角球，巴迪亞舒尼前柱二傳，卡些度前衝門前頂入。全場數據碾壓，但實際上係去到最後 12 分鐘先靠角球遮醜，最終全取三分。
戰術深潛
佈陣解構：羅生眼中的攻堅陣
今場羅生排出嘅 4-2-3-1，實際上係一套針對性極強嘅攻堅陣。隊長占士出任防中拍卡些度，呢個已經成為常態，目的係釋放右路嘅古斯圖大幅推前，甚至推到 10 號位同前鋒平排。進攻時，車路士嘅陣型會變成極端嘅 2-3-5 甚至 2-2-6，試圖以人數優勢壓爆對手。
不過帕福斯顯然有備而來，防守時直接切換成 5-4-1，兩層防線壓得極扁，邊路經常係「2 vs 1」甚至「3 vs 2」圍剿我哋嘅翼鋒。這導致上半場出現咗一個尷尬局面：雖然好多人塞喺前場，但空間被壓縮到接近零，正中鋒戴納更加係陷入重重包圍之中。
數據照妖鏡：91.6% Field Tilt 的虛火
數據唔會講大話，今場嘅 Field Tilt（球場傾斜度） 達到咗驚人嘅 91.6% vs 8.4%。呢組數字代表緊，比賽基本上係一場發生喺帕福斯半場嘅攻防練習，車路士將對手撳喺地上摩擦。但車仔雖然擁有 71% 控球率同 13 次 Deep Entries，可惜 Open Play xG 其實偏低。證明咗車路士嘅優勢係虛火：有控球、無威脅。面對對手擺明車馬嘅死守，我哋嘅傳控變成咗無效嘅 U 型傳送。所以場面睇落去咁壓倒性，但球迷依然睇到便秘咁辛苦。
彭馬依賴症：缺乏「上帝視角」的代價
半場休息時，我估羅生個腦入面應該好掛住彭馬。面對 10 人退守禁區嘅大巴陣，車路士缺嘅唔係突破能力，而係彭馬嗰種上帝視角。
現有陣容中，無論係尼圖、安素定係加拿祖，都係傾向自己舞或者做單對單配合，缺乏彭馬嗰種一下傳球打穿兩層防線嘅判斷力(雖然，今季有傷在身嘅彭馬其實都有少少弱咗)。無咗彭馬做開鎖佬，球隊只能夠靠最原始嘅方法：堆人數。
羅生嘗試推前防線去強攻，但欠缺咗嗰一下靈光一閃嘅致命傳送，進攻往往去到最後 30 碼就斷纜。呢場比賽再次印證：有無彭馬，車路士係兩隊波。
羅生的進取：右路 Overload 與換人哲學
雖然進攻便秘，但必須讚下羅生係換人同調動上，的確比馬蛇更進取。眼見中路被帕福斯嘅 5-4-1 陣式塞死，羅生並無盲目繼續傳中，而係選擇推前防線，製造極端嘅右路 Overload。下半場一度出現安素、尼圖、古斯圖加上後備入替嘅二安，4 個人同時迫爆右路嘅畫面。
既然對方用人多守你，羅生就用更多嘅人去攻你。呢種用人數鬥人數嘅踢法，雖然最終都係攻唔入（要去到死球先得），但起碼展示咗羅生打破僵局嘅決心，唔會好似以前咁由得場波悶和。
二安 vs 戴納：爆破與隱形的極端
數據顯示咗兩種截然不同嘅攻堅效果。正選嘅戴納今場變咗隱形人，面對帕福斯呢種縮喺禁區嘅踢法，佢完全無位跑身後，陣地戰技術粗糙嘅弱點表露無遺，全場觸球極少。
相反，二安嘅入替雖然無入波，但成為全場焦點。數據顯示，車路士下半場嘅過人次數由上半場嘅 5 次激增至 11 次，大部份都係來自佢。面對密集防守，傳波傳唔入，唯有靠個人能力硬爆。二安嗰種喺狹小空間嘅爆破能力，係今場唯一能令帕福斯後防恐慌嘅武器。呢場比賽清楚話畀大家知：破密集，要靠技術型球員，唔係靠蠻力。
極致的前場壓迫：PPDA 7.4 的雙面刃
至少車仔點解可以做到 91% 嘅 Field Tilt？因為羅生要車路士執行咗極致嘅反搶。數據顯示 PPDA低至 7.4，防守高度壓到去 57.2。即係話一失波，成隊波就喺對方半場搶返，令帕福斯完全無法反擊。不過呢種壓迫同時係雙面刃。帕福斯全場唯一一次反擊（Jaja 射中柱），就係打穿咗呢條 High Line。
面對帕福斯尚可，但如果下場對住拿玻里壓到咁高，隨時被人一劍封喉。今場嘅統治力，某程度上係建立喺對手反擊能力弱之上。
總結：打大魔王前的最後試煉
1：0，贏得肉酸，但 3 分落袋。勝仗最大嘅價值，係令車路士鎖定咗前 24 名，甚至掌握咗直接晉級 16 強嘅主動權。如果下場能夠喺拿玻里身上全取 3 分，我哋就可以避開 2 月份嗰兩場攞命嘅附加賽，變相送多兩個星期嘅練波時間畀羅生。
不過，今晚嘅表現只能夠話係僅僅合格。面對帕福斯尚且攻得咁辛苦，後防壓得咁高都差啲出事；下場去到拿玻里嘅地獄主場，面對由干地帶領、急需贏波出線背水一戰嘅球隊，如果繼續保持虛火嘅統治力，隨時會被對手反殺。
今場嘅勝仗係一支強心針，定係掩飾問題嘅遮醜布？下星期面對超級大魔王，就係見真章嘅時候。今晚，大家可以暫時鬆一口氣，但千祈唔好覺得問題已經解決。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
面對全隊身價得 £2,600 萬、甚至平過我哋任何一個後備嘅塞浦路斯球隊 Pafos，身價 £10 億嘅藍軍再一次向世人展示咗破密集恐懼症。全場佔盡優勢但老鼠拉龜，雖然最終憑卡些度嘅頭槌 1：0 險勝，成功升上第 8 位攞到直接晉級嘅主動權，但過程之尷尬、場面之便秘，實在令車迷難以收貨。不過，喺歐聯賽場，醜陋嘅 3 分永遠好過漂亮嘅 1 分，特別係為咗避開 2 月份嗰兩場攞命嘅附加賽，呢場勝利算係難食但有營養。
比賽簡述：死球的諷刺與傷情
比賽初段其實充滿危機。雖然車路士長時間壟斷控球，但最具威脅嘅畫面竟然來自對手。31 分鐘，帕福斯反擊，Jaja 嘅射門省中占士貼住身體嘅手臂再中柱彈出。球證無判 12 碼，我哋只能話係執身彩」。
進攻方面，安素早段有個頭槌入波被判推人食詐糊，之後就陷入漫長嘅攻堅戰。對方門將 Gorter 上晒身，連番救出卡些度同哈圖嘅必入球。半場休息時出現關鍵調動，門將佐真遜因為上半場不斷按住臀部似乎有傷，羅生保險起見換入山齊士。
換邊後雖然換入二安加強爆破，但依然久攻不下。直至 78 分鐘，喺運動戰毫無辦法之際，倫敦球會又再一次憑死球破局。尼圖開出角球，巴迪亞舒尼前柱二傳，卡些度前衝門前頂入。全場數據碾壓，但實際上係去到最後 12 分鐘先靠角球遮醜，最終全取三分。
戰術深潛
佈陣解構：羅生眼中的攻堅陣
今場羅生排出嘅 4-2-3-1，實際上係一套針對性極強嘅攻堅陣。隊長占士出任防中拍卡些度，呢個已經成為常態，目的係釋放右路嘅古斯圖大幅推前，甚至推到 10 號位同前鋒平排。進攻時，車路士嘅陣型會變成極端嘅 2-3-5 甚至 2-2-6，試圖以人數優勢壓爆對手。
不過帕福斯顯然有備而來，防守時直接切換成 5-4-1，兩層防線壓得極扁，邊路經常係「2 vs 1」甚至「3 vs 2」圍剿我哋嘅翼鋒。這導致上半場出現咗一個尷尬局面：雖然好多人塞喺前場，但空間被壓縮到接近零，正中鋒戴納更加係陷入重重包圍之中。
數據照妖鏡：91.6% Field Tilt 的虛火
數據唔會講大話，今場嘅 Field Tilt（球場傾斜度） 達到咗驚人嘅 91.6% vs 8.4%。呢組數字代表緊，比賽基本上係一場發生喺帕福斯半場嘅攻防練習，車路士將對手撳喺地上摩擦。但車仔雖然擁有 71% 控球率同 13 次 Deep Entries，可惜 Open Play xG 其實偏低。證明咗車路士嘅優勢係虛火：有控球、無威脅。面對對手擺明車馬嘅死守，我哋嘅傳控變成咗無效嘅 U 型傳送。所以場面睇落去咁壓倒性，但球迷依然睇到便秘咁辛苦。
彭馬依賴症：缺乏「上帝視角」的代價
半場休息時，我估羅生個腦入面應該好掛住彭馬。面對 10 人退守禁區嘅大巴陣，車路士缺嘅唔係突破能力，而係彭馬嗰種上帝視角。
現有陣容中，無論係尼圖、安素定係加拿祖，都係傾向自己舞或者做單對單配合，缺乏彭馬嗰種一下傳球打穿兩層防線嘅判斷力(雖然，今季有傷在身嘅彭馬其實都有少少弱咗)。無咗彭馬做開鎖佬，球隊只能夠靠最原始嘅方法：堆人數。
羅生嘗試推前防線去強攻，但欠缺咗嗰一下靈光一閃嘅致命傳送，進攻往往去到最後 30 碼就斷纜。呢場比賽再次印證：有無彭馬，車路士係兩隊波。
羅生的進取：右路 Overload 與換人哲學
雖然進攻便秘，但必須讚下羅生係換人同調動上，的確比馬蛇更進取。眼見中路被帕福斯嘅 5-4-1 陣式塞死，羅生並無盲目繼續傳中，而係選擇推前防線，製造極端嘅右路 Overload。下半場一度出現安素、尼圖、古斯圖加上後備入替嘅二安，4 個人同時迫爆右路嘅畫面。
既然對方用人多守你，羅生就用更多嘅人去攻你。呢種用人數鬥人數嘅踢法，雖然最終都係攻唔入（要去到死球先得），但起碼展示咗羅生打破僵局嘅決心，唔會好似以前咁由得場波悶和。
二安 vs 戴納：爆破與隱形的極端
數據顯示咗兩種截然不同嘅攻堅效果。正選嘅戴納今場變咗隱形人，面對帕福斯呢種縮喺禁區嘅踢法，佢完全無位跑身後，陣地戰技術粗糙嘅弱點表露無遺，全場觸球極少。
相反，二安嘅入替雖然無入波，但成為全場焦點。數據顯示，車路士下半場嘅過人次數由上半場嘅 5 次激增至 11 次，大部份都係來自佢。面對密集防守，傳波傳唔入，唯有靠個人能力硬爆。二安嗰種喺狹小空間嘅爆破能力，係今場唯一能令帕福斯後防恐慌嘅武器。呢場比賽清楚話畀大家知：破密集，要靠技術型球員，唔係靠蠻力。
極致的前場壓迫：PPDA 7.4 的雙面刃
至少車仔點解可以做到 91% 嘅 Field Tilt？因為羅生要車路士執行咗極致嘅反搶。數據顯示 PPDA低至 7.4，防守高度壓到去 57.2。即係話一失波，成隊波就喺對方半場搶返，令帕福斯完全無法反擊。不過呢種壓迫同時係雙面刃。帕福斯全場唯一一次反擊（Jaja 射中柱），就係打穿咗呢條 High Line。
面對帕福斯尚可，但如果下場對住拿玻里壓到咁高，隨時被人一劍封喉。今場嘅統治力，某程度上係建立喺對手反擊能力弱之上。
總結：打大魔王前的最後試煉
1：0，贏得肉酸，但 3 分落袋。勝仗最大嘅價值，係令車路士鎖定咗前 24 名，甚至掌握咗直接晉級 16 強嘅主動權。如果下場能夠喺拿玻里身上全取 3 分，我哋就可以避開 2 月份嗰兩場攞命嘅附加賽，變相送多兩個星期嘅練波時間畀羅生。
不過，今晚嘅表現只能夠話係僅僅合格。面對帕福斯尚且攻得咁辛苦，後防壓得咁高都差啲出事；下場去到拿玻里嘅地獄主場，面對由干地帶領、急需贏波出線背水一戰嘅球隊，如果繼續保持虛火嘅統治力，隨時會被對手反殺。
今場嘅勝仗係一支強心針，定係掩飾問題嘅遮醜布？下星期面對超級大魔王，就係見真章嘅時候。今晚，大家可以暫時鬆一口氣，但千祈唔好覺得問題已經解決。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊