轉會傳聞有時嚟得又快又急，傳邊個更加係估你唔到。邊有人諗到，車仔會突然傳出想免簽史東斯。年紀大嘅CB、免簽、冠軍經驗……點都會令人諗起當年嘅泰亞高施華。(可能大家無，但我有)
施華大哥當年由巴黎免費過嚟，結果一踢就踢足四年，仲直接做埋車路士後防老豆咁。今次唔通又俾我哋免費執到寶？
但等等……同樣係免簽冠軍老將，史東斯同當年嘅施華大哥，真係同一回事？世上有咁多蛤乸隨街跳？
當年識行識走，而家出到廠先算新聞
作為一隻車……一個車迷，走去評論曼城球員點都會帶有偏見。如果有曼城球迷唔同意，歡迎去我Facebook投訴。
史東斯最令人心動嗰個版本，當然係曼城三冠王球季。
名義上佢係中堅，但曼城有波嗰陣，佢會由防線推上中場，拍住洛迪形成雙防中；要防守就退返落去做中堅，要進攻就幫手接波、轉向，甚至帶波越過第一道迫搶。簡單講，人哋踢緊一個位置，佢就好似喺兩個位置之間返兼職。唔熟嘅車迷，你諗下當年嘅大衛雷斯就係咁上下。
而佢最值錢嘅亦唔止係傳球準。當史東斯推上去，曼城可以由四後衛切換成3-2-4-1；一失去控球，佢又識得即時退返防線。呢種戰術理解同執行力，正正就係車仔班後生中堅最缺乏嘅嘢。
如果今日免簽到嘅仍然係呢粒識行識走、仲識得幫成套戰術變形嘅石頭，我諗根本無乜需要討論。
問題係，呢個版本嘅史東斯已經差唔多三年無穩定出現。三冠王之後，佢留喺球場嘅時間愈嚟愈少，留喺醫療報告嘅時間反而愈嚟愈多。
2024/25球季，佢英超只係上陣11場、正選6次，合共548分鐘；去到2025/26球季更加只得9次上陣、5次正選同439分鐘。兩季加埋987分鐘，即係大約11場完整比賽。
腳傷、大腿、腿後肌、小腿，傷患位置輪住嚟。2024/25球季更加因傷缺陣32場，連佢自己都承認曾經認真考慮退役。
所以史東斯嘅問題，已經唔係「偶爾受傷嘅主力」，而係球會根本唔可以將佢嘅出勤率寫入正常規劃。免費的確幾吸引，但一件貨幾平都好，長期無法出貨就係另一回事。
除非你係簽佢返嚟統領文員部，帶住拉維亞同占士打字打出新天地，咁又另計。
玻璃入面，仲係咪三冠王嗰粒石頭？
傷得多還傷得多，最重要都係健康嗰陣踢成點，睇下近兩季數字就略知一二。
史東斯近兩季傳球成功率仍然維持喺91%至93%，證明佢處理個波依然穩陣。但其他數字就無咁好睇：每90分鐘前進帶球由三冠王球季嘅2.99次跌到0.72次，成功長傳由2.97次跌到1.44次，創造機會亦由0.33次跌到0.21次。
當然，近兩季嘅數據樣本唔算大。但幾項數字一齊向下，至少反映史東斯依然識得安全咁將個波交出去，卻愈來愈少親自帶波越線、改變進攻方向，或者主動替球隊打穿第一道迫搶。
以前嘅史東斯係戰術外掛，而家比較似高級安全轉運站。唔係無用，但功能明顯無以前咁多。
嗱，我知架，你哋實會講返今屆世界盃果時嘅嘢……
公平講，史東斯今屆世界盃唔係踢得差。大約330分鐘入面，傳球成功率有96.8%，12次長傳亦成功8次；對墨西哥後備入場，幫十人英格蘭守住3：2，四強對阿根廷大部分時間亦算穩定。
至於馬天尼斯絕殺嗰球，史東斯的確錯判落點、漏咗第一點，但成條防線退得太深，干沙亦無追實馬天尼斯，唔應該將英格蘭出局責任俾晒佢。
世界盃至少證明，只要預先部署、控制分鐘，再俾佢集中備戰，史東斯依然有能力喺最高水平交貨。但短途盃賽踢到幾場，同一季九個月、每星期隨時踢兩場，始終係兩回事。
所以世界盃證明佢未死得，但未證明佢副偈捱得完一個英超球季。
施華大哥得一個 唔係免簽老將就自帶導師Buff
年紀大、免費、踢中堅、贏過成抽冠軍，難怪大家第一時間會諗起泰亞高施華。但兩個人最根本嘅分別，唔係一個巴西、一個英格蘭，而係施華加盟車路士之前，仍然係一個可以穩定落場嘅主力。
施華離開巴黎嗰季，各項賽事上陣35場，仲以隊長身份踢足歐聯決賽。車路士當年簽返嚟嘅，係一個年紀大但仍然可以即插即用、落場統領防線嘅世界級中堅；史東斯今次帶住嘅最大問號，偏偏就係仲可以連續踢幾多場。
至於大家成日講嘅「帶住班後生仔」，史東斯有294場曼城經驗，又贏過英超、歐聯同三冠王，當然有嘢可以分享。但識踢波、有經驗，同識唔識指揮防線、教導新人始終係兩回事。
唔可以見到一個老將，就自動幫佢裝上施華大哥導師Buff，再幻想佢入到更衣室講兩句，班後生中堅就立即開竅。最簡單，你望下當年嘅高列巴尼，佢自己都未顧得掂，根本無空間分心幫人。
咁係咪代表史東斯完全唔值得簽？又未去到咁盡。
如果將佢擺做第四中堅，間中踢盃賽、特定比賽幫手控制節奏，或者臨場頂下右閘同防中，佢嘅技術、經驗同戰術理解仍然有實際價值。問題係，車仔必須先有三個可以穩定出場嘅中堅，再將史東斯當成額外送嘅豪華配件，而唔係簽咗佢返嚟就當補完個窿。
合約亦一定要識做：短約、底薪受控、出場獎金比例高。免簽只係唔使俾轉會費，唔代表可以將慳返嘅錢一次過塞晒入佢份糧度。否則所謂免費，只係由轉會費搬咗去糧單。
最怕係BlueCo見到「免費＋冠軍老將」六個字就眼都發光，簽完當自己同時解決咗經驗、領導力同中堅深度三個問題。
總結：可以鎮宅，但唔可以再做基石
所以，喺角色同合約都守得住以上條件嘅前提下，我係支持車仔簽史東斯嘅。
呢單轉會值唔值得，唔係睇史東斯仲有無料，而係BlueCo有無自制力，肯唔肯只用後備價錢同後備期望，去簽一個昔日主力。
條界一定要畫清楚：車仔可以依賴佢提供經驗，唔可以依賴佢提供出勤；可以期待佢間中幫手提升上限，唔可以要求佢長期守住下限。
史東斯可以係鎮宅嗰粒石頭，但防線真正嘅基石，車仔仍然要另外再搵。(望向拿確斯……)
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
施華大哥當年由巴黎免費過嚟，結果一踢就踢足四年，仲直接做埋車路士後防老豆咁。今次唔通又俾我哋免費執到寶？
但等等……同樣係免簽冠軍老將，史東斯同當年嘅施華大哥，真係同一回事？世上有咁多蛤乸隨街跳？
當年識行識走，而家出到廠先算新聞
作為一隻車……一個車迷，走去評論曼城球員點都會帶有偏見。如果有曼城球迷唔同意，歡迎去我Facebook投訴。
史東斯最令人心動嗰個版本，當然係曼城三冠王球季。
名義上佢係中堅，但曼城有波嗰陣，佢會由防線推上中場，拍住洛迪形成雙防中；要防守就退返落去做中堅，要進攻就幫手接波、轉向，甚至帶波越過第一道迫搶。簡單講，人哋踢緊一個位置，佢就好似喺兩個位置之間返兼職。唔熟嘅車迷，你諗下當年嘅大衛雷斯就係咁上下。
而佢最值錢嘅亦唔止係傳球準。當史東斯推上去，曼城可以由四後衛切換成3-2-4-1；一失去控球，佢又識得即時退返防線。呢種戰術理解同執行力，正正就係車仔班後生中堅最缺乏嘅嘢。
如果今日免簽到嘅仍然係呢粒識行識走、仲識得幫成套戰術變形嘅石頭，我諗根本無乜需要討論。
問題係，呢個版本嘅史東斯已經差唔多三年無穩定出現。三冠王之後，佢留喺球場嘅時間愈嚟愈少，留喺醫療報告嘅時間反而愈嚟愈多。
2024/25球季，佢英超只係上陣11場、正選6次，合共548分鐘；去到2025/26球季更加只得9次上陣、5次正選同439分鐘。兩季加埋987分鐘，即係大約11場完整比賽。
腳傷、大腿、腿後肌、小腿，傷患位置輪住嚟。2024/25球季更加因傷缺陣32場，連佢自己都承認曾經認真考慮退役。
所以史東斯嘅問題，已經唔係「偶爾受傷嘅主力」，而係球會根本唔可以將佢嘅出勤率寫入正常規劃。免費的確幾吸引，但一件貨幾平都好，長期無法出貨就係另一回事。
除非你係簽佢返嚟統領文員部，帶住拉維亞同占士打字打出新天地，咁又另計。
玻璃入面，仲係咪三冠王嗰粒石頭？
傷得多還傷得多，最重要都係健康嗰陣踢成點，睇下近兩季數字就略知一二。
史東斯近兩季傳球成功率仍然維持喺91%至93%，證明佢處理個波依然穩陣。但其他數字就無咁好睇：每90分鐘前進帶球由三冠王球季嘅2.99次跌到0.72次，成功長傳由2.97次跌到1.44次，創造機會亦由0.33次跌到0.21次。
當然，近兩季嘅數據樣本唔算大。但幾項數字一齊向下，至少反映史東斯依然識得安全咁將個波交出去，卻愈來愈少親自帶波越線、改變進攻方向，或者主動替球隊打穿第一道迫搶。
以前嘅史東斯係戰術外掛，而家比較似高級安全轉運站。唔係無用，但功能明顯無以前咁多。
嗱，我知架，你哋實會講返今屆世界盃果時嘅嘢……
公平講，史東斯今屆世界盃唔係踢得差。大約330分鐘入面，傳球成功率有96.8%，12次長傳亦成功8次；對墨西哥後備入場，幫十人英格蘭守住3：2，四強對阿根廷大部分時間亦算穩定。
至於馬天尼斯絕殺嗰球，史東斯的確錯判落點、漏咗第一點，但成條防線退得太深，干沙亦無追實馬天尼斯，唔應該將英格蘭出局責任俾晒佢。
世界盃至少證明，只要預先部署、控制分鐘，再俾佢集中備戰，史東斯依然有能力喺最高水平交貨。但短途盃賽踢到幾場，同一季九個月、每星期隨時踢兩場，始終係兩回事。
所以世界盃證明佢未死得，但未證明佢副偈捱得完一個英超球季。
施華大哥得一個 唔係免簽老將就自帶導師Buff
年紀大、免費、踢中堅、贏過成抽冠軍，難怪大家第一時間會諗起泰亞高施華。但兩個人最根本嘅分別，唔係一個巴西、一個英格蘭，而係施華加盟車路士之前，仍然係一個可以穩定落場嘅主力。
施華離開巴黎嗰季，各項賽事上陣35場，仲以隊長身份踢足歐聯決賽。車路士當年簽返嚟嘅，係一個年紀大但仍然可以即插即用、落場統領防線嘅世界級中堅；史東斯今次帶住嘅最大問號，偏偏就係仲可以連續踢幾多場。
至於大家成日講嘅「帶住班後生仔」，史東斯有294場曼城經驗，又贏過英超、歐聯同三冠王，當然有嘢可以分享。但識踢波、有經驗，同識唔識指揮防線、教導新人始終係兩回事。
唔可以見到一個老將，就自動幫佢裝上施華大哥導師Buff，再幻想佢入到更衣室講兩句，班後生中堅就立即開竅。最簡單，你望下當年嘅高列巴尼，佢自己都未顧得掂，根本無空間分心幫人。
咁係咪代表史東斯完全唔值得簽？又未去到咁盡。
如果將佢擺做第四中堅，間中踢盃賽、特定比賽幫手控制節奏，或者臨場頂下右閘同防中，佢嘅技術、經驗同戰術理解仍然有實際價值。問題係，車仔必須先有三個可以穩定出場嘅中堅，再將史東斯當成額外送嘅豪華配件，而唔係簽咗佢返嚟就當補完個窿。
合約亦一定要識做：短約、底薪受控、出場獎金比例高。免簽只係唔使俾轉會費，唔代表可以將慳返嘅錢一次過塞晒入佢份糧度。否則所謂免費，只係由轉會費搬咗去糧單。
最怕係BlueCo見到「免費＋冠軍老將」六個字就眼都發光，簽完當自己同時解決咗經驗、領導力同中堅深度三個問題。
總結：可以鎮宅，但唔可以再做基石
所以，喺角色同合約都守得住以上條件嘅前提下，我係支持車仔簽史東斯嘅。
呢單轉會值唔值得，唔係睇史東斯仲有無料，而係BlueCo有無自制力，肯唔肯只用後備價錢同後備期望，去簽一個昔日主力。
條界一定要畫清楚：車仔可以依賴佢提供經驗，唔可以依賴佢提供出勤；可以期待佢間中幫手提升上限，唔可以要求佢長期守住下限。
史東斯可以係鎮宅嗰粒石頭，但防線真正嘅基石，車仔仍然要另外再搵。(望向拿確斯……)
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊