史丹福橋一役輸畀富咸之後，車路士未能係最後一場2024年的聯賽做出反彈，作客以0：2敗走葉士域治。
去到10分鐘，迪勒普 (Liam Delap) 接應戴維斯 (Leif Davis) 的傳送突破禁區，門將佐真臣禁區內侵犯對手，VAR確認後判12碼，迪勒普射入為主隊領先。而係54分鐘，更加迪西施自爆回傳俾迪勒普，再交俾前車路士青訓的赫切臣 (Omari Hutchinson) 接應低射破網。
戰術＆數據：
葉士域治主場搶分的決心明顯大過車路士，三場聖誕賽期只拎一分的車路士，今仗更加要面對無勝連場之下急於一鼓作氣的葉士域治。
睇返對賽數據：[主 v 客]：
⭕️ 預計入球：0.71 v 2.02*
⭕️ 射門 (命中)：8 (5) v 20 (4)*
⭕️ 控球率：32% v 68%
⭕️ 傳球 (成功率)：226 (64%) v 722 (90%)*
⭕️ 禁區入侵次數：6 v 21*
❌ 攔截：6 v 5
❌ 地面對抗：25 v 24
表面數據睇落車路士佔盡優勢，但呢個就係問題所在：
1) 高達68%控球率，但21次入侵禁區同4次命中龍門；傳球成功率高達90%，但前傳成功率僅得54%，反映出車路士控球大多係無意義的傳送；預計入球雖然高達2.02，但實際射門命中率低到可怕：20個射門得4球中柱，完全反映出前場球員狀態低迷。
2) 另一邊的葉士域治，今場採用低block防守配合高速反擊，32%的控球比率就係最好的證明。數字上睇落無咩進攻機會，但5次射門命中有4個都好有威脅。迪勒普 (Liam Delap) 同赫切臣 (Omari Hutchinson) 好好咁利用反擊機會，將一場「數據劣勢」的比賽扭轉成首次主場的勝利。兩個入球都係把握車路士右線的空間做出的攻勢，下半場馬蛇都睇唔過眼而換走左迪西施。
3) 車路士連續兩場客場未能入球，三場聖誕賽期只係拎到兩分，失七分，而與此同時利物浦三戰全勝落袋九分。對球隊士氣同爭前四的形勢都有相當大影響。車路士同上季的分別就只係把握力，所以好似今場咁無運入唔到波的話，就會變返我地車迷最熟識的樣。前線的彭馬仍然要面前對手嚴密防守，近幾場甚至受到球皇級的招待，兩次中柱唔好彩係一回事，無成功入侵禁區係另一回事。
個別表現：
安宮古：
❌ 射門：1 (1)
❌ 預計入球：0.7
❌ 成功過人：1 (0)
❌ 射門機會創造：2
⭕️ 接應前傳：7
❌ 地面對抗：4 (1)
❌ 空中爭頂：4 (1)
如果要話車路士陣中令人失望的球員，我會數安宮古。今日安宮古作為替補出任正前鋒的位置，但係並未能起到攻破密集防守的效果。反而係各項對抗的數字中都處於下風，僅有的一次射門亦係執彭馬射門中柱之後先有。走位同隊友的配合未見默契都係另一個死因，同彭馬、菲力斯、仲有馬杜基之間的結果唔夠緊密，其餘的時間無論係後退做駁腳點定係無球跑動都無任何突破，最後係64分鐘被換走。
安宮古一直都有傳聞傳出話要離隊，又話希望有更多聯賽的出場時間，但呢種表現睇落就未可以說服到領隊甚至係球迷。
馬杜基：
係講今場表現之前，要提一提各位，馬杜基失去的唔係一隊的位置，只係失去左正選名單。
❌ 射門：3 (1)
❌ 預計入球：0.19
❌ 嘗試過人：4 (0)
❌ 控球失誤：4*
❌ 地面對抗：5 (1)
⭕️ 禁區內觸球：8*
⭕️ 前傳接應：13*
馬杜基本身的特點係入侵禁區後自己有射門能力。今場受限於對手左線的防守明顯無起到呢方面的作用。多次侵入禁區但結果只係無功而還，3次射門亦只得1次射正，4次過人全數失敗，仲要有4次控球失誤。走位上亦無同彭馬起到化學作用，全場都無同彭馬有互相的傳波，最後係76分鐘被換走。
馬杜基對上一次入波已經係12月頭對陣修咸頓的時候，到底仲要幾耐先可以成材呀……
迪西施：
❌ 錯誤引致射門：1*
❌ 地面對抗：6 (2)
❌ 防守動作：4
今場迪西施算係最好的反面教材，作為替換的右閘，就算唔要求你後上提供進攻的協助都好，最基本你都做返好閘位防守的工作，但兩樣都做唔到之餘，仲要因為傳球失誤而俾對手有機會入侵禁區，最後的最後仲要守唔住赫切臣俾佢射入，呢球可以話係迪西施的完全敗北。
本來就唔係右閘的迪西施，今場咁的表現馬蛇算係責無旁貸。
總結：
2024年的最後一場比賽，雖然唔可以話踢得好睇，戰術上開始俾對手睇穿，到底要點樣變陣，點樣改善球員的走位冋進攻，呢一切一切會繼續主宰住車路士2025年的表現。
今年筆者都開始左各種的挑戰，希望2025年都可以繼續用數字同大家分享各種意見啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
去到10分鐘，迪勒普 (Liam Delap) 接應戴維斯 (Leif Davis) 的傳送突破禁區，門將佐真臣禁區內侵犯對手，VAR確認後判12碼，迪勒普射入為主隊領先。而係54分鐘，更加迪西施自爆回傳俾迪勒普，再交俾前車路士青訓的赫切臣 (Omari Hutchinson) 接應低射破網。
戰術＆數據：
葉士域治主場搶分的決心明顯大過車路士，三場聖誕賽期只拎一分的車路士，今仗更加要面對無勝連場之下急於一鼓作氣的葉士域治。
睇返對賽數據：[主 v 客]：
⭕️ 預計入球：0.71 v 2.02*
⭕️ 射門 (命中)：8 (5) v 20 (4)*
⭕️ 控球率：32% v 68%
⭕️ 傳球 (成功率)：226 (64%) v 722 (90%)*
⭕️ 禁區入侵次數：6 v 21*
❌ 攔截：6 v 5
❌ 地面對抗：25 v 24
表面數據睇落車路士佔盡優勢，但呢個就係問題所在：
1) 高達68%控球率，但21次入侵禁區同4次命中龍門；傳球成功率高達90%，但前傳成功率僅得54%，反映出車路士控球大多係無意義的傳送；預計入球雖然高達2.02，但實際射門命中率低到可怕：20個射門得4球中柱，完全反映出前場球員狀態低迷。
2) 另一邊的葉士域治，今場採用低block防守配合高速反擊，32%的控球比率就係最好的證明。數字上睇落無咩進攻機會，但5次射門命中有4個都好有威脅。迪勒普 (Liam Delap) 同赫切臣 (Omari Hutchinson) 好好咁利用反擊機會，將一場「數據劣勢」的比賽扭轉成首次主場的勝利。兩個入球都係把握車路士右線的空間做出的攻勢，下半場馬蛇都睇唔過眼而換走左迪西施。
3) 車路士連續兩場客場未能入球，三場聖誕賽期只係拎到兩分，失七分，而與此同時利物浦三戰全勝落袋九分。對球隊士氣同爭前四的形勢都有相當大影響。車路士同上季的分別就只係把握力，所以好似今場咁無運入唔到波的話，就會變返我地車迷最熟識的樣。前線的彭馬仍然要面前對手嚴密防守，近幾場甚至受到球皇級的招待，兩次中柱唔好彩係一回事，無成功入侵禁區係另一回事。
個別表現：
安宮古：
❌ 射門：1 (1)
❌ 預計入球：0.7
❌ 成功過人：1 (0)
❌ 射門機會創造：2
⭕️ 接應前傳：7
❌ 地面對抗：4 (1)
❌ 空中爭頂：4 (1)
如果要話車路士陣中令人失望的球員，我會數安宮古。今日安宮古作為替補出任正前鋒的位置，但係並未能起到攻破密集防守的效果。反而係各項對抗的數字中都處於下風，僅有的一次射門亦係執彭馬射門中柱之後先有。走位同隊友的配合未見默契都係另一個死因，同彭馬、菲力斯、仲有馬杜基之間的結果唔夠緊密，其餘的時間無論係後退做駁腳點定係無球跑動都無任何突破，最後係64分鐘被換走。
安宮古一直都有傳聞傳出話要離隊，又話希望有更多聯賽的出場時間，但呢種表現睇落就未可以說服到領隊甚至係球迷。
馬杜基：
係講今場表現之前，要提一提各位，馬杜基失去的唔係一隊的位置，只係失去左正選名單。
❌ 射門：3 (1)
❌ 預計入球：0.19
❌ 嘗試過人：4 (0)
❌ 控球失誤：4*
❌ 地面對抗：5 (1)
⭕️ 禁區內觸球：8*
⭕️ 前傳接應：13*
馬杜基本身的特點係入侵禁區後自己有射門能力。今場受限於對手左線的防守明顯無起到呢方面的作用。多次侵入禁區但結果只係無功而還，3次射門亦只得1次射正，4次過人全數失敗，仲要有4次控球失誤。走位上亦無同彭馬起到化學作用，全場都無同彭馬有互相的傳波，最後係76分鐘被換走。
馬杜基對上一次入波已經係12月頭對陣修咸頓的時候，到底仲要幾耐先可以成材呀……
迪西施：
❌ 錯誤引致射門：1*
❌ 地面對抗：6 (2)
❌ 防守動作：4
今場迪西施算係最好的反面教材，作為替換的右閘，就算唔要求你後上提供進攻的協助都好，最基本你都做返好閘位防守的工作，但兩樣都做唔到之餘，仲要因為傳球失誤而俾對手有機會入侵禁區，最後的最後仲要守唔住赫切臣俾佢射入，呢球可以話係迪西施的完全敗北。
本來就唔係右閘的迪西施，今場咁的表現馬蛇算係責無旁貸。
總結：
2024年的最後一場比賽，雖然唔可以話踢得好睇，戰術上開始俾對手睇穿，到底要點樣變陣，點樣改善球員的走位冋進攻，呢一切一切會繼續主宰住車路士2025年的表現。
今年筆者都開始左各種的挑戰，希望2025年都可以繼續用數字同大家分享各種意見啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊