想像一個畫面：今個星期六夜晚，你舒舒服服攤喺梳化，開咗罐冰凍可樂右手拎住著片，睇緊愛隊踢到下半場 75 分鐘。你見到個中場回防慢咗半秒，俾人迫甩咗個波，你忍唔住對住個電視大叫：「跑快兩步追返啦大佬！無食飯呀？」
無錯，佢可能真係無食飯。唔單止無食飯，佢可能由朝早天未光開始，已經十幾個鐘連一滴水都無飲過。
好難想像係咪？對於一眾信奉伊斯蘭教嘅球星嚟講，未來呢一個月，佢哋將會啟動職業體育界最黐線嘅「地獄級鐵人模式」，因為，2026 年嘅穆斯林嘅齋戒月喺2月18，19日正式殺到，仲要撞正英超進入季尾最關鍵嘅搶分大直路，真係唔可以講笑。
今篇文算係科普文，順便同大家盤點一下Big 6有咩穆斯林球員，打定個底可以幫佢哋搵藉口。
科普部份，其實……齋戒月係咩
如果你好清楚知道齋戒月做緊咩，咁呢部份你可以跳過，直接拉落下面睇名單。但如果你同我一樣，對齋戒嘅印象仲停留喺「哦！齋戒下嘛？我阿媽都有試過，一個月唔食肉食齋吖嘛」嘅級數，咁呢部份一定啱你。
齋戒月絕對唔係食齋一個月或者近年流行嘅 168 斷食咁簡單。喺呢整整一個月入面，穆斯林每日由日出到日落期間，係嚴格規定禁止飲食。無錯，連飲都唔準，連一滴水都唔可以。
對一個普通返寫字樓嘅打工仔嚟講，成個上晝唔飲水唔食嘢已經有少少難頂，更何況係一個每場波要跑 10 幾公里、下下都要同人肉搏衝刺嘅英超頂級職業球員？齋戒對呢班鐵人主要有兩大毀滅性嘅影響：
1. 終極「無水地獄」與能量斷層
大約由朝早 5 點去到傍晚 6 點幾，球員喺最消耗體力嘅晏晝操練，或者踢晏晝早場嘅時候，係完全無法補充水份同碳水化合物。缺水會直接令肌肉極易抽筋；大腦缺糖，去到比賽尾段 70 分鐘後就會突然斷片，平時傳得靚嘅波會失準，防守判斷力亦會斷崖式下跌。
2. 破壞肌肉恢復嘅零碎睡眠
為咗捱過日頭嘅消耗，球員要喺半夜 3、4 點較鬧鐘起身食「封齋飯」(Suhoor)，強行填飽個肚再夾硬瞓返。對於極度依賴深層睡眠 (REM Sleep) 嚟恢復肌肉同神經反應嘅運動員嚟講，作息被打斷嘅破壞力，分分鐘大過無嘢落肚。
好在英超近年識變通少少，如果係踢黃昏或者夜晚波，比賽中途撞正日落，球證會吹停一兩分鐘（所謂嘅 Iftar break）。你會見到班穆斯林球員跑到場邊，極速啪一包能量漿、飲啖水，或者食粒傳統嘅椰棗令血糖瞬間飆升保命，然後轉頭又衝入球場繼續搏命。
盤點 BIG 6 鐵人名單
阿仙奴：奪冠防線的「單核」危機
鐵人名單：沙列巴
兵工廠名單上睇落得一個人，但呢個人絕對係牽一髮動全身！大家都知沙列巴係阿仙奴防線嘅定海神針。中堅呢個位置係講求「零容錯」嘅，缺水最容易影響大腦轉數同集中力，喺禁區入面一秒發白日夢就足以致命。
阿迪達嘅醫療團隊點樣幫佢喺夜晚極速補充水份同電解質，直接關乎阿仙奴爭標路途嘅防線穩定性。如果見到沙列巴下半場尾段解圍慢咗半拍，阿迷記住高抬貴手。
曼城：哥帥的傳控結界與新兵考驗
鐵人名單： 努里 (Ait Nouri) [小編按：佢中文係咩………]、馬莫殊、卓基、古沙洛夫
睇睇曼城嘅陣容，幾位極具爆破力同體力要求嘅球員都在列。馬莫殊同卓基喺前場負責爆破，努里就係邊路嘅氣袋。不過，曼城可能係受生理影響相對較細嘅一隊。
因為哥迪奧拿最叻就係短傳組織，透過極致嘅傳控去節省球員無謂嘅體力消耗。加上曼城板凳深度尚算夠厚，相對有條件隨時收起體力跌 Watt 嘅球員。大家呢個月可以留意下，哥帥個嘅排陣會唔會有變動。
曼聯：右路風暴的信仰考驗
鐵人名單： 馬沙拉維、迪亞路、麥比奧莫、比恩迪亞
曼聯最大嘅隱憂，係佢哋成條右路走廊，由右閘嘅馬沙拉維，到右翼嘅迪亞路同新兵麥比奧莫，全線進入齋戒狀態。
特別係麥比奧莫，佢踢法極度依賴身體對抗同瞬間爆炸力，無水飲對佢肌肉嘅負荷極大，最怕就係衝刺完大髀抽筋。不過，迪亞路之前曾經公開講過，齋戒雖然辛苦，但會令佢心靈變得更強大。睇下曼聯呢條右路點樣靠意志力克服生理極限，頂住對手喺 70 分鐘後嘅狂攻啦。
利物浦：法老王的專屬 Buff
鐵人名單： 干拿迪、伊傑迪基、沙拿
講親齋戒月，點可以唔提沙拿？佢可以話係英超最出名嘅奇人，往往喺呢個月狀態唔跌反升，猶如自帶 齋戒月Buff一樣。不過，沙拿慣咗唔代表其他人無事。
防線嘅干拿迪要同英超啲大隻佬肉搏，而前線嘅伊傑迪基又要負責第一點逼搶，體能消耗極大。史洛晏晝操練點樣調配、點樣幫佢哋儲備體力，將會係利物浦保住前列競爭力嘅關鍵。
車路士：羅生高壓逼搶下的後防大考驗
鐵人名單： 科芬拿、托辛
終於講到我哋車仔。大家都知依家羅生揸旗，主打極高體力消耗嘅高位逼搶，防線推得極前，對中堅嘅回追速度同轉身要求好高。
科芬拿本身已經係玻璃底，依家同托辛兩個主力中堅齊齊齋戒。去到下半場 70 分鐘後大腦缺糖、注意力開始下降嘅危險期，如果對手打反擊，車仔防線隨時要打醒十二分精神。
科芬拿以前試過比賽中途日落啪能量漿，大家今個月睇車仔波，不妨留意下佢幾時走到場邊極速補給。
熱刺：引擎與鋒線嘅史詩級乾塘危機
鐵人名單： 史賓斯、沙亞、古度斯、比素馬、高路姆亞尼
如果話英超依家邊隊最立立亂，熱刺認第二無人敢認第一。(嗯？Big 6…………？)
澳普走咗，換入法蘭又炒埋，依家新帥杜陀上任，新領隊會用咩踢法？唔知。會點樣用人？又係唔知。
但唯一肯定嘅係，無論杜陀用咩戰術，都改變唔到一個殘酷事實：中場比素馬同沙亞，加埋前鋒高路姆亞尼，要硬食齋戒月。
本來球隊經歷領隊變更已經搞到人心惶惶，依家兩個中場防守命脈仲要齋戒。喺大家仲摸索緊新踢法、毫無既定戰術體系保護嘅情況下，佢哋隨時要靠本能去跑多兩步彌補走位，體能同專注力絕對面臨終極考驗。
至於古度斯？佢傷到最快4月先復出，對球隊進攻當然係沉重打擊。但退一步諗，起碼佢唔使喺齋戒月期間落場死頂，對佢嘅身體恢復嚟講，分分鐘係不幸中之大幸。
總結：多一份理解，少一份謾罵
好多香港人包括我，平時對穆斯林嘅認識唔深，甚至可能因為平時睇得太多外國新聞，對佢哋會有少少刻板印象，覺得佢哋嘅規矩好難理解。
見到呢班球員為咗個信仰，搞到自己無水飲無飯食，甚至可能影響到踢波呢份正職，有啲球迷可能會覺得：「X，有無咁迷信呀？好好踢哋踢波咪算囉，搞咁多嘢做咩？」
但調轉頭諗下，我哋香港人過農曆新年，年初一死都唔肯洗頭、唔敢掃地，新年流流講錯句嘢要即刻「啋啋啋」，甚至連買對鞋都要避忌下。呢啲習俗喺外國人眼中，何嘗又唔係一種難以理解嘅迷信？
講到尾，無論係新年習俗定係齋戒月，都係一種對傳統同信仰嘅堅持。對於呢班英超球員嚟講，信仰同足球一樣，都係佢哋生命不可分割嘅一部份。佢哋願意喺季尾爭冠、護級最激烈嘅時候，頂住極端嘅生理極限去為球隊搏命，單係呢份意志力同專業精神，就已經值得大家佩服。
所以，未來呢一個月，如果你見到愛隊嘅穆斯林球員跑慢咗兩步、回防唔切或者傳失波，喺留言區準備打字問候佢同佢家人之前，試下㩒住自己隻手先。
多一份理解，少一份謾罵。當係幫佢哋打定個底搵定藉口又好，當係學識尊重另一種文化都好。睇波啫，無謂吓吓都咁勞氣嘅！
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
無錯，佢可能真係無食飯。唔單止無食飯，佢可能由朝早天未光開始，已經十幾個鐘連一滴水都無飲過。
好難想像係咪？對於一眾信奉伊斯蘭教嘅球星嚟講，未來呢一個月，佢哋將會啟動職業體育界最黐線嘅「地獄級鐵人模式」，因為，2026 年嘅穆斯林嘅齋戒月喺2月18，19日正式殺到，仲要撞正英超進入季尾最關鍵嘅搶分大直路，真係唔可以講笑。
今篇文算係科普文，順便同大家盤點一下Big 6有咩穆斯林球員，打定個底可以幫佢哋搵藉口。
科普部份，其實……齋戒月係咩
如果你好清楚知道齋戒月做緊咩，咁呢部份你可以跳過，直接拉落下面睇名單。但如果你同我一樣，對齋戒嘅印象仲停留喺「哦！齋戒下嘛？我阿媽都有試過，一個月唔食肉食齋吖嘛」嘅級數，咁呢部份一定啱你。
齋戒月絕對唔係食齋一個月或者近年流行嘅 168 斷食咁簡單。喺呢整整一個月入面，穆斯林每日由日出到日落期間，係嚴格規定禁止飲食。無錯，連飲都唔準，連一滴水都唔可以。
對一個普通返寫字樓嘅打工仔嚟講，成個上晝唔飲水唔食嘢已經有少少難頂，更何況係一個每場波要跑 10 幾公里、下下都要同人肉搏衝刺嘅英超頂級職業球員？齋戒對呢班鐵人主要有兩大毀滅性嘅影響：
1. 終極「無水地獄」與能量斷層
大約由朝早 5 點去到傍晚 6 點幾，球員喺最消耗體力嘅晏晝操練，或者踢晏晝早場嘅時候，係完全無法補充水份同碳水化合物。缺水會直接令肌肉極易抽筋；大腦缺糖，去到比賽尾段 70 分鐘後就會突然斷片，平時傳得靚嘅波會失準，防守判斷力亦會斷崖式下跌。
2. 破壞肌肉恢復嘅零碎睡眠
為咗捱過日頭嘅消耗，球員要喺半夜 3、4 點較鬧鐘起身食「封齋飯」(Suhoor)，強行填飽個肚再夾硬瞓返。對於極度依賴深層睡眠 (REM Sleep) 嚟恢復肌肉同神經反應嘅運動員嚟講，作息被打斷嘅破壞力，分分鐘大過無嘢落肚。
好在英超近年識變通少少，如果係踢黃昏或者夜晚波，比賽中途撞正日落，球證會吹停一兩分鐘（所謂嘅 Iftar break）。你會見到班穆斯林球員跑到場邊，極速啪一包能量漿、飲啖水，或者食粒傳統嘅椰棗令血糖瞬間飆升保命，然後轉頭又衝入球場繼續搏命。
盤點 BIG 6 鐵人名單
阿仙奴：奪冠防線的「單核」危機
鐵人名單：沙列巴
兵工廠名單上睇落得一個人，但呢個人絕對係牽一髮動全身！大家都知沙列巴係阿仙奴防線嘅定海神針。中堅呢個位置係講求「零容錯」嘅，缺水最容易影響大腦轉數同集中力，喺禁區入面一秒發白日夢就足以致命。
阿迪達嘅醫療團隊點樣幫佢喺夜晚極速補充水份同電解質，直接關乎阿仙奴爭標路途嘅防線穩定性。如果見到沙列巴下半場尾段解圍慢咗半拍，阿迷記住高抬貴手。
曼城：哥帥的傳控結界與新兵考驗
鐵人名單： 努里 (Ait Nouri) [小編按：佢中文係咩………]、馬莫殊、卓基、古沙洛夫
睇睇曼城嘅陣容，幾位極具爆破力同體力要求嘅球員都在列。馬莫殊同卓基喺前場負責爆破，努里就係邊路嘅氣袋。不過，曼城可能係受生理影響相對較細嘅一隊。
因為哥迪奧拿最叻就係短傳組織，透過極致嘅傳控去節省球員無謂嘅體力消耗。加上曼城板凳深度尚算夠厚，相對有條件隨時收起體力跌 Watt 嘅球員。大家呢個月可以留意下，哥帥個嘅排陣會唔會有變動。
曼聯：右路風暴的信仰考驗
鐵人名單： 馬沙拉維、迪亞路、麥比奧莫、比恩迪亞
曼聯最大嘅隱憂，係佢哋成條右路走廊，由右閘嘅馬沙拉維，到右翼嘅迪亞路同新兵麥比奧莫，全線進入齋戒狀態。
特別係麥比奧莫，佢踢法極度依賴身體對抗同瞬間爆炸力，無水飲對佢肌肉嘅負荷極大，最怕就係衝刺完大髀抽筋。不過，迪亞路之前曾經公開講過，齋戒雖然辛苦，但會令佢心靈變得更強大。睇下曼聯呢條右路點樣靠意志力克服生理極限，頂住對手喺 70 分鐘後嘅狂攻啦。
利物浦：法老王的專屬 Buff
鐵人名單： 干拿迪、伊傑迪基、沙拿
講親齋戒月，點可以唔提沙拿？佢可以話係英超最出名嘅奇人，往往喺呢個月狀態唔跌反升，猶如自帶 齋戒月Buff一樣。不過，沙拿慣咗唔代表其他人無事。
防線嘅干拿迪要同英超啲大隻佬肉搏，而前線嘅伊傑迪基又要負責第一點逼搶，體能消耗極大。史洛晏晝操練點樣調配、點樣幫佢哋儲備體力，將會係利物浦保住前列競爭力嘅關鍵。
車路士：羅生高壓逼搶下的後防大考驗
鐵人名單： 科芬拿、托辛
終於講到我哋車仔。大家都知依家羅生揸旗，主打極高體力消耗嘅高位逼搶，防線推得極前，對中堅嘅回追速度同轉身要求好高。
科芬拿本身已經係玻璃底，依家同托辛兩個主力中堅齊齊齋戒。去到下半場 70 分鐘後大腦缺糖、注意力開始下降嘅危險期，如果對手打反擊，車仔防線隨時要打醒十二分精神。
科芬拿以前試過比賽中途日落啪能量漿，大家今個月睇車仔波，不妨留意下佢幾時走到場邊極速補給。
熱刺：引擎與鋒線嘅史詩級乾塘危機
鐵人名單： 史賓斯、沙亞、古度斯、比素馬、高路姆亞尼
如果話英超依家邊隊最立立亂，熱刺認第二無人敢認第一。(嗯？Big 6…………？)
澳普走咗，換入法蘭又炒埋，依家新帥杜陀上任，新領隊會用咩踢法？唔知。會點樣用人？又係唔知。
但唯一肯定嘅係，無論杜陀用咩戰術，都改變唔到一個殘酷事實：中場比素馬同沙亞，加埋前鋒高路姆亞尼，要硬食齋戒月。
本來球隊經歷領隊變更已經搞到人心惶惶，依家兩個中場防守命脈仲要齋戒。喺大家仲摸索緊新踢法、毫無既定戰術體系保護嘅情況下，佢哋隨時要靠本能去跑多兩步彌補走位，體能同專注力絕對面臨終極考驗。
至於古度斯？佢傷到最快4月先復出，對球隊進攻當然係沉重打擊。但退一步諗，起碼佢唔使喺齋戒月期間落場死頂，對佢嘅身體恢復嚟講，分分鐘係不幸中之大幸。
總結：多一份理解，少一份謾罵
好多香港人包括我，平時對穆斯林嘅認識唔深，甚至可能因為平時睇得太多外國新聞，對佢哋會有少少刻板印象，覺得佢哋嘅規矩好難理解。
見到呢班球員為咗個信仰，搞到自己無水飲無飯食，甚至可能影響到踢波呢份正職，有啲球迷可能會覺得：「X，有無咁迷信呀？好好踢哋踢波咪算囉，搞咁多嘢做咩？」
但調轉頭諗下，我哋香港人過農曆新年，年初一死都唔肯洗頭、唔敢掃地，新年流流講錯句嘢要即刻「啋啋啋」，甚至連買對鞋都要避忌下。呢啲習俗喺外國人眼中，何嘗又唔係一種難以理解嘅迷信？
講到尾，無論係新年習俗定係齋戒月，都係一種對傳統同信仰嘅堅持。對於呢班英超球員嚟講，信仰同足球一樣，都係佢哋生命不可分割嘅一部份。佢哋願意喺季尾爭冠、護級最激烈嘅時候，頂住極端嘅生理極限去為球隊搏命，單係呢份意志力同專業精神，就已經值得大家佩服。
所以，未來呢一個月，如果你見到愛隊嘅穆斯林球員跑慢咗兩步、回防唔切或者傳失波，喺留言區準備打字問候佢同佢家人之前，試下㩒住自己隻手先。
多一份理解，少一份謾罵。當係幫佢哋打定個底搵定藉口又好，當係學識尊重另一種文化都好。睇波啫，無謂吓吓都咁勞氣嘅！
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊