係開賽之前就有同曼迷友人同網友講，話呢場會係矛盾對決的賽碼。先唔好誤會，我唔係指曼聯實力弱，而係兩隊都各有自己弱點，而剛好呢兩個弱點會令場波無咁好睇。
先講曼聯，計埋今場波，曼聯的機會創造仍然係非常之多，場均射門機會創造達26次，排英超第4高。但係，把握力就係英超最底層，G-xG係 -7.6，同第19位的水晶宮仲有差唔多2.3的差距。意思係，曼聯一直都有能力將個波送去俾前線起腳，但往往係最後果腳的處理撻Q，攻擊力方面可以話係最弱之矛。
至於車路士，唔計呢場都好已經連續7場守唔住清白之身，門將山齊士係派膠方面不遺餘力，幾乎每場都有精彩演出，後防線走漏方法亦層出不窮，係防守方面簡直可以稱得上為最弱之盾。(當然，笑還笑，實際上除左12碼果下其餘時間算係唔錯，呢部份之後先講。)
單就結果黎睇，亦無令大家失望地各取一分而回。
戰術＆數據：
車路士呢邊擺出同上場聯賽對紐卡素一樣的牌面，同時亦延續左上場波的問題。起用占士作為左閘，目的係防止加拿祖係車路士的左路發難，又可以保持住右路古斯度的活力，防守上的諗法係唔錯，但係同樣地犧牲左尼圖之間的配合，占士係左路出波能力相對差左，少左落底，反而更多係內切去中場協防。
前線方面，繼續由搶碼兄弟積臣加馬杜基配合彭馬，但係因為曼聯整體尚算防線緊密，馬杜基係進攻階段實際的貢獻唔大，亦無幫到中線的彭馬同積臣。
扣除左般奴的12碼的話，兩隊今場的表現其實不相上下： (左曼右車)
npxG：1.2：1.1
射門創造：21：21
射門數：10：12
防守動作：22：20
嘗試過人：24：29
帶入禁區：5：7
對手禁區內觸球：20：24
單睇呢堆數字的話，相信大家會明白呢場比賽唔係想像中咁大分別。甚至係換人之後，戰術的轉換都唔大，車路士追和的一球亦同佢地無太大的關係，就真係贏在卡些度的個人表現。
個別表現：
彭馬：
好多人話彭馬今場受限，無發揮到應有的水準。但係實際上彭馬仍然Carry住全隊車路士。
⭕️ 射門機會創造：6*
⭕️ 射門次數：3*
⭕️ 過人 (成功)： 6 (4*)
⭕️ 預計助攻：0.6*
⭕️ 關鍵傳球：3*
只用入球同助攻去評價的話其實係唔公平，今場佢無辦法將射門轉化為入球，隊友亦無成功將佢的傳球轉化成助攻，一方面要讚的係曼聯對佢的嚴密看守，用高強度的搶迫同空間的壓縮限制左彭馬，另一方面都要責怪馬蛇俾太多工作俾彭馬，要求佢回後減少左佢係最前線發揮的機會。但係我仍然唔敢想像車路士無左彭馬會變成點。
卡些度：
相信好多人會將著眼點放係卡些度的窩利入球度，實際上卡些度係中場的工作比肉眼睇到的更多。
⭕️ 前傳：6*
⭕️ 傳入禁區：3*
⭕️ 地面對抗：16* (8)
⭕️ 防守動作：6
⭕️ 傳送對象：9* (高維爾以外)
以上都係卡些度係入球以外的數據，收起左安素之後，卡些度唔止要處理防守的工作，更加會配合回後的彭馬承擔更多中場樞紐的職責，無論係傳波入禁區策動攻勢，定係節奏控制等等，卡些度都越黎越表現出佢的身價。除左彭馬，卡些度都漸漸變成車路士骨幹不可缺的一部份。
科芬拿：
我知，你一定會記得科芬拿今場派膠，漏頂左個過頭波，然後就搞到山齊士撲跌海龍哥輸個12碼。但除左呢球之外，今場科芬拿的表現完全唔失禮。
⭕️ 清波：6*
⭕️ 防守動作：12*
⭕️ 空中爭頂：6 (5)*
⭕️ 錯誤引致射門：0
科芬拿今場阻止左曼聯多次的攻勢，特別係來自後場的高波主要都係靠科芬拿去處理同清走，不過防守球員就係咁，只要你派一次膠，所有的功勞都會如一縷輕煙。而家車路士的陣中只有身形比較單薄的阿達拉比奧尤有類似的條件，亦不見得係防守上做得比科芬拿好…買唔定冬窗保利會俾個恴外驚喜大家呢？
占士：
今場係我地文員部經理第二次踢足全場的比賽。今場又係好似上場咁，大半時間踢左閘，但話佢係左閘，不如話佢更加似係一個左中堅。係中圈附近掃蕩，阻止加拿祖推進，占士明顯踢出左同受傷之前截然不同的風格。
⭕️ 空中爭頂：6 (5)*
⭕️ 地面對抗：4 (3)
⭕️ 傳送攔截：2*
⭕️ 重奪球權：6
有別於過往快上快落又會射波的占士，今季佢累計的射門數仍然係零。但係相對地，搶斷/傳球攔截等的數字就大幅上升。當然，呢一刻只係踢左兩場，好難就下結論話占士改善左踢法。
不過隊長係場上的表現的確證明左俾大家睇佢有經驗有能力，佢亦係少數仲保有車路士熱血基因的隊長，可以再觀察下占士係英超會踢成點樣。
古斯度：
❌ 射門：0 (0)
❌ 射門機會創造： 1
❌ 過人：0 (0)
❌ 地面對抗：3 (0)
❌ 鏟斷：0
❌ 阻截：0
❌ 失去控球：14
唔難理解點解馬蛇會換走古斯度，俾返占士踢右閘。踢左半場，係右邊Channel度游走的古斯度，無論攻守方面都跟唔上曼聯的節奏，面對住曼聯的左線3人幾乎交唔出任何答案，多少都係令前線馬杜基失靈的原因之一。
總結：
如果你問我，場波仲有無其他爭議點，我唔可以話無，包括車路士係禁區踢跌拉舒福特應唔應該俾十二碼，尾段馬天尼斯腳底踩中彭馬又應否紅牌等等。但係球證的判斷睇落算係一致，至少唔係厚此薄彼俾一個又唔俾一個，場波無論係戰術定數據都好都係打和，各得一分真係正常。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
先講曼聯，計埋今場波，曼聯的機會創造仍然係非常之多，場均射門機會創造達26次，排英超第4高。但係，把握力就係英超最底層，G-xG係 -7.6，同第19位的水晶宮仲有差唔多2.3的差距。意思係，曼聯一直都有能力將個波送去俾前線起腳，但往往係最後果腳的處理撻Q，攻擊力方面可以話係最弱之矛。
至於車路士，唔計呢場都好已經連續7場守唔住清白之身，門將山齊士係派膠方面不遺餘力，幾乎每場都有精彩演出，後防線走漏方法亦層出不窮，係防守方面簡直可以稱得上為最弱之盾。(當然，笑還笑，實際上除左12碼果下其餘時間算係唔錯，呢部份之後先講。)
單就結果黎睇，亦無令大家失望地各取一分而回。
戰術＆數據：
車路士呢邊擺出同上場聯賽對紐卡素一樣的牌面，同時亦延續左上場波的問題。起用占士作為左閘，目的係防止加拿祖係車路士的左路發難，又可以保持住右路古斯度的活力，防守上的諗法係唔錯，但係同樣地犧牲左尼圖之間的配合，占士係左路出波能力相對差左，少左落底，反而更多係內切去中場協防。
前線方面，繼續由搶碼兄弟積臣加馬杜基配合彭馬，但係因為曼聯整體尚算防線緊密，馬杜基係進攻階段實際的貢獻唔大，亦無幫到中線的彭馬同積臣。
扣除左般奴的12碼的話，兩隊今場的表現其實不相上下： (左曼右車)
npxG：1.2：1.1
射門創造：21：21
射門數：10：12
防守動作：22：20
嘗試過人：24：29
帶入禁區：5：7
對手禁區內觸球：20：24
單睇呢堆數字的話，相信大家會明白呢場比賽唔係想像中咁大分別。甚至係換人之後，戰術的轉換都唔大，車路士追和的一球亦同佢地無太大的關係，就真係贏在卡些度的個人表現。
個別表現：
彭馬：
好多人話彭馬今場受限，無發揮到應有的水準。但係實際上彭馬仍然Carry住全隊車路士。
⭕️ 射門機會創造：6*
⭕️ 射門次數：3*
⭕️ 過人 (成功)： 6 (4*)
⭕️ 預計助攻：0.6*
⭕️ 關鍵傳球：3*
只用入球同助攻去評價的話其實係唔公平，今場佢無辦法將射門轉化為入球，隊友亦無成功將佢的傳球轉化成助攻，一方面要讚的係曼聯對佢的嚴密看守，用高強度的搶迫同空間的壓縮限制左彭馬，另一方面都要責怪馬蛇俾太多工作俾彭馬，要求佢回後減少左佢係最前線發揮的機會。但係我仍然唔敢想像車路士無左彭馬會變成點。
卡些度：
相信好多人會將著眼點放係卡些度的窩利入球度，實際上卡些度係中場的工作比肉眼睇到的更多。
⭕️ 前傳：6*
⭕️ 傳入禁區：3*
⭕️ 地面對抗：16* (8)
⭕️ 防守動作：6
⭕️ 傳送對象：9* (高維爾以外)
以上都係卡些度係入球以外的數據，收起左安素之後，卡些度唔止要處理防守的工作，更加會配合回後的彭馬承擔更多中場樞紐的職責，無論係傳波入禁區策動攻勢，定係節奏控制等等，卡些度都越黎越表現出佢的身價。除左彭馬，卡些度都漸漸變成車路士骨幹不可缺的一部份。
科芬拿：
我知，你一定會記得科芬拿今場派膠，漏頂左個過頭波，然後就搞到山齊士撲跌海龍哥輸個12碼。但除左呢球之外，今場科芬拿的表現完全唔失禮。
⭕️ 清波：6*
⭕️ 防守動作：12*
⭕️ 空中爭頂：6 (5)*
⭕️ 錯誤引致射門：0
科芬拿今場阻止左曼聯多次的攻勢，特別係來自後場的高波主要都係靠科芬拿去處理同清走，不過防守球員就係咁，只要你派一次膠，所有的功勞都會如一縷輕煙。而家車路士的陣中只有身形比較單薄的阿達拉比奧尤有類似的條件，亦不見得係防守上做得比科芬拿好…買唔定冬窗保利會俾個恴外驚喜大家呢？
占士：
今場係我地文員部經理第二次踢足全場的比賽。今場又係好似上場咁，大半時間踢左閘，但話佢係左閘，不如話佢更加似係一個左中堅。係中圈附近掃蕩，阻止加拿祖推進，占士明顯踢出左同受傷之前截然不同的風格。
⭕️ 空中爭頂：6 (5)*
⭕️ 地面對抗：4 (3)
⭕️ 傳送攔截：2*
⭕️ 重奪球權：6
有別於過往快上快落又會射波的占士，今季佢累計的射門數仍然係零。但係相對地，搶斷/傳球攔截等的數字就大幅上升。當然，呢一刻只係踢左兩場，好難就下結論話占士改善左踢法。
不過隊長係場上的表現的確證明左俾大家睇佢有經驗有能力，佢亦係少數仲保有車路士熱血基因的隊長，可以再觀察下占士係英超會踢成點樣。
古斯度：
❌ 射門：0 (0)
❌ 射門機會創造： 1
❌ 過人：0 (0)
❌ 地面對抗：3 (0)
❌ 鏟斷：0
❌ 阻截：0
❌ 失去控球：14
唔難理解點解馬蛇會換走古斯度，俾返占士踢右閘。踢左半場，係右邊Channel度游走的古斯度，無論攻守方面都跟唔上曼聯的節奏，面對住曼聯的左線3人幾乎交唔出任何答案，多少都係令前線馬杜基失靈的原因之一。
總結：
如果你問我，場波仲有無其他爭議點，我唔可以話無，包括車路士係禁區踢跌拉舒福特應唔應該俾十二碼，尾段馬天尼斯腳底踩中彭馬又應否紅牌等等。但係球證的判斷睇落算係一致，至少唔係厚此薄彼俾一個又唔俾一個，場波無論係戰術定數據都好都係打和，各得一分真係正常。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊