當迪布尼 (Kevin De Bruyne) 抵達拿坡里，被成千上萬嘅球迷瘋狂簇擁嘅畫面傳出 ，意味住呢位效力曼城近十年、統治咗英超中場嘅傳奇，終於要同英超球迷講再見。作為一個車迷，睇住呢一幕，心情可以話係五味雜陳，甚至有啲矛盾。
一方面，理智話我知，英超終於少咗一個最恐怖嘅對手。我哋後防唔使再提心吊膽佢嗰啲完全唔講理、無視幾何學嘅致命傳中；我哋嘅龍門亦都可以暫時鬆一口氣，唔使再面對佢炮彈一樣嘅遠射。但另一方面，情感上嘅惋惜同不甘，卻係每次見到佢喺天藍色球衣下捧盃時，都會隱隱作痛嘅一條刺。
呢條刺，喺十年前佢被車路士放棄時種下，隨住佢喺曼城贏得6次英超、2次足總盃、1次歐聯在內嘅16座獎盃 ，攻入108球、交出177次助攻之後 ，變得越嚟越深。佢嘅成功，對我哋嚟講，就係一個持續十年嘅「What If」終極問題。
為咗解開呢個「心結」，又或者只係想更深入咁了解我哋嘅「最強棄將」，我哋或者需要戴返副「戰術分析」眼鏡，深入研究下佢喺曼城點樣一步步由當初被我哋放棄嘅年輕人，經歷四個截然不同嘅時代，最終進化成一個真正嘅球壇傳奇。
第一時代：初來報到與哥帥嘅改造 (2015-17)
離開左車路士之後，迪布尼並冇沉淪，反而先後被外借到雲達不萊梅，之後更喺禾夫斯堡大放異彩，單季交出16個入球同27次助攻，成為德國年度最佳球員 。正係呢種表現，吸引到曼城喺2015年，用當時被認為係「天價」嘅5500萬鎊將佢帶返英超 。
老實講，當時唔少人都覺得曼城做咗水魚，甚至有利物浦名宿話呢個價錢「簡直係痴Q咗線」。我仲好記得當時有唔少車迷暗自慶幸，覺得球會成功止蝕。但就係呢個決定，為我哋未來十年嘅悔恨埋下伏筆。
喺領隊柏歷堅尼手下嘅第一季，迪布尼展現出佢嘅全能，時而喺右翼、時而喺左翼，甚至被擺喺中路，角色非常靈活多變 。但真正將佢由一個好球員提升到傳奇級嘅關鍵，係2016年哥迪奧拿 (Pep Guardiola) 嘅加盟。
哥迪奧拿上任後，最重要嘅改造就係要求迪布尼由一個靠近前鋒嘅純粹攻擊中場，後撤到一個更需要跑動、覆蓋範圍更廣嘅「自由八號位」。呢個轉變要求極高，迪布尼自己都喺訪問中承認：「呢個係一個唔同嘅角色……我唔係踢十號位，而係作為一個自由嘅八號，需要喺場上不停跑動。」
喺2016-17球季嘅適應期，教練團隊留意到佢因為額外嘅跑動而導致輸出有所下滑 。但天賦始終係掩蓋唔住嘅。即使喺角色改造嘅陣痛期，佢依然喺嗰個球季交出咗18次英超助攻 。當中包括對阿仙奴交出嗰球助攻：喺冇望過隊友嘅情況下，送出一腳完美嘅長傳俾史達寧，已經初現佢嗰種無視物理定律嘅球場視野 。
對我哋車迷嚟講，呢個時代就係噩夢嘅開端。我哋或者仲慶幸緊佢喺史丹福橋踢唔出名堂，但喺曼徹斯特，一個更恐怖、更全面嘅迪布尼，已經喺哥迪奧拿嘅雕琢下，悄然成形。
第二時代：黃金歲月與助攻王嘅誕生 (2018-20)
如果話第一時代係迪布尼適應期嘅預告，咁呢個時代就係佢君臨英超嘅正片上演。我哋只能喺電視機前面，睇住佢一步步鞏固自己作為世界最佳中場之一嘅地位，而佢每一下精彩傳送，都好似無聲嘅掌摑一樣，摑喺當初決定放棄佢嘅人塊面度。
呢段時期由2017-18嘅「百分賽季」揭開序幕，嗰支曼城被好多人認為係哥帥麾下最華麗嘅球隊 。迪布尼喺呢度完全確立咗自己「box-to-box」嘅核心角色 。數據顯示，佢當時每90分鐘就能創造1個入球 (GCA: 1.00) ，同時擁有極高嘅向前帶球 (Progressive Carries: 5.36) 同傳球 (Progressive Passes: 11.37) 能力，佢同大衛施華組成嘅雙核，令所有對手聞風喪膽。喺佢自己嘅最佳十一人當中，大衛施華亦係佢毫不猶豫就揀選嘅人選 。
隨後嘅2019-20球季，雖然曼城整體成績回落，但反而成為「可能係迪布尼個人最好嘅一季」 。佢喺嗰季英超交出20次助攻，追平咗亨利保持多年嘅紀錄 ，並首次贏得PFA年度最佳球員 。數據更係恐怖到令人咋舌：
- 每90分鐘交出0.64次助攻，而佢嘅預期助攻（xAG）亦都係0.64，代表佢創造出嚟嘅機會全部都係頂級質素，冇一絲水份 。
- 每90分鐘嘅關鍵傳球高達4.39次，傳中次數亦激增到9.8次 。佢嗰招牌嘅、喺禁區角位以詭異弧線飛向遠柱嘅「火箭傳中」，喺呢段時期達到巔峰 。對手就算明知佢會咁做，都係防不勝防 。
呢種對勝利嘅執著，亦體現喺佢嘅激情上。例如喺2017年對拿玻里賽後，佢為咗同球證理論，激動咁向隊友大嗌五次「Let me talk!」 。呢種近乎偏執嘅求勝慾，正正係我哋作為對手時最憎恨，但又不得不佩服嘅地方。
到咗呢個時代嘅終結，迪布尼已經唔再係一個「被車路士放棄嘅潛力股」，而係一個貨真價實、統治住英超嘅中場大師。我哋嘅一次過失，造就咗對手一個王朝嘅基石。
第三時代：無鋒陣下嘅挺身而出 (2020-22)
正當我哋以為迪布尼嘅「助攻點數」已經加到盡頭，無諗過哥迪奧拿又為佢帶嚟新嘅挑戰，亦都為我哋呢啲對手帶嚟新嘅噩夢。由於曼城嘗試簽下哈利簡尼失敗，球隊喺一段時間內陷入冇正中鋒嘅局面，因而催生出「假九」呢個戰術。
喺呢個體系下，過往嗰種俾迪布尼直線傳球畀前鋒跑身後嘅機會大大減少。 球隊需要攻擊線上嘅每一個人，都具備入球嘅能力。於是，迪布尼再次進化，由一個助攻王，搖身一變成為球隊最穩定嘅得分點。
呢個轉變喺2021-22球季達到頂峰，呢個係佢喺曼城十年嚟，唯一一個「聯賽入球多過助攻」嘅球季，佢甚至最終成為球隊嘅英超神射手。 數據唔會講大話：
- 每90分鐘嘅入球數飆升到驚人嘅0.61個，而助攻數係0.33次，完全顛覆咗佢過往嘅角色。
- 「把握力(G-xG)」差值高達+0.38，呢個數據證明佢嘅埋門效率遠超平均水平，係世界級終結能力嘅體現。
為咗入球，佢嘅總射門次數達到嗰幾季嘅高峰 (每90分鐘3.19次)，顯示佢喺戰術上被賦予無限開火權。
一個中場球員，竟然成為衛冕冠軍嘅神射手，呢件事本身就夠晒諷刺。尤其係當我哋諗返起自己條前鋒線喺同期嘅掙扎，嗰種「恨錯難返」嘅感覺就更加強烈。迪布尼用行動證明，佢唔單止可以為前鋒送上彈藥，喺冇前鋒嘅時候，佢自己就可以成為最致命嘅武器。
更令我哋呢啲花生友佩服嘅係，喺呢段時間續約時，據報佢並冇依賴經理人，而係自己搵嚟數據專家，用詳盡嘅數據分析嚟證明自己對球隊嘅價值，最終為自己贏得一份巨額合約。呢個男人，唔止球商高，連「講數能力」都一樣頂級。
第四時代：與魔人嘅連線與三冠王偉業 (2022-2025)
正當我哋以為迪布尼已經需要為球隊犧牲個人數據時，2022年，夏蘭特 (Erling Haaland) 嘅加盟，將呢位中場大師最後一個封印徹底解除。當世上最好嘅創造者，遇上最有效率嘅終結者，我哋作為對手，最後一絲嘅幻想都宣告破滅。
「迪布尼-夏蘭特」呢條攻擊線路，根本唔需要磨合，即插即用。迪布尼形容夏蘭特係一部「只係望住個龍門」嘅「入球機器」，而佢嘅任務就係為呢部機器提供源源不絕嘅彈藥。佢自己喺訪問中都承認，同夏蘭特有好良好嘅連結 。哥迪奧拿亦都樂於見到呢個組合，於是迪布尼嘅「正常創造力服務」正式恢復 。
數據完美地反映咗呢種恐怖嘅化學作用：
- 喺2022-23球季，迪布尼每90分鐘嘅助攻數 (Assists) 回升到0.60次嘅頂級水平。
- 更關鍵嘅係，佢每90分鐘嘅創造入球機會 (Goal-Creating Actions) 達到驚人嘅1.15次，係我哋分析嘅四季之中最高嘅，直接證明咗佢同夏蘭特嘅組合有幾致命。
- 過往嘅致命武器，例如直線傳球 (Through Balls) 同傳中 (Crosses)，全部強勢回歸 ，數據上亦都維持喺極高水平，就好似為夏蘭特度身訂造一樣。
呢對無敵組合嘅巔峰之作，就係帶領曼城喺2022-23球季，完成咗歷史性嘅「三冠王」偉業 。佢哋嘅三冠王，就好似為我哋呢個長達十年嘅「What If」故事，寫上一個最殘酷、最無可爭辯嘅結局。喺迪布尼揀選嘅最佳十一人當中，夏蘭特、禾克、史東斯同洛迪呢班三冠王骨幹，亦都理所當然咁佔據核心位置 。
到咗呢個階段，我哋作為車迷，除咗苦笑，或者更多嘅係一種無奈嘅敬畏。我哋親眼見證住，一個被我哋放棄嘅天才，點樣喺對手陣中，搵到佢最完美嘅拍檔，最終登上歐洲巔峰。
感慨與惋惜，一個屬於車迷嘅十年心結
迪布尼嘅藍月之旅終結，當我哋回顧完佢喺曼城進化嘅四個時代，作為資深車迷，心裡面最後沉澱落嚟嘅，離唔開兩種複雜嘅情緒：既感慨，又惋惜。
感慨嘅係，一個屬於我哋呢代人嘅足球時代，真係慢慢步入黃昏。由C朗、美斯相繼淡出歐洲主流舞台，到今日，比利時黃金一代嘅最後支柱迪布尼，亦都離開競爭最激烈嘅英超，轉戰意甲。呢啲畫面，不斷提醒我哋，再美麗嘅樂章，都有曲終人散嘅一日。我哋好慶幸，能夠見證呢班天才嘅巔峰，但亦都好傷感，要親口同佢哋嘅時代講再見。
而惋惜嘅，當然係我哋車路士，當年點解會放走呢位天才。諗返起佢20歲時，喺摩連奴手下嗰段只有短短六個月、不被重用嘅日子 ，再對比佢過去十年喺曼城贏得嘅無數榮譽 ，嗰種「恨錯難返」嘅感覺就更加強烈。佢喺曼城嘅每一次神級助攻、每一座冠軍獎盃，都好似喺度提醒住我哋，當初球會嘅一次判斷失誤，代價係幾咁沉重。
呢個持續咗十年嘅「What If」故事，隨住佢遠赴拿玻里而畫上句號。我哋終於唔需要再喺聯賽中面對呢位「最強棄將」，但心裡面嗰個結，或者永遠都解唔開。
ーーーーーーーーーーーーーーーーーーーーーーーーーー
後記：
寫到最後，可能要戴返個頭盔先。有讀者可能會問，點解要用一個咁「小氣」、甚至有啲「葡萄Feel」嘅車迷角度，去寫一個對手嘅傳奇？文中不停提到車迷點點點好似好煩好多餘，直接客觀咁讚美佢嘅成就唔係更好咩？
原因好簡單。因為對我哋車迷嚟講，迪布尼從來都唔係一個「純粹」嘅對手。佢唔係夏蘭特，唔係簡尼，亦都唔係雲迪克。佢哋好強，我哋會佩服，會喺場上痛恨佢地嘅強大，但僅此而已。
迪布尼唔同，佢係我哋足球會近代史上，最大、最痛、最漫長嘅一個「What If」。佢嘅存在，就好似一面鏡，時刻提醒住我哋曾經犯過嘅錯、走過嘅冤枉路。我哋對佢嘅情感，從來都唔係單純嘅敬佩，而係混雜住惋惜、不甘、同埋對當初決策嘅無奈。(個人覺得沙拿都係。)
所以，要車迷完全抽離呢份情感，去「客觀中立」咁評價佢，反而係一種唔誠實。呢份貫徹全文嘅「酸味」，其實正正係源於我對佢實力嘅最高肯定。就係因為佢太過出色，我嘅惋惜，先會咁樣強烈。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
一方面，理智話我知，英超終於少咗一個最恐怖嘅對手。我哋後防唔使再提心吊膽佢嗰啲完全唔講理、無視幾何學嘅致命傳中；我哋嘅龍門亦都可以暫時鬆一口氣，唔使再面對佢炮彈一樣嘅遠射。但另一方面，情感上嘅惋惜同不甘，卻係每次見到佢喺天藍色球衣下捧盃時，都會隱隱作痛嘅一條刺。
呢條刺，喺十年前佢被車路士放棄時種下，隨住佢喺曼城贏得6次英超、2次足總盃、1次歐聯在內嘅16座獎盃 ，攻入108球、交出177次助攻之後 ，變得越嚟越深。佢嘅成功，對我哋嚟講，就係一個持續十年嘅「What If」終極問題。
為咗解開呢個「心結」，又或者只係想更深入咁了解我哋嘅「最強棄將」，我哋或者需要戴返副「戰術分析」眼鏡，深入研究下佢喺曼城點樣一步步由當初被我哋放棄嘅年輕人，經歷四個截然不同嘅時代，最終進化成一個真正嘅球壇傳奇。
第一時代：初來報到與哥帥嘅改造 (2015-17)
離開左車路士之後，迪布尼並冇沉淪，反而先後被外借到雲達不萊梅，之後更喺禾夫斯堡大放異彩，單季交出16個入球同27次助攻，成為德國年度最佳球員 。正係呢種表現，吸引到曼城喺2015年，用當時被認為係「天價」嘅5500萬鎊將佢帶返英超 。
老實講，當時唔少人都覺得曼城做咗水魚，甚至有利物浦名宿話呢個價錢「簡直係痴Q咗線」。我仲好記得當時有唔少車迷暗自慶幸，覺得球會成功止蝕。但就係呢個決定，為我哋未來十年嘅悔恨埋下伏筆。
喺領隊柏歷堅尼手下嘅第一季，迪布尼展現出佢嘅全能，時而喺右翼、時而喺左翼，甚至被擺喺中路，角色非常靈活多變 。但真正將佢由一個好球員提升到傳奇級嘅關鍵，係2016年哥迪奧拿 (Pep Guardiola) 嘅加盟。
哥迪奧拿上任後，最重要嘅改造就係要求迪布尼由一個靠近前鋒嘅純粹攻擊中場，後撤到一個更需要跑動、覆蓋範圍更廣嘅「自由八號位」。呢個轉變要求極高，迪布尼自己都喺訪問中承認：「呢個係一個唔同嘅角色……我唔係踢十號位，而係作為一個自由嘅八號，需要喺場上不停跑動。」
喺2016-17球季嘅適應期，教練團隊留意到佢因為額外嘅跑動而導致輸出有所下滑 。但天賦始終係掩蓋唔住嘅。即使喺角色改造嘅陣痛期，佢依然喺嗰個球季交出咗18次英超助攻 。當中包括對阿仙奴交出嗰球助攻：喺冇望過隊友嘅情況下，送出一腳完美嘅長傳俾史達寧，已經初現佢嗰種無視物理定律嘅球場視野 。
對我哋車迷嚟講，呢個時代就係噩夢嘅開端。我哋或者仲慶幸緊佢喺史丹福橋踢唔出名堂，但喺曼徹斯特，一個更恐怖、更全面嘅迪布尼，已經喺哥迪奧拿嘅雕琢下，悄然成形。
第二時代：黃金歲月與助攻王嘅誕生 (2018-20)
如果話第一時代係迪布尼適應期嘅預告，咁呢個時代就係佢君臨英超嘅正片上演。我哋只能喺電視機前面，睇住佢一步步鞏固自己作為世界最佳中場之一嘅地位，而佢每一下精彩傳送，都好似無聲嘅掌摑一樣，摑喺當初決定放棄佢嘅人塊面度。
呢段時期由2017-18嘅「百分賽季」揭開序幕，嗰支曼城被好多人認為係哥帥麾下最華麗嘅球隊 。迪布尼喺呢度完全確立咗自己「box-to-box」嘅核心角色 。數據顯示，佢當時每90分鐘就能創造1個入球 (GCA: 1.00) ，同時擁有極高嘅向前帶球 (Progressive Carries: 5.36) 同傳球 (Progressive Passes: 11.37) 能力，佢同大衛施華組成嘅雙核，令所有對手聞風喪膽。喺佢自己嘅最佳十一人當中，大衛施華亦係佢毫不猶豫就揀選嘅人選 。
隨後嘅2019-20球季，雖然曼城整體成績回落，但反而成為「可能係迪布尼個人最好嘅一季」 。佢喺嗰季英超交出20次助攻，追平咗亨利保持多年嘅紀錄 ，並首次贏得PFA年度最佳球員 。數據更係恐怖到令人咋舌：
- 每90分鐘交出0.64次助攻，而佢嘅預期助攻（xAG）亦都係0.64，代表佢創造出嚟嘅機會全部都係頂級質素，冇一絲水份 。
- 每90分鐘嘅關鍵傳球高達4.39次，傳中次數亦激增到9.8次 。佢嗰招牌嘅、喺禁區角位以詭異弧線飛向遠柱嘅「火箭傳中」，喺呢段時期達到巔峰 。對手就算明知佢會咁做，都係防不勝防 。
呢種對勝利嘅執著，亦體現喺佢嘅激情上。例如喺2017年對拿玻里賽後，佢為咗同球證理論，激動咁向隊友大嗌五次「Let me talk!」 。呢種近乎偏執嘅求勝慾，正正係我哋作為對手時最憎恨，但又不得不佩服嘅地方。
到咗呢個時代嘅終結，迪布尼已經唔再係一個「被車路士放棄嘅潛力股」，而係一個貨真價實、統治住英超嘅中場大師。我哋嘅一次過失，造就咗對手一個王朝嘅基石。
第三時代：無鋒陣下嘅挺身而出 (2020-22)
正當我哋以為迪布尼嘅「助攻點數」已經加到盡頭，無諗過哥迪奧拿又為佢帶嚟新嘅挑戰，亦都為我哋呢啲對手帶嚟新嘅噩夢。由於曼城嘗試簽下哈利簡尼失敗，球隊喺一段時間內陷入冇正中鋒嘅局面，因而催生出「假九」呢個戰術。
喺呢個體系下，過往嗰種俾迪布尼直線傳球畀前鋒跑身後嘅機會大大減少。 球隊需要攻擊線上嘅每一個人，都具備入球嘅能力。於是，迪布尼再次進化，由一個助攻王，搖身一變成為球隊最穩定嘅得分點。
呢個轉變喺2021-22球季達到頂峰，呢個係佢喺曼城十年嚟，唯一一個「聯賽入球多過助攻」嘅球季，佢甚至最終成為球隊嘅英超神射手。 數據唔會講大話：
- 每90分鐘嘅入球數飆升到驚人嘅0.61個，而助攻數係0.33次，完全顛覆咗佢過往嘅角色。
- 「把握力(G-xG)」差值高達+0.38，呢個數據證明佢嘅埋門效率遠超平均水平，係世界級終結能力嘅體現。
為咗入球，佢嘅總射門次數達到嗰幾季嘅高峰 (每90分鐘3.19次)，顯示佢喺戰術上被賦予無限開火權。
一個中場球員，竟然成為衛冕冠軍嘅神射手，呢件事本身就夠晒諷刺。尤其係當我哋諗返起自己條前鋒線喺同期嘅掙扎，嗰種「恨錯難返」嘅感覺就更加強烈。迪布尼用行動證明，佢唔單止可以為前鋒送上彈藥，喺冇前鋒嘅時候，佢自己就可以成為最致命嘅武器。
更令我哋呢啲花生友佩服嘅係，喺呢段時間續約時，據報佢並冇依賴經理人，而係自己搵嚟數據專家，用詳盡嘅數據分析嚟證明自己對球隊嘅價值，最終為自己贏得一份巨額合約。呢個男人，唔止球商高，連「講數能力」都一樣頂級。
第四時代：與魔人嘅連線與三冠王偉業 (2022-2025)
正當我哋以為迪布尼已經需要為球隊犧牲個人數據時，2022年，夏蘭特 (Erling Haaland) 嘅加盟，將呢位中場大師最後一個封印徹底解除。當世上最好嘅創造者，遇上最有效率嘅終結者，我哋作為對手，最後一絲嘅幻想都宣告破滅。
「迪布尼-夏蘭特」呢條攻擊線路，根本唔需要磨合，即插即用。迪布尼形容夏蘭特係一部「只係望住個龍門」嘅「入球機器」，而佢嘅任務就係為呢部機器提供源源不絕嘅彈藥。佢自己喺訪問中都承認，同夏蘭特有好良好嘅連結 。哥迪奧拿亦都樂於見到呢個組合，於是迪布尼嘅「正常創造力服務」正式恢復 。
數據完美地反映咗呢種恐怖嘅化學作用：
- 喺2022-23球季，迪布尼每90分鐘嘅助攻數 (Assists) 回升到0.60次嘅頂級水平。
- 更關鍵嘅係，佢每90分鐘嘅創造入球機會 (Goal-Creating Actions) 達到驚人嘅1.15次，係我哋分析嘅四季之中最高嘅，直接證明咗佢同夏蘭特嘅組合有幾致命。
- 過往嘅致命武器，例如直線傳球 (Through Balls) 同傳中 (Crosses)，全部強勢回歸 ，數據上亦都維持喺極高水平，就好似為夏蘭特度身訂造一樣。
呢對無敵組合嘅巔峰之作，就係帶領曼城喺2022-23球季，完成咗歷史性嘅「三冠王」偉業 。佢哋嘅三冠王，就好似為我哋呢個長達十年嘅「What If」故事，寫上一個最殘酷、最無可爭辯嘅結局。喺迪布尼揀選嘅最佳十一人當中，夏蘭特、禾克、史東斯同洛迪呢班三冠王骨幹，亦都理所當然咁佔據核心位置 。
到咗呢個階段，我哋作為車迷，除咗苦笑，或者更多嘅係一種無奈嘅敬畏。我哋親眼見證住，一個被我哋放棄嘅天才，點樣喺對手陣中，搵到佢最完美嘅拍檔，最終登上歐洲巔峰。
感慨與惋惜，一個屬於車迷嘅十年心結
迪布尼嘅藍月之旅終結，當我哋回顧完佢喺曼城進化嘅四個時代，作為資深車迷，心裡面最後沉澱落嚟嘅，離唔開兩種複雜嘅情緒：既感慨，又惋惜。
感慨嘅係，一個屬於我哋呢代人嘅足球時代，真係慢慢步入黃昏。由C朗、美斯相繼淡出歐洲主流舞台，到今日，比利時黃金一代嘅最後支柱迪布尼，亦都離開競爭最激烈嘅英超，轉戰意甲。呢啲畫面，不斷提醒我哋，再美麗嘅樂章，都有曲終人散嘅一日。我哋好慶幸，能夠見證呢班天才嘅巔峰，但亦都好傷感，要親口同佢哋嘅時代講再見。
而惋惜嘅，當然係我哋車路士，當年點解會放走呢位天才。諗返起佢20歲時，喺摩連奴手下嗰段只有短短六個月、不被重用嘅日子 ，再對比佢過去十年喺曼城贏得嘅無數榮譽 ，嗰種「恨錯難返」嘅感覺就更加強烈。佢喺曼城嘅每一次神級助攻、每一座冠軍獎盃，都好似喺度提醒住我哋，當初球會嘅一次判斷失誤，代價係幾咁沉重。
呢個持續咗十年嘅「What If」故事，隨住佢遠赴拿玻里而畫上句號。我哋終於唔需要再喺聯賽中面對呢位「最強棄將」，但心裡面嗰個結，或者永遠都解唔開。
ーーーーーーーーーーーーーーーーーーーーーーーーーー
後記：
寫到最後，可能要戴返個頭盔先。有讀者可能會問，點解要用一個咁「小氣」、甚至有啲「葡萄Feel」嘅車迷角度，去寫一個對手嘅傳奇？文中不停提到車迷點點點好似好煩好多餘，直接客觀咁讚美佢嘅成就唔係更好咩？
原因好簡單。因為對我哋車迷嚟講，迪布尼從來都唔係一個「純粹」嘅對手。佢唔係夏蘭特，唔係簡尼，亦都唔係雲迪克。佢哋好強，我哋會佩服，會喺場上痛恨佢地嘅強大，但僅此而已。
迪布尼唔同，佢係我哋足球會近代史上，最大、最痛、最漫長嘅一個「What If」。佢嘅存在，就好似一面鏡，時刻提醒住我哋曾經犯過嘅錯、走過嘅冤枉路。我哋對佢嘅情感，從來都唔係單純嘅敬佩，而係混雜住惋惜、不甘、同埋對當初決策嘅無奈。(個人覺得沙拿都係。)
所以，要車迷完全抽離呢份情感，去「客觀中立」咁評價佢，反而係一種唔誠實。呢份貫徹全文嘅「酸味」，其實正正係源於我對佢實力嘅最高肯定。就係因為佢太過出色，我嘅惋惜，先會咁樣強烈。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊