各位車路士球迷，抖咗幾個星期，有無人同我一樣好掛住史丹福橋嘅綠色草地呢？新球季嘅序幕，將會由今個星期五深夜喺主場上演嘅「VisitMalta週末賽」正式拉開！
我哋嘅第一個對手，就係嚟自德甲嘅勁旅，「藥廠」利華古遜。熱身賽，勝負固然係其次，最重要係可以睇下班球員狀態如何，兼夾睇下馬蛇會唔會帶俾我哋啲新嘢睇。呢份指南，就係要同大家一齊迎接新球季嘅第一絲足球氣息。
歷史與「花生」：剪不斷的德國藥車結
雖然我哋同利華古遜喺正式比賽只係喺2011/12嗰屆歐聯小組賽碰過頭（嗰屆我哋最後捧盃，佢哋就係我哋第一個對手，都算係個好意頭！），但兩間球會之間嘅人員往來，就真係精彩過睇戲。
遠嘅有我哋嘅最熟識嘅萬年老二波叔波歷克 (Michael Ballack)，佢喺利華古遜飲恨歐聯亞軍，嚟到我哋度都係差少少，但就成功為我哋贏得英超同足總盃，成就雙冠王霸業。
近嘅，就有為我哋射入歐聯決賽致勝一球嘅夏維斯 (Kai Havertz)，佢正正就係由利華古遜加盟；而我哋嘅青訓產品赫臣奧度爾 (Callum Hudson-Odoi) 亦都曾經被外借到「藥廠」練兵。仲有當年嘅「德國孖寶」之一舒賀爾尼 (André Schürrle)，都係由利華古遜轉投我哋，仲拎到一枚英超冠軍獎牌。呢啲千絲萬縷嘅關係，令呢場友誼賽多咗一份懷舊嘅味道。
看點一：馬蛇的「首輪點兵」
作為新球季第一場波，球迷最關心嘅，肯定係馬利斯卡會點樣排兵佈陣。邊個會正選上陣「試腳頭」？經過一個夏天嘅休息，主將們嘅體能同狀態恢復成點？更重要嘅係，有冇啲青訓小將會獲得上陣機會，喺史丹福橋球迷面前表現自己？大家可以特別留意下半場嘅大規模換人，嗰陣先至係真正「試陣」同「試人」嘅時間。呢場波，可以話係我哋窺探馬蛇新球季初步計劃嘅最佳窗口。
而我個人最期待就當然係喺世冠盃入咗我地波嘅二安 (Estevão Willian) 。佢會唔會有時間上陣呢？
看點二：最熟悉的陌生人，坦克的新藥廠
講起利華古遜，佢哋今季有個我哋非常熟悉嘅新教練：前曼聯主帥 坦克 (Erik ten Hag)。我哋同坦克執教嘅球隊（無論係阿積士定曼聯）絕對係老對手。翻查紀錄，我哋同坦克總共交手過6次，戰績係非常平均嘅2勝2和2負，平分秋色。
不過，數據雖然平淡，過程就絕對係火花四濺，場場都係入球騷。相信大家對2019年主場對阿積士嗰場蕩氣迴腸嘅4:4，同埋上上季主場補時反勝曼聯4:3嘅經典戰役，都仲係歷歷在目。可以話，有坦克嘅地方，就唔怕無波入。(當然要記得睇埋坦克賽後嘅記者會，畢竟坦克係賽後記者會同炎柱大哥一樣無輸過。)
今場正好可以睇下，佢會點樣將佢嗰套鍾意控球、高位壓迫嘅戰術理念，植入到呢支德甲球隊身上。雖然只係友誼賽，但有呢位「老對手」帶隊，或者我哋又可以期待一場對攻大戰？
睇波提示
1) 放低勝負心：記住，呢只係一場熱身賽，球員可能會有失誤，戰術佈置可能會錯，小將可能默契會唔足夠，但最緊要係觀察過程。
2) 留意球員身體狀態：球員嘅跑動、對抗、速度係咪回復到比賽水平，比入球更值得關注。
3) 感受氣氛：最重要嘅係，享受足球返嚟嘅感覺！享受史丹福橋嘅氣氛，為新球季打響頭炮。
總結：
一個新嘅球季，一個新嘅開始。無論如何，能夠再次見到班球員著上藍色戰衣喺草地上奔跑，已經係最好嘅事。希望大家可以一齊輕鬆享受呢場足球盛宴，為我哋嘅新球季熱定身！Come on Chelsea!
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
我哋嘅第一個對手，就係嚟自德甲嘅勁旅，「藥廠」利華古遜。熱身賽，勝負固然係其次，最重要係可以睇下班球員狀態如何，兼夾睇下馬蛇會唔會帶俾我哋啲新嘢睇。呢份指南，就係要同大家一齊迎接新球季嘅第一絲足球氣息。
歷史與「花生」：剪不斷的德國藥車結
雖然我哋同利華古遜喺正式比賽只係喺2011/12嗰屆歐聯小組賽碰過頭（嗰屆我哋最後捧盃，佢哋就係我哋第一個對手，都算係個好意頭！），但兩間球會之間嘅人員往來，就真係精彩過睇戲。
遠嘅有我哋嘅最熟識嘅萬年老二波叔波歷克 (Michael Ballack)，佢喺利華古遜飲恨歐聯亞軍，嚟到我哋度都係差少少，但就成功為我哋贏得英超同足總盃，成就雙冠王霸業。
近嘅，就有為我哋射入歐聯決賽致勝一球嘅夏維斯 (Kai Havertz)，佢正正就係由利華古遜加盟；而我哋嘅青訓產品赫臣奧度爾 (Callum Hudson-Odoi) 亦都曾經被外借到「藥廠」練兵。仲有當年嘅「德國孖寶」之一舒賀爾尼 (André Schürrle)，都係由利華古遜轉投我哋，仲拎到一枚英超冠軍獎牌。呢啲千絲萬縷嘅關係，令呢場友誼賽多咗一份懷舊嘅味道。
看點一：馬蛇的「首輪點兵」
作為新球季第一場波，球迷最關心嘅，肯定係馬利斯卡會點樣排兵佈陣。邊個會正選上陣「試腳頭」？經過一個夏天嘅休息，主將們嘅體能同狀態恢復成點？更重要嘅係，有冇啲青訓小將會獲得上陣機會，喺史丹福橋球迷面前表現自己？大家可以特別留意下半場嘅大規模換人，嗰陣先至係真正「試陣」同「試人」嘅時間。呢場波，可以話係我哋窺探馬蛇新球季初步計劃嘅最佳窗口。
而我個人最期待就當然係喺世冠盃入咗我地波嘅二安 (Estevão Willian) 。佢會唔會有時間上陣呢？
看點二：最熟悉的陌生人，坦克的新藥廠
講起利華古遜，佢哋今季有個我哋非常熟悉嘅新教練：前曼聯主帥 坦克 (Erik ten Hag)。我哋同坦克執教嘅球隊（無論係阿積士定曼聯）絕對係老對手。翻查紀錄，我哋同坦克總共交手過6次，戰績係非常平均嘅2勝2和2負，平分秋色。
不過，數據雖然平淡，過程就絕對係火花四濺，場場都係入球騷。相信大家對2019年主場對阿積士嗰場蕩氣迴腸嘅4:4，同埋上上季主場補時反勝曼聯4:3嘅經典戰役，都仲係歷歷在目。可以話，有坦克嘅地方，就唔怕無波入。(當然要記得睇埋坦克賽後嘅記者會，畢竟坦克係賽後記者會同炎柱大哥一樣無輸過。)
今場正好可以睇下，佢會點樣將佢嗰套鍾意控球、高位壓迫嘅戰術理念，植入到呢支德甲球隊身上。雖然只係友誼賽，但有呢位「老對手」帶隊，或者我哋又可以期待一場對攻大戰？
睇波提示
1) 放低勝負心：記住，呢只係一場熱身賽，球員可能會有失誤，戰術佈置可能會錯，小將可能默契會唔足夠，但最緊要係觀察過程。
2) 留意球員身體狀態：球員嘅跑動、對抗、速度係咪回復到比賽水平，比入球更值得關注。
3) 感受氣氛：最重要嘅係，享受足球返嚟嘅感覺！享受史丹福橋嘅氣氛，為新球季打響頭炮。
總結：
一個新嘅球季，一個新嘅開始。無論如何，能夠再次見到班球員著上藍色戰衣喺草地上奔跑，已經係最好嘅事。希望大家可以一齊輕鬆享受呢場足球盛宴，為我哋嘅新球季熱定身！Come on Chelsea!
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊