7月31日的車仔官網出咗段新聞稿：「Jesse Derry joins Chelsea!」我估好多車迷同我嘅反應都係一樣：「乜水？」無錯，又一個幼幼。先唔講其他嘢，只係見佢咁靚仔，我覺得佢好唔好波都值回票價… (好似係)
但要理解呢單交易，我哋必須拋開傳統嘅一隊收購思維，因為佢嘅重點，並唔係為一隊買入即戰力，而係車路士近年越趨成熟嘅青訓跳板經營哲學嘅又一次體現。
唔講樣，畢竟佢係小朋友，所以呢份報告唔會過度吹捧呢個年輕人有幾咁前途光明。我哋嘅目標好簡單：介紹呢個名叫 雀屎大力 嘅新仔、點踢波，順便將佢放入呢個青訓跳板嘅大框架下，理性分析佢喺呢場精明嘅投資案中，未來有邊幾種可能性。
球員快照：雀屎大力係何方神聖？
要為大力（Jesse Derry）搵一個最貼切嘅模板，或者可以形容佢為一個 入球型嘅Grealish。
佢同Grealish相似嘅地方，除咗係個樣之外，仲在於佢哋都唔係依靠絕對速度嘅翼鋒。大力嘅踢法非常優雅，擅長利用身體假動作同節奏變換去「滑」過對手，並且有極佳嘅球場視野去控制進攻節奏。佢主要活躍於左翼，但唔會死扭底線，而係鍾意內切到Half-space，用佢嘅傳球同盤帶串連進攻。
但同Grealish唔同嘅係，大力喺青年軍層面展現出驚人嘅入球能力。佢喺U18聯賽幾乎達到場均一球嘅效率，而且唔係單純「執雞」，佢有一招好似前水晶宮名將沙夏（Zaha）一樣嘅反角度抽射，冷靜而致命。加上佢處理定位球嘅能力被認為同奧利斯（Olise）屬同一級數，令佢嘅武器庫更加多元化，難怪佢會吸引到大大細細唔同球會球探嘅注目。
大力就係一個技術細膩、球商極高、兼備創造力同入球能力嘅現代翼鋒。而佢最大嘅資產，可能係佢為咗更好嘅發展而夠膽離開安樂窩嘅嗰份野心。
棋盤上嘅棋子：大力喺青訓跳板模式中嘅三種可能性
當車路士簽入大力嘅一刻，其實就已經啟動咗一個結果幾乎唔會輸嘅計劃。喺呢個青訓跳板模式之下，佢嘅未來主要有三個可能性，除咗最後一個之外，其餘可能性對球會嚟講都係一筆好生意。
可能性一：成為下一個赫切臣，賺取利潤嘅高質資產
呢個係最穩陣，亦都係近年車路士玩得最純熟嘅一條路。最好嘅例子，就係奧馬利·赫切臣（Omari Hutchinson）。
具體操作係，大力會先喺車路士青訓設施入面繼續成長，喺U21比賽中展示實力。然後，球會會為佢搵一個合適嘅外借對象，例如英冠甚至其他聯賽嘅球隊，等佢喺成年隊比賽中累積經驗，打響名堂。
只要佢表現唔錯，佢嘅市場價值就會由當初極低嘅青訓補償費，幾何級數咁飆升。到時，車路士就可以將佢出售，賺取一筆可觀而且對財政公平（FFP）極之有幫助嘅純利潤。呢個就係球會嘅「保本增值」路線。
可能性二：賭中SSR，成為自家製嘅未來核心
呢個就係另一個可能性，亦係所有車路士球迷最期待見到嘅超級大獎。
就好似抽卡game一樣，有時你會意外抽中一張改變成隻game嘅SSR神卡。大力亦都有機會成為咁樣嘅存在。假如佢嘅天賦係球探眼中真係頂級，佢可能會喺季前賽或者盃賽中把握到機會，好似彭馬咁樣，用表現話俾領隊知，佢已經準備好留喺一隊。
一旦發生呢種情況，車路士就等於用一個幾乎可以忽略不計嘅成本，得到一個市場價值可能高達八千萬甚至一億英鎊嘅自家製核心翼鋒。呢個唔單止慳返一大筆轉會費，更重要嘅係，一個自家栽培嘅球星，對球隊嘅歸屬感同長遠發展，有住無可估量嘅價值。
可能性三：發展停滯，成為「死貨」
呢個係最壞嘅情況。假如大力嘅發展同天氣一樣不似預期，佢嘅能力唔足以挑戰一隊，同時喺外借期間嘅表現亦都唔標青，吸引唔到其他球會出一個好價錢收購。咁樣佢就會成為所謂嘅死貨：一個賣唔出、但又未夠班留隊嘅球員。
不過，呢個風險之所以被認為極低，原因有幾個：
初始成本極低： 佢係以青訓補償金形式加盟，而唔係幾千萬嘅轉會費。就算最後免費放走，球會嘅直接金錢損失都非常有限。
唔會佔用一隊資源： 喺發展期，佢主要會喺U21，唔會佔用一隊嘅註冊名額同高昂嘅薪資空間。
時間喺球會嗰邊： 球會可以將佢外借到唔同球會，或者留喺U21體系入面，慢慢等待一個合適嘅報價，哪怕只係收返成本價，都好過完全冇。
所以，即使出現最壞情況，對車路士嚟講，損失都係可控嘅。呢個正正係呢個「青訓跳板」模式嘅高明之處：佢嘅潛在回報極高，但潛在風險就極低。
總結：一單低風險、高潛力嘅精明收購
好，到總結部份，他媽的一個U18我都居然可以長篇大論，有時我都幾佩服自己，反正睇到尾的人應該唔多，就算我係度鳩Up都應該無人睇到，今次的球探報告就到呢度，下一篇再見。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
但要理解呢單交易，我哋必須拋開傳統嘅一隊收購思維，因為佢嘅重點，並唔係為一隊買入即戰力，而係車路士近年越趨成熟嘅青訓跳板經營哲學嘅又一次體現。
唔講樣，畢竟佢係小朋友，所以呢份報告唔會過度吹捧呢個年輕人有幾咁前途光明。我哋嘅目標好簡單：介紹呢個名叫 雀屎大力 嘅新仔、點踢波，順便將佢放入呢個青訓跳板嘅大框架下，理性分析佢喺呢場精明嘅投資案中，未來有邊幾種可能性。
球員快照：雀屎大力係何方神聖？
要為大力（Jesse Derry）搵一個最貼切嘅模板，或者可以形容佢為一個 入球型嘅Grealish。
佢同Grealish相似嘅地方，除咗係個樣之外，仲在於佢哋都唔係依靠絕對速度嘅翼鋒。大力嘅踢法非常優雅，擅長利用身體假動作同節奏變換去「滑」過對手，並且有極佳嘅球場視野去控制進攻節奏。佢主要活躍於左翼，但唔會死扭底線，而係鍾意內切到Half-space，用佢嘅傳球同盤帶串連進攻。
但同Grealish唔同嘅係，大力喺青年軍層面展現出驚人嘅入球能力。佢喺U18聯賽幾乎達到場均一球嘅效率，而且唔係單純「執雞」，佢有一招好似前水晶宮名將沙夏（Zaha）一樣嘅反角度抽射，冷靜而致命。加上佢處理定位球嘅能力被認為同奧利斯（Olise）屬同一級數，令佢嘅武器庫更加多元化，難怪佢會吸引到大大細細唔同球會球探嘅注目。
大力就係一個技術細膩、球商極高、兼備創造力同入球能力嘅現代翼鋒。而佢最大嘅資產，可能係佢為咗更好嘅發展而夠膽離開安樂窩嘅嗰份野心。
棋盤上嘅棋子：大力喺青訓跳板模式中嘅三種可能性
當車路士簽入大力嘅一刻，其實就已經啟動咗一個結果幾乎唔會輸嘅計劃。喺呢個青訓跳板模式之下，佢嘅未來主要有三個可能性，除咗最後一個之外，其餘可能性對球會嚟講都係一筆好生意。
可能性一：成為下一個赫切臣，賺取利潤嘅高質資產
呢個係最穩陣，亦都係近年車路士玩得最純熟嘅一條路。最好嘅例子，就係奧馬利·赫切臣（Omari Hutchinson）。
具體操作係，大力會先喺車路士青訓設施入面繼續成長，喺U21比賽中展示實力。然後，球會會為佢搵一個合適嘅外借對象，例如英冠甚至其他聯賽嘅球隊，等佢喺成年隊比賽中累積經驗，打響名堂。
只要佢表現唔錯，佢嘅市場價值就會由當初極低嘅青訓補償費，幾何級數咁飆升。到時，車路士就可以將佢出售，賺取一筆可觀而且對財政公平（FFP）極之有幫助嘅純利潤。呢個就係球會嘅「保本增值」路線。
可能性二：賭中SSR，成為自家製嘅未來核心
呢個就係另一個可能性，亦係所有車路士球迷最期待見到嘅超級大獎。
就好似抽卡game一樣，有時你會意外抽中一張改變成隻game嘅SSR神卡。大力亦都有機會成為咁樣嘅存在。假如佢嘅天賦係球探眼中真係頂級，佢可能會喺季前賽或者盃賽中把握到機會，好似彭馬咁樣，用表現話俾領隊知，佢已經準備好留喺一隊。
一旦發生呢種情況，車路士就等於用一個幾乎可以忽略不計嘅成本，得到一個市場價值可能高達八千萬甚至一億英鎊嘅自家製核心翼鋒。呢個唔單止慳返一大筆轉會費，更重要嘅係，一個自家栽培嘅球星，對球隊嘅歸屬感同長遠發展，有住無可估量嘅價值。
可能性三：發展停滯，成為「死貨」
呢個係最壞嘅情況。假如大力嘅發展同天氣一樣不似預期，佢嘅能力唔足以挑戰一隊，同時喺外借期間嘅表現亦都唔標青，吸引唔到其他球會出一個好價錢收購。咁樣佢就會成為所謂嘅死貨：一個賣唔出、但又未夠班留隊嘅球員。
不過，呢個風險之所以被認為極低，原因有幾個：
初始成本極低： 佢係以青訓補償金形式加盟，而唔係幾千萬嘅轉會費。就算最後免費放走，球會嘅直接金錢損失都非常有限。
唔會佔用一隊資源： 喺發展期，佢主要會喺U21，唔會佔用一隊嘅註冊名額同高昂嘅薪資空間。
時間喺球會嗰邊： 球會可以將佢外借到唔同球會，或者留喺U21體系入面，慢慢等待一個合適嘅報價，哪怕只係收返成本價，都好過完全冇。
所以，即使出現最壞情況，對車路士嚟講，損失都係可控嘅。呢個正正係呢個「青訓跳板」模式嘅高明之處：佢嘅潛在回報極高，但潛在風險就極低。
總結：一單低風險、高潛力嘅精明收購
好，到總結部份，他媽的一個U18我都居然可以長篇大論，有時我都幾佩服自己，反正睇到尾的人應該唔多，就算我係度鳩Up都應該無人睇到，今次的球探報告就到呢度，下一篇再見。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊