我知，你實會問：「乜撚嘢MNJ呀…」
我自問有留意車路士青訓。大力、米希卡、禾殊、麥昆、拉比積，近年冒起嗰批細路我唔敢話熟到背得出身高體重，但至少見到個名，腦入面大概有張相。
但當阿朗素將16歲嘅Mahdi Nicoll-Jazuli帶入一隊，再帶埋佢去澳洲季前集訓，我第一個反應仍然係：「邊個嚟？」講明，今次堅係唔識發音，亦唔識譯，所以叫住MNJ先。
老老實實，呢句對一個成日扮青訓專家嘅Page主嚟講有少少失禮。但我無辦法扮一早識佢，更加唔想睇完幾段精華，就突然話自己由U9睇住佢大。
更有趣係，阿朗素帶佢去到悉尼之後，先知道呢個細路正正喺當地出生。即係今次唔係市場部發現澳洲故事，特登安排一場「青訓衣錦還鄉」；而係阿朗素先睇中個球員，後知後覺先發現自己帶咗個悉尼仔返鄉下。
咁到底係我走漏眼，定係MNJ本身就係一種唔容易喺入球精華出現，但特別容易令教練心動嘅球員？今日傍晚如果佢真係喺出生城市完成非正式一隊地標戰，至少我哋要先搞清楚：呢個突然被阿朗素擺上枱嘅16歲中場，究竟咩料。
當係臨急抱佛腳，一齊睇下呢篇球探報告。
唔係突然彈出嚟，只係無乜人留意
MNJ上季各級賽事合計上陣33場，當中30場正選，累積超過2,500分鐘。上陣量絕對唔少，但大部分時間都留喺U18，數據亦只得2球6助攻。
同一批青訓，大力有入球有盤扭，米希卡有身體同射術，禾殊一早跳級踢U21又上一隊，麥昆又快又過到人，拉比積仲有少少美斯味。MNJ偏偏無一項適合剪成十幾秒精華放上YouTube，曝光自然少一截。如果你主要追U21、入球片同一隊後備名單，好容易成季都同佢擦身而過。（好似我咁，笑死）
但由教練角度睇，佢嘅升級速度其實相當誇張。MNJ 15歲已經成為車路士史上最年輕嘅青年歐聯正選，其後對阿積士入波，再刷新球會喺呢項賽事嘅最年輕入球紀錄。除咗U18同青年歐聯，佢亦踢過PL2、EFL Trophy，甚至越級代表英格蘭U17。
即係當其他同齡球員仍然喺自己年齡組練級，MNJ已經一路試到成年賽事。
季尾佢協助車路士U18贏得南區同全國冠軍，之後據報拒絕多間歐洲球會招攬，選擇留低簽學徒合約，並同意17歲後簽下四年職業合約。再過幾個星期，就被阿朗素拉上一隊。
所以佢唔係季前突然由Cobham草叢彈出嚟，只係一直喺球皇片外面，靜靜地升LV。
2球6助攻，阿朗素到底睇中啲乜？
車路士官方將MNJ形容為攻擊中場，但如果你當佢係一個企喺禁區頂等波、專門交最後一傳嘅10號仔，應該會睇錯人。
MNJ細個其實踢中堅，到U13左右先移入中場，之後由6號、8號踢到10號。現階段最合理嘅定位，係一個可以墮後接波、連人帶波踩過中場，再由順便踩入禁區嘅8號。
佢最突出嘅能力係向前推進。接波後可以轉身、加速，直接帶波越過對手第一道防線。車路士官方戰報形容佢時，反覆出現「surged forward」、「drove into space」同「burst forward」呢類字眼，阿朗素亦直接點名讚佢嘅Dynamism同Dribbling through midfield。
即係話，佢唔係企定定派牌嘅中場節拍器，而係識得自己將個波由A點搬去B點。
傳球方面，佢亦唔止識短傳駁腳。對賓菲加青年軍，佢曾經由較深位置送出斜傳，助攻米希卡頂入；對曼城全國決賽，就用直線劏穿防線，放單刀俾隊友。其他比賽亦見過佢長傳轉邊同移到邊線傳中。
2球6助攻反映咗佢目前產量唔高，但同時未完全反映佢嘅功能。第一段連接、中段推進、最後一傳，佢全部都可以。呢種由頭執到尾嘅多功能性，先係阿朗素所講嘅Completeness。
當然，全面唔代表無缺點。
MNJ識得後上入禁區，但入球能力暫時未追得上走位。官方戰報入面見到唔少中柱、射斜同被救出，超過2,500分鐘只入兩球，無論點吹奏都算唔上高產，除非你係將佢同戴納比較。
防守方面，雖然佢有中堅底，身體亦比同齡球員成熟，但公開數據太少，暫時我唔敢話佢可以獨立踢6號位。
坊間有人叫佢做「比寧咸二世」。嗯，如果只係講笑無問題，但兩個人可以比較嘅，可能只係身形、縱向跑動同多功能Profile，而唔係現時水平，更加唔係職業上限。
MNJ最吸引嘅地方係乜都識；最大風險亦一樣：乜都識，但最終未必有一樣勁到足以成為一隊武器。
今晚唔好淨係睇佢有無入波
如果MNJ今晚真係上陣，第一樣值得留意嘅係阿朗素究竟將佢擺喺邊。係三中場入面嘅8號、雙中場其中一格，定係企得再前少少？呢個安排會直接反映阿朗素現階段點理解佢。
第二樣係接波速度。青年賽有時間俾佢觀察、轉身再起步，但成年球員唔會俾咁多時間。佢接波前有無shoulder check，第一腳可唔可以避開壓迫，會比成功做過幾多次花巧扭波更重要。
第三樣係佢仲敢唔敢向前。MNJ最大賣點係帶波穿過中場，如果一升上一隊就只敢橫傳回傳，最多只係證明佢未適應成年比賽速度；相反，如果佢仍然敢轉身推進，即使中途甩波，都至少睇到阿朗素點解會揀佢。
最後就係失去控球之後。回追速度、對抗、企位同反搶反應，呢啲未必會入精華，但會決定一個16歲中場係咪真係可以留喺一隊訓練。
戴返頭盔先，季前熱身賽無可能為一個球員定生死。踢得好唔代表已經準備好英超，踢得差亦唔代表張卡可以即刻賣。但今晚至少會係我哋第一次睇清楚，去到成年隊比賽速度，MNJ仲剩返幾多阿朗素口中嘅「完整」。
總結：第一次打開Detail Page
所以答案係：我確實走漏咗眼，但又唔算漏得無理由。
MNJ唔係靠入球、助攻或者精華片跑出，而係靠超齡比賽能力、向前推進同戰術可塑性，靜靜地由U18跨過幾級。普通球迷最鍾意睇FIFA卡面數字，教練睇嘅卻係身體、速度、位置適應力同技能組。
今次介紹佢，唔係想預先封神。只係阿朗素已經將一張我哋未認真睇過嘅青訓牌放上枱，今晚就係第一次俾大家睇清楚Detail Page。
至於係SSR、普通R卡，定現金券？1845之後先再講。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
我自問有留意車路士青訓。大力、米希卡、禾殊、麥昆、拉比積，近年冒起嗰批細路我唔敢話熟到背得出身高體重，但至少見到個名，腦入面大概有張相。
但當阿朗素將16歲嘅Mahdi Nicoll-Jazuli帶入一隊，再帶埋佢去澳洲季前集訓，我第一個反應仍然係：「邊個嚟？」講明，今次堅係唔識發音，亦唔識譯，所以叫住MNJ先。
老老實實，呢句對一個成日扮青訓專家嘅Page主嚟講有少少失禮。但我無辦法扮一早識佢，更加唔想睇完幾段精華，就突然話自己由U9睇住佢大。
更有趣係，阿朗素帶佢去到悉尼之後，先知道呢個細路正正喺當地出生。即係今次唔係市場部發現澳洲故事，特登安排一場「青訓衣錦還鄉」；而係阿朗素先睇中個球員，後知後覺先發現自己帶咗個悉尼仔返鄉下。
咁到底係我走漏眼，定係MNJ本身就係一種唔容易喺入球精華出現，但特別容易令教練心動嘅球員？今日傍晚如果佢真係喺出生城市完成非正式一隊地標戰，至少我哋要先搞清楚：呢個突然被阿朗素擺上枱嘅16歲中場，究竟咩料。
當係臨急抱佛腳，一齊睇下呢篇球探報告。
唔係突然彈出嚟，只係無乜人留意
MNJ上季各級賽事合計上陣33場，當中30場正選，累積超過2,500分鐘。上陣量絕對唔少，但大部分時間都留喺U18，數據亦只得2球6助攻。
同一批青訓，大力有入球有盤扭，米希卡有身體同射術，禾殊一早跳級踢U21又上一隊，麥昆又快又過到人，拉比積仲有少少美斯味。MNJ偏偏無一項適合剪成十幾秒精華放上YouTube，曝光自然少一截。如果你主要追U21、入球片同一隊後備名單，好容易成季都同佢擦身而過。（好似我咁，笑死）
但由教練角度睇，佢嘅升級速度其實相當誇張。MNJ 15歲已經成為車路士史上最年輕嘅青年歐聯正選，其後對阿積士入波，再刷新球會喺呢項賽事嘅最年輕入球紀錄。除咗U18同青年歐聯，佢亦踢過PL2、EFL Trophy，甚至越級代表英格蘭U17。
即係當其他同齡球員仍然喺自己年齡組練級，MNJ已經一路試到成年賽事。
季尾佢協助車路士U18贏得南區同全國冠軍，之後據報拒絕多間歐洲球會招攬，選擇留低簽學徒合約，並同意17歲後簽下四年職業合約。再過幾個星期，就被阿朗素拉上一隊。
所以佢唔係季前突然由Cobham草叢彈出嚟，只係一直喺球皇片外面，靜靜地升LV。
2球6助攻，阿朗素到底睇中啲乜？
車路士官方將MNJ形容為攻擊中場，但如果你當佢係一個企喺禁區頂等波、專門交最後一傳嘅10號仔，應該會睇錯人。
MNJ細個其實踢中堅，到U13左右先移入中場，之後由6號、8號踢到10號。現階段最合理嘅定位，係一個可以墮後接波、連人帶波踩過中場，再由順便踩入禁區嘅8號。
佢最突出嘅能力係向前推進。接波後可以轉身、加速，直接帶波越過對手第一道防線。車路士官方戰報形容佢時，反覆出現「surged forward」、「drove into space」同「burst forward」呢類字眼，阿朗素亦直接點名讚佢嘅Dynamism同Dribbling through midfield。
即係話，佢唔係企定定派牌嘅中場節拍器，而係識得自己將個波由A點搬去B點。
傳球方面，佢亦唔止識短傳駁腳。對賓菲加青年軍，佢曾經由較深位置送出斜傳，助攻米希卡頂入；對曼城全國決賽，就用直線劏穿防線，放單刀俾隊友。其他比賽亦見過佢長傳轉邊同移到邊線傳中。
2球6助攻反映咗佢目前產量唔高，但同時未完全反映佢嘅功能。第一段連接、中段推進、最後一傳，佢全部都可以。呢種由頭執到尾嘅多功能性，先係阿朗素所講嘅Completeness。
當然，全面唔代表無缺點。
MNJ識得後上入禁區，但入球能力暫時未追得上走位。官方戰報入面見到唔少中柱、射斜同被救出，超過2,500分鐘只入兩球，無論點吹奏都算唔上高產，除非你係將佢同戴納比較。
防守方面，雖然佢有中堅底，身體亦比同齡球員成熟，但公開數據太少，暫時我唔敢話佢可以獨立踢6號位。
坊間有人叫佢做「比寧咸二世」。嗯，如果只係講笑無問題，但兩個人可以比較嘅，可能只係身形、縱向跑動同多功能Profile，而唔係現時水平，更加唔係職業上限。
MNJ最吸引嘅地方係乜都識；最大風險亦一樣：乜都識，但最終未必有一樣勁到足以成為一隊武器。
今晚唔好淨係睇佢有無入波
如果MNJ今晚真係上陣，第一樣值得留意嘅係阿朗素究竟將佢擺喺邊。係三中場入面嘅8號、雙中場其中一格，定係企得再前少少？呢個安排會直接反映阿朗素現階段點理解佢。
第二樣係接波速度。青年賽有時間俾佢觀察、轉身再起步，但成年球員唔會俾咁多時間。佢接波前有無shoulder check，第一腳可唔可以避開壓迫，會比成功做過幾多次花巧扭波更重要。
第三樣係佢仲敢唔敢向前。MNJ最大賣點係帶波穿過中場，如果一升上一隊就只敢橫傳回傳，最多只係證明佢未適應成年比賽速度；相反，如果佢仍然敢轉身推進，即使中途甩波，都至少睇到阿朗素點解會揀佢。
最後就係失去控球之後。回追速度、對抗、企位同反搶反應，呢啲未必會入精華，但會決定一個16歲中場係咪真係可以留喺一隊訓練。
戴返頭盔先，季前熱身賽無可能為一個球員定生死。踢得好唔代表已經準備好英超，踢得差亦唔代表張卡可以即刻賣。但今晚至少會係我哋第一次睇清楚，去到成年隊比賽速度，MNJ仲剩返幾多阿朗素口中嘅「完整」。
總結：第一次打開Detail Page
所以答案係：我確實走漏咗眼，但又唔算漏得無理由。
MNJ唔係靠入球、助攻或者精華片跑出，而係靠超齡比賽能力、向前推進同戰術可塑性，靜靜地由U18跨過幾級。普通球迷最鍾意睇FIFA卡面數字，教練睇嘅卻係身體、速度、位置適應力同技能組。
今次介紹佢，唔係想預先封神。只係阿朗素已經將一張我哋未認真睇過嘅青訓牌放上枱，今晚就係第一次俾大家睇清楚Detail Page。
至於係SSR、普通R卡，定現金券？1845之後先再講。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊