話明【球壇風向室】，就當然係好似尚書大人一樣風向邊面吹就向邊面擺。
而家球壇最大粒嘅花生、最勁嘅流量之鬼，唔係邊個球星，而係前曼聯主帥坦克。短短62日就俾德甲冠軍炒咗，仲要創埋歷史紀錄，咁大粒花生我唔寫兩句簡直過唔到自己。
但研究落，呢單嘢唔止係坦克炒車咁簡單。一個假假地都係有頭有面嘅主帥，一支曾經全季不敗嘅王者之師，兩者嘅結合，本應係天作之合，點知最後變成一齣集權力鬥爭、戰術破產、性格衝突於一身嘅災難片，而且仲要係「閃電級」上映，62日就落畫。
所以今次，我哋唔係齋食花生，而係要帶埋手術刀，由頭到尾，完整咁還原呢場「62日戰爭」，睇下呢位戰術大師，係點樣一步步由王座行上斷頭台。
致命的錯配：想重建嘅高層想即贏嘅坦克
故事嘅開頭，本應係一個王者歸來嘅劇本。主角坦克離開曼聯，拎住筆解約金係屋企坐咗都未夠一季，就收到一份極具誘惑嘅 Offer 執教利華古遜。
要知道，呢支利華古遜唔係普通球隊，佢哋頭上仲有住 23/24 球季「全季不敗奪冠」嘅神級光環。雖然上個賽季（24/25）佢哋已經無以為繼，俾拜仁搶返個冠軍寶座，但「不敗神話」嘅呼聲依然籠罩住成個球場。
外界對坦克嘅期望好簡單，就係要佢做「阿朗素 2.0」，帶領球隊重返榮耀。對一個係英超敗走急需證明自己嘅教練嚟講，呢個舞台，睇落完美。
但坦克好快就發現，佢根本唔係嚟繼承王國，而係嚟執拾一個「不敗神話遺址」。管理層趁住班 23/24 嘅功勳球員仲有價有市，嚟一招「勝利大套現」，將成隊波徹底拆骨：天才中場鑊斯（Wirtz）同翼衛費林邦（Frimpong）俾利物浦打包買走；後防核心泰希（Tah）轉投拜仁；就連精神領袖薩卡（Xhaka）都令人意外咁去咗新特蘭；左閘軒卡派亞借去阿仙奴…
核心矛盾揭示
呢度就係成件事最抵死嘅地方。坦克以為自己拎到嘅係 F1 冠軍車隊嘅車匙，點知一打開車房，發現得返個車殼同四條呔，無引擎，無車門甚至擋風玻璃都唔見咗。
利華古遜嘅管理層，喺請人嗰陣就已經挖定個氹。佢哋嘅真正計劃，係趁住班球員仲值錢，賣人套現，再用超過十五件、平均得 22 歲嘅「小朋友」嚟重建；但佢哋請返嚟嘅，就係一個最心急、最想即刻贏冠軍證明自己唔一鳩樣嘅坦克。
呢個根本就係世紀級嘅「美麗的誤會」，或者，係一場預謀好嘅「陷害」。悲劇嘅種子，喺簽約嗰一刻，已經埋咗落去。
權力遊戲 ：畫紅線的沙灘城堡
如果話「請錯人」係悲劇嘅前奏，咁跟住喺轉會市場上嘅權力鬥爭，就係將呢場災難推向高潮嘅主菜。
第一次公開挑戰
可能喺曼聯做開大佬用開鐵腕統治，坦克以為嚟到德國都可以照辦煮碗。佢揀咗留隊嘅老大哥薩卡（Xhaka）嚟玩佢嘅權力遊戲，喺記者面前大大聲講：「薩卡好重要，唔賣得！」背後潛台詞好簡單：「我先係話事人，球員嘅去留要由我決定。」呢招「下馬威」，佢以為可以震懾到董事會。
點知，利華古遜個班管理層睬佢都有味。你畫底線？我哋就直接喺你條底線上面跳舞！幾日之後，球會官宣薩卡加盟新特蘭。成件事乾淨利落，冇半點拖泥帶水。
呢下唔單止係一單轉會，直情係一巴掌摑喺坦克塊面度，仲要係全球直播。董事會用行動話俾全世界知，尤其係更衣室入面班球員知：「喺呢度，話事嘅唔係領隊，規矩我哋定。」
如果話薩卡事件係公開羞辱，咁之後簽入華斯基斯（Vázquez），就係一場「無聲嘅處決」。大大小小嘅報導都話，坦克對呢單 Deal 完全唔知情，係睇到官宣先知隊波多咗個新同事。
呢一刻，權力遊戲已經結束。坦克以為自己可以建立嘅權威城堡，原來只係一個淺水灣沙灘上嘅沙雕，一個浪冚埋嚟就散晒。
當戰術大師失去底褲
錯配都算，再冇埋轉會話事權，坦克喺利華古遜就等同俾人廢咗一半武功。佢剩返嘅遮醜布，就係球場上嘅成績。可惜嘅係，當水退潮，大家先發現，原來呢位戰術大師，係裸緊泳。
災難性的首演
第一場德甲對賀芬咸，主場作戰就已經撻Q。數據最誠實：全場接近六成控球，但創造出嚟嘅黃金機會（xG）少到得0.7，進攻完全便秘；反觀對手用0.4嘅xG就入咗你兩粒。簡單講，就係龜速猜波猜足全場，然後俾人兩下反擊收工。
崩盤的頂點
但如果對賀芬咸係「戰術便秘」，咁對不萊梅嗰場，就直情係當眾瀨………。比賽踢到60幾分鐘，我哋嘅主角領先緊3-1，仲要打多個。換我阿嫲落場教都識贏啦，係咪？點知佢哋竟然可以喺最後階段連失兩球，俾人追和3-3。
決定性瞬間
而壓垮駱駝嘅最後一根稻草，就係比賽中途，拎到十二碼之後，幾個球員竟然喺全世界直播鏡頭面前，公開搶碼，爭拗由邊個主射 (車迷表示個畫面熟識程度有90分)。坦克賽後都承認，佢根本控制唔到班球員。
呢一幕，算係坦克領取死亡證嘅瞬間。一個教練，連邊個射十二碼都話唔到事，仲點帶隊，仲點建立威信，係咪呀肥普？利華古遜嘅管理層睇完呢場波，相信已經即刻攞起電話，打俾律師計解約金。
總結：流量之鬼的誕生
故事講到呢度，結局已經冇任何懸念。2025年9月1日，坦克正式被炒，結束咗佢短短62日嘅德甲奇幻漂流。
成件事，由一開始嘅「致命錯配」，到中期嘅「權力鬥爭」完敗，再到最後球場上嘅「水褪裸泳」，可以話係一環扣一環，每一步都精準咁踩中晒所有會爆嘅地雷。所以，呢次唔係一次衝動嘅解僱，而係一次合乎邏輯、雖然殘酷但絕對必要嘅「軌道修正」。
外國媒體仲幫佢改咗個新朵，叫「坦十兄」（Erik ten Days），(嗱，我食盡字架啦…)。經歷完呢次史詩級嘅炒車，一個問題油然而生：呢位曾經嘅戰術大師，仲有冇可能喺頂級豪門搵到下一份工？定係，佢嘅「流量密碼」，已經喺德國徹底透支晒？
呢個問題，就留返俾大家喺留言區繼續慢慢傾。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
而家球壇最大粒嘅花生、最勁嘅流量之鬼，唔係邊個球星，而係前曼聯主帥坦克。短短62日就俾德甲冠軍炒咗，仲要創埋歷史紀錄，咁大粒花生我唔寫兩句簡直過唔到自己。
但研究落，呢單嘢唔止係坦克炒車咁簡單。一個假假地都係有頭有面嘅主帥，一支曾經全季不敗嘅王者之師，兩者嘅結合，本應係天作之合，點知最後變成一齣集權力鬥爭、戰術破產、性格衝突於一身嘅災難片，而且仲要係「閃電級」上映，62日就落畫。
所以今次，我哋唔係齋食花生，而係要帶埋手術刀，由頭到尾，完整咁還原呢場「62日戰爭」，睇下呢位戰術大師，係點樣一步步由王座行上斷頭台。
致命的錯配：想重建嘅高層想即贏嘅坦克
故事嘅開頭，本應係一個王者歸來嘅劇本。主角坦克離開曼聯，拎住筆解約金係屋企坐咗都未夠一季，就收到一份極具誘惑嘅 Offer 執教利華古遜。
要知道，呢支利華古遜唔係普通球隊，佢哋頭上仲有住 23/24 球季「全季不敗奪冠」嘅神級光環。雖然上個賽季（24/25）佢哋已經無以為繼，俾拜仁搶返個冠軍寶座，但「不敗神話」嘅呼聲依然籠罩住成個球場。
外界對坦克嘅期望好簡單，就係要佢做「阿朗素 2.0」，帶領球隊重返榮耀。對一個係英超敗走急需證明自己嘅教練嚟講，呢個舞台，睇落完美。
但坦克好快就發現，佢根本唔係嚟繼承王國，而係嚟執拾一個「不敗神話遺址」。管理層趁住班 23/24 嘅功勳球員仲有價有市，嚟一招「勝利大套現」，將成隊波徹底拆骨：天才中場鑊斯（Wirtz）同翼衛費林邦（Frimpong）俾利物浦打包買走；後防核心泰希（Tah）轉投拜仁；就連精神領袖薩卡（Xhaka）都令人意外咁去咗新特蘭；左閘軒卡派亞借去阿仙奴…
核心矛盾揭示
呢度就係成件事最抵死嘅地方。坦克以為自己拎到嘅係 F1 冠軍車隊嘅車匙，點知一打開車房，發現得返個車殼同四條呔，無引擎，無車門甚至擋風玻璃都唔見咗。
利華古遜嘅管理層，喺請人嗰陣就已經挖定個氹。佢哋嘅真正計劃，係趁住班球員仲值錢，賣人套現，再用超過十五件、平均得 22 歲嘅「小朋友」嚟重建；但佢哋請返嚟嘅，就係一個最心急、最想即刻贏冠軍證明自己唔一鳩樣嘅坦克。
呢個根本就係世紀級嘅「美麗的誤會」，或者，係一場預謀好嘅「陷害」。悲劇嘅種子，喺簽約嗰一刻，已經埋咗落去。
權力遊戲 ：畫紅線的沙灘城堡
如果話「請錯人」係悲劇嘅前奏，咁跟住喺轉會市場上嘅權力鬥爭，就係將呢場災難推向高潮嘅主菜。
第一次公開挑戰
可能喺曼聯做開大佬用開鐵腕統治，坦克以為嚟到德國都可以照辦煮碗。佢揀咗留隊嘅老大哥薩卡（Xhaka）嚟玩佢嘅權力遊戲，喺記者面前大大聲講：「薩卡好重要，唔賣得！」背後潛台詞好簡單：「我先係話事人，球員嘅去留要由我決定。」呢招「下馬威」，佢以為可以震懾到董事會。
點知，利華古遜個班管理層睬佢都有味。你畫底線？我哋就直接喺你條底線上面跳舞！幾日之後，球會官宣薩卡加盟新特蘭。成件事乾淨利落，冇半點拖泥帶水。
呢下唔單止係一單轉會，直情係一巴掌摑喺坦克塊面度，仲要係全球直播。董事會用行動話俾全世界知，尤其係更衣室入面班球員知：「喺呢度，話事嘅唔係領隊，規矩我哋定。」
如果話薩卡事件係公開羞辱，咁之後簽入華斯基斯（Vázquez），就係一場「無聲嘅處決」。大大小小嘅報導都話，坦克對呢單 Deal 完全唔知情，係睇到官宣先知隊波多咗個新同事。
呢一刻，權力遊戲已經結束。坦克以為自己可以建立嘅權威城堡，原來只係一個淺水灣沙灘上嘅沙雕，一個浪冚埋嚟就散晒。
當戰術大師失去底褲
錯配都算，再冇埋轉會話事權，坦克喺利華古遜就等同俾人廢咗一半武功。佢剩返嘅遮醜布，就係球場上嘅成績。可惜嘅係，當水退潮，大家先發現，原來呢位戰術大師，係裸緊泳。
災難性的首演
第一場德甲對賀芬咸，主場作戰就已經撻Q。數據最誠實：全場接近六成控球，但創造出嚟嘅黃金機會（xG）少到得0.7，進攻完全便秘；反觀對手用0.4嘅xG就入咗你兩粒。簡單講，就係龜速猜波猜足全場，然後俾人兩下反擊收工。
崩盤的頂點
但如果對賀芬咸係「戰術便秘」，咁對不萊梅嗰場，就直情係當眾瀨………。比賽踢到60幾分鐘，我哋嘅主角領先緊3-1，仲要打多個。換我阿嫲落場教都識贏啦，係咪？點知佢哋竟然可以喺最後階段連失兩球，俾人追和3-3。
決定性瞬間
而壓垮駱駝嘅最後一根稻草，就係比賽中途，拎到十二碼之後，幾個球員竟然喺全世界直播鏡頭面前，公開搶碼，爭拗由邊個主射 (車迷表示個畫面熟識程度有90分)。坦克賽後都承認，佢根本控制唔到班球員。
呢一幕，算係坦克領取死亡證嘅瞬間。一個教練，連邊個射十二碼都話唔到事，仲點帶隊，仲點建立威信，係咪呀肥普？利華古遜嘅管理層睇完呢場波，相信已經即刻攞起電話，打俾律師計解約金。
總結：流量之鬼的誕生
故事講到呢度，結局已經冇任何懸念。2025年9月1日，坦克正式被炒，結束咗佢短短62日嘅德甲奇幻漂流。
成件事，由一開始嘅「致命錯配」，到中期嘅「權力鬥爭」完敗，再到最後球場上嘅「水褪裸泳」，可以話係一環扣一環，每一步都精準咁踩中晒所有會爆嘅地雷。所以，呢次唔係一次衝動嘅解僱，而係一次合乎邏輯、雖然殘酷但絕對必要嘅「軌道修正」。
外國媒體仲幫佢改咗個新朵，叫「坦十兄」（Erik ten Days），(嗱，我食盡字架啦…)。經歷完呢次史詩級嘅炒車，一個問題油然而生：呢位曾經嘅戰術大師，仲有冇可能喺頂級豪門搵到下一份工？定係，佢嘅「流量密碼」，已經喺德國徹底透支晒？
呢個問題，就留返俾大家喺留言區繼續慢慢傾。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊