早幾日，車路士足總盃作客大勝侯城 4：0 嗰場波，你個腦海一定揮之不去第 21 分鐘嗰個極度搞笑嘅畫面：
當時 侯城門將解圍，戴納衝上前逼搶，個波反彈越過門將飛向空門。戴納以為實食冇黐牙，連身都轉埋準備跑去慶祝。點知個波中楣底彈落白界線，無入網。佢如夢初醒想去補中嗰陣，已經俾門將封死咗。
賽後佢自己都認衰：「我發誓我差啲就跑去慶祝，真係好X蠢。」
正當全世界網民準備將佢呢球瘋狂恥笑，甚至質疑佢作為 9 號仔嘅把握力時，戴納竟然迎來神級嘅術式反轉：連續交出 3 個靚助攻（兩球俾尼圖，一球俾二安）。單場 0 入波，但達成咗前鋒好少見嘅助攻帽子戲法。
大家開始懷疑，呢位柱躉式中鋒個射門掣係咪壞咗，但傳球掣就尚算靈活？其實佢係咪著錯咗 9 號波衫嘅 10 號仔？
前鋒戴「助攻帽」有幾難？
賽後，有巴打問我，其實前鋒戴助攻帽有幾多個？以前我哋見到迪布尼或者法比加斯單場派 3 個助攻，會覺得係正常發揮。但對於一個正箭頭嚟講，難度絕對唔低。
前鋒嘅天職係入波，觸球區域通常喺禁區內。要做到助攻戴帽，代表佢要頻繁離開得分區，回撤去禁區頂甚至中場做駁腳。呢樣嘢要求前鋒有極強嘅背身能力、廣闊嘅視野，同埋最重要嘅唔貪功。
更殘酷嘅係，助攻係一項被動數據。你傳得幾靚都好，都要隊友爭氣射得入先計數。就好似戴納俾尼圖嗰球禁區外遠射，其實預期入球 (xG) 極低，如果尼圖唔入，戴納就少個助攻。所以，前鋒 3 助攻，好多時都係隊友射門大爆發嘅副產品。
盤點時間：英超史上的「派牌型」前鋒
翻查英超歷史，能夠做到「0 入波 + 3 助攻」嘅正前鋒屈指可數。戴納今次嘅創舉，不禁令我哋諗起球壇幾大派牌型前鋒流派：
A. 非正 9 號前鋒：
我諗呢個係多人記得嘅其中一個。2020 年對修咸頓，利記嘅費明奴單場交出 3 個助攻。對於佢嚟講，0 入球 3 助攻絕對唔係失準，而係佢戰術價值嘅完美體現。佢係成個利物浦進攻系統運轉嘅最佳潤滑劑。
再講遠少少，1999年阿仙奴對李斯特城，當年嘅柏金作為影子前鋒，單場 4 助攻，算係完美演譯咗非正9號式嘅踢法，最終帶領阿記贏5：0。
同樣係阿仙奴，仲有個冷門少少，2006年嘅安東尼奧雷耶斯，當佢嘅阿仙奴有亨利在陣，作為SS嘅佢只要傳到個波俾亨利就得，結果係對陣米杜士堡時就單場 4 助攻，最終阿仙奴大勝 7 球血洗咗對手。
B. 後撤嘅前鋒：
同樣係 2020 年對修咸頓（修仔真慘……），簡尼單場派咗 4 個助攻俾孫仔！佢嘅踢法係主動回撤到中圈，用極精準嘅長傳打身後。不過簡尼嗰場自己都有入波，所以唔可以計做單純助攻帽。
而2012年，當年去咗熱刺嘅艾迪巴約，係對住紐卡素時都做出咗 4 個助攻嘅記錄，同樣係入咗一球仲要係飛身窩利。但踢法上就有少少唔同，與其話佢係回撤，倒不如話佢係拉邊，去右線放直線俾禁區內嘅隊友。(懷念果個紐卡素仲係中游球隊嘅年代………)
C. 車路士專屬傳統：
其實車路士歷史上一直有為他人做嫁衣嘅前鋒傳統。遠有摩連奴一期嘅古莊臣經常後撤做波俾兩翼，甚至係後期被摩佬改造成攻中；近有杜奧巴喺 2009/10 賽季交出雙位數助攻。佢哋未必下下靠長傳，但佢哋強大嘅牽制力同身位，永遠係幫隊友開路嘅最佳武器。
(但抱歉，我搵咗好多資料都無見到有車仔其他前鋒有做過助攻帽…如果有有識之士請到我Facebook留言講聲)
戰術反思：戴納嘅未來說明書
對比上面班大師，戴納嘅踢法無柏金、費明奴咁優雅，亦無簡尼嘅長傳精度。佢嘅風格我會歸類為「地盤佬」。
喺羅生嘅逼搶體系入面，戴納嘅任務好清晰：衝刺逼搶，例如擲界唔入嗰球正正係佢逼搶龍門逼返嚟嘅、釘死對手中堅，然後做一幅「反彈牆」，將個波 Set 俾身後切入嘅尼圖同二安起腳。
足球戰術不斷進化，入波已經唔係衡量 9 號仔價值嘅唯一標準。戴納喺侯城嗰晚，演繹咗足球場上最矛盾嘅劇本：一個射門能力只有F，但帶咗三對助攻手套嘅前鋒。
總結：只要捉到老鼠就係好貓
或者，無論係勇敢的加拿祖定係助攻帽戴納，因為佢哋入球少就不停受到網友嘅批評。
但我自己覺得，球隊大勝就已經係果隻要捉嘅老鼠，就算喺白界線前面將個必入球傳走，我相信所有車迷都會大嗌：「冇所謂啦，繼續傳啦，唔好射呀！」
講到呢度，大家覺得戴納應唔應該正式改造去打攻中 (類似當年嘅古莊臣)？定係繼續留喺最前線做佢嘅「助攻型攻城鎚」(類似後期嘅基奧特咁)？留言話我知你嘅睇法啦！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
當時 侯城門將解圍，戴納衝上前逼搶，個波反彈越過門將飛向空門。戴納以為實食冇黐牙，連身都轉埋準備跑去慶祝。點知個波中楣底彈落白界線，無入網。佢如夢初醒想去補中嗰陣，已經俾門將封死咗。
賽後佢自己都認衰：「我發誓我差啲就跑去慶祝，真係好X蠢。」
正當全世界網民準備將佢呢球瘋狂恥笑，甚至質疑佢作為 9 號仔嘅把握力時，戴納竟然迎來神級嘅術式反轉：連續交出 3 個靚助攻（兩球俾尼圖，一球俾二安）。單場 0 入波，但達成咗前鋒好少見嘅助攻帽子戲法。
大家開始懷疑，呢位柱躉式中鋒個射門掣係咪壞咗，但傳球掣就尚算靈活？其實佢係咪著錯咗 9 號波衫嘅 10 號仔？
前鋒戴「助攻帽」有幾難？
賽後，有巴打問我，其實前鋒戴助攻帽有幾多個？以前我哋見到迪布尼或者法比加斯單場派 3 個助攻，會覺得係正常發揮。但對於一個正箭頭嚟講，難度絕對唔低。
前鋒嘅天職係入波，觸球區域通常喺禁區內。要做到助攻戴帽，代表佢要頻繁離開得分區，回撤去禁區頂甚至中場做駁腳。呢樣嘢要求前鋒有極強嘅背身能力、廣闊嘅視野，同埋最重要嘅唔貪功。
更殘酷嘅係，助攻係一項被動數據。你傳得幾靚都好，都要隊友爭氣射得入先計數。就好似戴納俾尼圖嗰球禁區外遠射，其實預期入球 (xG) 極低，如果尼圖唔入，戴納就少個助攻。所以，前鋒 3 助攻，好多時都係隊友射門大爆發嘅副產品。
盤點時間：英超史上的「派牌型」前鋒
翻查英超歷史，能夠做到「0 入波 + 3 助攻」嘅正前鋒屈指可數。戴納今次嘅創舉，不禁令我哋諗起球壇幾大派牌型前鋒流派：
A. 非正 9 號前鋒：
我諗呢個係多人記得嘅其中一個。2020 年對修咸頓，利記嘅費明奴單場交出 3 個助攻。對於佢嚟講，0 入球 3 助攻絕對唔係失準，而係佢戰術價值嘅完美體現。佢係成個利物浦進攻系統運轉嘅最佳潤滑劑。
再講遠少少，1999年阿仙奴對李斯特城，當年嘅柏金作為影子前鋒，單場 4 助攻，算係完美演譯咗非正9號式嘅踢法，最終帶領阿記贏5：0。
同樣係阿仙奴，仲有個冷門少少，2006年嘅安東尼奧雷耶斯，當佢嘅阿仙奴有亨利在陣，作為SS嘅佢只要傳到個波俾亨利就得，結果係對陣米杜士堡時就單場 4 助攻，最終阿仙奴大勝 7 球血洗咗對手。
B. 後撤嘅前鋒：
同樣係 2020 年對修咸頓（修仔真慘……），簡尼單場派咗 4 個助攻俾孫仔！佢嘅踢法係主動回撤到中圈，用極精準嘅長傳打身後。不過簡尼嗰場自己都有入波，所以唔可以計做單純助攻帽。
而2012年，當年去咗熱刺嘅艾迪巴約，係對住紐卡素時都做出咗 4 個助攻嘅記錄，同樣係入咗一球仲要係飛身窩利。但踢法上就有少少唔同，與其話佢係回撤，倒不如話佢係拉邊，去右線放直線俾禁區內嘅隊友。(懷念果個紐卡素仲係中游球隊嘅年代………)
C. 車路士專屬傳統：
其實車路士歷史上一直有為他人做嫁衣嘅前鋒傳統。遠有摩連奴一期嘅古莊臣經常後撤做波俾兩翼，甚至係後期被摩佬改造成攻中；近有杜奧巴喺 2009/10 賽季交出雙位數助攻。佢哋未必下下靠長傳，但佢哋強大嘅牽制力同身位，永遠係幫隊友開路嘅最佳武器。
(但抱歉，我搵咗好多資料都無見到有車仔其他前鋒有做過助攻帽…如果有有識之士請到我Facebook留言講聲)
戰術反思：戴納嘅未來說明書
對比上面班大師，戴納嘅踢法無柏金、費明奴咁優雅，亦無簡尼嘅長傳精度。佢嘅風格我會歸類為「地盤佬」。
喺羅生嘅逼搶體系入面，戴納嘅任務好清晰：衝刺逼搶，例如擲界唔入嗰球正正係佢逼搶龍門逼返嚟嘅、釘死對手中堅，然後做一幅「反彈牆」，將個波 Set 俾身後切入嘅尼圖同二安起腳。
足球戰術不斷進化，入波已經唔係衡量 9 號仔價值嘅唯一標準。戴納喺侯城嗰晚，演繹咗足球場上最矛盾嘅劇本：一個射門能力只有F，但帶咗三對助攻手套嘅前鋒。
總結：只要捉到老鼠就係好貓
或者，無論係勇敢的加拿祖定係助攻帽戴納，因為佢哋入球少就不停受到網友嘅批評。
但我自己覺得，球隊大勝就已經係果隻要捉嘅老鼠，就算喺白界線前面將個必入球傳走，我相信所有車迷都會大嗌：「冇所謂啦，繼續傳啦，唔好射呀！」
講到呢度，大家覺得戴納應唔應該正式改造去打攻中 (類似當年嘅古莊臣)？定係繼續留喺最前線做佢嘅「助攻型攻城鎚」(類似後期嘅基奧特咁)？留言話我知你嘅睇法啦！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊