車仔請奧運田徑手教踢波？公海第一反應實係笑：BlueCo 搞唔掂足球，終於痴 Q 咗線去搞田徑隊想拎奧運金牌？
我知呢篇文應該WFC……畢竟第一眼睇到前英國奧運短跑名將 Adam Gemili 退役，然後空降車路士青訓學院做速度教練 (Speed Coach)，我都打咗個突。喺高層瘋狂買幻稚、玩現實版 FM 嘅大背景下，呢單跨界人事任命睇落同星爺嘅GAG一樣咁無厘頭。
但笑還笑，將呢單體壇奇聞擺入現代運動科學同埋高度殘酷嘅青訓淘汰機制入面睇，其實未必錯得晒。
背後牽涉嘅，唔單止係最尖端嘅生物力學應用，更加係針對現代青訓高達 99.5% 陣亡率嘅一次全人發展戰略轉型，可以話係BlueCo少有嘅德政。(笑)
今集冷氣房，我哋就拋開表面嘅花生，用少少硬核數據同科學，同大家拆解下 Gemili 呢個葫蘆，到底賣緊咩神仙藥。
破除跑狗迷思：唔係要你跑贏保特，係救大家條 Hamstring
一講起請奧運短跑教練，好多人第一時間實諗：「車仔實係想練成隊跑狗出嚟，教班細路個個變晒麥巴比或者梅迪歷咁，下下喺邊線爆落底。」
表面睇，短跑運動員的確擁有最強嘅絕對速度。但現實中，田徑賽道同英超草地，根本係兩個完全唔同嘅世界。
踢波唔係跑 100 米。飛人保特跑 100 米，都要跑到 50 米左右先會推到去最高速 (無跑開，TA咁寫我咁講)；但根據數據，一場足球比賽入面，球員單次衝刺平均得嗰 10 到 20 米，往往跑到 20 米左右已經要到極速。足球最值錢嘅，從來唔係 50 米長途直線奔襲，而係最初嗰兩步嘅起步爆發，同埋最緊要嘅：急煞能力。
田徑衝線之後，跑手有幾十米大直路俾你慢慢收步；但踢波？衝刺完你要瞬間急煞轉向，應付對手欄截或者起腳射門。就係呢個急煞瞬間產生嘅收縮力量，如果你嘅肌肉頂唔順，就會引發車路士（甚至全球壇）最痛恨嘅惡夢：Hamstring Injuries。
依家英超節奏極快，Hamstring 傷患佔咗足球總傷患差唔多四分之一。最新嘅運動醫學研究指出，不良嘅衝刺姿勢（例如重心太高），會大幅增加大腿肌肉承受嘅機械應力。呢個就係 Gemili 存在嘅真正價值。
Gemili 佢自己喺 2021 年東京奧運 200 米預賽，就試過熱身嗰陣慘遭 Hamstring 撕裂，最後喊住行過終點。佢比任何人都清楚極限速度下肌肉有幾脆弱。佢入青訓做教頭，唔係要教班細路點樣跑到破世界紀錄，而係從骨盆傾斜角度、唔同嘅力學機制去精確微調小朋友們嘅跑姿同煞車動作。
講白啲，呢個速度教練，查實係大半個「防傷軍醫」。用最尖端嘅科學執正你個跑姿，減少不必要嘅勞損，等班細路日後上到一隊應付英超強度嗰陣無咁易拉傷。你諗下車仔傷兵名單平時有幾長，就知呢項投資其實極之有遠見。
99.5% 嘅死亡率：青訓棄將嘅倖存者身教
除咗防傷，請 Gemili 仲有一個好重要嘅考慮。
大家平時睇青訓，淨係見到出咗個占士或者曼治，覺得車仔青訓係造星工廠。但殘酷嘅學術數據話俾大家知，現代精英青訓系統無大家想像中咁輕鬆。
一個 9 歲入頂級青訓營嘅細路，最終超過 99.5% 係無法喺頂級聯賽立足；就算放寬到低組別職業聯賽，成功率都只得 4% 到 6%。
當一個 16 歲嘅後生仔喺合約會議上被球會掃地出門，佢面對嘅唔係單純轉校/轉工，而係運動心理學上講嘅「自我同一性提早結案 (Identity Foreclosure)」。佢哋由 8 歲開始，成個人生價值同社交圈子就綁定咗喺足球員呢個單一身分度。一旦夢碎，研究指有高達 55% 嘅被解約青訓球員，會喺短短三星期內出現臨床級別嘅抑鬱同焦慮。
咁關 Gemili 咩事？因為佢就係當年嗰 99.5% 嘅其中一個犧牲者。
無錯，Gemili 喺 15 歲嗰陣，就係俾車路士青訓無情踢走。佢親身經歷過嗰種被體系拋棄、世界末日一樣嘅心痛。
有啲人或者傳媒可能會浪漫化件事：「踢波唔得，咪學 Gemili 轉行跑田徑囉！」唔好傻啦。運動科學證實，田徑短跑極度依賴特定肌肉，踢足十幾年波嘅身體早就適應咗足球嘅間歇性耐力，過咗青春期先逆向轉型，根本違反生理學。
Gemili 嘅跨界成功，喺學術角度嚟講只係一個極端異常嘅案例，絕對唔係常規出路。所以，Gemili 絕對唔係返嚟教班細路去跑田徑。佢係以一個過來人嘅身分，同班小朋友講：「就算你聽日俾車路士踢走，只要你有紀律有韌性，你嘅人生依然可以喺第二度攞奧運金牌、寫你自己嘅故事。」
呢種基於共同創傷嘅心理輔導同共鳴，係任何一路順風順水嘅傳統名宿教練都俾唔到嘅。
總結：由造星工廠到全人發展，BlueCo 少有嘅神操作
睇到呢度，大家仲覺唔覺得車路士請個田徑手返嚟係一件痴線嘅笑話？
Adam Gemili 嘅空降，絕對唔係為咗搞咩 PR 噱頭，亦唔係 肥 Todd 無啦啦玩 FM，而係現代體育科學同球員關懷嘅一著靚棋。
唔止BlueCo年代，早在油王時期開始，車路士青訓俾外界嘅印象，往往係無限外借嘅「出租車」，同埋用嚟刷 Pure Profit嘅無情印鈔機。但依家新青訓高層推動緊嘅，係真正嘅全人發展。唔單止教你踢波，仲教你萬一踢唔到波，點樣面對人生。
我哋平時喺冷氣房，成日屌 BlueCo 班高層一隊買人極端、亂炒教練。但一樣還一樣，喺青訓系統改革同球員關懷呢一環，呢單跨界任命的確展現出前瞻性同人文溫度。
連當年俾車仔踢走過嘅棄將，今日都可以用奧運金牌嘅身分風光回歸做人生導師。呢啲咁有深度嘅操作，我唔介意 BlueCo 做多幾次。(笑)
不過講明，就算之後都仲係咁多Hamstring傷患，都唔好搵返我呢篇文出嚟打面，唔該…畢竟呢d嘢講唔埋。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
我知呢篇文應該WFC……畢竟第一眼睇到前英國奧運短跑名將 Adam Gemili 退役，然後空降車路士青訓學院做速度教練 (Speed Coach)，我都打咗個突。喺高層瘋狂買幻稚、玩現實版 FM 嘅大背景下，呢單跨界人事任命睇落同星爺嘅GAG一樣咁無厘頭。
但笑還笑，將呢單體壇奇聞擺入現代運動科學同埋高度殘酷嘅青訓淘汰機制入面睇，其實未必錯得晒。
背後牽涉嘅，唔單止係最尖端嘅生物力學應用，更加係針對現代青訓高達 99.5% 陣亡率嘅一次全人發展戰略轉型，可以話係BlueCo少有嘅德政。(笑)
今集冷氣房，我哋就拋開表面嘅花生，用少少硬核數據同科學，同大家拆解下 Gemili 呢個葫蘆，到底賣緊咩神仙藥。
破除跑狗迷思：唔係要你跑贏保特，係救大家條 Hamstring
一講起請奧運短跑教練，好多人第一時間實諗：「車仔實係想練成隊跑狗出嚟，教班細路個個變晒麥巴比或者梅迪歷咁，下下喺邊線爆落底。」
表面睇，短跑運動員的確擁有最強嘅絕對速度。但現實中，田徑賽道同英超草地，根本係兩個完全唔同嘅世界。
踢波唔係跑 100 米。飛人保特跑 100 米，都要跑到 50 米左右先會推到去最高速 (無跑開，TA咁寫我咁講)；但根據數據，一場足球比賽入面，球員單次衝刺平均得嗰 10 到 20 米，往往跑到 20 米左右已經要到極速。足球最值錢嘅，從來唔係 50 米長途直線奔襲，而係最初嗰兩步嘅起步爆發，同埋最緊要嘅：急煞能力。
田徑衝線之後，跑手有幾十米大直路俾你慢慢收步；但踢波？衝刺完你要瞬間急煞轉向，應付對手欄截或者起腳射門。就係呢個急煞瞬間產生嘅收縮力量，如果你嘅肌肉頂唔順，就會引發車路士（甚至全球壇）最痛恨嘅惡夢：Hamstring Injuries。
依家英超節奏極快，Hamstring 傷患佔咗足球總傷患差唔多四分之一。最新嘅運動醫學研究指出，不良嘅衝刺姿勢（例如重心太高），會大幅增加大腿肌肉承受嘅機械應力。呢個就係 Gemili 存在嘅真正價值。
Gemili 佢自己喺 2021 年東京奧運 200 米預賽，就試過熱身嗰陣慘遭 Hamstring 撕裂，最後喊住行過終點。佢比任何人都清楚極限速度下肌肉有幾脆弱。佢入青訓做教頭，唔係要教班細路點樣跑到破世界紀錄，而係從骨盆傾斜角度、唔同嘅力學機制去精確微調小朋友們嘅跑姿同煞車動作。
講白啲，呢個速度教練，查實係大半個「防傷軍醫」。用最尖端嘅科學執正你個跑姿，減少不必要嘅勞損，等班細路日後上到一隊應付英超強度嗰陣無咁易拉傷。你諗下車仔傷兵名單平時有幾長，就知呢項投資其實極之有遠見。
99.5% 嘅死亡率：青訓棄將嘅倖存者身教
除咗防傷，請 Gemili 仲有一個好重要嘅考慮。
大家平時睇青訓，淨係見到出咗個占士或者曼治，覺得車仔青訓係造星工廠。但殘酷嘅學術數據話俾大家知，現代精英青訓系統無大家想像中咁輕鬆。
一個 9 歲入頂級青訓營嘅細路，最終超過 99.5% 係無法喺頂級聯賽立足；就算放寬到低組別職業聯賽，成功率都只得 4% 到 6%。
當一個 16 歲嘅後生仔喺合約會議上被球會掃地出門，佢面對嘅唔係單純轉校/轉工，而係運動心理學上講嘅「自我同一性提早結案 (Identity Foreclosure)」。佢哋由 8 歲開始，成個人生價值同社交圈子就綁定咗喺足球員呢個單一身分度。一旦夢碎，研究指有高達 55% 嘅被解約青訓球員，會喺短短三星期內出現臨床級別嘅抑鬱同焦慮。
咁關 Gemili 咩事？因為佢就係當年嗰 99.5% 嘅其中一個犧牲者。
無錯，Gemili 喺 15 歲嗰陣，就係俾車路士青訓無情踢走。佢親身經歷過嗰種被體系拋棄、世界末日一樣嘅心痛。
有啲人或者傳媒可能會浪漫化件事：「踢波唔得，咪學 Gemili 轉行跑田徑囉！」唔好傻啦。運動科學證實，田徑短跑極度依賴特定肌肉，踢足十幾年波嘅身體早就適應咗足球嘅間歇性耐力，過咗青春期先逆向轉型，根本違反生理學。
Gemili 嘅跨界成功，喺學術角度嚟講只係一個極端異常嘅案例，絕對唔係常規出路。所以，Gemili 絕對唔係返嚟教班細路去跑田徑。佢係以一個過來人嘅身分，同班小朋友講：「就算你聽日俾車路士踢走，只要你有紀律有韌性，你嘅人生依然可以喺第二度攞奧運金牌、寫你自己嘅故事。」
呢種基於共同創傷嘅心理輔導同共鳴，係任何一路順風順水嘅傳統名宿教練都俾唔到嘅。
總結：由造星工廠到全人發展，BlueCo 少有嘅神操作
睇到呢度，大家仲覺唔覺得車路士請個田徑手返嚟係一件痴線嘅笑話？
Adam Gemili 嘅空降，絕對唔係為咗搞咩 PR 噱頭，亦唔係 肥 Todd 無啦啦玩 FM，而係現代體育科學同球員關懷嘅一著靚棋。
唔止BlueCo年代，早在油王時期開始，車路士青訓俾外界嘅印象，往往係無限外借嘅「出租車」，同埋用嚟刷 Pure Profit嘅無情印鈔機。但依家新青訓高層推動緊嘅，係真正嘅全人發展。唔單止教你踢波，仲教你萬一踢唔到波，點樣面對人生。
我哋平時喺冷氣房，成日屌 BlueCo 班高層一隊買人極端、亂炒教練。但一樣還一樣，喺青訓系統改革同球員關懷呢一環，呢單跨界任命的確展現出前瞻性同人文溫度。
連當年俾車仔踢走過嘅棄將，今日都可以用奧運金牌嘅身分風光回歸做人生導師。呢啲咁有深度嘅操作，我唔介意 BlueCo 做多幾次。(笑)
不過講明，就算之後都仲係咁多Hamstring傷患，都唔好搵返我呢篇文出嚟打面，唔該…畢竟呢d嘢講唔埋。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
請按此登錄後留言。未成為會員? 立即註冊