上次寫完阿仙奴個 Dark Arts，琴日只係講下我自己點睇夏維斯指章…結果阿仙奴球迷就去我Facebook度熱烈討論，Inbox 同留言版簡直係戰火連天。本身諗住以後都係避談阿仙奴算數，但係……我寫文已經寫慣咗。阿仙奴對車仔場波，羅生防守角球嗰一幕實在太有趣、太反常識。作為一個球迷，見到呢種瘋狂實驗，如果要我扮睇唔到唔寫，仲辛苦過俾人鬧。
所以，我決定冒住再次俾人追咬嘅風險，都要寫多一篇，純粹由戰術角度，用自己嘅睇法講下呢個自殺式防守背後嘅幾何學。
天才定送頭？網絡上的兩極戰場
事源係剛過去嘅聯賽盃準決賽次回合，雖然車路士最終 0-1 輸波（總比數 2-4 出局），但領隊羅生喺防守角球時做咗一個極具爭議性嘅實驗。
畫面係咁嘅：當阿仙奴嘅懷斯擺好個波準備助跑嗰一刻，車路士禁區內突然有 3 名球員（包括古斯圖同戴維）唔係回防，而係全速衝刺出去前場。
呢個反常識嘅畫面一出，Reddit同Facebook都極多人講，反應都好兩極。我隨手 Cap 幾句留言大家感受下：
反方（覺得係自殺）：「有用，其他隊就用撚咗啦，使等你發明？」「一開短角球就收你皮啦，前場班友返唔切嚟咪任射？」
正方（覺得有驚喜）：「但好似 WORK WORK 地喎，今場阿仙奴角球係無乜威脅。」「禁區少咗人，龍門反而易睇咗，無咁亂。」
先唔講車仔本身落後緊，而且阿仙奴根本無諗住攻你，角球自然少嘅問題………
單講防守應對，到底羅生呢招空城計，係戰術大師嘅神來之筆，定係搏出位嘅送頭行為？要解答呢個問題，我哋首先要拆解下，點解傳統防守對阿仙奴會失效。
戰術拆解：點解要自廢武功？
要明白羅生呢招，首先要知阿仙奴角球恐怖喺邊。Recap返我上一篇嘅內容，我讚過 (雖然阿迷無留意到) 阿仙奴嘅定位球教練 Nicolas Jover 有一套核心哲學，叫 Controlled Chaos。佢哋最鍾意堆 5-6 個大隻佬喺 6 碼區圍住個龍門，再加個人專責搞亂個龍門。
喺咁擠迫嘅環境下，守方龍門根本出唔到嚟打手槌，防守球員亦好容易因為人多手腳亂而失位。簡單講，阿仙奴就係要人多蝦人少。列斯對阿仙奴果場個烏龍波，就係因為呢種諗法，反而迫到列斯後防自己出錯。
而車路士呢招「三人衝出禁區」，背後邏輯係Space Exchange：
1. 以攻代守的威懾
車路士派古斯圖同戴納衝出去，係擺明話你知：「你夠膽全軍壓上，我就打你反擊。」基本上係買大細。阿仙奴為咗防範呢個反擊，被迫要從禁區撤走 3-4 個球員返去中場佈防。
2. 稀釋密度
當阿仙奴被迫撤走幾個人，車路士禁區內嘅防守人數雖然少咗，但阿仙奴嘅進攻人數亦少咗。禁區即刻由「繁忙時間嘅金鐘站」變返做「閒日嘅錦上路」。禁區少咗人，龍門山齊士終於有位出迎，視野清晰咗，唔使再驚俾人夾。
正如前紐卡素門將 Shay Given 喺《Match of the Day》所講：「只要禁區空間多咗，龍門同後衛處理高空波其實係易過處理混戰。」
實戰論證：回應網民兩大質疑
理論講完，咁實際上係咪真係 Work？我哋用網民嘅質疑逐點睇。
質疑一：「一開短角球就收你皮啦！」
呢個係最多人講嘅 point，但如果你睇返重播細節，你會發現車路士班球員係有練過嘅。關鍵在於延遲衝刺 。
車路士球員唔係一早企定喺外面等你可以開短角球。佢哋係等飯仔準備助跑果一秒，先突然全速衝出去。喺嗰一瞬間，阿仙奴已經擺好晒陣攻門，飯仔亦已經跑緊去開波，根本反應唔切去轉 Plan 開短角球。如果佢強行改短傳，嗰 3 個衝出去嘅車路士球員，反而係最快可以逼搶到禁區外球權嘅人。
質疑二：「有用，其他隊就用撚咗啦！」
點解其他隊唔用？因為代價太大同風險太高。老列納係節目亦指出咗呢個戰術嘅致命傷：錯配。
當你撤走咗 3 個防守球員，禁區內剩返嘅人就要單對單硬撼阿仙奴嘅高大中堅。好似今場波，變成安素被迫要單防加比爾。平時阿仙奴傳中質素極高，真係以加比爾做目標嘅話，安素係一定唔夠加比爾頂。
再加上體能消耗極大，古斯圖跑到下半場抽筋就係證據。呢個戰術要求邊路球員做極高強度嘅來回跑，普通球隊嘅體能同紀律性根本執行唔到。
總結：輸了比賽，贏了博弈
講到尾，呢場波嘅結果係充滿諷刺嘅。
車路士用盡腦汁，甚至不惜要古斯圖跑到抽筋，終於成功封鎖咗阿仙奴最強嘅死球武器。但最終卻輸咗喺自己最想打嘅運動戰上面，被夏維斯反擊一劍封喉。
有人會話：「輸波講咩都係廢話。」但喺戰術分析嘅層面睇，羅生呢個實驗係非常有價值嘅。佢打破咗死球防守一定要鬥人多嘅傳統思維，向全英超示範咗點樣拆解阿仙奴嘅霸權。
或者唔係萬能鑰匙，無保證一定Work，但至少係一個新嘅思路。雖然未必隊隊波都有車路士球員嘅速度同執行力去玩呢招，但至少下次再面對阿仙奴嗰陣，其他領隊唔使再坐以待斃，可以諗下：「與其俾佢屈機，不如試下同佢賭一鋪。」
至於班阿迷繼續咬我？隨便啦。反正戰術嘅進步，往往就係由呢啲睇落痴Q線嘅實驗開始。如果無人敢試新嘢，足球就唔會好睇啦，係咪先？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
所以，我決定冒住再次俾人追咬嘅風險，都要寫多一篇，純粹由戰術角度，用自己嘅睇法講下呢個自殺式防守背後嘅幾何學。
天才定送頭？網絡上的兩極戰場
事源係剛過去嘅聯賽盃準決賽次回合，雖然車路士最終 0-1 輸波（總比數 2-4 出局），但領隊羅生喺防守角球時做咗一個極具爭議性嘅實驗。
畫面係咁嘅：當阿仙奴嘅懷斯擺好個波準備助跑嗰一刻，車路士禁區內突然有 3 名球員（包括古斯圖同戴維）唔係回防，而係全速衝刺出去前場。
呢個反常識嘅畫面一出，Reddit同Facebook都極多人講，反應都好兩極。我隨手 Cap 幾句留言大家感受下：
反方（覺得係自殺）：「有用，其他隊就用撚咗啦，使等你發明？」「一開短角球就收你皮啦，前場班友返唔切嚟咪任射？」
正方（覺得有驚喜）：「但好似 WORK WORK 地喎，今場阿仙奴角球係無乜威脅。」「禁區少咗人，龍門反而易睇咗，無咁亂。」
先唔講車仔本身落後緊，而且阿仙奴根本無諗住攻你，角球自然少嘅問題………
單講防守應對，到底羅生呢招空城計，係戰術大師嘅神來之筆，定係搏出位嘅送頭行為？要解答呢個問題，我哋首先要拆解下，點解傳統防守對阿仙奴會失效。
戰術拆解：點解要自廢武功？
要明白羅生呢招，首先要知阿仙奴角球恐怖喺邊。Recap返我上一篇嘅內容，我讚過 (雖然阿迷無留意到) 阿仙奴嘅定位球教練 Nicolas Jover 有一套核心哲學，叫 Controlled Chaos。佢哋最鍾意堆 5-6 個大隻佬喺 6 碼區圍住個龍門，再加個人專責搞亂個龍門。
喺咁擠迫嘅環境下，守方龍門根本出唔到嚟打手槌，防守球員亦好容易因為人多手腳亂而失位。簡單講，阿仙奴就係要人多蝦人少。列斯對阿仙奴果場個烏龍波，就係因為呢種諗法，反而迫到列斯後防自己出錯。
而車路士呢招「三人衝出禁區」，背後邏輯係Space Exchange：
1. 以攻代守的威懾
車路士派古斯圖同戴納衝出去，係擺明話你知：「你夠膽全軍壓上，我就打你反擊。」基本上係買大細。阿仙奴為咗防範呢個反擊，被迫要從禁區撤走 3-4 個球員返去中場佈防。
2. 稀釋密度
當阿仙奴被迫撤走幾個人，車路士禁區內嘅防守人數雖然少咗，但阿仙奴嘅進攻人數亦少咗。禁區即刻由「繁忙時間嘅金鐘站」變返做「閒日嘅錦上路」。禁區少咗人，龍門山齊士終於有位出迎，視野清晰咗，唔使再驚俾人夾。
正如前紐卡素門將 Shay Given 喺《Match of the Day》所講：「只要禁區空間多咗，龍門同後衛處理高空波其實係易過處理混戰。」
實戰論證：回應網民兩大質疑
理論講完，咁實際上係咪真係 Work？我哋用網民嘅質疑逐點睇。
質疑一：「一開短角球就收你皮啦！」
呢個係最多人講嘅 point，但如果你睇返重播細節，你會發現車路士班球員係有練過嘅。關鍵在於延遲衝刺 。
車路士球員唔係一早企定喺外面等你可以開短角球。佢哋係等飯仔準備助跑果一秒，先突然全速衝出去。喺嗰一瞬間，阿仙奴已經擺好晒陣攻門，飯仔亦已經跑緊去開波，根本反應唔切去轉 Plan 開短角球。如果佢強行改短傳，嗰 3 個衝出去嘅車路士球員，反而係最快可以逼搶到禁區外球權嘅人。
質疑二：「有用，其他隊就用撚咗啦！」
點解其他隊唔用？因為代價太大同風險太高。老列納係節目亦指出咗呢個戰術嘅致命傷：錯配。
當你撤走咗 3 個防守球員，禁區內剩返嘅人就要單對單硬撼阿仙奴嘅高大中堅。好似今場波，變成安素被迫要單防加比爾。平時阿仙奴傳中質素極高，真係以加比爾做目標嘅話，安素係一定唔夠加比爾頂。
再加上體能消耗極大，古斯圖跑到下半場抽筋就係證據。呢個戰術要求邊路球員做極高強度嘅來回跑，普通球隊嘅體能同紀律性根本執行唔到。
總結：輸了比賽，贏了博弈
講到尾，呢場波嘅結果係充滿諷刺嘅。
車路士用盡腦汁，甚至不惜要古斯圖跑到抽筋，終於成功封鎖咗阿仙奴最強嘅死球武器。但最終卻輸咗喺自己最想打嘅運動戰上面，被夏維斯反擊一劍封喉。
有人會話：「輸波講咩都係廢話。」但喺戰術分析嘅層面睇，羅生呢個實驗係非常有價值嘅。佢打破咗死球防守一定要鬥人多嘅傳統思維，向全英超示範咗點樣拆解阿仙奴嘅霸權。
或者唔係萬能鑰匙，無保證一定Work，但至少係一個新嘅思路。雖然未必隊隊波都有車路士球員嘅速度同執行力去玩呢招，但至少下次再面對阿仙奴嗰陣，其他領隊唔使再坐以待斃，可以諗下：「與其俾佢屈機，不如試下同佢賭一鋪。」
至於班阿迷繼續咬我？隨便啦。反正戰術嘅進步，往往就係由呢啲睇落痴Q線嘅實驗開始。如果無人敢試新嘢，足球就唔會好睇啦，係咪先？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊