曼城喺主場以3:1逆轉擊敗車路士，重返英超前四，令車路士跌至第六位。比賽初段，車路士表現出色，憑藉曼城新援古辛諾夫 (Khusanov) 嘅低級失誤，由積臣助攻馬杜基喺第2分鐘輕鬆破門，取得領先。
曼城初段表現掙扎，特別係古辛諾夫喺後場持球多次受到車路士嘅高壓搶迫影響，頻頻失誤。但隨住比賽推進，曼城逐漸適應車路士的壓迫，透過中場三人組貝拿度施華、高華錫同根度簡後撤接應，穩住場上節奏。
第1球失守 (42分鐘)： 根度簡送出一個長傳，紐尼斯殺入禁區後起腳射門，山齊士勉強撲救，但古古尼亞解圍失誤，個波彈到高華迪奧腳下，後者輕鬆補射得分。呢球暴露左車路士右線的防守問題，馬杜基放任高華迪奧自由進入禁區，未有作出有效干擾。
第2球失守 (68分鐘)： 艾達臣一個精準長傳直接俾左夏蘭特，後者憑藉身體優勢壓制細查，去到禁區角位時輕鬆挑射得分。山齊士犯左明顯的錯誤判斷，明明夏蘭特已經被細查盯防，但山齊士偏偏選擇出迎，結果被夏蘭特輕鬆笠死。
第3球失守 (87分鐘)： 夏蘭特再次發揮支點作用，利用頭鎚助攻科頓。當時高維爾單防夏蘭特，但細查未能及時選擇幫忙還是回防，結果俾科頓從後插上，長驅直入完成單刀破門，鎖定勝局。
賽後點評：
今場波的戰術問題，大到我要開另一個部份去講。如果單睇雙方數據，你可能會覺得車路士無想像中咁差，特別係射門數，雙方的防守數好似差唔多咁，但再仔細睇落去，就會得出車路士一敗塗地的結論。
馬蛇今場明顯嘗試採用一套「前場高壓+後場低位」的混合模式，前場利用高位壓迫干擾對手出波，而後場則透過低位防守壓縮空間。理論上，呢種戰術係唔同階段轉換踢法的戰術可以同時達到壓迫對手進攻同穩固防線嘅效果，係開賽階段其實都尚算運作到，不過當比賽繼續進行，車路士的各種數據都表明戰術執行上嘅矛盾與失敗。
首先係車路士嘅PPDA，數字高達16.4，代表曼城能夠喺車路士防守三區完成16.4次傳球，車路士先去做一次防守動作，壓迫頻率明顯不足。選擇中低位防守的球隊本身應該喺對手進入中場或禁區時，通過高密度攔截迫使對手犯錯，但車路士卻未能做到，令PPDA變高。(即對手可以係自己區域傳更多波)。
另一方面曼城的Field Tilt (場地傾斜率：睇你幾多時間喺對方半場控球) 達到56.5%，全場的控球率則有56.4%，反映出曼城無論係喺車路士半場定係整體都好，活動時間長且自由。用另一個角度去講，就係車路士既無法喺中場有效阻截對手進入防守三區，亦無法限制曼城喺禁區邊緣的傳波，最終令曼城後半段喺車路士禁區附近「自出自入」。
兩者相加的結果，就係今場的主要敗因。前場嘗試高壓，可惜效率不足，後場打算高密度，然而變成後場放題。令中場疲於奔命，戰術崩盤。
更加致命的，係馬蛇半場的調整，當哥帥發現車路士的中後場可以輕鬆打爆之後，下半場稍作調整就已經完全Bypass左車路士的一對防中，馬蛇係呢個情況下，仍然無任何戰術上的調動，就真係位換位咁換入安宮古，尼圖同古斯度，最終令車路士回天乏術。
個別表現：
彭馬：
當彭馬明顯被防範，車路士就失去左一半的攻擊力。
⭕️ 向前傳球：4
⭕️ 傳入進攻三區：4
⭕️ 射門機會創造：6
❌ 嘗試過人：5 (2)
❌ 射門數：1 (1)
❌ 地面對抗：10 (5)
❌ 失去控球：14
❌ 失誤：3
今場彭馬的位置比平日擺得更後，其中一個原因係中場被打爆，彭馬需要回後去提供傳球點避過對手的壓迫，所以今場彭馬仍然提供到4次前傳，以及全隊最多的4次傳入進攻三區，但就真係得咁多。
係中路彭馬被嚴密看守，令彭馬錄得全場第二多，總計14次的失去球權，其中有3次係自己失誤控失，車路士係進攻端會啞火，多少要怪彭馬係前場失去控球所致。而且突入禁區傳俾積臣的傳球其實都係因為彭馬傳球失誤唔到位而令積臣未能起腳，呢球的預計助攻數亦低到只有0.1，的確唔係一腳靚波。
進攻方面，彭馬今場亦只錄得一次射門，想過人都好，成功率都唔過一半，綜合黎睇，今場並非係彭馬的最佳演出。但講真，可以怪佢咩…
卡些度：
甚至我唔需要抽出傳球數據，大家都可以睇得出卡些度係中場面對的困境。當中場被By pass，車路士仲有咩可以做？
❌ 防守次數：1❌ 清波數：2
❌ 一對一防守：2 (0)
❌ 地面對抗：7 (2)
各項的數字都表明，卡些度今場毫無發揮的空間。當卡些度嘗試去同對手進行物理對抗，唔係被扭過就係直接被傳空，卡些度完全發揮唔到平日的大範圍防守能力。直接的物理對抗亦處於下風，結果就令卡些度的各項數據表現變差。
而呢件事唔係臨完場先發生，馬蛇應該有更好的方法去解決中場問題先啱，而唔係被動等球員自己搵解決方案…
山齊士：
恭喜山齊士終於登頂成為英超最多犯錯的男人。
❌ 失球數：3❌ 預期失球值 (PSxG)：2.1
❌ 失去球權：18
❌ 犯錯引致射門：2
連埋今場的出迎失誤，山齊士成為難得一見連續3場英超賽事都獲得失誤記錄的龍門 (般尼茅夫1、狼隊1、曼城1)。同時以7次失誤登頂成為英超最多失誤的球員。
今場除左第一球之外，山齊士算係責無旁貸，無論係企位定係判斷都錯到離晒譜。更大的問題係直接丟失球權，俾曼城有反擊的機會。
馬蛇到呢一刻仍然包庇山齊士的話，會唔會好難同球迷交待？
總結：
其實降低自己的期望，件事就唔會咁難睇，但馬蛇係咪真係要繼續挑戰球迷的耐性？已經唔係第一次係戰術上出錯，半場無調整下完敗俾對手；亦唔係第一次見山齊士犯錯令球隊失波。至於車路士欠缺d咩，或者可以綜合過去幾場比賽再詳細寫一次。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
曼城初段表現掙扎，特別係古辛諾夫喺後場持球多次受到車路士嘅高壓搶迫影響，頻頻失誤。但隨住比賽推進，曼城逐漸適應車路士的壓迫，透過中場三人組貝拿度施華、高華錫同根度簡後撤接應，穩住場上節奏。
第1球失守 (42分鐘)： 根度簡送出一個長傳，紐尼斯殺入禁區後起腳射門，山齊士勉強撲救，但古古尼亞解圍失誤，個波彈到高華迪奧腳下，後者輕鬆補射得分。呢球暴露左車路士右線的防守問題，馬杜基放任高華迪奧自由進入禁區，未有作出有效干擾。
第2球失守 (68分鐘)： 艾達臣一個精準長傳直接俾左夏蘭特，後者憑藉身體優勢壓制細查，去到禁區角位時輕鬆挑射得分。山齊士犯左明顯的錯誤判斷，明明夏蘭特已經被細查盯防，但山齊士偏偏選擇出迎，結果被夏蘭特輕鬆笠死。
第3球失守 (87分鐘)： 夏蘭特再次發揮支點作用，利用頭鎚助攻科頓。當時高維爾單防夏蘭特，但細查未能及時選擇幫忙還是回防，結果俾科頓從後插上，長驅直入完成單刀破門，鎖定勝局。
賽後點評：
今場波的戰術問題，大到我要開另一個部份去講。如果單睇雙方數據，你可能會覺得車路士無想像中咁差，特別係射門數，雙方的防守數好似差唔多咁，但再仔細睇落去，就會得出車路士一敗塗地的結論。
馬蛇今場明顯嘗試採用一套「前場高壓+後場低位」的混合模式，前場利用高位壓迫干擾對手出波，而後場則透過低位防守壓縮空間。理論上，呢種戰術係唔同階段轉換踢法的戰術可以同時達到壓迫對手進攻同穩固防線嘅效果，係開賽階段其實都尚算運作到，不過當比賽繼續進行，車路士的各種數據都表明戰術執行上嘅矛盾與失敗。
首先係車路士嘅PPDA，數字高達16.4，代表曼城能夠喺車路士防守三區完成16.4次傳球，車路士先去做一次防守動作，壓迫頻率明顯不足。選擇中低位防守的球隊本身應該喺對手進入中場或禁區時，通過高密度攔截迫使對手犯錯，但車路士卻未能做到，令PPDA變高。(即對手可以係自己區域傳更多波)。
另一方面曼城的Field Tilt (場地傾斜率：睇你幾多時間喺對方半場控球) 達到56.5%，全場的控球率則有56.4%，反映出曼城無論係喺車路士半場定係整體都好，活動時間長且自由。用另一個角度去講，就係車路士既無法喺中場有效阻截對手進入防守三區，亦無法限制曼城喺禁區邊緣的傳波，最終令曼城後半段喺車路士禁區附近「自出自入」。
兩者相加的結果，就係今場的主要敗因。前場嘗試高壓，可惜效率不足，後場打算高密度，然而變成後場放題。令中場疲於奔命，戰術崩盤。
更加致命的，係馬蛇半場的調整，當哥帥發現車路士的中後場可以輕鬆打爆之後，下半場稍作調整就已經完全Bypass左車路士的一對防中，馬蛇係呢個情況下，仍然無任何戰術上的調動，就真係位換位咁換入安宮古，尼圖同古斯度，最終令車路士回天乏術。
個別表現：
彭馬：
當彭馬明顯被防範，車路士就失去左一半的攻擊力。
⭕️ 向前傳球：4
⭕️ 傳入進攻三區：4
⭕️ 射門機會創造：6
❌ 嘗試過人：5 (2)
❌ 射門數：1 (1)
❌ 地面對抗：10 (5)
❌ 失去控球：14
❌ 失誤：3
今場彭馬的位置比平日擺得更後，其中一個原因係中場被打爆，彭馬需要回後去提供傳球點避過對手的壓迫，所以今場彭馬仍然提供到4次前傳，以及全隊最多的4次傳入進攻三區，但就真係得咁多。
係中路彭馬被嚴密看守，令彭馬錄得全場第二多，總計14次的失去球權，其中有3次係自己失誤控失，車路士係進攻端會啞火，多少要怪彭馬係前場失去控球所致。而且突入禁區傳俾積臣的傳球其實都係因為彭馬傳球失誤唔到位而令積臣未能起腳，呢球的預計助攻數亦低到只有0.1，的確唔係一腳靚波。
進攻方面，彭馬今場亦只錄得一次射門，想過人都好，成功率都唔過一半，綜合黎睇，今場並非係彭馬的最佳演出。但講真，可以怪佢咩…
卡些度：
甚至我唔需要抽出傳球數據，大家都可以睇得出卡些度係中場面對的困境。當中場被By pass，車路士仲有咩可以做？
❌ 防守次數：1❌ 清波數：2
❌ 一對一防守：2 (0)
❌ 地面對抗：7 (2)
各項的數字都表明，卡些度今場毫無發揮的空間。當卡些度嘗試去同對手進行物理對抗，唔係被扭過就係直接被傳空，卡些度完全發揮唔到平日的大範圍防守能力。直接的物理對抗亦處於下風，結果就令卡些度的各項數據表現變差。
而呢件事唔係臨完場先發生，馬蛇應該有更好的方法去解決中場問題先啱，而唔係被動等球員自己搵解決方案…
山齊士：
恭喜山齊士終於登頂成為英超最多犯錯的男人。
❌ 失球數：3❌ 預期失球值 (PSxG)：2.1
❌ 失去球權：18
❌ 犯錯引致射門：2
連埋今場的出迎失誤，山齊士成為難得一見連續3場英超賽事都獲得失誤記錄的龍門 (般尼茅夫1、狼隊1、曼城1)。同時以7次失誤登頂成為英超最多失誤的球員。
今場除左第一球之外，山齊士算係責無旁貸，無論係企位定係判斷都錯到離晒譜。更大的問題係直接丟失球權，俾曼城有反擊的機會。
馬蛇到呢一刻仍然包庇山齊士的話，會唔會好難同球迷交待？
總結：
其實降低自己的期望，件事就唔會咁難睇，但馬蛇係咪真係要繼續挑戰球迷的耐性？已經唔係第一次係戰術上出錯，半場無調整下完敗俾對手；亦唔係第一次見山齊士犯錯令球隊失波。至於車路士欠缺d咩，或者可以綜合過去幾場比賽再詳細寫一次。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊