車路士作客丹麥，以 2:1 擊敗哥本哈根，喺歐協聯 16 強首回合攞到領先優勢。不過比賽過程就遠遠唔似賽果咁順利，唔好講笑，睇完半場我的反應真係咁：
。
車仔雖然主導控球，但進攻組織完全唔合格，成個半場得兩次起腳，連一次射正都無，xG 低到得返 0.06，唔好話入波，真係埋門都買少見少。
直到下半場馬蛇眼見唔對路，即刻換入 安素 (Enzo Fernández) 同 安宮古 (Christopher Nkunku)，球隊總算搵返啲節奏。開波唔夠 56 秒，占士 (Reece James) 離門 25 碼遠射，終於打破僵局。之後去到 65 分鐘，泰基·佐治 (Tyrique George) 橫傳，安素冷靜抽射破網，擴大比數 2:0。
然後當然唔少得車迷最熟悉的劇本 —— 79 分鐘，哥本哈根自由球送入禁區，佩雷拉 (Gabriel Pereira) 係高維爾漏頂之下輕鬆頂入，令藍軍臨完場前陷入危機，對手亦愈踢愈勇，連續幾波攻勢施壓，好彩最後防線無再崩潰，驚險守住戰局。
賽後點評：
1) 創意十足的首發陣容 —— 表面上係4-2-3-1，但實際上佢安排左古斯度係左路後上，踢落更加似係3-2-4-1的攻擊陣。由KDH係左路同中路之間游走、加埋兼任防中的占士後上同自由人彭馬。諗係好完美架，但執行上就完全係另一回事。
2) 令人嘆息的上半場 —— 本來的目的就係想透過全面控制中場俾前線有更多進攻的機會，所以先會要卡些度、占士、彭馬同KDH四個人組成相當密集的第一掃蕩區，只要對手搶回控球嘗試組織，就要面對車路士勁多球員的圍攻，係呢件事的確係好成功，單係上半場車路士就掌控左66%的球權。
但係當車路士要轉守為攻，成事就錯到九彩。彭馬墮後拎波，但本身速度唔快，變相進攻需要的距離太長同自閹完全無分別。本應代替安素係左路做發電機的KDH，唔止傳球無穿透力，甚至係轉邊定係推進都做唔到，直接拖慢左車路士的進攻節奏。結果就令車路士同哥本哈根不停係中場互交，完全無入肉的攻勢。
最前的兩位小將，係上半場缺乏供應下亦完全無發揮的空間，可憐的Mheuka被換走之前只係得9次觸球。
3) 空有控球但攻勢欠奉 —— 話改變，其實只係還原基本步。因為古斯度的傷出，換入古古尼亞，半場換入安素、安宮古，無錯，又係變返做熟識的英超4-2-3-1踢法：安素拍占士(平日係卡些度)，前面就KDH，安宮古加佐治。不過依然改變唔到要彭馬收後帶黎的戰術缺憾。而最可惡的係，換人之後，車路士都只係由零變成0.5，兩個入波都單純係來自個人能力同對手的犯錯，而唔係戰術組織帶來的成果。包括第一球係占士遠射，同第二球係邊線硬搶之後反擊得手。縱觀整場比賽，馬蛇要求球員有更大比例的控球，但係球員無球跑動少之餘亦未見到有任何能力打破密集防守，明顯係馬蛇控球控到走火入魔。
4) 防守又有漏洞，熟口熟面的問題 —— 每次入完波，車路士就會進入等失波的時間，只差在主角係邊個。今場就係高維爾起跳判斷失誤，波皮都批唔到，漏左俾身後的佩雷拉。但唔止呢一球，甚至係較早之前就已經有Claesson係我地右路突入禁區起腳，唔係佢拎太盡的話就已經追和。
個別表現：
列斯占士：
隊長真係慢慢搵返比賽狀態，但係仍然唔夠。
⭕️ 入球：1
⭕️ 射門數：1 (1)
⭕️ 預計入球 (xG)：0.02
⭕️ 傳入進攻三區：11
⭕️ 地面對抗： 4 (3)
⭕️ 奪回球權：2
今場有別於之前，直頭係叫占士擔任防中，後半換入安素之後，占士甚至變成卡些度的代替者，俾空間安素從後推上。但係呢種配置方式，就要犠牲左占士係邊線突破的力量同速度。
而且今場占士亦只係得一次射門，預計入球都低到只有0.02 (姐係話大約咁樣射100球只有2球入到)，入到真係好彩…之後的英超比賽可唔可以依靠占士踢防中呢？單憑呢場比賽的表現同對手的級數，暫時就覺得未可以，但係喺古斯度受傷的呢個當下，放占士做逆右閘的話，可能會有意想不到的效果都唔定。
霍爾 (Kiernan Dewsbury-Hall)：
有無有識之士可以話我知其實佢踢緊乜？
❌ 射門數：0 (0)❌ 射門機會創造：1
❌ 嘗試過人：3 (2)
❌ 長傳：1 (0)
❌ 失去球權：11
❌ 鏟斷：1 (1)
⭕️ 地面對抗：6 (3)
上文講過的野就唔重覆啦，如果KDH的定位只係安素、菲歷斯的後備，咁我無話可說。但今場的各項數據絕望到我根本睇唔到佢的存在意義，仲要對手只係哥本哈根…唔係我輕視哥本哈根的實力，不過踢到新飲水哥咁款，好難說服人繼續俾機會你。
阿達拉比奧尤：
連埋呢場的表現，我係真心認為你值得有更多上場的機會。
⭕️ 攔截：1⭕️ 清波：6
⭕️ 高中爭頂：3 (2)
⭕️ 地面對抗：1 (1)
⭕️ 奪回球權：4
⭕️ 傳球：136 (131) (96%)
⭕️ 長傳：3 (3)
有趣的係，今場阿達拉比奧尤踢到有少少似係防中咁，如果你睇返佢的Heatmap的話，就會見到佢Cover左好大量的中後場範圍。由中圈開始的防守，到禁區內第一點的攔截，到奪回球權後的傳波，阿達拉比奧尤做足晒佢的工作，亦同時提供到車路士陣中少有的高空能力。
亦因為有佢的遮線，多少限制左哥本哈根係車路士右路的進攻。最重要的部份，係頻繁的後場清波，當對手推入禁區，身形高大的阿達拉比奧尤奪回球權同即刻清波，直接減少左哥本哈根起腳的機會，亦因為咁對手的攻擊方式只能依賴死球同長傳。
總結：
贏波，但幾多球迷真係開心？ 車仔今場表現遠遠未夠說服力，KDH 再次成為批評焦點，球隊死球防守又出事，高維爾再次被質疑，連埋馬蛇的戰術都備受爭議。次回合雖然有主場優勢，但如果唔改善問題，晉級絕對未必穩陣。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
。
車仔雖然主導控球，但進攻組織完全唔合格，成個半場得兩次起腳，連一次射正都無，xG 低到得返 0.06，唔好話入波，真係埋門都買少見少。
直到下半場馬蛇眼見唔對路，即刻換入 安素 (Enzo Fernández) 同 安宮古 (Christopher Nkunku)，球隊總算搵返啲節奏。開波唔夠 56 秒，占士 (Reece James) 離門 25 碼遠射，終於打破僵局。之後去到 65 分鐘，泰基·佐治 (Tyrique George) 橫傳，安素冷靜抽射破網，擴大比數 2:0。
然後當然唔少得車迷最熟悉的劇本 —— 79 分鐘，哥本哈根自由球送入禁區，佩雷拉 (Gabriel Pereira) 係高維爾漏頂之下輕鬆頂入，令藍軍臨完場前陷入危機，對手亦愈踢愈勇，連續幾波攻勢施壓，好彩最後防線無再崩潰，驚險守住戰局。
賽後點評：
1) 創意十足的首發陣容 —— 表面上係4-2-3-1，但實際上佢安排左古斯度係左路後上，踢落更加似係3-2-4-1的攻擊陣。由KDH係左路同中路之間游走、加埋兼任防中的占士後上同自由人彭馬。諗係好完美架，但執行上就完全係另一回事。
2) 令人嘆息的上半場 —— 本來的目的就係想透過全面控制中場俾前線有更多進攻的機會，所以先會要卡些度、占士、彭馬同KDH四個人組成相當密集的第一掃蕩區，只要對手搶回控球嘗試組織，就要面對車路士勁多球員的圍攻，係呢件事的確係好成功，單係上半場車路士就掌控左66%的球權。
但係當車路士要轉守為攻，成事就錯到九彩。彭馬墮後拎波，但本身速度唔快，變相進攻需要的距離太長同自閹完全無分別。本應代替安素係左路做發電機的KDH，唔止傳球無穿透力，甚至係轉邊定係推進都做唔到，直接拖慢左車路士的進攻節奏。結果就令車路士同哥本哈根不停係中場互交，完全無入肉的攻勢。
最前的兩位小將，係上半場缺乏供應下亦完全無發揮的空間，可憐的Mheuka被換走之前只係得9次觸球。
3) 空有控球但攻勢欠奉 —— 話改變，其實只係還原基本步。因為古斯度的傷出，換入古古尼亞，半場換入安素、安宮古，無錯，又係變返做熟識的英超4-2-3-1踢法：安素拍占士(平日係卡些度)，前面就KDH，安宮古加佐治。不過依然改變唔到要彭馬收後帶黎的戰術缺憾。而最可惡的係，換人之後，車路士都只係由零變成0.5，兩個入波都單純係來自個人能力同對手的犯錯，而唔係戰術組織帶來的成果。包括第一球係占士遠射，同第二球係邊線硬搶之後反擊得手。縱觀整場比賽，馬蛇要求球員有更大比例的控球，但係球員無球跑動少之餘亦未見到有任何能力打破密集防守，明顯係馬蛇控球控到走火入魔。
4) 防守又有漏洞，熟口熟面的問題 —— 每次入完波，車路士就會進入等失波的時間，只差在主角係邊個。今場就係高維爾起跳判斷失誤，波皮都批唔到，漏左俾身後的佩雷拉。但唔止呢一球，甚至係較早之前就已經有Claesson係我地右路突入禁區起腳，唔係佢拎太盡的話就已經追和。
個別表現：
列斯占士：
隊長真係慢慢搵返比賽狀態，但係仍然唔夠。
⭕️ 入球：1
⭕️ 射門數：1 (1)
⭕️ 預計入球 (xG)：0.02
⭕️ 傳入進攻三區：11
⭕️ 地面對抗： 4 (3)
⭕️ 奪回球權：2
今場有別於之前，直頭係叫占士擔任防中，後半換入安素之後，占士甚至變成卡些度的代替者，俾空間安素從後推上。但係呢種配置方式，就要犠牲左占士係邊線突破的力量同速度。
而且今場占士亦只係得一次射門，預計入球都低到只有0.02 (姐係話大約咁樣射100球只有2球入到)，入到真係好彩…之後的英超比賽可唔可以依靠占士踢防中呢？單憑呢場比賽的表現同對手的級數，暫時就覺得未可以，但係喺古斯度受傷的呢個當下，放占士做逆右閘的話，可能會有意想不到的效果都唔定。
霍爾 (Kiernan Dewsbury-Hall)：
有無有識之士可以話我知其實佢踢緊乜？
❌ 射門數：0 (0)❌ 射門機會創造：1
❌ 嘗試過人：3 (2)
❌ 長傳：1 (0)
❌ 失去球權：11
❌ 鏟斷：1 (1)
⭕️ 地面對抗：6 (3)
上文講過的野就唔重覆啦，如果KDH的定位只係安素、菲歷斯的後備，咁我無話可說。但今場的各項數據絕望到我根本睇唔到佢的存在意義，仲要對手只係哥本哈根…唔係我輕視哥本哈根的實力，不過踢到新飲水哥咁款，好難說服人繼續俾機會你。
阿達拉比奧尤：
連埋呢場的表現，我係真心認為你值得有更多上場的機會。
⭕️ 攔截：1⭕️ 清波：6
⭕️ 高中爭頂：3 (2)
⭕️ 地面對抗：1 (1)
⭕️ 奪回球權：4
⭕️ 傳球：136 (131) (96%)
⭕️ 長傳：3 (3)
有趣的係，今場阿達拉比奧尤踢到有少少似係防中咁，如果你睇返佢的Heatmap的話，就會見到佢Cover左好大量的中後場範圍。由中圈開始的防守，到禁區內第一點的攔截，到奪回球權後的傳波，阿達拉比奧尤做足晒佢的工作，亦同時提供到車路士陣中少有的高空能力。
亦因為有佢的遮線，多少限制左哥本哈根係車路士右路的進攻。最重要的部份，係頻繁的後場清波，當對手推入禁區，身形高大的阿達拉比奧尤奪回球權同即刻清波，直接減少左哥本哈根起腳的機會，亦因為咁對手的攻擊方式只能依賴死球同長傳。
總結：
贏波，但幾多球迷真係開心？ 車仔今場表現遠遠未夠說服力，KDH 再次成為批評焦點，球隊死球防守又出事，高維爾再次被質疑，連埋馬蛇的戰術都備受爭議。次回合雖然有主場優勢，但如果唔改善問題，晉級絕對未必穩陣。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊