【數據分析】用左一季就諗住換門將？車路士個光頭教頭諗緊乜

最近有報導，話車路士打算放棄用左半季的門將柏祖域，轉去搵一個新的門將。
但，馬蛇到底想要d咩，柏祖域又有咩不足令馬蛇放棄佢?

之前有講過，馬蛇的戰術理念入面，龍門的位置好重要，發動攻勢的時候作為起點的門將，要有一定的用球能力，用黎化解對手的搶迫。

而係進攻推展到對方半場時，龍門更加會作為清道夫後上，變成半個中堅一樣，成為中堅們傳波的對象。
所以，我地可以憑李城上季門將的表現推斷出到底馬蛇要一個咩人，同埋可以順便比較一下李城門將靴馬臣vs柏祖域vs山齊士


1) 要有能力係禁區外做到精準的防守動作係馬蛇的戰術下，門將作為其中一個防守點，當變成防中的閘都擋唔住的時候，門將多少就要作為其中一個清波點去做防守。

禁區外防守動作(Defence Actions Outside Penatly Area)同埋
平均防守距離(Average Distance of Defence Actions)就變成其中最重要的數據

靴馬臣上季係呢方面的數據簡直係如有神助
平均距離18.8碼，防守次數係1.75次/90分鐘

柏祖域係呢方面完全輸晒
平均距離12.7碼，防守次數係0.91次/90分鐘

而山齊士的確可以同靴馬臣相比
平均距離15.8碼，防守次數係1.70次/90分鐘
單睇呢兩樣數據，就明顯睇得出柏祖域係防守動作上及唔上其他兩個人，甚至同世界平均的數字都有落差(平均距離13.9碼，防守次數係1.05次/90分鐘)

不過，始終係作為門將風格的差異，就會造成數字上有分別，唔可以一口咬定係柏祖域係廢係無能。

2) 傳球數據
因為龍門變成進攻起點，傳波的能力變成其中一個好重要的指標，唔止傳波要多，仲要夠準

將三個人的龍門球/普通傳波數據比較下:
靴馬臣:
傳波成功率：84.4%，平均傳球次數：47.2次，龍門球平均距離25.9碼

柏祖域:傳波成功率：78.8%，平均傳球次數：29.6次，龍門球平均距離27.8碼

山齊士:
傳波成功率：82.1%，平均傳球次數：32.5次，龍門球平均距離28.1碼

當然，要公道講的係，靴馬臣直接受命於馬蛇，所以接收到的傳球都比後者高(36.9 ：21.5 ：22.6)，但係柏祖域的傳波成功率仍然及唔上其他兩個，只可以話柏祖域更加偏向傳統的門將

3) 用波能力
排除門將的撲救能力，仲有最後一樣要比較的係帶波，觸球的比例
係禁區外的觸球次數，靴馬臣以51.37次大幅拋離

柏祖域 38.74
山齊士 40.81
而帶波的次數同距離更加癲
靴馬臣：37.1次 / 179.6碼 / 前進111.2碼
柏祖域：21.8次 / 93.9碼 / 前進49.9碼
山齊士：24.7次 / 118.9碼 / 前進71.1碼

而靴馬臣係咁多次觸球下都無錄得失控，反觀柏祖域同山齊士就甩波派膠樣樣齊。

綜合以上幾樣野，又的確唔難睇得出馬蛇想要的門將同柏祖域的確有好大的距離，要願意離開禁區進行防守，又要後上做駁腳點幫隊友化解搶迫壓力，難怪球會向意甲兜售柏祖域ge。當然作為門將仲有最重要的撲救數據要睇，如果只係拎馬蛇重視的數據去比較又係偏見黎。距離轉會窗完結仲有時間，即管睇下車路士轉會部門仲會有咩動作。