FA Cup第三圈，車路士主場以5:0大炒英乙榜尾的摩甘比，復出的占士帶領球隊晉級下輪比賽。
馬利斯卡今場輪換陣容，彭馬、安素同積臣都坐後備，卡些度同馬杜基則未有入選名單，18歲的泰基 佐治 (Tyrique George) 獲得正選機會。同時，占士 (Reece James) 同拉維亞 (Romeo Lavia) 傷癒復出。
車路士喺第14分鐘差啲打破僵局，尼圖的傳中俾阿迪拉比奧尤頂中楣。三分鐘後，松高奧 (Yann Songo'o) 手球犯規，可惜安官古12碼俾門將寶高尼 (Harry Burgoyne) 救出。
第39分鐘，阿迪拉比奧尤禁區頂起腳，個波射中對手鍾斯 (Callum Jones) 改變方向入網，1:0。
下半場換入古古尼亞換走拉維亞之後，安官古喺50分鐘，接應費加 (Renato Veiga) 被撲出的回力波建功，2:0。
70分鐘，佐治傳波俾阿迪拉比奧尤，後者25碼外施射破網，完成個人梅開二度，3:0。
隨後菲歷斯 (João Félix) 接連建功，先係禁區頂窄角度射入成4:0，之後再以一記外彎波為車路士錦上添花，5:0。
值得一提嘅係，摩甘比到尾段都有一次機會，馬卡丹 (Harvey Macadam) 頭槌攻門，幸好迪西施 (Axel Disasi) 及時門線解圍。呢場比賽結束車路士四場不勝同時亦係自12月以黎第三次「零失」。
戰術＆數據：
1) 如果就比賽結果去睇的話，可能會覺得車路士贏得順理成章。但如果分拆成上下兩半去睇的話，上半場的車路士可以話係毫無可取之處。需要明白的係，對手係英乙24隊入面排23位的摩甘比，車路士一個球員的身價幾乎可以買到對面全隊，但係喺首30分鐘竟然可以同對手踢得不相伯仲，的確令人擔憂。
2) 上半場球隊以80.2%的控球率完全控制比賽，但攻擊效率低得驚人，15次射門當中只有3次命中目標，多少反映出現時AB隊遇上同密集死守球隊時有啞火的問題。中場同前鋒之間的連結唔夠緊密，球員無積極跑動，兩閘盲目後上但無同翼鋒配合等等，呢幾個問題造成車路士的困境。
3) 結果打破困境就係來自阿迪拉比奧尤的折射入球，亦因為呢個入球，令對手摩甘比唔可以再死守係自己半場，改變左下半場的戰況，加上半場的調動，馬蛇係下半場可以話係完全控制比賽。
4) 進入下半場，車路士換走兩個傷癒復出的球員，占士同拉維亞分別以古斯度同古古尼亞入替，左閘維加轉為防中，古古尼亞係左路為球隊帶來更大的威脅，用辛祖換走右路的尼圖，辛祖係右路的無球跑動為中路隊友拉扯出左更多的空間，入替的半場已經造出全隊最高的5次嘗試過人有4次成功，比踢足全場的佐治仲要多一次。最後正正就係呢古古尼亞同辛祖兩位瓦解左對手的防線，俾機會其他隊友入波。
個別表現：
占士：
人無事咪好囉，無事先做到世界冠軍架嘛。
⭕️ 傳中波：8 (4)
⭕️ 關鍵傳球：3⭕️ 地面對抗：3 (2)
⭕️ 空中爭頂：2 (2)
如果話車路士上半場有咩亮點，我會揀占士。同左路古古的情況類似，如果車路士係進攻的時候想要更加流暢，就需要有閘位球員更大膽地接近禁區提供出球點或者係入侵禁區。就算失左球權，都仲有另一邊閘同防中去包底，馬利斯卡的戰術理應如此。
但係古斯度做得一半，未做到另一半，可以做到防守的部份就做唔到進攻的部份；反觀占士，今場係攻守兩端的處理都唔錯，半場比賽都提供左好多次k角位的高波。呢d就係占士就算傷出，車路士仍然會視佢為正選的原因。
當然，考慮到今場比賽的強度唔高，久未踏上賽場的占士仍然要時間去恢復比賽的感覺。相信繼續持之以恆的話占士係有機會同TAA爭下英格蘭右閘的正選位置ge。
泰基佐治：
一場就話你知佢未夠成熟；上半場的不順，至少有一半係來自佐治。
⭕️ 助攻：2
⭕️ 關鍵傳球：5
⭕️ 地面對抗：7 (3)
⭕️ 嘗試過人：5 (3)
❌ 傳中波：5 (1)
❌ 射門數：1 (0)
❌ 失去球權：16*
睇數字，佐治俾左兩個助攻出黎的確係幾叻仔，可惜的係，兩個助攻都係下半場碾壓左對手之後先造出。
本身係左路，佐治的工作更多係集中於入侵禁區同提供機會俾中路球員，所以你會不停咁見到佐治係左路盤扭，入禁區之後傳中；現實就係，佐治傳中的力度同判斷都唔夠好，5次傳中只有1次成功搵到隊友，自己埋禁區亦無成功搵到起腳的機會，甚至多次錯過左同古爾配合的機會，全場16次失去球權為全隊之冠。
對手唔強，本來就應該要有更好的表現，但今場的數據就反映出佐治仲未成熟到可以擔任後備。
安宮古：
迷失的射手，你想要正選就必須要做更多。
❌ 上半場觸球數：22
❌ 射門數：5 (2)
❌ 地面對抗：3 (1)
❌ 錯失機會：2
❌ 嘗試過人：0 (0)
❌ 失去球權：7
係季初的時候，馬蛇曾經想用安宮古去打9號，希望安宮古可以利用佢的把握力同窄位控球的技術破解對手的密集。但係安宮古越踢越沉，今場就由正中鋒位置調後去攻中，希望佢可以係傳同射兩邊都提供到威脅，同時配合正中鋒同另一名攻中。
但如果明顯未如馬蛇的發展，先係射失左12碼，跑動未能打破密集的防守，亦無搵到機會去同菲歷斯或者古爾配合，古爾係上半場的觸球數甚至低至個位數，其中一個原因就係安宮古的不順。 (當然仲有菲歷斯的強控球慾仲有尼圖右路發揮唔穩兩個原因。)
就算下半場有入波，仍然未能改寫安宮古係今場比賽中的不運。而家的車路士係以實力講說話，同位置你既贏唔到積臣，亦無可能可以壓得過彭馬，係唔係離隊先係佢唯一的選擇呢…？
總結：
寫的時候，其實有猶豫過要唔要著墨於阿達拉比奧尤身上，不過對陣英乙僅僅一次的神勇表現，暫時未能說服到我。經歷左4場不勝的比賽，車路士迎來久違的勝仗，比賽過程比想像中要來得辛苦，唔似曼城利物浦來得輕鬆。
球員想要更多上陣時間，球隊想換血，種種的事係轉會窗時期不停傳出消息。希望車路士可以盡快由低潮重整心態，今季繼續以獎盃同前四為目標努力一下。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
馬利斯卡今場輪換陣容，彭馬、安素同積臣都坐後備，卡些度同馬杜基則未有入選名單，18歲的泰基 佐治 (Tyrique George) 獲得正選機會。同時，占士 (Reece James) 同拉維亞 (Romeo Lavia) 傷癒復出。
車路士喺第14分鐘差啲打破僵局，尼圖的傳中俾阿迪拉比奧尤頂中楣。三分鐘後，松高奧 (Yann Songo'o) 手球犯規，可惜安官古12碼俾門將寶高尼 (Harry Burgoyne) 救出。
第39分鐘，阿迪拉比奧尤禁區頂起腳，個波射中對手鍾斯 (Callum Jones) 改變方向入網，1:0。
下半場換入古古尼亞換走拉維亞之後，安官古喺50分鐘，接應費加 (Renato Veiga) 被撲出的回力波建功，2:0。
70分鐘，佐治傳波俾阿迪拉比奧尤，後者25碼外施射破網，完成個人梅開二度，3:0。
隨後菲歷斯 (João Félix) 接連建功，先係禁區頂窄角度射入成4:0，之後再以一記外彎波為車路士錦上添花，5:0。
值得一提嘅係，摩甘比到尾段都有一次機會，馬卡丹 (Harvey Macadam) 頭槌攻門，幸好迪西施 (Axel Disasi) 及時門線解圍。呢場比賽結束車路士四場不勝同時亦係自12月以黎第三次「零失」。
戰術＆數據：
1) 如果就比賽結果去睇的話，可能會覺得車路士贏得順理成章。但如果分拆成上下兩半去睇的話，上半場的車路士可以話係毫無可取之處。需要明白的係，對手係英乙24隊入面排23位的摩甘比，車路士一個球員的身價幾乎可以買到對面全隊，但係喺首30分鐘竟然可以同對手踢得不相伯仲，的確令人擔憂。
2) 上半場球隊以80.2%的控球率完全控制比賽，但攻擊效率低得驚人，15次射門當中只有3次命中目標，多少反映出現時AB隊遇上同密集死守球隊時有啞火的問題。中場同前鋒之間的連結唔夠緊密，球員無積極跑動，兩閘盲目後上但無同翼鋒配合等等，呢幾個問題造成車路士的困境。
3) 結果打破困境就係來自阿迪拉比奧尤的折射入球，亦因為呢個入球，令對手摩甘比唔可以再死守係自己半場，改變左下半場的戰況，加上半場的調動，馬蛇係下半場可以話係完全控制比賽。
4) 進入下半場，車路士換走兩個傷癒復出的球員，占士同拉維亞分別以古斯度同古古尼亞入替，左閘維加轉為防中，古古尼亞係左路為球隊帶來更大的威脅，用辛祖換走右路的尼圖，辛祖係右路的無球跑動為中路隊友拉扯出左更多的空間，入替的半場已經造出全隊最高的5次嘗試過人有4次成功，比踢足全場的佐治仲要多一次。最後正正就係呢古古尼亞同辛祖兩位瓦解左對手的防線，俾機會其他隊友入波。
個別表現：
占士：
人無事咪好囉，無事先做到世界冠軍架嘛。
⭕️ 傳中波：8 (4)
⭕️ 關鍵傳球：3⭕️ 地面對抗：3 (2)
⭕️ 空中爭頂：2 (2)
如果話車路士上半場有咩亮點，我會揀占士。同左路古古的情況類似，如果車路士係進攻的時候想要更加流暢，就需要有閘位球員更大膽地接近禁區提供出球點或者係入侵禁區。就算失左球權，都仲有另一邊閘同防中去包底，馬利斯卡的戰術理應如此。
但係古斯度做得一半，未做到另一半，可以做到防守的部份就做唔到進攻的部份；反觀占士，今場係攻守兩端的處理都唔錯，半場比賽都提供左好多次k角位的高波。呢d就係占士就算傷出，車路士仍然會視佢為正選的原因。
當然，考慮到今場比賽的強度唔高，久未踏上賽場的占士仍然要時間去恢復比賽的感覺。相信繼續持之以恆的話占士係有機會同TAA爭下英格蘭右閘的正選位置ge。
泰基佐治：
一場就話你知佢未夠成熟；上半場的不順，至少有一半係來自佐治。
⭕️ 助攻：2
⭕️ 關鍵傳球：5
⭕️ 地面對抗：7 (3)
⭕️ 嘗試過人：5 (3)
❌ 傳中波：5 (1)
❌ 射門數：1 (0)
❌ 失去球權：16*
睇數字，佐治俾左兩個助攻出黎的確係幾叻仔，可惜的係，兩個助攻都係下半場碾壓左對手之後先造出。
本身係左路，佐治的工作更多係集中於入侵禁區同提供機會俾中路球員，所以你會不停咁見到佐治係左路盤扭，入禁區之後傳中；現實就係，佐治傳中的力度同判斷都唔夠好，5次傳中只有1次成功搵到隊友，自己埋禁區亦無成功搵到起腳的機會，甚至多次錯過左同古爾配合的機會，全場16次失去球權為全隊之冠。
對手唔強，本來就應該要有更好的表現，但今場的數據就反映出佐治仲未成熟到可以擔任後備。
安宮古：
迷失的射手，你想要正選就必須要做更多。
❌ 上半場觸球數：22
❌ 射門數：5 (2)
❌ 地面對抗：3 (1)
❌ 錯失機會：2
❌ 嘗試過人：0 (0)
❌ 失去球權：7
係季初的時候，馬蛇曾經想用安宮古去打9號，希望安宮古可以利用佢的把握力同窄位控球的技術破解對手的密集。但係安宮古越踢越沉，今場就由正中鋒位置調後去攻中，希望佢可以係傳同射兩邊都提供到威脅，同時配合正中鋒同另一名攻中。
但如果明顯未如馬蛇的發展，先係射失左12碼，跑動未能打破密集的防守，亦無搵到機會去同菲歷斯或者古爾配合，古爾係上半場的觸球數甚至低至個位數，其中一個原因就係安宮古的不順。 (當然仲有菲歷斯的強控球慾仲有尼圖右路發揮唔穩兩個原因。)
就算下半場有入波，仍然未能改寫安宮古係今場比賽中的不運。而家的車路士係以實力講說話，同位置你既贏唔到積臣，亦無可能可以壓得過彭馬，係唔係離隊先係佢唯一的選擇呢…？
總結：
寫的時候，其實有猶豫過要唔要著墨於阿達拉比奧尤身上，不過對陣英乙僅僅一次的神勇表現，暫時未能說服到我。經歷左4場不勝的比賽，車路士迎來久違的勝仗，比賽過程比想像中要來得辛苦，唔似曼城利物浦來得輕鬆。
球員想要更多上陣時間，球隊想換血，種種的事係轉會窗時期不停傳出消息。希望車路士可以盡快由低潮重整心態，今季繼續以獎盃同前四為目標努力一下。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊