喺足球世界，有樣嘢叫新帥蜜月期。
今季英超可以話係領隊大風吹。曼聯炒咗艾摩廉換入卡域克之後，成隊波好似脫胎換骨咁生猛晒，奧脫福又突然變返做快樂足球嘅發源地；熱刺嗰邊立立亂，啱啱先請咗杜陀嚟救亡，寄望佢可以帶球隊走出降班漩渦，轉個身又炒咗佢請迪沙比幫手護級。當然，仲有我哋車路士嘅羅生，由馬蛇度接手車仔之後頭幾場戰績亦係直線上升。其後羅生炒咗車，亦俾人炒埋，由看守領隊麥法蘭接手，又終於贏波。
「每逢換帥倍積分」，有新領隊上任，頭幾場波贏咗，球迷同傳媒就一定會話：「嘩！換人真係有用！高層英明！」呢種現象，英文叫 "New-manager bounce"，我哋俗稱新帥蜜月期。
但問題嚟啦：呢個所謂嘅蜜月期，到底係因為新領隊真係戰術大師？定係大家只係記住成功例子嘅心理作用 ？甚至乎，只係純粹嘅好運？
今日我哋就一齊做球壇嘅流言終結者，用數據去拆解呢個都市傳說。
蜜月期係真實存在的
好多睇化咗嘅球迷會覺得，所謂嘅「反彈」，只係因為我哋特別容易記住救火成功嘅畫面，而忘記咗大把換完人都係一pat屎嘅例子。但 Opta 嘅大數據直接用數字話你知：蜜月期，係真嘅。
根據統計，過去 5 個英超球季入面，總共有 35 次季中換帥（唔計暫代領隊，或者執教少過 5 場嘅情況）。結果發現，高達 77% 嘅新領隊，喺上任後頭 5 場比賽嘅場均積分 (PPG, Points Per Game)，係實實在在咁高過球隊換帥前嘅平均分。
喺呢 35 次入面，只有區區 7 個「地獄黑仔王」接手後嘅成績係跌 Watt 嘅（例如 2025 年尾去咗教森林，結果 39 日都贏唔到一場波嘅前熱刺主帥澳普）。
如果要數近年彈得最高嘅「反彈王」，就不得不提以下幾位：
卡域克 (曼聯)： 接手後，頭 5 場 PPG 由 1.52 暴升到 2.6。
羅生 (車路士)： 當然要講下我哋車仔，羅生接手後嘅頭幾場英超，將球隊嘅 PPG 由 1.47 激增到 2.6，絕對係頂級反彈，但講明先，而家講新帥蜜月期，後面炒車唔關事唔講住。
莫耶斯 (愛華頓)： 臨危受命，將愛華頓嘅 PPG 由 0.89 變成 2.0，成功幫球隊續命。
所以，如果你問「新帥蜜月期」係咪真有其事？簡單直接嘅答案係：Yes。喺短期內，換領隊的確有極大機率可以幫球隊搶到更多分數。
不過，最有趣嘅問題嚟啦：點解會彈得起？係因為新領隊第一日返工，就諗到破解對手嘅絕世好橋？體育數據專家話俾我哋知，背後嘅真相可能同戰術完全無關……
專家撥冷水：其實只係「均值回歸」？
當大家都以為新領隊識得施展魔法嘅時候，專做體育數據分析嘅諮詢公司 Twenty First Group 最近出咗本新書叫《ROIFC》，直接踢爆咗一個殘酷嘅真相：換帥反彈，好多時只係因為球隊之前實在太黑仔。
數據就話，喺一隊波決定請領隊食豉椒炒魷前嘅 6 場比賽，佢哋平均每場只係攞到 0.9 分。但如果睇返佢哋嘅實際表現（例如創造嘅機會、預期入球等），佢哋其實「應該」要攞到 1.1 分。
即係話，前任領隊被炒之前，球隊可能經歷緊瘋狂中楣中柱、被對手世界波絕殺、遇到上晒身嘅神龍甚至球證誤判等黑仔事件。
當新領隊接手之後，球隊頭 6 場平均攞到 1.2 分。數據專家指出，呢個微細嘅升幅，與其話係新領隊戰術勁，不如話係「均值回歸」，即係運氣開始守恆，賽果終於正常反映返球隊原本應有嘅實力。
專家仲留咗句非常啜核嘅金句：「球會賠幾千萬解約金去炒人換領隊，其實只係買咗一堆統計學上嘅噪音，然後包裝成自己果斷行動英明神武。」，有無用，就見人見至啦。
成功換帥嘅秘訣：或者識做人好過識教波
咁既然係運氣守恆，點解有啲領隊（例如去咗教森林嘅澳普仲有俾熱刺炒咗嘅杜陀）連運氣都食唔到，上任 未贏過一場聯賽就被踢走？
前阿士東維拉同愛華頓行政總裁 Keith Wyness 就一語道破：救火領隊嘅成功秘訣，係識做人。
Wyness 指出，如果一個新領隊一上任，就急住想推翻舊有制度、大改戰術陣式，除非更衣室班大佬即刻買你帳，否則通常死得好慘（森林嘅澳普同車仔嘅波特就係犯咗呢個大忌，想夾硬改變球隊踢法但無人聽）。
相反，最成功嘅蜜月期，往往嚟自嗰啲一上任就識得安撫人心、修復更衣室氣氛嘅領隊。佢哋會先花時間了解上一手衰咩、解開球員嘅心結。好似 2016 年布魯士接手維拉，無搞咩戰術革命，純粹對症下藥、搞好氣氛，球隊即刻彈起。
簡單講：先搞好個更衣室，球員踢得開心，自然有貨交；一嚟就抛書包講戰術？盞搞到班球員無所適從。
總結：蜜月期好短，但救命錢值得畀
最後，數據亦帶出一個真相：呢種新帥蜜月期通常好短暫。喺 27 個成功反彈嘅例子入面，有 16 個去到第 10 場比賽左右，個場均積分就會跌返去換帥前嘅水平。即係話，蜜月期一過，蜜月濾鏡就會消失，球隊嘅真實毛病又會浮現。而羅生，正正就跌入咗呢個Pool入面。
咁既然係短暫嘅幻覺，甚至只係運氣，點解各大球會仲係樂此不疲咁玩領隊爭櫈仔？
原因好現實。對於依家排第 18 嘅熱刺，降班嘅代價係過億英鎊嘅轉播費同贊助流失。就算新領隊迪沙比帶嚟嘅反彈只係捱到 5 至 10 場，只要呢幾場搶到足夠嘅救命分成功護級，嗰筆幾千萬嘅解約金同簽字費，就已經係除笨有精。
所以，換帥如換刀呢個神話，一半係假嘅，因戰術未必即時見效，但都有一半係真嘅，因為球員心理同運氣的確會重置。對於深陷泥沼嘅球隊嚟講，呢把刀就算鈍鈍哋，但可以救命就係一把好刀…只要唔降班，大不了咪下季再換過。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今季英超可以話係領隊大風吹。曼聯炒咗艾摩廉換入卡域克之後，成隊波好似脫胎換骨咁生猛晒，奧脫福又突然變返做快樂足球嘅發源地；熱刺嗰邊立立亂，啱啱先請咗杜陀嚟救亡，寄望佢可以帶球隊走出降班漩渦，轉個身又炒咗佢請迪沙比幫手護級。當然，仲有我哋車路士嘅羅生，由馬蛇度接手車仔之後頭幾場戰績亦係直線上升。其後羅生炒咗車，亦俾人炒埋，由看守領隊麥法蘭接手，又終於贏波。
「每逢換帥倍積分」，有新領隊上任，頭幾場波贏咗，球迷同傳媒就一定會話：「嘩！換人真係有用！高層英明！」呢種現象，英文叫 "New-manager bounce"，我哋俗稱新帥蜜月期。
但問題嚟啦：呢個所謂嘅蜜月期，到底係因為新領隊真係戰術大師？定係大家只係記住成功例子嘅心理作用 ？甚至乎，只係純粹嘅好運？
今日我哋就一齊做球壇嘅流言終結者，用數據去拆解呢個都市傳說。
蜜月期係真實存在的
好多睇化咗嘅球迷會覺得，所謂嘅「反彈」，只係因為我哋特別容易記住救火成功嘅畫面，而忘記咗大把換完人都係一pat屎嘅例子。但 Opta 嘅大數據直接用數字話你知：蜜月期，係真嘅。
根據統計，過去 5 個英超球季入面，總共有 35 次季中換帥（唔計暫代領隊，或者執教少過 5 場嘅情況）。結果發現，高達 77% 嘅新領隊，喺上任後頭 5 場比賽嘅場均積分 (PPG, Points Per Game)，係實實在在咁高過球隊換帥前嘅平均分。
喺呢 35 次入面，只有區區 7 個「地獄黑仔王」接手後嘅成績係跌 Watt 嘅（例如 2025 年尾去咗教森林，結果 39 日都贏唔到一場波嘅前熱刺主帥澳普）。
如果要數近年彈得最高嘅「反彈王」，就不得不提以下幾位：
卡域克 (曼聯)： 接手後，頭 5 場 PPG 由 1.52 暴升到 2.6。
羅生 (車路士)： 當然要講下我哋車仔，羅生接手後嘅頭幾場英超，將球隊嘅 PPG 由 1.47 激增到 2.6，絕對係頂級反彈，但講明先，而家講新帥蜜月期，後面炒車唔關事唔講住。
莫耶斯 (愛華頓)： 臨危受命，將愛華頓嘅 PPG 由 0.89 變成 2.0，成功幫球隊續命。
所以，如果你問「新帥蜜月期」係咪真有其事？簡單直接嘅答案係：Yes。喺短期內，換領隊的確有極大機率可以幫球隊搶到更多分數。
不過，最有趣嘅問題嚟啦：點解會彈得起？係因為新領隊第一日返工，就諗到破解對手嘅絕世好橋？體育數據專家話俾我哋知，背後嘅真相可能同戰術完全無關……
專家撥冷水：其實只係「均值回歸」？
當大家都以為新領隊識得施展魔法嘅時候，專做體育數據分析嘅諮詢公司 Twenty First Group 最近出咗本新書叫《ROIFC》，直接踢爆咗一個殘酷嘅真相：換帥反彈，好多時只係因為球隊之前實在太黑仔。
數據就話，喺一隊波決定請領隊食豉椒炒魷前嘅 6 場比賽，佢哋平均每場只係攞到 0.9 分。但如果睇返佢哋嘅實際表現（例如創造嘅機會、預期入球等），佢哋其實「應該」要攞到 1.1 分。
即係話，前任領隊被炒之前，球隊可能經歷緊瘋狂中楣中柱、被對手世界波絕殺、遇到上晒身嘅神龍甚至球證誤判等黑仔事件。
當新領隊接手之後，球隊頭 6 場平均攞到 1.2 分。數據專家指出，呢個微細嘅升幅，與其話係新領隊戰術勁，不如話係「均值回歸」，即係運氣開始守恆，賽果終於正常反映返球隊原本應有嘅實力。
專家仲留咗句非常啜核嘅金句：「球會賠幾千萬解約金去炒人換領隊，其實只係買咗一堆統計學上嘅噪音，然後包裝成自己果斷行動英明神武。」，有無用，就見人見至啦。
成功換帥嘅秘訣：或者識做人好過識教波
咁既然係運氣守恆，點解有啲領隊（例如去咗教森林嘅澳普仲有俾熱刺炒咗嘅杜陀）連運氣都食唔到，上任 未贏過一場聯賽就被踢走？
前阿士東維拉同愛華頓行政總裁 Keith Wyness 就一語道破：救火領隊嘅成功秘訣，係識做人。
Wyness 指出，如果一個新領隊一上任，就急住想推翻舊有制度、大改戰術陣式，除非更衣室班大佬即刻買你帳，否則通常死得好慘（森林嘅澳普同車仔嘅波特就係犯咗呢個大忌，想夾硬改變球隊踢法但無人聽）。
相反，最成功嘅蜜月期，往往嚟自嗰啲一上任就識得安撫人心、修復更衣室氣氛嘅領隊。佢哋會先花時間了解上一手衰咩、解開球員嘅心結。好似 2016 年布魯士接手維拉，無搞咩戰術革命，純粹對症下藥、搞好氣氛，球隊即刻彈起。
簡單講：先搞好個更衣室，球員踢得開心，自然有貨交；一嚟就抛書包講戰術？盞搞到班球員無所適從。
總結：蜜月期好短，但救命錢值得畀
最後，數據亦帶出一個真相：呢種新帥蜜月期通常好短暫。喺 27 個成功反彈嘅例子入面，有 16 個去到第 10 場比賽左右，個場均積分就會跌返去換帥前嘅水平。即係話，蜜月期一過，蜜月濾鏡就會消失，球隊嘅真實毛病又會浮現。而羅生，正正就跌入咗呢個Pool入面。
咁既然係短暫嘅幻覺，甚至只係運氣，點解各大球會仲係樂此不疲咁玩領隊爭櫈仔？
原因好現實。對於依家排第 18 嘅熱刺，降班嘅代價係過億英鎊嘅轉播費同贊助流失。就算新領隊迪沙比帶嚟嘅反彈只係捱到 5 至 10 場，只要呢幾場搶到足夠嘅救命分成功護級，嗰筆幾千萬嘅解約金同簽字費，就已經係除笨有精。
所以，換帥如換刀呢個神話，一半係假嘅，因戰術未必即時見效，但都有一半係真嘅，因為球員心理同運氣的確會重置。對於深陷泥沼嘅球隊嚟講，呢把刀就算鈍鈍哋，但可以救命就係一把好刀…只要唔降班，大不了咪下季再換過。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊