第11輪英超比賽，重頭戲當然係…雲尼斯達萊最後一場領軍的比賽啦(好似係) 不過係曼聯的比賽之後，正好接上車路士對阿仙奴的比賽，勉為其難就睇埋佢。
毫不意外地主場的車路士先落後一球，但係居然由尼圖係禁區外遠射得手追和，最後兩隊1：1平手和氣收場。
戰術＆數據：
主隊 vs 客隊
預計入球：1.3 vs 1.0
射門創造：32 vs 19
射門：17 (3) vs 12 (3)傳球：443 (373) vs 476 (399)
防守次數：25 vs 19
地面對抗：69 (37) vs 69 (32)
賽前馬蛇同達子不斷放風聲話自己的人傷，前者又話彭馬出唔出得成疑，後者又話懷斯腳指骨折沙卡跛腳等等，結果大團圓結局全部突然遇上神醫復出。(希望兩隊倫敦球隊可以介紹班醫生俾曼城同皇馬的人認識下)
比較意外的係車路士無揀占士做正選而用返古古尼亞打左閘配古斯度右閘，睇落係對阿仙奴的右路沙卡有所防範而做出的變動。實際的數據都反映出馬蛇的諗法成功，呢部份留係個人數據再詳講。
今場比較有趣的係兩邊領隊的戰術配置。馬蛇理解到阿仙奴會限制車路士進入禁區，所以明顯咁指示球隊將射門距離拉長，過去10場英超比賽，車路士平均射門距離係禁區內的16.4碼，今場17個射門就有12次係禁區外，收死對面果腳都係靠尼圖的遠射得手，禁區外的起腳次數咁多，但係xG仍然可以貼到對手，證明攻擊係有效。
封鎖左彭馬，車路士的重心轉移左去卡些度身上，決定性的射門多數亦係由卡些度而唔係彭馬做策動，馬蛇呢個決定亦間接造就安素果一球助攻。數據上都反映出兩隊的戰況相約，阿仙奴的攻勢比車路士少，但係銳利程度較高，相比之下，車路士就五月雨式咁灑，但求打中就算。
達子係戰術上都好似摸透左馬蛇的套路一樣，多次利用古斯度內切去中場的時候的空檔，大腳由右邊傳去左邊的Half Space做突破，而車路士呢個問題由熱身賽對住皇馬就一直未有搵到解決的方法，暫時折衷的辦法就只有調動卡些度去補右閘的空位，今場都有見到唔少次卡些度對住馬天尼利的畫面。
比賽的尾段，馬蛇都有嘗試換入防守同經驗都較好的占士入黎試圖限制對手係邊路的發揮。不過仍然阻止唔到阿仙奴尾段係車路士禁區的攻勢，好彩最後因為幾位都把握唔到先平手而回。
個別表現：
尼圖：
尼圖真係一個好神奇的球員黎，今場如果無左佢，相信呢場車路士好難可以執返一分走。
⭕️ 預計助攻：0.5*
⭕️ 射門機會創造：4
⭕️ 地面對抗：6 (3)
❌ 嘗試過人：0 (0)
⭕️ 接收前傳：11*⭕️ 進入Final Third：4*
尼圖係前場係最活躍的一位，運用速度同大範圍的跑動去為隊友製造傳送點，面對住阿仙奴的守將尼圖雖然無搵到突破的空間(0次嘗試過人)，但相對於自己突破，佢今場製造的射門機會4次反而超越彭馬。入果一球亦係佢唯一一次中龍的射門，xG唔高偏偏就有角度有速度。今場最佳球員佢的確當之無愧。
卡些度：
如果早幾場，車路士無左彭馬就什麼也不是的話，我敢講一句，而家的車路士無左卡些度就什麼也不是。
⭕️ 地面對抗：8 (4)
⭕️ 防守動作：7
⭕️ 奪回球權：8*⭕️ 射門機會創造：6
⭕️ 進入Final Third：7*
⭕️ 中傳：25 (25)*
卡些度作為防中，唔止我上文講過的補古斯度空位，甚至係連接前後場都發揮左好大的作用。卡些度就完美咁兼任左本來應該係安素的工作，包括係中後場控制節奏同傳送。今場當彭馬俾對手嚴密看守，卡些度就負起左部份進攻組織的責任，雖然無入球同助攻進帳，但各項數字都話左俾大家聽卡些度有幾好。
古古尼亞：
如果話卡些度係中場的靈魂，咁今場古古尼亞應該就係邊線的神。而佢神在，唔係睇佢本人的數據去證明佢勁。
沙卡今場數據：❌ 失去控球：5
❌ 射門 (命中)：2 (0)
❌ 傳入禁區：0
❌ 長傳：3 (0)
❌ 射門機會創造：2
⭕️ 嘗試過人：6 (2)
係數據的眼中，沙卡本來就唔係過人好叻的球員，特點反而係射門同傳送。但今場古古尼亞成功咁限制左沙卡係右路的發揮，成功令沙卡今場的表現差過佢的平均數。當然，可能部份原因係沙卡自己有傷在身，但仍然無阻古古尼亞係左路的防守功力。
科芬拿：
相信好多人無留意佢 - 除左佢派膠果時。不過科芬拿其實係越踢越好。
⭕️ 清波：7*
⭕️ 射門擋阻：1
⭕️ 地面對抗：2 (2)
⭕️ 搶回控球：5
⭕️ 嘗試過人：2 (1)
⭕️ 帶波前進距離：151碼
⭕️ 預計入球：0.4
今場比賽，科芬拿出任較前位置的中堅，身後有高維爾包位，佢比之前更加大膽去嘗試帶波前進。位置上靠近卡些度，幫卡些度遮線俾左隊友做壓迫的空間，雖然科芬拿唔係實際去搶斷的人，但係佢的觸覺尚算敏銳好幾次都及時回後清走個波減少威脅。而家隊中的一對中堅分工明顯，如果可以增加默契減少自爆的話，車路士可能可以係下半季追貼第二名少少。
山齊士：
又又又又係你山齊士。
❌ 預計入球撲救：-0.22
❌ 撲救數：2
❌ 長傳：15 (3)
大哥，你封近柱封好少少得唔得？隊友已經派膠走漏晒近柱的沙卡同馬天利尼，馬天利尼選擇射門近柱，失波就會變成你的責任。
甚至我唔講撲救的問題，山齊士的長傳成功率偏低都影響左前場的發揮，馬蛇如果將來俾人炒，我覺得山齊士都要一齊上路先公平。
總結：
出面有阿迷話球證執法不公，但至少數據上兩隊好接近，各自都有必入球射失，1：1打和算係合理的賽果。車路士面對住上季的亞軍都唔算踢得太樣衰，等下回合再分勝負！
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
毫不意外地主場的車路士先落後一球，但係居然由尼圖係禁區外遠射得手追和，最後兩隊1：1平手和氣收場。
戰術＆數據：
主隊 vs 客隊
預計入球：1.3 vs 1.0
射門創造：32 vs 19
射門：17 (3) vs 12 (3)傳球：443 (373) vs 476 (399)
防守次數：25 vs 19
地面對抗：69 (37) vs 69 (32)
賽前馬蛇同達子不斷放風聲話自己的人傷，前者又話彭馬出唔出得成疑，後者又話懷斯腳指骨折沙卡跛腳等等，結果大團圓結局全部突然遇上神醫復出。(希望兩隊倫敦球隊可以介紹班醫生俾曼城同皇馬的人認識下)
比較意外的係車路士無揀占士做正選而用返古古尼亞打左閘配古斯度右閘，睇落係對阿仙奴的右路沙卡有所防範而做出的變動。實際的數據都反映出馬蛇的諗法成功，呢部份留係個人數據再詳講。
今場比較有趣的係兩邊領隊的戰術配置。馬蛇理解到阿仙奴會限制車路士進入禁區，所以明顯咁指示球隊將射門距離拉長，過去10場英超比賽，車路士平均射門距離係禁區內的16.4碼，今場17個射門就有12次係禁區外，收死對面果腳都係靠尼圖的遠射得手，禁區外的起腳次數咁多，但係xG仍然可以貼到對手，證明攻擊係有效。
封鎖左彭馬，車路士的重心轉移左去卡些度身上，決定性的射門多數亦係由卡些度而唔係彭馬做策動，馬蛇呢個決定亦間接造就安素果一球助攻。數據上都反映出兩隊的戰況相約，阿仙奴的攻勢比車路士少，但係銳利程度較高，相比之下，車路士就五月雨式咁灑，但求打中就算。
達子係戰術上都好似摸透左馬蛇的套路一樣，多次利用古斯度內切去中場的時候的空檔，大腳由右邊傳去左邊的Half Space做突破，而車路士呢個問題由熱身賽對住皇馬就一直未有搵到解決的方法，暫時折衷的辦法就只有調動卡些度去補右閘的空位，今場都有見到唔少次卡些度對住馬天尼利的畫面。
比賽的尾段，馬蛇都有嘗試換入防守同經驗都較好的占士入黎試圖限制對手係邊路的發揮。不過仍然阻止唔到阿仙奴尾段係車路士禁區的攻勢，好彩最後因為幾位都把握唔到先平手而回。
個別表現：
尼圖：
尼圖真係一個好神奇的球員黎，今場如果無左佢，相信呢場車路士好難可以執返一分走。
⭕️ 預計助攻：0.5*
⭕️ 射門機會創造：4
⭕️ 地面對抗：6 (3)
❌ 嘗試過人：0 (0)
⭕️ 接收前傳：11*⭕️ 進入Final Third：4*
尼圖係前場係最活躍的一位，運用速度同大範圍的跑動去為隊友製造傳送點，面對住阿仙奴的守將尼圖雖然無搵到突破的空間(0次嘗試過人)，但相對於自己突破，佢今場製造的射門機會4次反而超越彭馬。入果一球亦係佢唯一一次中龍的射門，xG唔高偏偏就有角度有速度。今場最佳球員佢的確當之無愧。
卡些度：
如果早幾場，車路士無左彭馬就什麼也不是的話，我敢講一句，而家的車路士無左卡些度就什麼也不是。
⭕️ 地面對抗：8 (4)
⭕️ 防守動作：7
⭕️ 奪回球權：8*⭕️ 射門機會創造：6
⭕️ 進入Final Third：7*
⭕️ 中傳：25 (25)*
卡些度作為防中，唔止我上文講過的補古斯度空位，甚至係連接前後場都發揮左好大的作用。卡些度就完美咁兼任左本來應該係安素的工作，包括係中後場控制節奏同傳送。今場當彭馬俾對手嚴密看守，卡些度就負起左部份進攻組織的責任，雖然無入球同助攻進帳，但各項數字都話左俾大家聽卡些度有幾好。
古古尼亞：
如果話卡些度係中場的靈魂，咁今場古古尼亞應該就係邊線的神。而佢神在，唔係睇佢本人的數據去證明佢勁。
沙卡今場數據：❌ 失去控球：5
❌ 射門 (命中)：2 (0)
❌ 傳入禁區：0
❌ 長傳：3 (0)
❌ 射門機會創造：2
⭕️ 嘗試過人：6 (2)
係數據的眼中，沙卡本來就唔係過人好叻的球員，特點反而係射門同傳送。但今場古古尼亞成功咁限制左沙卡係右路的發揮，成功令沙卡今場的表現差過佢的平均數。當然，可能部份原因係沙卡自己有傷在身，但仍然無阻古古尼亞係左路的防守功力。
科芬拿：
相信好多人無留意佢 - 除左佢派膠果時。不過科芬拿其實係越踢越好。
⭕️ 清波：7*
⭕️ 射門擋阻：1
⭕️ 地面對抗：2 (2)
⭕️ 搶回控球：5
⭕️ 嘗試過人：2 (1)
⭕️ 帶波前進距離：151碼
⭕️ 預計入球：0.4
今場比賽，科芬拿出任較前位置的中堅，身後有高維爾包位，佢比之前更加大膽去嘗試帶波前進。位置上靠近卡些度，幫卡些度遮線俾左隊友做壓迫的空間，雖然科芬拿唔係實際去搶斷的人，但係佢的觸覺尚算敏銳好幾次都及時回後清走個波減少威脅。而家隊中的一對中堅分工明顯，如果可以增加默契減少自爆的話，車路士可能可以係下半季追貼第二名少少。
山齊士：
又又又又係你山齊士。
❌ 預計入球撲救：-0.22
❌ 撲救數：2
❌ 長傳：15 (3)
大哥，你封近柱封好少少得唔得？隊友已經派膠走漏晒近柱的沙卡同馬天利尼，馬天利尼選擇射門近柱，失波就會變成你的責任。
甚至我唔講撲救的問題，山齊士的長傳成功率偏低都影響左前場的發揮，馬蛇如果將來俾人炒，我覺得山齊士都要一齊上路先公平。
總結：
出面有阿迷話球證執法不公，但至少數據上兩隊好接近，各自都有必入球射失，1：1打和算係合理的賽果。車路士面對住上季的亞軍都唔算踢得太樣衰，等下回合再分勝負！
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊