剛過去嘅週末，車路士官網出咗一個令唔少車迷都覺得開心嘅消息：青訓後衛 Isago Silva 正式簽署首份職業合約。
見到個姓氏 Silva，再望下佢個樣，大家都會即刻諗起嗰位曾經孭起我哋後防線嘅男人：泰亞高·施華（Thiago Silva）。冇錯，小施華就係施華嘅大仔。
「名將之後」呢個標籤，係光環，亦係壓力。外界一定會問：「佢簽到約，係咪因為佢老豆咋？」、「係咪靠父幹？」
為咗解答呢個問題，今次球探報告會有些少特別。因為佢仲係 U18 階段，冇太多硬數據（Data）去支撐，我哋主要靠觀察片段同球探筆記，去睇下呢位「星二代」究竟係咪真係有繼承到老豆嘅防守 DNA。
小施華檔案：由里約熱內盧到葛咸
Isago 今年 17 歲，雖然係巴西出世，但自從 2020 年跟老豆嚟咗倫敦之後，就由 U13 開始加入車路士青訓，可以話係半個「葛咸製造」。
佢最值錢嘅特質有兩樣：第一，佢係一個左腳球員；第二，佢係一個後場多面手。
不過，我哋要好誠實咁講一個硬傷：佢嘅身高大約只有 1.78 米（5呎10吋）。喺現代英超，呢個輸高登仔嘅身高踢中堅係非常輸蝕。正因為咁，佢喺球隊嘅定位並唔係傳統中堅，而係一個可以喺 左閘 (LB) 同 左中堅 (LCB) 之間靈活切換嘅戰術棋子。
踢法解構：虎父無犬子？繼承咗「大腦」但欠缺「身體」
咁佢踢成點？睇過 U18 比賽嘅片段，你會發現佢真係有老豆嘅影子，不過係縮水版。(雖然咁講都唔多公道，因為佢老豆本身都唔算高，得 1.81 米)
最強武器：閱讀球賽能力
佢踢波好有老豆風格：「用腦多過用腳」。無論係球探評價定係片段都好，都睇得出佢唔偏向用飛鏟，亦好少見到佢要用速度同人鬥跑。佢最叻嘅係用路數、預判去截斷對手嘅傳球線路。
最經典嘅例子係佢喺 U18 對李斯特城嘅地標戰Show。當時比賽去到 66 分鐘，球隊領先緊，教練換佢入去唔係要佢攻，係要佢做閂門死守任務。結果佢表現極之冷靜，完全唔似第一次踢 U18，穩穩陣陣咁幫球隊守住勝局。呢種冷靜，係佢超越同齡人嘅地方。
戰術價值：左腳出球
作為左腳仔，佢喺後場嘅出球角度好刁鑽。當佢踢左中堅嘅時候，佢可以好似老豆咁，好淡定咁控住個波，再搵中場隊友。呢種「出球後衛」嘅屬性，喺現代足球非常值錢。
明顯短板：對抗性不足
講返現實，佢始終冇老豆咁大隻（雖然佢阿爸亦唔係高大中堅，但佢彈跳力驚人，小施華暫時未見到有呢種身體質素）。
喺 U18 盃賽對水晶宮嗰場慘敗（0-4），就係一個好大嘅教訓。Isago 正選踢足全場，但面對水晶宮嗰班體能型前鋒，佢喺身體對抗同爭頂上面明顯輸蝕，被對手完爆。呢場波證明咗，如果要喺職業足球立足，佢喺身體對抗上仲有好長嘅路要行。
球隊定位：唔係太子，或者係雷霆救兵
好多人以為佢係 Thiago 個仔，一定係 U18 嘅絕對主力。可惜，錯晒。如果你有跟開我D文，你間中都會見到一堆U18小朋友去U21踢波，現實就係，佢喺 U18 嘅競爭好鬼大，目前嘅角色更似係一個高戰術價值嘅輪換。先唔講經常去U21客串嘅車仔正選左閘Antwi，同位置仲有Lewi Richards呢個小將，基本上佢兩個已經將U18嘅出場空間填滿咗。
所以小施華嘅出場，好多時係有特別任務。例如對西布朗嗰場，主力受傷，佢臨危受命喺 30 幾分鐘就入替，結果佢踢足 60 分鐘大勝，證明佢隨時隨地都準備好。
退多一步講，球會肯俾職業合約簽佢，唔單止因為佢姓施華，而係因為佢嘅多功能性（左閘/中堅通殺）同埋極佳嘅職業態度。一個肯坐後備、一出場就交足貨、用腦踢波嘅左腳後衛，你望下高維爾同已經離隊嘅賀爾 (Lewis Hall)就知，小施華呢一刻絕對值得一份合約。
總結：請俾多啲耐性，佢係 Isago，唔係 Thiago
埋單計算，小施華簽約，值得我哋高興，但唔需要過度吹捧。
唔好用「Thiago Silva 2.0」或者世界級中堅嘅標準去要求佢。受限於身高同身體質素，佢嘅上限未必有老豆咁高。但佢有潛力成長為一個好實用、技術細膩、食腦型嘅職業球員。未來佢可能會向技術型邊衛，或者三中堅體系嘅左中堅發展。
最緊要係，見到 Silva 呢個姓氏繼續留喺車路士，延續呢份緣份，本身已經係一件好美好嘅事。俾啲時間佢，等佢做返 Isago，而唔係 Thiago 嘅替身。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
見到個姓氏 Silva，再望下佢個樣，大家都會即刻諗起嗰位曾經孭起我哋後防線嘅男人：泰亞高·施華（Thiago Silva）。冇錯，小施華就係施華嘅大仔。
「名將之後」呢個標籤，係光環，亦係壓力。外界一定會問：「佢簽到約，係咪因為佢老豆咋？」、「係咪靠父幹？」
為咗解答呢個問題，今次球探報告會有些少特別。因為佢仲係 U18 階段，冇太多硬數據（Data）去支撐，我哋主要靠觀察片段同球探筆記，去睇下呢位「星二代」究竟係咪真係有繼承到老豆嘅防守 DNA。
小施華檔案：由里約熱內盧到葛咸
Isago 今年 17 歲，雖然係巴西出世，但自從 2020 年跟老豆嚟咗倫敦之後，就由 U13 開始加入車路士青訓，可以話係半個「葛咸製造」。
佢最值錢嘅特質有兩樣：第一，佢係一個左腳球員；第二，佢係一個後場多面手。
不過，我哋要好誠實咁講一個硬傷：佢嘅身高大約只有 1.78 米（5呎10吋）。喺現代英超，呢個輸高登仔嘅身高踢中堅係非常輸蝕。正因為咁，佢喺球隊嘅定位並唔係傳統中堅，而係一個可以喺 左閘 (LB) 同 左中堅 (LCB) 之間靈活切換嘅戰術棋子。
踢法解構：虎父無犬子？繼承咗「大腦」但欠缺「身體」
咁佢踢成點？睇過 U18 比賽嘅片段，你會發現佢真係有老豆嘅影子，不過係縮水版。(雖然咁講都唔多公道，因為佢老豆本身都唔算高，得 1.81 米)
最強武器：閱讀球賽能力
佢踢波好有老豆風格：「用腦多過用腳」。無論係球探評價定係片段都好，都睇得出佢唔偏向用飛鏟，亦好少見到佢要用速度同人鬥跑。佢最叻嘅係用路數、預判去截斷對手嘅傳球線路。
最經典嘅例子係佢喺 U18 對李斯特城嘅地標戰Show。當時比賽去到 66 分鐘，球隊領先緊，教練換佢入去唔係要佢攻，係要佢做閂門死守任務。結果佢表現極之冷靜，完全唔似第一次踢 U18，穩穩陣陣咁幫球隊守住勝局。呢種冷靜，係佢超越同齡人嘅地方。
戰術價值：左腳出球
作為左腳仔，佢喺後場嘅出球角度好刁鑽。當佢踢左中堅嘅時候，佢可以好似老豆咁，好淡定咁控住個波，再搵中場隊友。呢種「出球後衛」嘅屬性，喺現代足球非常值錢。
明顯短板：對抗性不足
講返現實，佢始終冇老豆咁大隻（雖然佢阿爸亦唔係高大中堅，但佢彈跳力驚人，小施華暫時未見到有呢種身體質素）。
喺 U18 盃賽對水晶宮嗰場慘敗（0-4），就係一個好大嘅教訓。Isago 正選踢足全場，但面對水晶宮嗰班體能型前鋒，佢喺身體對抗同爭頂上面明顯輸蝕，被對手完爆。呢場波證明咗，如果要喺職業足球立足，佢喺身體對抗上仲有好長嘅路要行。
球隊定位：唔係太子，或者係雷霆救兵
好多人以為佢係 Thiago 個仔，一定係 U18 嘅絕對主力。可惜，錯晒。如果你有跟開我D文，你間中都會見到一堆U18小朋友去U21踢波，現實就係，佢喺 U18 嘅競爭好鬼大，目前嘅角色更似係一個高戰術價值嘅輪換。先唔講經常去U21客串嘅車仔正選左閘Antwi，同位置仲有Lewi Richards呢個小將，基本上佢兩個已經將U18嘅出場空間填滿咗。
所以小施華嘅出場，好多時係有特別任務。例如對西布朗嗰場，主力受傷，佢臨危受命喺 30 幾分鐘就入替，結果佢踢足 60 分鐘大勝，證明佢隨時隨地都準備好。
退多一步講，球會肯俾職業合約簽佢，唔單止因為佢姓施華，而係因為佢嘅多功能性（左閘/中堅通殺）同埋極佳嘅職業態度。一個肯坐後備、一出場就交足貨、用腦踢波嘅左腳後衛，你望下高維爾同已經離隊嘅賀爾 (Lewis Hall)就知，小施華呢一刻絕對值得一份合約。
總結：請俾多啲耐性，佢係 Isago，唔係 Thiago
埋單計算，小施華簽約，值得我哋高興，但唔需要過度吹捧。
唔好用「Thiago Silva 2.0」或者世界級中堅嘅標準去要求佢。受限於身高同身體質素，佢嘅上限未必有老豆咁高。但佢有潛力成長為一個好實用、技術細膩、食腦型嘅職業球員。未來佢可能會向技術型邊衛，或者三中堅體系嘅左中堅發展。
最緊要係，見到 Silva 呢個姓氏繼續留喺車路士，延續呢份緣份，本身已經係一件好美好嘅事。俾啲時間佢，等佢做返 Isago，而唔係 Thiago 嘅替身。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊