「轉會界KOL」Fabrizio Romano，琴日喺佢個社交平台掟咗個震撼彈出嚟，話阿仙奴已經傾掂數，準備由皇家蘇斯達簽入西班牙中場馬田·蘇比文迪 (Martín Zubimendi)！據聞係直接觸發6000萬歐元嘅解約金條款，仲話阿仙奴已經同蘇比文迪傾好晒個人條件，新球季第一簽就係佢！
呢單嘢一出阿仙奴球迷固然係「J到出血」，幻想緊呢位「新玩具」可以點樣幫球隊更上一層樓；其他球隊嘅花生友（例如我呢啲）就諗緊呢個蘇比文迪，究竟係何方神聖？值唔值成6000萬歐元咁「嗱脷」？阿仙奴個中場本身已經有懷斯、奧迪加特呢啲猛人，仲要使咁大舊錢買個中場返嚟，係咪真係咁需要佢？定係又一次「阿仙奴傳統：最已陣」嘅反面教材？
蘇比文迪，就成為左【球壇風向室】第一個主角。我本住「有花生齊齊食」嘅精神，同大家一齊深入淺出咁起下呢位蘇比文迪嘅底，再分析下佢可以為阿仙奴帶嚟啲咩，睇下呢6000萬，究竟係「物有所值」定係「水魚價」！
「何方神聖」蘇比文迪 (Zubimendi) 大起底
馬田·蘇比文迪 (Martín Zubimendi)，現年26歲，西班牙國腳，身高1米77，主要司職防守中場，右腳球員。佢可以話係皇家蘇斯達嘅「親生仔」，由12歲就加入球會青訓，一路打上嚟，絕對係「皇家蘇斯達DNA」嘅代表人物。據聞巴塞隆拿早幾年已經想搵佢做布斯基斯嘅接班人，但佢當時就話「比起布斯基斯件5號，我更想繼承伊亞拉文迪件4號波衫」，呢份「忠義」唔知呃到幾多皇蘇球迷嘅眼淚呢？（定係純粹當時未有更好Offer咋？花生友表示疑問。）
講到佢嘅「恩師」，原來大有來頭！佢喺皇蘇B隊嗰陣，就係師承我哋都好熟悉嘅前利物浦、皇馬中場大師——沙維阿朗素 (Xabi Alonso)。阿朗素對佢嘅評價可以話係「高到上太空」，話佢係「所有教練都想要嘅球員」，讚佢球商高、夠無私、「喺接到波之前已經諗到下一步」。嘩，俾個咁嘅球王級人馬咁樣點評，蘇比文迪個光環即刻大咗幾個碼！
「無形之手」定「中場發電機」？數據解構蘇比文迪
咁齋聽名宿點評好似唔夠「科學」，我哋梗係要睇下數據，睇下呢位「阿朗素高徒」盤數係點啦！根據Fbref過去一年喺五大聯賽同歐戰嘅數據（上陣超過3300分鐘，夠晒代表性），蘇比文迪嘅表現可以話係「實而不華」。
防守端表現硬淨： 講到防守，蘇比文迪啲數據的確幾「四平八穩」。佢嘅場均解圍次數 (Clearances) 非常突出，喺同位置中場球員中屬於頂尖水平，顯示佢喺禁區前沿嘅保護能力唔錯。而佢嘅空中對抗成功率亦都好硬淨，達到63.3% ，以佢唔算太高嘅身型嚟講，算係相當驚喜。至於地面攔截 (Tackles) 同搶斷 (Interceptions)，雖然唔係最頂尖嗰浸，但都維持喺一個唔錯嘅水平，屬於可靠嘅「中場屏障」。
傳控穩健，組織核心： 喺控傳方面，蘇比文迪整體傳球成功率大約有8成4，尤其係中短距離嘅傳送比較穩陣。多份球探報告都形容佢控球好「Tidy」（乾淨利落），能夠喺對方壓迫下保持冷靜，控制比賽節奏。佢嘅向前傳送次數 (Progressive Passes) 亦都達到中上水平，證明佢唔係齋識橫傳回傳嘅「安全第一先生」。
「簡約不簡單」嘅球風： 有趣嘅係，有球探報告形容佢嘅風格好似布斯基斯咁「簡約」，好多貢獻未必即時睇得到，但對球隊整體運作好重要。佢可能唔係嗰種經常上腳、瘋狂刷數據嘅中場（佢嘅觸球次數喺中場球員中屬中游水平），但佢嘅企位、閱讀球賽能力、同埋為隊友拉扯空間嘅意識，都係佢嘅價值所在。
進攻直接貢獻？「麻麻哋」囉！ 如果你想搵個好似迪布尼咁樣，可以瘋狂交出致命傳送或者自己入波嘅中場，咁蘇比文迪可能要令你失望。數據顯示，佢過去一年嘅入球 (每90分鐘0.05球)、助攻 (每90分鐘0.03球)、預期入球 (xG) 同預期助攻 (xAG) 都比較偏低。佢嘅「製造射門機會」(SCA) 同「製造入球機會」(GCA) 次數，喺中場球員嚟講都只係一般水平。簡單嚟講，佢主要唔係負責「埋齋」嗰個。
長傳創造力仲有進步空間！ 雖然佢有長傳能力，但早期啲球探報告都有提過，佢長傳嘅種類同變化可以再多啲，喺大範圍轉移或者直接打穿防線方面，似乎唔係佢最強嘅一環，傳球風格比較偏向「穩陣」而唔係「決定性」。
「完美契合」定「美麗誤會」？蘇比文迪點Fit入阿仙奴？
好喇，起完蘇比文迪個底，知道佢大概係咩「料」之後，我哋就要解答一個核心問題：阿仙奴使成6000萬歐元買佢返嚟，究竟係咪「度身訂造」咁啱Key？定抑或又係一次「美麗嘅誤會」，買返嚟先發現「貨不對辦」？
坊間有啲「槍手KOL」就已經急不及待出文「J」，佢哋話蘇比文迪閱讀球賽能力強、擅長攔截、瓦解反擊，防守可靠得嚟又有腳下技術，可以喺受壓下保持冷靜，控制節奏兼傳出「致命直線」，仲話佢係沙加 (Xhaka) 同佐真奴 (Jorginho) 嘅「升級版」，有機動性又有防守力！嘩，聽落係咪好似買中咗「六合彩頭獎」咁？
不過，我哋作為「理性花生友」，梗係要睇清楚啲。所謂嘅「更大機動性」，喺英超呢個「肌肉叢林」夠唔夠用？佢喺西甲「攔截乾淨」，嚟到英超啲球證尺度唔同，會唔會變咗「犯規機器」？至於「傳球視野」，之前啲報告話佢長傳變化可以再多啲喎，係咪真係可以即刻做到「手術刀式傳送」？呢啲都係值得我哋「打個問號」嘅地方。
解決「廠迷」嘅痛？蘇比文迪係咪「對症良藥」？
講起阿仙奴，我哋之前做過兩份【死因研究】（詳情可以考古返我哋舊文，費事喺度呃字數），都分析過佢哋喺關鍵時候，中場不時出現啲「老毛病」。例如歐聯四強對PSG，正選防中派對 (Partey) 一停賽，中場即刻「真空」，俾人舞龍咁舞。又或者，有時中場硬度不足，對「Second Ball」嘅控制力麻麻，搞到條防線成日「食驚風散」。
咁蘇比文迪嘅加盟，係咪就可以「藥到病除」呢？從數據同球探報告睇，佢嘅防守企位、攔截能力、同埋保護防線嘅意識，的確係佢嘅強項。如果佢能夠將喺西甲嗰套「沉默但高效」嘅防守表現帶到英超，理論上係可以提升阿仙奴中場嘅「硬淨度」同「穩定性」。尤其係佢閱讀球賽嘅能力，可以幫手填補中場嘅空檔，減少俾對手輕易打穿中路嘅機會。
至於佢嘅「贏家心態」（贏過西班牙盃、歐國聯，又有奧運銀牌），能唔能夠為近年成日「差啲啲」嘅阿仙奴帶嚟啲「冠軍氣質」？呢個就真係「信則有，不信則無」喇！始終足球係十一個人嘅運動，一個中場可以帶嚟改變，但要話佢一個可以扭轉乾坤，可能就吹大咗少少。
中場「大執位」？邊個冇運行，邊個笑呵呵？
如果蘇比文迪真係空降酋長球場，咁阿仙奴個中場肯定要「執位」。目前嚟睇，阿迪達最常用嘅陣式係4-3-3或者佢嘅變奏。
單6號位嘅挑戰者？ 蘇比文迪最擅長嘅位置就係單防中。咁即係話，佢可能會直接挑戰派對 (Partey) 或者佐真奴 (Jorginho) 嘅正選位置。考慮到派對嘅年紀同埋間唔中嘅傷患，佐真奴已經幾乎確定會離隊，蘇比文迪作為一個更年輕、更有活力嘅6號位，似乎係一個合理嘅「換血」操作。
同懷斯 (Declan Rice) 拍檔「雙引擎」？ 亦都有可能阿迪達會變陣踢「4-2-3-1」，由蘇比文迪同懷斯組成「雙防中」。網上好多阿迷就流晒口水，話咁樣可以解放懷斯更多上前進攻嘅潛力，等佢可以好似以前喺韋斯咸咁「四圍標」。後面有蘇比文迪「執頭執尾」，懷斯就可以更放心咁參與進攻組織同後上攻門。呢個畫面諗落又好似幾吸引喎！
奧迪加特 (Martin Ødegaard) 同 Rowe 更自由？ 如果中後場有咗蘇比文迪呢個「穩定器」，前面班攻擊中場例如隊長奧迪加特，甚至係久疏戰陣嘅Rowe ，係咪就可以有更大嘅自由度去發揮佢哋嘅創造力，唔使兼顧太多防守任務？呢個亦都係一個可能性。
睇嚟蘇比文迪嘅加盟，對阿仙奴中場嚟講，可以帶嚟唔少戰術變化嘅可能性。但係咪真係可以即刻「升呢」幾個檔次，定係都要交下「學費」，就要睇佢嘅適應能力同埋阿迪達嘅功力喇！下一部分，我哋就用返最純正嘅「車迷角度」，去八下呢單轉會！
阿記豪購「新腰」，我哋使唔使「葡萄」？睇下卡些度條數先！
見到隔離阿仙奴使成6000萬歐元買個西班牙中場返嚟「補腰」，坊間啲「槍手KOL」仲要將蘇比文迪吹到天上有地下無咁，話佢係「沙加同佐真奴嘅混合升級版」，聽落就好似買中「神丹妙藥」咁。我哋作為車迷，睇到「死敵」可能有靚嘢落袋，會唔會「葡萄」人哋？
與其咁諗，不如睇返自己個「米缸」有咩靚米先啦！講到防守中場，我哋車仔陣中其實都有個「億元先生」——摩西斯·卡些度 (Moisés Caicedo) 頂住檔吖嘛！既然蘇比文迪俾人吹到咁勁，我哋就唔怕貨比貨，攞佢哋近一年喺頂級聯賽同歐戰嘅數據出嚟比較下，睇下我哋係咪真係要羨慕人哋先！
掃蕩攔截 我哋卡些度場均攔截次數 (3.01次) 明顯多過蘇比文迪 (2.25次)，搶斷數據 (卡1.49次 vs 蘇1.28次) 亦都係我哋嘅「防中孖寶」之一略勝一籌。綜合嚟講，卡些度喺防守搶奪方面嘅總貢獻 (攔截+搶斷達4.49次) 似乎更加「硬淨」！
傳球穩定性 呢個可能係「技術性擊倒」！卡些度嘅整體傳球成功率高達近九成 (89.8%)，喺同位置球員中屬於頂級水平；相比之下，蘇比文迪雖然都唔差（約83.7%），但明顯有一段距離。想搵個「中場發電機」，似乎卡些度更可靠喎！
向前輸送 兩個都唔係齋識横傳回傳嘅「安全先生」。卡些度嘅向前傳送 (Progressive Passes) 次數 (場均5.88次) 同蘇比文迪 (場均5.43次) 都屬於中上水平，大家都識得將個波交去更有威脅嘅位置。
身體對抗 大家嘅空中對抗成功率都好接近，屬於頂級水平，證明喺高空球方面都唔輸蝕。而喺地面一對一防守人哋盤扭，兩個都好硬淨，卡些度成功率仲有些微優勢！
進攻貢獻 嗱，呢方面就「半斤八兩」喇！無論係入球、助攻、定係xG、xAG呢啲「高階數據」，兩位都唔算係進攻核心，主要都係做返防守同組織串連嘅工作。想靠佢哋瘋狂入波助攻？可能真係「諗多咗少少」。
結論：食完花生，我哋繼續撐自己人！
蘇比文迪無疑係一個有實力嘅好球員，阿仙奴買佢返嚟肯定有佢哋嘅戰術盤算。但係咪代表我哋就要羨慕到「流晒口水」？又未必！但佢的確有能力為阿仙奴帶來改變。
不過佢價唔價6000萬歐元嘅投資，相信要等時間去證明啦！我哋花生友表示：繼續密切關注事態發展！
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
呢單嘢一出阿仙奴球迷固然係「J到出血」，幻想緊呢位「新玩具」可以點樣幫球隊更上一層樓；其他球隊嘅花生友（例如我呢啲）就諗緊呢個蘇比文迪，究竟係何方神聖？值唔值成6000萬歐元咁「嗱脷」？阿仙奴個中場本身已經有懷斯、奧迪加特呢啲猛人，仲要使咁大舊錢買個中場返嚟，係咪真係咁需要佢？定係又一次「阿仙奴傳統：最已陣」嘅反面教材？
蘇比文迪，就成為左【球壇風向室】第一個主角。我本住「有花生齊齊食」嘅精神，同大家一齊深入淺出咁起下呢位蘇比文迪嘅底，再分析下佢可以為阿仙奴帶嚟啲咩，睇下呢6000萬，究竟係「物有所值」定係「水魚價」！
「何方神聖」蘇比文迪 (Zubimendi) 大起底
馬田·蘇比文迪 (Martín Zubimendi)，現年26歲，西班牙國腳，身高1米77，主要司職防守中場，右腳球員。佢可以話係皇家蘇斯達嘅「親生仔」，由12歲就加入球會青訓，一路打上嚟，絕對係「皇家蘇斯達DNA」嘅代表人物。據聞巴塞隆拿早幾年已經想搵佢做布斯基斯嘅接班人，但佢當時就話「比起布斯基斯件5號，我更想繼承伊亞拉文迪件4號波衫」，呢份「忠義」唔知呃到幾多皇蘇球迷嘅眼淚呢？（定係純粹當時未有更好Offer咋？花生友表示疑問。）
講到佢嘅「恩師」，原來大有來頭！佢喺皇蘇B隊嗰陣，就係師承我哋都好熟悉嘅前利物浦、皇馬中場大師——沙維阿朗素 (Xabi Alonso)。阿朗素對佢嘅評價可以話係「高到上太空」，話佢係「所有教練都想要嘅球員」，讚佢球商高、夠無私、「喺接到波之前已經諗到下一步」。嘩，俾個咁嘅球王級人馬咁樣點評，蘇比文迪個光環即刻大咗幾個碼！
「無形之手」定「中場發電機」？數據解構蘇比文迪
咁齋聽名宿點評好似唔夠「科學」，我哋梗係要睇下數據，睇下呢位「阿朗素高徒」盤數係點啦！根據Fbref過去一年喺五大聯賽同歐戰嘅數據（上陣超過3300分鐘，夠晒代表性），蘇比文迪嘅表現可以話係「實而不華」。
防守端表現硬淨： 講到防守，蘇比文迪啲數據的確幾「四平八穩」。佢嘅場均解圍次數 (Clearances) 非常突出，喺同位置中場球員中屬於頂尖水平，顯示佢喺禁區前沿嘅保護能力唔錯。而佢嘅空中對抗成功率亦都好硬淨，達到63.3% ，以佢唔算太高嘅身型嚟講，算係相當驚喜。至於地面攔截 (Tackles) 同搶斷 (Interceptions)，雖然唔係最頂尖嗰浸，但都維持喺一個唔錯嘅水平，屬於可靠嘅「中場屏障」。
傳控穩健，組織核心： 喺控傳方面，蘇比文迪整體傳球成功率大約有8成4，尤其係中短距離嘅傳送比較穩陣。多份球探報告都形容佢控球好「Tidy」（乾淨利落），能夠喺對方壓迫下保持冷靜，控制比賽節奏。佢嘅向前傳送次數 (Progressive Passes) 亦都達到中上水平，證明佢唔係齋識橫傳回傳嘅「安全第一先生」。
「簡約不簡單」嘅球風： 有趣嘅係，有球探報告形容佢嘅風格好似布斯基斯咁「簡約」，好多貢獻未必即時睇得到，但對球隊整體運作好重要。佢可能唔係嗰種經常上腳、瘋狂刷數據嘅中場（佢嘅觸球次數喺中場球員中屬中游水平），但佢嘅企位、閱讀球賽能力、同埋為隊友拉扯空間嘅意識，都係佢嘅價值所在。
進攻直接貢獻？「麻麻哋」囉！ 如果你想搵個好似迪布尼咁樣，可以瘋狂交出致命傳送或者自己入波嘅中場，咁蘇比文迪可能要令你失望。數據顯示，佢過去一年嘅入球 (每90分鐘0.05球)、助攻 (每90分鐘0.03球)、預期入球 (xG) 同預期助攻 (xAG) 都比較偏低。佢嘅「製造射門機會」(SCA) 同「製造入球機會」(GCA) 次數，喺中場球員嚟講都只係一般水平。簡單嚟講，佢主要唔係負責「埋齋」嗰個。
長傳創造力仲有進步空間！ 雖然佢有長傳能力，但早期啲球探報告都有提過，佢長傳嘅種類同變化可以再多啲，喺大範圍轉移或者直接打穿防線方面，似乎唔係佢最強嘅一環，傳球風格比較偏向「穩陣」而唔係「決定性」。
「完美契合」定「美麗誤會」？蘇比文迪點Fit入阿仙奴？
好喇，起完蘇比文迪個底，知道佢大概係咩「料」之後，我哋就要解答一個核心問題：阿仙奴使成6000萬歐元買佢返嚟，究竟係咪「度身訂造」咁啱Key？定抑或又係一次「美麗嘅誤會」，買返嚟先發現「貨不對辦」？
坊間有啲「槍手KOL」就已經急不及待出文「J」，佢哋話蘇比文迪閱讀球賽能力強、擅長攔截、瓦解反擊，防守可靠得嚟又有腳下技術，可以喺受壓下保持冷靜，控制節奏兼傳出「致命直線」，仲話佢係沙加 (Xhaka) 同佐真奴 (Jorginho) 嘅「升級版」，有機動性又有防守力！嘩，聽落係咪好似買中咗「六合彩頭獎」咁？
不過，我哋作為「理性花生友」，梗係要睇清楚啲。所謂嘅「更大機動性」，喺英超呢個「肌肉叢林」夠唔夠用？佢喺西甲「攔截乾淨」，嚟到英超啲球證尺度唔同，會唔會變咗「犯規機器」？至於「傳球視野」，之前啲報告話佢長傳變化可以再多啲喎，係咪真係可以即刻做到「手術刀式傳送」？呢啲都係值得我哋「打個問號」嘅地方。
解決「廠迷」嘅痛？蘇比文迪係咪「對症良藥」？
講起阿仙奴，我哋之前做過兩份【死因研究】（詳情可以考古返我哋舊文，費事喺度呃字數），都分析過佢哋喺關鍵時候，中場不時出現啲「老毛病」。例如歐聯四強對PSG，正選防中派對 (Partey) 一停賽，中場即刻「真空」，俾人舞龍咁舞。又或者，有時中場硬度不足，對「Second Ball」嘅控制力麻麻，搞到條防線成日「食驚風散」。
咁蘇比文迪嘅加盟，係咪就可以「藥到病除」呢？從數據同球探報告睇，佢嘅防守企位、攔截能力、同埋保護防線嘅意識，的確係佢嘅強項。如果佢能夠將喺西甲嗰套「沉默但高效」嘅防守表現帶到英超，理論上係可以提升阿仙奴中場嘅「硬淨度」同「穩定性」。尤其係佢閱讀球賽嘅能力，可以幫手填補中場嘅空檔，減少俾對手輕易打穿中路嘅機會。
至於佢嘅「贏家心態」（贏過西班牙盃、歐國聯，又有奧運銀牌），能唔能夠為近年成日「差啲啲」嘅阿仙奴帶嚟啲「冠軍氣質」？呢個就真係「信則有，不信則無」喇！始終足球係十一個人嘅運動，一個中場可以帶嚟改變，但要話佢一個可以扭轉乾坤，可能就吹大咗少少。
中場「大執位」？邊個冇運行，邊個笑呵呵？
如果蘇比文迪真係空降酋長球場，咁阿仙奴個中場肯定要「執位」。目前嚟睇，阿迪達最常用嘅陣式係4-3-3或者佢嘅變奏。
單6號位嘅挑戰者？ 蘇比文迪最擅長嘅位置就係單防中。咁即係話，佢可能會直接挑戰派對 (Partey) 或者佐真奴 (Jorginho) 嘅正選位置。考慮到派對嘅年紀同埋間唔中嘅傷患，佐真奴已經幾乎確定會離隊，蘇比文迪作為一個更年輕、更有活力嘅6號位，似乎係一個合理嘅「換血」操作。
同懷斯 (Declan Rice) 拍檔「雙引擎」？ 亦都有可能阿迪達會變陣踢「4-2-3-1」，由蘇比文迪同懷斯組成「雙防中」。網上好多阿迷就流晒口水，話咁樣可以解放懷斯更多上前進攻嘅潛力，等佢可以好似以前喺韋斯咸咁「四圍標」。後面有蘇比文迪「執頭執尾」，懷斯就可以更放心咁參與進攻組織同後上攻門。呢個畫面諗落又好似幾吸引喎！
奧迪加特 (Martin Ødegaard) 同 Rowe 更自由？ 如果中後場有咗蘇比文迪呢個「穩定器」，前面班攻擊中場例如隊長奧迪加特，甚至係久疏戰陣嘅Rowe ，係咪就可以有更大嘅自由度去發揮佢哋嘅創造力，唔使兼顧太多防守任務？呢個亦都係一個可能性。
睇嚟蘇比文迪嘅加盟，對阿仙奴中場嚟講，可以帶嚟唔少戰術變化嘅可能性。但係咪真係可以即刻「升呢」幾個檔次，定係都要交下「學費」，就要睇佢嘅適應能力同埋阿迪達嘅功力喇！下一部分，我哋就用返最純正嘅「車迷角度」，去八下呢單轉會！
阿記豪購「新腰」，我哋使唔使「葡萄」？睇下卡些度條數先！
見到隔離阿仙奴使成6000萬歐元買個西班牙中場返嚟「補腰」，坊間啲「槍手KOL」仲要將蘇比文迪吹到天上有地下無咁，話佢係「沙加同佐真奴嘅混合升級版」，聽落就好似買中「神丹妙藥」咁。我哋作為車迷，睇到「死敵」可能有靚嘢落袋，會唔會「葡萄」人哋？
與其咁諗，不如睇返自己個「米缸」有咩靚米先啦！講到防守中場，我哋車仔陣中其實都有個「億元先生」——摩西斯·卡些度 (Moisés Caicedo) 頂住檔吖嘛！既然蘇比文迪俾人吹到咁勁，我哋就唔怕貨比貨，攞佢哋近一年喺頂級聯賽同歐戰嘅數據出嚟比較下，睇下我哋係咪真係要羨慕人哋先！
掃蕩攔截 我哋卡些度場均攔截次數 (3.01次) 明顯多過蘇比文迪 (2.25次)，搶斷數據 (卡1.49次 vs 蘇1.28次) 亦都係我哋嘅「防中孖寶」之一略勝一籌。綜合嚟講，卡些度喺防守搶奪方面嘅總貢獻 (攔截+搶斷達4.49次) 似乎更加「硬淨」！
傳球穩定性 呢個可能係「技術性擊倒」！卡些度嘅整體傳球成功率高達近九成 (89.8%)，喺同位置球員中屬於頂級水平；相比之下，蘇比文迪雖然都唔差（約83.7%），但明顯有一段距離。想搵個「中場發電機」，似乎卡些度更可靠喎！
向前輸送 兩個都唔係齋識横傳回傳嘅「安全先生」。卡些度嘅向前傳送 (Progressive Passes) 次數 (場均5.88次) 同蘇比文迪 (場均5.43次) 都屬於中上水平，大家都識得將個波交去更有威脅嘅位置。
身體對抗 大家嘅空中對抗成功率都好接近，屬於頂級水平，證明喺高空球方面都唔輸蝕。而喺地面一對一防守人哋盤扭，兩個都好硬淨，卡些度成功率仲有些微優勢！
進攻貢獻 嗱，呢方面就「半斤八兩」喇！無論係入球、助攻、定係xG、xAG呢啲「高階數據」，兩位都唔算係進攻核心，主要都係做返防守同組織串連嘅工作。想靠佢哋瘋狂入波助攻？可能真係「諗多咗少少」。
結論：食完花生，我哋繼續撐自己人！
蘇比文迪無疑係一個有實力嘅好球員，阿仙奴買佢返嚟肯定有佢哋嘅戰術盤算。但係咪代表我哋就要羨慕到「流晒口水」？又未必！但佢的確有能力為阿仙奴帶來改變。
不過佢價唔價6000萬歐元嘅投資，相信要等時間去證明啦！我哋花生友表示：繼續密切關注事態發展！
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊