各位車路士球迷，今個週末嘅史丹福橋將會非常熱鬧！
作為新球季嘅序幕，我哋會喺短短三日內，先後迎戰德甲嘅利華古遜同埋意甲嘅AC米蘭。考慮到兩場波時間太近，我估呢篇文出街時可能仲未踢對利華古遜嘅比賽，我哋今次就先「戴定頭盔」，將呢份【觀戰指南】嘅焦點，完全放喺星期日對AC米蘭呢場重頭戲之上。呢場波唔單止係豪門對碰，更加似係一場溫馨又帶點感慨嘅「史丹福橋舊生會」。
歷史交鋒：藍軍佔優，但回憶滿載
喺輕鬆預熱場波之前，不如先睇下兩隊嘅歷史淵源。我哋同AC米蘭喺歷史上正式交手過7次，藍軍以3勝3和1負稍為佔優，可以話係往績上唔會輸蝕。對賽紀錄橫跨幾十年，由60年代嘅歐洲城市博覽會盃 (Fairs Cup)，到99年同22年兩次嘅歐聯分組賽對碰，見證住兩代豪門嘅變遷。
有趣嘅係，喺呢個對決嘅神射手榜上，我哋嘅代表竟然係名宿佐治格拉咸 (George Graham) 同前鋒奧巴美揚 (Aubameyang)，各自攻入過兩球。而最近一次交手（22/23球季）喺主場贏3:0嗰場，為我哋入波嘅球員之一，就係至今仍然喺陣中嘅中堅科芬拿 (Wesley Fofana)。
看點一：「史丹福橋舊生會」的聚會
呢個絕對係今場比賽嘅最大焦點。當報幕員讀出AC米蘭嘅陣容，我哋好可能會聽到三個熟悉嘅名字：「美國隊長」- 普利錫 (Christian Pulisic)、「龍虎切」- 路夫斯捷克 (Ruben Loftus-Cheek) 同埋杜莫利 (Fikayo Tomori)。見到佢哋三個著上紅黑間條衫，以對手身份重返史丹福橋，作為車迷，心情肯定有啲複雜。
特別係美隊，上季佢仲係米蘭隊內嘅首席射手；而杜莫利亦都早已成為對方後防線上嘅絕對主力。呢場「舊生」對「母校」嘅戲碼，佢哋嘅表現會係點？我哋嘅球迷又會點樣迎接佢哋？呢啲畫面，將會係鏡頭捕捉嘅焦點，亦係我哋觀賽時最值得細味嘅部分。
看點二：艾歷尼回歸，一支「迷失」的米蘭？
將目光由「花生」轉向戰術層面。AC米蘭上季其實過得非常艱難，聯賽只排第八，失去咗今季嘅歐洲賽資格。為咗重整旗鼓，佢哋請返嚟嘅，正係曾經帶領佢哋贏得意甲冠軍嘅功勳主帥艾歷尼 (Massimiliano Allegri)。
艾歷尼出名戰術務實，擅長打造穩固嘅防守。今場正好可以觀察，喺佢嘅重新調教下，呢支米蘭會呈現出點樣嘅精神面貌？佢哋嘅陣型會唔會比上季更有紀律？另外，佢哋今夏仲由皇馬簽入咗傳奇級中場摩迪 (Luka Modrić)，能夠喺史丹福橋親眼睇到呢位大師獻技，亦係值回票價。
看點三：「A/B隊」大練兵，檢閱我哋嘅板凳深度
由於要喺三日內踢兩場高強度熱身賽，馬利斯卡 (Enzo Maresca) 幾乎肯定會好似上季咁派出兩套完全唔同嘅陣容應戰，實行「A/B隊」輪換。呢個正好就係俾我哋球迷一個絕佳機會，去全面檢閱我哋嘅板凳深度。
邊啲球員會喺對利華古遜時上陣？邊啲又會留力到對AC米蘭先擔正？一套陣容可能係主力磨合，另一套就可能係邊緣球員同小將爭取表現嘅機會。甚至馬蛇可能已經擺脫A/B隊嘅諗法，兩日兩隊都有主力級數都唔定。
究竟邊個能夠喺呢個「B隊」嘅機會中脫穎而出，為自己喺新球季嘅位置增添籌碼？當然，球迷最期待嘅二安 (Estevão Willian) 、蝦頭 (Hato) 同其他小將，喺呢種輪換制度下，獲得上陣時間嘅機會亦都大大增加，值得我哋落足眼力去期待！
總結：
一連兩場嘅主場熱身賽，係新球季最好嘅前菜。對AC米蘭呢場波，有戰術對碰，有球星壓陣，更加有舊將重逢嘅溫情。就讓大家帶住輕鬆嘅心情，享受呢場充滿故事性嘅比賽，一齊為即將來臨嘅英超賽季，儲足能量！ Come on you Blues!
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
作為新球季嘅序幕，我哋會喺短短三日內，先後迎戰德甲嘅利華古遜同埋意甲嘅AC米蘭。考慮到兩場波時間太近，我估呢篇文出街時可能仲未踢對利華古遜嘅比賽，我哋今次就先「戴定頭盔」，將呢份【觀戰指南】嘅焦點，完全放喺星期日對AC米蘭呢場重頭戲之上。呢場波唔單止係豪門對碰，更加似係一場溫馨又帶點感慨嘅「史丹福橋舊生會」。
歷史交鋒：藍軍佔優，但回憶滿載
喺輕鬆預熱場波之前，不如先睇下兩隊嘅歷史淵源。我哋同AC米蘭喺歷史上正式交手過7次，藍軍以3勝3和1負稍為佔優，可以話係往績上唔會輸蝕。對賽紀錄橫跨幾十年，由60年代嘅歐洲城市博覽會盃 (Fairs Cup)，到99年同22年兩次嘅歐聯分組賽對碰，見證住兩代豪門嘅變遷。
有趣嘅係，喺呢個對決嘅神射手榜上，我哋嘅代表竟然係名宿佐治格拉咸 (George Graham) 同前鋒奧巴美揚 (Aubameyang)，各自攻入過兩球。而最近一次交手（22/23球季）喺主場贏3:0嗰場，為我哋入波嘅球員之一，就係至今仍然喺陣中嘅中堅科芬拿 (Wesley Fofana)。
看點一：「史丹福橋舊生會」的聚會
呢個絕對係今場比賽嘅最大焦點。當報幕員讀出AC米蘭嘅陣容，我哋好可能會聽到三個熟悉嘅名字：「美國隊長」- 普利錫 (Christian Pulisic)、「龍虎切」- 路夫斯捷克 (Ruben Loftus-Cheek) 同埋杜莫利 (Fikayo Tomori)。見到佢哋三個著上紅黑間條衫，以對手身份重返史丹福橋，作為車迷，心情肯定有啲複雜。
特別係美隊，上季佢仲係米蘭隊內嘅首席射手；而杜莫利亦都早已成為對方後防線上嘅絕對主力。呢場「舊生」對「母校」嘅戲碼，佢哋嘅表現會係點？我哋嘅球迷又會點樣迎接佢哋？呢啲畫面，將會係鏡頭捕捉嘅焦點，亦係我哋觀賽時最值得細味嘅部分。
看點二：艾歷尼回歸，一支「迷失」的米蘭？
將目光由「花生」轉向戰術層面。AC米蘭上季其實過得非常艱難，聯賽只排第八，失去咗今季嘅歐洲賽資格。為咗重整旗鼓，佢哋請返嚟嘅，正係曾經帶領佢哋贏得意甲冠軍嘅功勳主帥艾歷尼 (Massimiliano Allegri)。
艾歷尼出名戰術務實，擅長打造穩固嘅防守。今場正好可以觀察，喺佢嘅重新調教下，呢支米蘭會呈現出點樣嘅精神面貌？佢哋嘅陣型會唔會比上季更有紀律？另外，佢哋今夏仲由皇馬簽入咗傳奇級中場摩迪 (Luka Modrić)，能夠喺史丹福橋親眼睇到呢位大師獻技，亦係值回票價。
看點三：「A/B隊」大練兵，檢閱我哋嘅板凳深度
由於要喺三日內踢兩場高強度熱身賽，馬利斯卡 (Enzo Maresca) 幾乎肯定會好似上季咁派出兩套完全唔同嘅陣容應戰，實行「A/B隊」輪換。呢個正好就係俾我哋球迷一個絕佳機會，去全面檢閱我哋嘅板凳深度。
邊啲球員會喺對利華古遜時上陣？邊啲又會留力到對AC米蘭先擔正？一套陣容可能係主力磨合，另一套就可能係邊緣球員同小將爭取表現嘅機會。甚至馬蛇可能已經擺脫A/B隊嘅諗法，兩日兩隊都有主力級數都唔定。
究竟邊個能夠喺呢個「B隊」嘅機會中脫穎而出，為自己喺新球季嘅位置增添籌碼？當然，球迷最期待嘅二安 (Estevão Willian) 、蝦頭 (Hato) 同其他小將，喺呢種輪換制度下，獲得上陣時間嘅機會亦都大大增加，值得我哋落足眼力去期待！
總結：
一連兩場嘅主場熱身賽，係新球季最好嘅前菜。對AC米蘭呢場波，有戰術對碰，有球星壓陣，更加有舊將重逢嘅溫情。就讓大家帶住輕鬆嘅心情，享受呢場充滿故事性嘅比賽，一齊為即將來臨嘅英超賽季，儲足能量！ Come on you Blues!
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊