上年夏天，年僅21歲嘅葡萄牙「通天老倌」維加 (Renato Veiga) 以 €14m 身價由巴素利加盟車路士，佢嘅多功能性被視為完美契合馬蛇戰術嘅「瑞士軍刀」。正當大家期待佢點樣融入球隊之際，點知踢咗半季都冇，就喺今年一月被外借去意甲勁旅祖雲達斯，令唔少車迷 R 晒頭。究竟係咩原因令佢咁快出走？佢喺意甲嘅表現比起喺車仔又係咪真係升咗Lv？最重要係，外借完一季之後，呢位小將喺車路士仲有冇未來、仲爭唔爭到個位？今篇文章就同大家深入拆解，用數據分析下維加呢次外借嘅來龍去脈，同埋佢返嚟之後嘅前景。
半季即閃？維加外借祖記為咗乜？
維加加盟之初，大家都對呢位身高 1米9、左腳純熟、可以勝任中堅、左閘甚至防中嘅小將抱有期望，認為佢嘅多功能性啱晒馬蛇嘅口味。但點解呢位被寄予厚望嘅小將，嚟咗車仔短短六個月就執包袱，被外借去祖雲達斯呢？背後原因其實相當複雜，並唔係單純一句「唔夠班」可以解釋。
上陣時間與國家隊夢想： 最核心嘅原因，莫過於 穩定上陣時間 嘅渴求，特別係為咗保住佢喺葡萄牙國家隊嘅位置。根據 The Athletic 嘅報導，截至今年一月外借前，維加喺競爭最激烈嘅英超聯賽，竟然只得 1次正選，佢喺歐協聯同盃賽雖然係有啲機會，但對於一個啱啱喺國家隊踢穩正選嘅年輕球員嚟講，咁零碎嘅時間絕對唔夠。佢需要持續喺高水平比賽中上陣，先可以鎖定自己喺國家隊嘅席位。
馬蛇用法與位置錯配： 另一個關鍵問題係，馬蛇點樣用佢。雖然維加係通天老倌，但佢喺國家隊主要係踢 中堅。喺車仔，馬蛇似乎更傾向將佢放喺 倒置左閘（Inverted Left-Back） 嘅位置。馬蛇喺記者會都講過，認為維加喺車仔踢左閘先令佢得到國家隊徵召同其他球會嘅關注，仲話球員要識得適應唔同位置。言下之意，似乎馬蛇欣賞佢嘅多功能性，但未必打算俾佢長期擔任佢最想踢嘅中堅位。事實上，喺英超，左中堅嘅必然正選係高維爾（Levi Colwill），維加只係喺兩場歐協聯比賽試過客串中堅。更甚嘅係，喺一月份科芬拿（Wesley Fofana）同巴迪亞舒尼（Benoit Badiashile）兩大中堅受傷嘅情況下，車仔嘅選擇係查詢前青訓古希（Marc Guehi）嘅價錢，然後 回收外借嘅查洛巴（Trevoh Chalobah），而唔係內部提拔維加頂上中堅位。呢個舉動，無疑向維加發出一個強烈訊號：喺馬蛇嘅藍圖入面，佢暫時唔係中堅嘅優先人選。
→ 祖記招手與外借條件： 正當維加喺車仔嘅前景變得不明朗，祖雲達斯就把握機會伸出橄欖枝。當時祖記因為首席中堅布藍馬（Bremer）重傷，急需補充中堅人手。主帥莫達（Thiago Motta）向維加親自講解戰術角色，仲要俾咗筆相當可觀嘅 €5m（另加 €1m 獎金）純外借費用。呢筆「誠意金」唔單止令車仔滿意，亦令維加確信自己去到祖記會受到重用。值得一提嘅係，雖然當時有其他球會（例如多蒙特、馬賽）想買斷維加，但球員本人明確表示 只想外借，唔想永久離開車仔。最終，車仔亦從善如流，喺確保符合特定條件下，同意咗呢次純外借。
可以話，維加外借祖記，係一個球員為咗爭取上陣時間（尤其係心儀位置）、實現國家隊目標，同時球會亦能喺冇損失球員擁有權下收取借費嘅「三贏」局面。當然，前題係維加要喺意甲證明自己。咁佢又做得點呢？下文再用數據詳細分析。
意甲數據 VS 車仔數據 大比拼
維加外借祖記係為咗證明自己。咁佢意甲「留學」表現點？比較下佢喺兩隊嘅 Per 90 數據：
防守：效率大提升
最大分別係防守效率。喺祖記，佢嘅 鏟截成功率 由車仔時期嘅 33.3% 大幅提升到 61.5%，雖然嘗試次數少咗，但明顯更有效率。攔截 次數略增 (1.18 → 1.41)，而 解圍 次數更由 1.00 次 激增到 4.74次，接近五倍增長，強烈暗示佢主要踢中堅，而且表現更穩健。
傳球：更準更向前
維加嘅左腳傳球亦有進步。整體傳球成功率 (84.9% → 88.2%) 同 長傳成功率 (61.9% → 65.2%) 都有提升。更有趣嘅係，雖然總傳球次數減少，但 向前傳球 (PrgP) 反而增加 (3.5 → 4.23)，顯示佢傳球更精準同更具方向性。
盤帶：角色明顯轉變
盤帶數據最能反映角色轉變。佢喺祖記嘅 觸球次數 (83.5 → 66.5)、向前帶球 (PrgC) (2.00 → 1.03) 同 嘗試過人次數 ( 2.5 → 0.26) 都大幅減少，幾乎唔會扭波。清晰顯示佢踢法更似傳統中堅，專注防守同傳球。
綜合以上數據，維加喺祖記防守效率同傳球質素有明顯進步，踢法亦更似純中堅。當然要考慮意甲同英超嘅差異，但進步係實在嘅。咁樣嘅表現，返嚟車仔夠唔夠爭位？
傷患陰霾與回歸前景：維加仲有冇車仔位？
維加喺祖記踢出表現，自然引嚟買斷嘅傳聞。根據意大利媒體 TuttoJuve 嘅報導，祖記係想留低佢，但車仔標價 €20m，祖記就希望可以傾平啲。考慮到維加份約去到 2031 年仲有加一年選項，車仔喺談判上絕對有牙力。咁如果傾唔成或者維加自己想返嚟，佢喺史丹福橋仲有冇位企呢？
位置競爭，僧多粥少： 維加嘅多功能性反而令佢難搵位。左閘 位有坐穩正選嘅 古古尼亞，而且維加自己都未必想踢返呢度；佢最擅長嘅 中堅 位更加係重災區，高維爾 穩佔左中堅，仲未計 巴迪亞斯爾、科芬拿、查洛巴、阿迪拉比奧尤 等一大堆人爭位，想搶正選難過登天；防中位亦有必然主力 卡些度 同可能復出嘅 拉維亞，下季仲要有外借歸隊的黑工山度士。簡單講，無論踢邊瓣，前面都已經人山人海，想搵個穩定正選位真係唔容易。
馬蛇 VS 球員：諗法同唔同？ 馬蛇強調球員要適應唔同位置。佢會點睇維加喺祖記專注踢中堅嘅成功？定係仍然想佢做萬能 Key？另一方面，維加經歷過祖記正選中堅待遇，仲肯唔肯返嚟做後備，甚至踢返唔係最擅長嘅左閘？呢個係潛在矛盾點。
未來劇本：留隊、再借、定賣走？ 綜合以上因素，維加下季去向有幾個可能：1. 留隊競爭： 除非馬蛇俾到中堅位嘅承諾，或者有人離隊/受傷騰出空間，否則留隊都未必有穩定機會。
2. 再次外借： 如果留隊冇足夠上陣時間，為咗發展同國家隊位置，再借走係合理選項，但考慮到外借人數的上限，車仔未必願意再浪費一年係佢身上。
3. 永久轉會： 如果有球會肯出 €20m，考慮到 PSR 同陣容深度，本身買價只係 €14m，加埋外借費用，車仔可能會選擇套現都唔定。
總結：
老實講，而家睇返維加單deal，有啲球迷（包括我）可能會覺得，根本有啲似「騙案」：明明當初簽佢返嚟，睇落就係想佢做古古後備，填補左閘個窿；點知嚟咗半季就話要踢中堅先肯踢，搞到要外借去祖記。究竟佢下季會係馬蛇計劃嘅一部分，定係又一個匆匆過客，甚至直接被賣走套現？睇嚟真係要等夏季轉會窗先有答案。
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
半季即閃？維加外借祖記為咗乜？
維加加盟之初，大家都對呢位身高 1米9、左腳純熟、可以勝任中堅、左閘甚至防中嘅小將抱有期望，認為佢嘅多功能性啱晒馬蛇嘅口味。但點解呢位被寄予厚望嘅小將，嚟咗車仔短短六個月就執包袱，被外借去祖雲達斯呢？背後原因其實相當複雜，並唔係單純一句「唔夠班」可以解釋。
上陣時間與國家隊夢想： 最核心嘅原因，莫過於 穩定上陣時間 嘅渴求，特別係為咗保住佢喺葡萄牙國家隊嘅位置。根據 The Athletic 嘅報導，截至今年一月外借前，維加喺競爭最激烈嘅英超聯賽，竟然只得 1次正選，佢喺歐協聯同盃賽雖然係有啲機會，但對於一個啱啱喺國家隊踢穩正選嘅年輕球員嚟講，咁零碎嘅時間絕對唔夠。佢需要持續喺高水平比賽中上陣，先可以鎖定自己喺國家隊嘅席位。
馬蛇用法與位置錯配： 另一個關鍵問題係，馬蛇點樣用佢。雖然維加係通天老倌，但佢喺國家隊主要係踢 中堅。喺車仔，馬蛇似乎更傾向將佢放喺 倒置左閘（Inverted Left-Back） 嘅位置。馬蛇喺記者會都講過，認為維加喺車仔踢左閘先令佢得到國家隊徵召同其他球會嘅關注，仲話球員要識得適應唔同位置。言下之意，似乎馬蛇欣賞佢嘅多功能性，但未必打算俾佢長期擔任佢最想踢嘅中堅位。事實上，喺英超，左中堅嘅必然正選係高維爾（Levi Colwill），維加只係喺兩場歐協聯比賽試過客串中堅。更甚嘅係，喺一月份科芬拿（Wesley Fofana）同巴迪亞舒尼（Benoit Badiashile）兩大中堅受傷嘅情況下，車仔嘅選擇係查詢前青訓古希（Marc Guehi）嘅價錢，然後 回收外借嘅查洛巴（Trevoh Chalobah），而唔係內部提拔維加頂上中堅位。呢個舉動，無疑向維加發出一個強烈訊號：喺馬蛇嘅藍圖入面，佢暫時唔係中堅嘅優先人選。
→ 祖記招手與外借條件： 正當維加喺車仔嘅前景變得不明朗，祖雲達斯就把握機會伸出橄欖枝。當時祖記因為首席中堅布藍馬（Bremer）重傷，急需補充中堅人手。主帥莫達（Thiago Motta）向維加親自講解戰術角色，仲要俾咗筆相當可觀嘅 €5m（另加 €1m 獎金）純外借費用。呢筆「誠意金」唔單止令車仔滿意，亦令維加確信自己去到祖記會受到重用。值得一提嘅係，雖然當時有其他球會（例如多蒙特、馬賽）想買斷維加，但球員本人明確表示 只想外借，唔想永久離開車仔。最終，車仔亦從善如流，喺確保符合特定條件下，同意咗呢次純外借。
可以話，維加外借祖記，係一個球員為咗爭取上陣時間（尤其係心儀位置）、實現國家隊目標，同時球會亦能喺冇損失球員擁有權下收取借費嘅「三贏」局面。當然，前題係維加要喺意甲證明自己。咁佢又做得點呢？下文再用數據詳細分析。
意甲數據 VS 車仔數據 大比拼
維加外借祖記係為咗證明自己。咁佢意甲「留學」表現點？比較下佢喺兩隊嘅 Per 90 數據：
防守：效率大提升
最大分別係防守效率。喺祖記，佢嘅 鏟截成功率 由車仔時期嘅 33.3% 大幅提升到 61.5%，雖然嘗試次數少咗，但明顯更有效率。攔截 次數略增 (1.18 → 1.41)，而 解圍 次數更由 1.00 次 激增到 4.74次，接近五倍增長，強烈暗示佢主要踢中堅，而且表現更穩健。
傳球：更準更向前
維加嘅左腳傳球亦有進步。整體傳球成功率 (84.9% → 88.2%) 同 長傳成功率 (61.9% → 65.2%) 都有提升。更有趣嘅係，雖然總傳球次數減少，但 向前傳球 (PrgP) 反而增加 (3.5 → 4.23)，顯示佢傳球更精準同更具方向性。
盤帶：角色明顯轉變
盤帶數據最能反映角色轉變。佢喺祖記嘅 觸球次數 (83.5 → 66.5)、向前帶球 (PrgC) (2.00 → 1.03) 同 嘗試過人次數 ( 2.5 → 0.26) 都大幅減少，幾乎唔會扭波。清晰顯示佢踢法更似傳統中堅，專注防守同傳球。
綜合以上數據，維加喺祖記防守效率同傳球質素有明顯進步，踢法亦更似純中堅。當然要考慮意甲同英超嘅差異，但進步係實在嘅。咁樣嘅表現，返嚟車仔夠唔夠爭位？
傷患陰霾與回歸前景：維加仲有冇車仔位？
維加喺祖記踢出表現，自然引嚟買斷嘅傳聞。根據意大利媒體 TuttoJuve 嘅報導，祖記係想留低佢，但車仔標價 €20m，祖記就希望可以傾平啲。考慮到維加份約去到 2031 年仲有加一年選項，車仔喺談判上絕對有牙力。咁如果傾唔成或者維加自己想返嚟，佢喺史丹福橋仲有冇位企呢？
位置競爭，僧多粥少： 維加嘅多功能性反而令佢難搵位。左閘 位有坐穩正選嘅 古古尼亞，而且維加自己都未必想踢返呢度；佢最擅長嘅 中堅 位更加係重災區，高維爾 穩佔左中堅，仲未計 巴迪亞斯爾、科芬拿、查洛巴、阿迪拉比奧尤 等一大堆人爭位，想搶正選難過登天；防中位亦有必然主力 卡些度 同可能復出嘅 拉維亞，下季仲要有外借歸隊的黑工山度士。簡單講，無論踢邊瓣，前面都已經人山人海，想搵個穩定正選位真係唔容易。
馬蛇 VS 球員：諗法同唔同？ 馬蛇強調球員要適應唔同位置。佢會點睇維加喺祖記專注踢中堅嘅成功？定係仍然想佢做萬能 Key？另一方面，維加經歷過祖記正選中堅待遇，仲肯唔肯返嚟做後備，甚至踢返唔係最擅長嘅左閘？呢個係潛在矛盾點。
未來劇本：留隊、再借、定賣走？ 綜合以上因素，維加下季去向有幾個可能：1. 留隊競爭： 除非馬蛇俾到中堅位嘅承諾，或者有人離隊/受傷騰出空間，否則留隊都未必有穩定機會。
2. 再次外借： 如果留隊冇足夠上陣時間，為咗發展同國家隊位置，再借走係合理選項，但考慮到外借人數的上限，車仔未必願意再浪費一年係佢身上。
3. 永久轉會： 如果有球會肯出 €20m，考慮到 PSR 同陣容深度，本身買價只係 €14m，加埋外借費用，車仔可能會選擇套現都唔定。
總結：
老實講，而家睇返維加單deal，有啲球迷（包括我）可能會覺得，根本有啲似「騙案」：明明當初簽佢返嚟，睇落就係想佢做古古後備，填補左閘個窿；點知嚟咗半季就話要踢中堅先肯踢，搞到要外借去祖記。究竟佢下季會係馬蛇計劃嘅一部分，定係又一個匆匆過客，甚至直接被賣走套現？睇嚟真係要等夏季轉會窗先有答案。
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊