球壇又嚟大地震！今次嘅主角，係統治咗熱刺接近四分一個世紀果個男人：利維（Daniel Levy）。
應該唔會好多英超球迷對呢個人感到陌生，呢位喺球壇以「孤寒」同「獨裁」聞名嘅主席，終於都喺日前宣佈「卸任」。消息一出，熱刺嘅球迷，心情可能複雜過睇《潛行凶間》，有人可能開香檳慶祝，亦都有人可能會對未來感到迷茫。
呢種矛盾，正正就係利維留低俾熱刺份遺產嘅縮影：佢留低咗一座全世界最靚、最識得搵錢嘅球場，一個健康到冇朋友嘅銀行戶口，但同時，亦都留低咗一個空到可以開 party 嘅獎盃櫃。
當然，如果要深入探討佢究竟係「被辭職」定係真心想走，背後有咩權力鬥爭，呢啲花生最好都係留返俾最熟悉佢嘅熱刺球迷自己慢慢傾。我哋呢篇文，就簡單直接啲，齋係想喺佢落台呢一刻，純粹咁「論功過，定成敗」。
所以，要評價呢位球壇奇人，用普通嘅時間線去睇係唔夠嘅。今次我哋【球壇風向室】就要將佢擺上「手術台」，但第一刀，我哋唔係切佢嘅功，亦都唔係切佢嘅過，而係要由佢最核心嘅「性格」入手。因為要理解佢點樣建立同埋摧毀熱刺，就必須先理解，佢究竟係一個點樣嘅人。
人物篇：孤寒、獨裁與「痛苦過換Pat Pat」的藝術
要了解利維，首先要知道佢嘅出身：佢唔係足球人，係生意人。劍橋經濟系畢業，幫家族打理 ENIC 投資公司，佢盤生意就係收購唔同球會。所以，喺佢眼中，熱刺首先係一盤生意，其次先係一支球隊。呢個「DNA」，解釋咗佢之後 25 年嘅一切操作。
呢種生意人思維，就煉成咗佢最出名嘅性格特點：一個強硬到令人髮指嘅談判對手。費格遜以前有咁講過：「同佢講數，痛苦過換 pat pat (That whole experience was more painful than my hip replacement.)」，就係最精闢嘅總結。經典例子，當年我哋車仔想買摩迪（Luka Modrić），利維死都唔賣俾我哋呢個同市死敵，寧願攬住個唔開心嘅球員成年，最後先賣去皇馬，直接令當時嘅油王發誓唔會再同熱刺做生意。呢種為啖氣可以去到幾盡嘅作風，就係佢嘅標誌。
佢唔只對外強硬，對內更加係「一人獨大」。喺佢治下，熱刺所有嘢，尤其係錢，都係佢一支筆簽晒。呢種事必躬親嘅作風，亦都令佢喺好多決定上，徹底暴露咗佢盤生意永遠行先嘅本質。最好嘅例子，就係當年參加「歐超聯」，佢完全無視球迷感受，一心諗住盤數點樣可以賺多啲；仲有當然係年年加價嘅季票，理得你球迷生活成本有幾高。喺佢嘅世界，盤數永遠係啱嘅，球迷嘅感情？Sorry，唔喺佢盤生意嘅收支表上面。
功績篇：N17區的基建狂魔
OK，孤寒係性格無得講，但利維可以喺熱刺玩足25年，梗係有佢嘅過人之處。如果你唔睇足球，齋睇盤數同盤生意，佢直情係「屈機」級數嘅存在。
球會嘅「財技之王」
佢2001年接手嗰陣，熱刺仲係一間驚緊護級嘅中游球會。廿幾年後，熱刺已經係德勤財富榜頭十嘅常客，盤數健康到可以創埋世界紀錄（2018年稅後利潤1.13億鎊），人工支出比率長期係 Big 6 之中最低。呢種慳家過我阿媽嘅「利維主義」，雖然球迷未必鍾意，但就係佢哋可以長期立足 (或者係掂到) 豪門之列嘅根基。
物理上的「不朽遺產」
但講到佢最大嘅功績，就肯定係嗰座靚到可以做地標嘅新球場。呢個唔只係一個球場，係一個真正嘅「印銀紙機」。利維嘅遠見就係喺度，我係其他文章有講過，要係倫敦起球場，絕對唔係一件易事，但佢唔止起到，仲一早已經 plan 好點樣用 NFL、演唱會、拳賽嚟搵真銀，將球會收入同足球成績徹底脫鉤。
財技上的「神之一手」
最屈機嘅係佢點樣「找數」。佢將起球場筆天文數字嘅短期貸款，成功轉做一筆平均年期23年、利息低到得2.66%嘅超長命債券。有供開樓嘅巴打應該明，喺2019年鎖定呢個息口，簡直係神級操作，就算之後有利率海嘯都唔關佢事。作為車迷，睇到鄰居有咁嘅操作，雖然唔想承認，但都要講句：「呢招的確係冇得輸」。喺商業層面，利維絕對係大師級。
過失篇：臨門一腳撻Q的獎盃夢
好，讚完佢盤生意點樣 A+，我哋就要睇返佢份足球成績表。一句講晒：佢起咗個金碧輝煌嘅舞台，但從來都唔捨得畀錢請最好嘅演員，甚至會喺臨出場前趕走個主角。
獎盃櫃內的「空氣」與教練席上的「墳墓」
利維最大嘅死罪，就係獎盃。25 年，得兩個盃仔。對於一間自稱豪門嘅球會嚟講，呢份成績，真係講出嚟都失禮。為咗追夢，佢唔係冇請過猛人。普捷天奴、摩連奴、干地... 個個都係當時得令嘅名帥。但結果呢？全部不歡而散。佢個主席房道門，就好似彌敦道咁，人來人往。
而喺咁多單「分手」之中，最經典嘅，肯定係炒摩連奴嗰單。當時摩佬帶隊入咗聯賽盃決賽，決賽前一個禮拜，利維居然炒咗果個當時球壇最識贏決賽、最識擺大巴屈死對手嘅專家！全世界都睇唔明呢個操作。無論你背後有幾多權力鬥爭，或者係為咗慳返筆獎金，喺決賽前自斷一臂，呢個決定都係反足球、反邏輯嘅。呢單嘢，可以話係完美體現咗利維嗰種「我先係大佬，規矩我定」嘅獨裁思維，凌駕於一切常識之上。
營運上的「最大罪名」
但炒摩佬如果係戰術上嘅「自殺」，咁喺普捷天奴時代嘅孤寒，就係戰略上嘅「慢性自殺」。當時熱刺係史上最強陣容，聯賽爭緊冠，殺入歐聯決賽。全盛時期，就係差嗰臨門一腳，需要買兩三個球員嚟衝擊冠軍。結果呢？利維為咗慳錢起球場，竟然可以連續幾個窗「零收購」！
呢個決定，直接斷送咗熱刺成個黃金時代。一個本應可以建立王朝嘅機會，就咁俾佢嘅算盤活生生計走咗。呢件事，先係或者先熱刺球迷最嬲、最唔可以原諒佢嘅地方。
總結：一份矛盾的驗屍報告
好，呢份利維嘅「驗屍報告」嚟到尾聲，係時候蓋棺定論。如果要我為佢呢25年打個分，個結論其實好簡單，亦都好兩極：喺商業同基建上，佢絕對係A級嘅天才；但喺足球競技層面，佢嘅表現，最多只值C-。
佢係一個出色嘅「財務工程師」，將熱刺由一間地區球會，一手打造成一間有齊頂級硬件嘅現代化企業。佢留低嘅球場同財政基礎，係一份豐厚到令所有對手眼紅嘅遺產。
但同時，佢亦都係一個失敗嘅「足球主席」。佢嘅獨裁、佢嘅孤寒、佢對盤數嘅執著大於對獎盃嘅渴望，令佢親手搭建嘅華麗舞台，25年來只係贏得過兩次掌聲。佢起咗架超級跑車，但從來都唔捨得入滿缸油去同人鍊返轉。
而家，呢位熱刺史上最具爭議性嘅主席終於落幕。對熱刺球迷嚟講，可能係一次解放。佢走咗，熱刺所有嘅藉口都冇晒。金錢、球場、設施，所有贏冠軍需要嘅硬件全部齊備。新嘅管理層坐擁住佢留低嘅金山銀山，最大嘅考驗，就係有冇膽識同能力，將呢啲「商業資本」，轉化為球迷等咗幾十年嘅「足球獎盃」。
利維時代結束，熱刺真正「The pressure is on」嘅時代，或者而家先正式開始。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
應該唔會好多英超球迷對呢個人感到陌生，呢位喺球壇以「孤寒」同「獨裁」聞名嘅主席，終於都喺日前宣佈「卸任」。消息一出，熱刺嘅球迷，心情可能複雜過睇《潛行凶間》，有人可能開香檳慶祝，亦都有人可能會對未來感到迷茫。
呢種矛盾，正正就係利維留低俾熱刺份遺產嘅縮影：佢留低咗一座全世界最靚、最識得搵錢嘅球場，一個健康到冇朋友嘅銀行戶口，但同時，亦都留低咗一個空到可以開 party 嘅獎盃櫃。
當然，如果要深入探討佢究竟係「被辭職」定係真心想走，背後有咩權力鬥爭，呢啲花生最好都係留返俾最熟悉佢嘅熱刺球迷自己慢慢傾。我哋呢篇文，就簡單直接啲，齋係想喺佢落台呢一刻，純粹咁「論功過，定成敗」。
所以，要評價呢位球壇奇人，用普通嘅時間線去睇係唔夠嘅。今次我哋【球壇風向室】就要將佢擺上「手術台」，但第一刀，我哋唔係切佢嘅功，亦都唔係切佢嘅過，而係要由佢最核心嘅「性格」入手。因為要理解佢點樣建立同埋摧毀熱刺，就必須先理解，佢究竟係一個點樣嘅人。
人物篇：孤寒、獨裁與「痛苦過換Pat Pat」的藝術
要了解利維，首先要知道佢嘅出身：佢唔係足球人，係生意人。劍橋經濟系畢業，幫家族打理 ENIC 投資公司，佢盤生意就係收購唔同球會。所以，喺佢眼中，熱刺首先係一盤生意，其次先係一支球隊。呢個「DNA」，解釋咗佢之後 25 年嘅一切操作。
呢種生意人思維，就煉成咗佢最出名嘅性格特點：一個強硬到令人髮指嘅談判對手。費格遜以前有咁講過：「同佢講數，痛苦過換 pat pat (That whole experience was more painful than my hip replacement.)」，就係最精闢嘅總結。經典例子，當年我哋車仔想買摩迪（Luka Modrić），利維死都唔賣俾我哋呢個同市死敵，寧願攬住個唔開心嘅球員成年，最後先賣去皇馬，直接令當時嘅油王發誓唔會再同熱刺做生意。呢種為啖氣可以去到幾盡嘅作風，就係佢嘅標誌。
佢唔只對外強硬，對內更加係「一人獨大」。喺佢治下，熱刺所有嘢，尤其係錢，都係佢一支筆簽晒。呢種事必躬親嘅作風，亦都令佢喺好多決定上，徹底暴露咗佢盤生意永遠行先嘅本質。最好嘅例子，就係當年參加「歐超聯」，佢完全無視球迷感受，一心諗住盤數點樣可以賺多啲；仲有當然係年年加價嘅季票，理得你球迷生活成本有幾高。喺佢嘅世界，盤數永遠係啱嘅，球迷嘅感情？Sorry，唔喺佢盤生意嘅收支表上面。
功績篇：N17區的基建狂魔
OK，孤寒係性格無得講，但利維可以喺熱刺玩足25年，梗係有佢嘅過人之處。如果你唔睇足球，齋睇盤數同盤生意，佢直情係「屈機」級數嘅存在。
球會嘅「財技之王」
佢2001年接手嗰陣，熱刺仲係一間驚緊護級嘅中游球會。廿幾年後，熱刺已經係德勤財富榜頭十嘅常客，盤數健康到可以創埋世界紀錄（2018年稅後利潤1.13億鎊），人工支出比率長期係 Big 6 之中最低。呢種慳家過我阿媽嘅「利維主義」，雖然球迷未必鍾意，但就係佢哋可以長期立足 (或者係掂到) 豪門之列嘅根基。
物理上的「不朽遺產」
但講到佢最大嘅功績，就肯定係嗰座靚到可以做地標嘅新球場。呢個唔只係一個球場，係一個真正嘅「印銀紙機」。利維嘅遠見就係喺度，我係其他文章有講過，要係倫敦起球場，絕對唔係一件易事，但佢唔止起到，仲一早已經 plan 好點樣用 NFL、演唱會、拳賽嚟搵真銀，將球會收入同足球成績徹底脫鉤。
財技上的「神之一手」
最屈機嘅係佢點樣「找數」。佢將起球場筆天文數字嘅短期貸款，成功轉做一筆平均年期23年、利息低到得2.66%嘅超長命債券。有供開樓嘅巴打應該明，喺2019年鎖定呢個息口，簡直係神級操作，就算之後有利率海嘯都唔關佢事。作為車迷，睇到鄰居有咁嘅操作，雖然唔想承認，但都要講句：「呢招的確係冇得輸」。喺商業層面，利維絕對係大師級。
過失篇：臨門一腳撻Q的獎盃夢
好，讚完佢盤生意點樣 A+，我哋就要睇返佢份足球成績表。一句講晒：佢起咗個金碧輝煌嘅舞台，但從來都唔捨得畀錢請最好嘅演員，甚至會喺臨出場前趕走個主角。
獎盃櫃內的「空氣」與教練席上的「墳墓」
利維最大嘅死罪，就係獎盃。25 年，得兩個盃仔。對於一間自稱豪門嘅球會嚟講，呢份成績，真係講出嚟都失禮。為咗追夢，佢唔係冇請過猛人。普捷天奴、摩連奴、干地... 個個都係當時得令嘅名帥。但結果呢？全部不歡而散。佢個主席房道門，就好似彌敦道咁，人來人往。
而喺咁多單「分手」之中，最經典嘅，肯定係炒摩連奴嗰單。當時摩佬帶隊入咗聯賽盃決賽，決賽前一個禮拜，利維居然炒咗果個當時球壇最識贏決賽、最識擺大巴屈死對手嘅專家！全世界都睇唔明呢個操作。無論你背後有幾多權力鬥爭，或者係為咗慳返筆獎金，喺決賽前自斷一臂，呢個決定都係反足球、反邏輯嘅。呢單嘢，可以話係完美體現咗利維嗰種「我先係大佬，規矩我定」嘅獨裁思維，凌駕於一切常識之上。
營運上的「最大罪名」
但炒摩佬如果係戰術上嘅「自殺」，咁喺普捷天奴時代嘅孤寒，就係戰略上嘅「慢性自殺」。當時熱刺係史上最強陣容，聯賽爭緊冠，殺入歐聯決賽。全盛時期，就係差嗰臨門一腳，需要買兩三個球員嚟衝擊冠軍。結果呢？利維為咗慳錢起球場，竟然可以連續幾個窗「零收購」！
呢個決定，直接斷送咗熱刺成個黃金時代。一個本應可以建立王朝嘅機會，就咁俾佢嘅算盤活生生計走咗。呢件事，先係或者先熱刺球迷最嬲、最唔可以原諒佢嘅地方。
總結：一份矛盾的驗屍報告
好，呢份利維嘅「驗屍報告」嚟到尾聲，係時候蓋棺定論。如果要我為佢呢25年打個分，個結論其實好簡單，亦都好兩極：喺商業同基建上，佢絕對係A級嘅天才；但喺足球競技層面，佢嘅表現，最多只值C-。
佢係一個出色嘅「財務工程師」，將熱刺由一間地區球會，一手打造成一間有齊頂級硬件嘅現代化企業。佢留低嘅球場同財政基礎，係一份豐厚到令所有對手眼紅嘅遺產。
但同時，佢亦都係一個失敗嘅「足球主席」。佢嘅獨裁、佢嘅孤寒、佢對盤數嘅執著大於對獎盃嘅渴望，令佢親手搭建嘅華麗舞台，25年來只係贏得過兩次掌聲。佢起咗架超級跑車，但從來都唔捨得入滿缸油去同人鍊返轉。
而家，呢位熱刺史上最具爭議性嘅主席終於落幕。對熱刺球迷嚟講，可能係一次解放。佢走咗，熱刺所有嘅藉口都冇晒。金錢、球場、設施，所有贏冠軍需要嘅硬件全部齊備。新嘅管理層坐擁住佢留低嘅金山銀山，最大嘅考驗，就係有冇膽識同能力，將呢啲「商業資本」，轉化為球迷等咗幾十年嘅「足球獎盃」。
利維時代結束，熱刺真正「The pressure is on」嘅時代，或者而家先正式開始。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊