巴塞隆拿嘅財政狀況，就好似一個都市傳說。我哋個個都知佢爭人周身債，但實際爭幾多、爭邊個，就好似國家機密咁，永遠冇人講得清。更有趣嘅係，就好似賀歲片咁，我哋幾乎每年夏天，都會聽到「巴塞瀕臨破產」嘅消息。但每一年，佢哋都總有辦法，好似「最後武士」咁死唔去，仲要繼續喺轉會市場上豪洗。
但喺今個禮拜，呢個謎團，終於有咗一個驚人嘅答案。一份疑似係巴塞內部嘅財政文件出現，白紙黑字咁列出晒佢哋嘅「欠債月結單」：總共爭落成 €1.59億 轉會費，當中仲要有 €1.4億 係要即刻找數！
呢份清單，即刻引發咗好多討論同恥笑：「巴塞今次仲唔仆X?」，但除咗恥笑，仲有一個更大嘅問號：「乜原來爭咁多錢，都可以冇事？」今次【球壇風向室】，我哋就嚟做一次財務偵探，拆解一下巴塞隆拿呢套神乎其技嘅「續命財技」，睇下佢哋點樣可以喺破產邊緣瘋狂試探。
球壇拖數係常態？
球壇個個都分期找數，巴塞今次單嘢，究竟係正常操作定係真係就快爆煲？
表面答案係：係，分期找數係常態。根據歐洲足協嘅規定，用分期付款去俾轉會費，係球壇一種標準做法，目的係幫助球會管理現金流。但巴塞嘅情況，就絕對唔係常態咁簡單。
債主名單：成個歐洲都等緊巴塞找數
我哋直接睇下佢張「欠債清單」，就知問題有幾嚴重：
最大苦主，列斯聯 (?)： 為咗夏芬拿（Raphinha），巴塞仲爭緊人哋成 €4,200萬。第二大債主，西維爾： 為咗觀迪（Koundé），仲等緊巴塞找 €2,450萬 條數。
其他豪門債主： 仲有曼城（費拿托利斯, €1,330萬）、拜仁（利雲度夫斯基, €1,070萬）、RB萊比錫（丹尼奧莫, €1,890萬）... 甚至連已經用€2,500萬轉手賣走咗域陀洛基（Vitor Roque），巴塞都仲爭緊佢前球會 €1,720萬。
魔鬼在細節：轉會債務背後的「財仔」
最有趣嘅地方，喺夏芬拿單 deal 度 (你見我打咗個問題就明)。巴塞份財報話爭緊列斯聯錢，但列斯聯方面又話已經收足錢。唯一嘅合理解釋，就係有第三方金融機構（即係「財仔」）介入咗。佢哋先俾晒錢列斯聯，然後自己做咗巴塞嘅債主。換言之，巴塞財報上面嘅「轉會欠款」，好可能已經唔係普通嘅分期付款，而係一筆有利息嘅金融貸款。
所以結論就係：普通球會分期，係理財；巴塞嘅分期，係借貸續命。兩者程度完全唔同。
巴塞嘅續命財技：經濟槓桿
既然巴塞盤數爛成咁，咁下一個問題就係：點解佢哋前幾年仲可以有錢買利雲度夫斯基、夏芬拿呢班巨星？啲錢究竟由邊度嚟？答案，就係佢哋董事會發明嘅一套續命財技：經濟槓桿（Palancas）。
槓桿一：預支未來25年的電視轉播權
呢招可以話係「必殺技」。為咗即時有錢使，巴塞決定將未來25年嘅25%西甲電視轉播權，一次過賣俾美國私募股權公司 Sixth Street，套現超過5億歐元。呢筆錢，就係佢哋2022年夏天瘋狂買人嘅主要彈藥。更重要嘅係，根據西甲嘅規矩，呢筆錢可以當成新增收入，從而提高佢哋嘅薪酬上限，令佢哋可以成功為新球員註冊。
槓桿二：變賣自家媒體部門
用完電視轉播權呢招超級槓桿之後，佢哋仲未填到數，所以再將自己嘅媒體部門 Barça Studios 接近一半嘅股權賣走，套現2億歐元。據報，呢單 Deal 係喺西甲開季前夕，為咗滿足註冊要求而緊急達成嘅。
簡單講，巴塞就係將未來幾十年穩定嘅收入，一次過預支嚟使。呢種玩法，雖然可以解燃眉之急，但亦都等於將成間球會嘅未來，押喺一場巨大嘅賭局之上。
問題的根源：失控的薪酬與疫情的衝擊
知道咗巴塞點樣用預支未來呢招財技去續命。咁下一個問題就係：究竟佢哋點解會搞到咁折墮，需要用到呢啲極端手段？
問題嘅根源，就要追溯返去前任管理層留低嘅爛攤子：一個完全失控、極度臃腫嘅薪酬結構。喺盤數本身已經唔健康嘅情況下，新冠疫情嘅衝擊，就成為壓垮駱駝嘅最後一根稻草。球場冇晒球迷，門票收入歸零，但天價嘅人工就要繼續出。
呢啲歷史遺留問題有幾嚴重？報告入面就有一個好經典嘅例子：巴塞到今時今日，都仲要還緊美斯份延期支付嘅人工，據報要還到今年年底。一個失控嘅薪酬結構，再加埋一場世紀疫症，就係將巴塞隆拿呢隻航空母艦，推向破產懸崖嘅兩大主因。
未來的兩大賭注：新球場與新贊助
分析完巴塞點樣搞到自己一身蟻，最後一個，亦都係最重要嘅問題就係：佢哋仲有冇得救？答案係，暫時仲有嘅，但呢個「救贖」方案，本身就係一場更巨大嘅豪賭。喺賣走未來嘅收入之後，巴塞而家將成間球會嘅命運，押喺兩個未來嘅巨大項目之上。
第一個賭注，就係耗資 €15億 嘅 Espai Barça 新球場改造計劃。呢個項目，被視為球會長遠復甦嘅絕對基石。根據佢哋嘅預測，新球場落成後，每年可以帶嚟接近 €3億 嘅額外收入。為咗呢個項目，球會最近仲成功將還款壓力推遲到2033年之後，為自己換取咗寶貴嘅喘息空間。
第二個賭注，就係同 Nike 簽訂嘅天價新合約。呢份長達14年、總值可能高達 €17億 嘅新約，平均每年可以為球會帶嚟 €1.2億 嘅穩定收入，當中仲包括一筆巨額嘅簽約獎金，用嚟解燃眉之急。
總結：行走在鋼線上的巨人
解答完上面四大問題，我哋可以為巴塞隆拿呢場驚心動魄嘅「財務自救」，下一個初步結論。佢哋的確成功用一連串史無前例嘅金融財技，將自己由破產嘅懸崖邊拉返返嚟。
但「經濟槓桿」呢劑藥，究竟係續命仙丹，定係飲鴆止渴？巴塞並冇真正解決問題，而係將一個「即時死亡」嘅危機，變成一個將未來25年嘅命運，押喺新球場同新贊助上面嘅巨大賭局。
車仔睇落就無本錢跟佢哋咁玩㗎啦，亦都唔希望見到車仔要好似佢哋咁扭盡六壬去借未來錢先過到骨。至於巴塞之後會點，就一齊開定包花生睇啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
但喺今個禮拜，呢個謎團，終於有咗一個驚人嘅答案。一份疑似係巴塞內部嘅財政文件出現，白紙黑字咁列出晒佢哋嘅「欠債月結單」：總共爭落成 €1.59億 轉會費，當中仲要有 €1.4億 係要即刻找數！
呢份清單，即刻引發咗好多討論同恥笑：「巴塞今次仲唔仆X?」，但除咗恥笑，仲有一個更大嘅問號：「乜原來爭咁多錢，都可以冇事？」今次【球壇風向室】，我哋就嚟做一次財務偵探，拆解一下巴塞隆拿呢套神乎其技嘅「續命財技」，睇下佢哋點樣可以喺破產邊緣瘋狂試探。
球壇拖數係常態？
球壇個個都分期找數，巴塞今次單嘢，究竟係正常操作定係真係就快爆煲？
表面答案係：係，分期找數係常態。根據歐洲足協嘅規定，用分期付款去俾轉會費，係球壇一種標準做法，目的係幫助球會管理現金流。但巴塞嘅情況，就絕對唔係常態咁簡單。
債主名單：成個歐洲都等緊巴塞找數
我哋直接睇下佢張「欠債清單」，就知問題有幾嚴重：
最大苦主，列斯聯 (?)： 為咗夏芬拿（Raphinha），巴塞仲爭緊人哋成 €4,200萬。第二大債主，西維爾： 為咗觀迪（Koundé），仲等緊巴塞找 €2,450萬 條數。
其他豪門債主： 仲有曼城（費拿托利斯, €1,330萬）、拜仁（利雲度夫斯基, €1,070萬）、RB萊比錫（丹尼奧莫, €1,890萬）... 甚至連已經用€2,500萬轉手賣走咗域陀洛基（Vitor Roque），巴塞都仲爭緊佢前球會 €1,720萬。
魔鬼在細節：轉會債務背後的「財仔」
最有趣嘅地方，喺夏芬拿單 deal 度 (你見我打咗個問題就明)。巴塞份財報話爭緊列斯聯錢，但列斯聯方面又話已經收足錢。唯一嘅合理解釋，就係有第三方金融機構（即係「財仔」）介入咗。佢哋先俾晒錢列斯聯，然後自己做咗巴塞嘅債主。換言之，巴塞財報上面嘅「轉會欠款」，好可能已經唔係普通嘅分期付款，而係一筆有利息嘅金融貸款。
所以結論就係：普通球會分期，係理財；巴塞嘅分期，係借貸續命。兩者程度完全唔同。
巴塞嘅續命財技：經濟槓桿
既然巴塞盤數爛成咁，咁下一個問題就係：點解佢哋前幾年仲可以有錢買利雲度夫斯基、夏芬拿呢班巨星？啲錢究竟由邊度嚟？答案，就係佢哋董事會發明嘅一套續命財技：經濟槓桿（Palancas）。
槓桿一：預支未來25年的電視轉播權
呢招可以話係「必殺技」。為咗即時有錢使，巴塞決定將未來25年嘅25%西甲電視轉播權，一次過賣俾美國私募股權公司 Sixth Street，套現超過5億歐元。呢筆錢，就係佢哋2022年夏天瘋狂買人嘅主要彈藥。更重要嘅係，根據西甲嘅規矩，呢筆錢可以當成新增收入，從而提高佢哋嘅薪酬上限，令佢哋可以成功為新球員註冊。
槓桿二：變賣自家媒體部門
用完電視轉播權呢招超級槓桿之後，佢哋仲未填到數，所以再將自己嘅媒體部門 Barça Studios 接近一半嘅股權賣走，套現2億歐元。據報，呢單 Deal 係喺西甲開季前夕，為咗滿足註冊要求而緊急達成嘅。
簡單講，巴塞就係將未來幾十年穩定嘅收入，一次過預支嚟使。呢種玩法，雖然可以解燃眉之急，但亦都等於將成間球會嘅未來，押喺一場巨大嘅賭局之上。
問題的根源：失控的薪酬與疫情的衝擊
知道咗巴塞點樣用預支未來呢招財技去續命。咁下一個問題就係：究竟佢哋點解會搞到咁折墮，需要用到呢啲極端手段？
問題嘅根源，就要追溯返去前任管理層留低嘅爛攤子：一個完全失控、極度臃腫嘅薪酬結構。喺盤數本身已經唔健康嘅情況下，新冠疫情嘅衝擊，就成為壓垮駱駝嘅最後一根稻草。球場冇晒球迷，門票收入歸零，但天價嘅人工就要繼續出。
呢啲歷史遺留問題有幾嚴重？報告入面就有一個好經典嘅例子：巴塞到今時今日，都仲要還緊美斯份延期支付嘅人工，據報要還到今年年底。一個失控嘅薪酬結構，再加埋一場世紀疫症，就係將巴塞隆拿呢隻航空母艦，推向破產懸崖嘅兩大主因。
未來的兩大賭注：新球場與新贊助
分析完巴塞點樣搞到自己一身蟻，最後一個，亦都係最重要嘅問題就係：佢哋仲有冇得救？答案係，暫時仲有嘅，但呢個「救贖」方案，本身就係一場更巨大嘅豪賭。喺賣走未來嘅收入之後，巴塞而家將成間球會嘅命運，押喺兩個未來嘅巨大項目之上。
第一個賭注，就係耗資 €15億 嘅 Espai Barça 新球場改造計劃。呢個項目，被視為球會長遠復甦嘅絕對基石。根據佢哋嘅預測，新球場落成後，每年可以帶嚟接近 €3億 嘅額外收入。為咗呢個項目，球會最近仲成功將還款壓力推遲到2033年之後，為自己換取咗寶貴嘅喘息空間。
第二個賭注，就係同 Nike 簽訂嘅天價新合約。呢份長達14年、總值可能高達 €17億 嘅新約，平均每年可以為球會帶嚟 €1.2億 嘅穩定收入，當中仲包括一筆巨額嘅簽約獎金，用嚟解燃眉之急。
總結：行走在鋼線上的巨人
解答完上面四大問題，我哋可以為巴塞隆拿呢場驚心動魄嘅「財務自救」，下一個初步結論。佢哋的確成功用一連串史無前例嘅金融財技，將自己由破產嘅懸崖邊拉返返嚟。
但「經濟槓桿」呢劑藥，究竟係續命仙丹，定係飲鴆止渴？巴塞並冇真正解決問題，而係將一個「即時死亡」嘅危機，變成一個將未來25年嘅命運，押喺新球場同新贊助上面嘅巨大賭局。
車仔睇落就無本錢跟佢哋咁玩㗎啦，亦都唔希望見到車仔要好似佢哋咁扭盡六壬去借未來錢先過到骨。至於巴塞之後會點，就一齊開定包花生睇啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊