開季前的最後一場熱身賽，車路士係主場迎戰國際米蘭。作為車迷，當然想球隊順順利利開季，不過實際上踢落，感覺上仍然係好壞參半，先睇下今場比賽的整體分析。
排陣：
今場車路士沿用4231的陣式出賽，當中最驚喜的莫過於歐國盃得主古古尼亞的復出。不出所料古古尼亞復出後就隨即成為左閘的首選。中場方面由熱身賽表現出色的拉維亞配搭安素。攻擊線方面就由梅迪歷，霍爾，馬杜基配合正前鋒古爾。
國米果邊就以352的陣式迎戰主隊，當中車迷最熟悉的一定係以前傳過N咁多次想買的門將Sommer同小杜林。
整體表現：
毫無意外的係，車路士上半場的攻擊線仍然令人失望。古古尼亞進入中路，Overload國米中場，今場睇到好幾次古古尼亞進入中場之後猜空傳入禁區的畫面，不過攻擊線把握力之差仍然無方法將皮球送入龍門。
防線方面，今場國米的踢法唔算進取，整場波防線無受太大威脅，但仍然係關鍵時刻犯錯。24分鐘，哥利亞中場接應傳波之後，本來應該做遮線的科芬拿失位，後面的高維爾無緊貼杜林，俾杜林係禁區頂射個靚波先開記錄。呢球繼續反映出車路士防守上的漏洞，特別係面對有速度同射術的對手時就顯得束手無策。
下半場換人之後，車路士就更加進取。前線換入安宮古同彭馬，防線由新兵維加代替古古尼亞，中場收起拉維亞沿用返安素卡些度的組合。下半場初段雖然未進入狀態但越踢越有，安宮古的倒掛同傳入禁區的威脅球都應有盡有，就只係未搵到攻破大門的一刻。
最後憑奧高卓古係混亂的禁區內射入扳平的一球，兩隊踢成1:1和波收場。
無可否認的係，車路士前場就算換入首次上陣的積臣同彭馬，仍然可以保持到攻擊力，考慮到係熱身賽，球員仲有提升的可能。
個別表現：
古古尼亞 - 今季首次為車路士上陣，適應Inverted Fullback的古古尼亞果然無任何融入的問題。適時的回防亦減少左國米的右路威脅。車路士現時依賴兩翼的進攻，但暫時未見到古古尼亞係左邊線推進的畫面。進入中路同留守邊路的判斷仲要進一步磨練。
彭馬 - 同樣係首次上陣，下半場開始時比較接近右翼。但隨住時間推移，彭馬向更加貼近中路同half space，接球同自由度有所提升。
拉維亞 - 今場比賽以左防中的身份上陣，因為安素的走位自由，拉維亞以輔助的角色係中場填補空間，攻擊時會走向右邊，防守時就退去接近中堅的位置，搶回控球之後被包圍都做到冷靜的傳送。
連拿度域加 (Veiga) - 可能好多人無留意，不過呢個球員可左閘可中堅可防中，套入光頭馬蛇的戰術入面簡直係最佳的配合，今場比賽都有見到佢係防守方面的努力，但如果要佢進攻，會唔會有少少辛苦呢？呢方面等開季再討論。
總結：
今季車路士的熱身賽以1勝2和3負的成績作結，當中面對的對手都有一定實力，包括蘇超冠軍，意甲冠軍同英超冠軍。
開心的係，睇到車路士球員慢慢由上季的跑動式踢法變成傳控，進攻端製造到好多埋門機會，中場安素亦提供左大量的直線同長傳。傷員的復出，包括拉維亞同安宮古越戰越勇。
但相反，暫時仲未見到防守有任何起色，包括未搵到一對有默契的中堅，防守走位時的錯配仍然好致命。
前線雖然有機會，但把握力不足的問題一樣係未有任何曙光。買入尼圖，多少可以改善兩翼失機的情況，但更加迫切的可能係前鋒的人選。
轉會窗仲有時間，除左車路士夠唔夠locker用，不妨留意下仲會唔會有大動作。
排陣：
今場車路士沿用4231的陣式出賽，當中最驚喜的莫過於歐國盃得主古古尼亞的復出。不出所料古古尼亞復出後就隨即成為左閘的首選。中場方面由熱身賽表現出色的拉維亞配搭安素。攻擊線方面就由梅迪歷，霍爾，馬杜基配合正前鋒古爾。
國米果邊就以352的陣式迎戰主隊，當中車迷最熟悉的一定係以前傳過N咁多次想買的門將Sommer同小杜林。
整體表現：
毫無意外的係，車路士上半場的攻擊線仍然令人失望。古古尼亞進入中路，Overload國米中場，今場睇到好幾次古古尼亞進入中場之後猜空傳入禁區的畫面，不過攻擊線把握力之差仍然無方法將皮球送入龍門。
防線方面，今場國米的踢法唔算進取，整場波防線無受太大威脅，但仍然係關鍵時刻犯錯。24分鐘，哥利亞中場接應傳波之後，本來應該做遮線的科芬拿失位，後面的高維爾無緊貼杜林，俾杜林係禁區頂射個靚波先開記錄。呢球繼續反映出車路士防守上的漏洞，特別係面對有速度同射術的對手時就顯得束手無策。
下半場換人之後，車路士就更加進取。前線換入安宮古同彭馬，防線由新兵維加代替古古尼亞，中場收起拉維亞沿用返安素卡些度的組合。下半場初段雖然未進入狀態但越踢越有，安宮古的倒掛同傳入禁區的威脅球都應有盡有，就只係未搵到攻破大門的一刻。
最後憑奧高卓古係混亂的禁區內射入扳平的一球，兩隊踢成1:1和波收場。
無可否認的係，車路士前場就算換入首次上陣的積臣同彭馬，仍然可以保持到攻擊力，考慮到係熱身賽，球員仲有提升的可能。
個別表現：
古古尼亞 - 今季首次為車路士上陣，適應Inverted Fullback的古古尼亞果然無任何融入的問題。適時的回防亦減少左國米的右路威脅。車路士現時依賴兩翼的進攻，但暫時未見到古古尼亞係左邊線推進的畫面。進入中路同留守邊路的判斷仲要進一步磨練。
彭馬 - 同樣係首次上陣，下半場開始時比較接近右翼。但隨住時間推移，彭馬向更加貼近中路同half space，接球同自由度有所提升。
拉維亞 - 今場比賽以左防中的身份上陣，因為安素的走位自由，拉維亞以輔助的角色係中場填補空間，攻擊時會走向右邊，防守時就退去接近中堅的位置，搶回控球之後被包圍都做到冷靜的傳送。
連拿度域加 (Veiga) - 可能好多人無留意，不過呢個球員可左閘可中堅可防中，套入光頭馬蛇的戰術入面簡直係最佳的配合，今場比賽都有見到佢係防守方面的努力，但如果要佢進攻，會唔會有少少辛苦呢？呢方面等開季再討論。
總結：
今季車路士的熱身賽以1勝2和3負的成績作結，當中面對的對手都有一定實力，包括蘇超冠軍，意甲冠軍同英超冠軍。
開心的係，睇到車路士球員慢慢由上季的跑動式踢法變成傳控，進攻端製造到好多埋門機會，中場安素亦提供左大量的直線同長傳。傷員的復出，包括拉維亞同安宮古越戰越勇。
但相反，暫時仲未見到防守有任何起色，包括未搵到一對有默契的中堅，防守走位時的錯配仍然好致命。
前線雖然有機會，但把握力不足的問題一樣係未有任何曙光。買入尼圖，多少可以改善兩翼失機的情況，但更加迫切的可能係前鋒的人選。
轉會窗仲有時間，除左車路士夠唔夠locker用，不妨留意下仲會唔會有大動作。
請按此登錄後留言。未成為會員? 立即註冊