唔覺唔覺，積臣已經係車路士踢左超過50場比賽。唔知大家今場會點評價積臣，但至少睇英國的報紙佬寫的內容，評價都係偏向正面，距離車路士下場比賽仲有時間，決定寫下積臣再比較下佢的表現。
積臣的人生唔可以話係一帆風順，16歲之前都只係踢街頭足球，直至因為政治因素搬左去塞內加爾之後，先第一次接受正式的系統化訓練。憑住佢的射門觸覺同努力，積臣好快就吸引左球探的注意，進而獲得塞內加爾甲組 Casa Sports 的青睞。
持續的優秀表現，仲意外地吸引到維拉利爾主席的目光，所以係塞內加爾過左一年，就獲得加盟維拉利爾B隊的機會，再外借去西乙的聯賽一路學西班牙文同習慣歐洲足球。
經過左一年的努力，最後成功升上黃潛的一隊，22/23季尾的5場比賽射入7球，唔止協助維拉利爾取得歐聯資格，亦令佢成為左車路士的收購目標。係維拉利爾的積臣，其實多少已經話左俾大家知佢係咩球員。
⭕️ 有背身能力容易吸引對方防守球員
⭕️ 射門觸覺唔錯，係門前的表現冷靜
⭕️ 速度快而且爆發力強，會積極跑到對方中後衛身後，利用速度創造機會
❌ 算係有身高但係唔識用頭鎚頂波
❌ 波底唔好，First Touch處理間中就會失靈
❌ 應付逆境波能力唔夠，有時無法融入比賽，長時間無觸球
而積臣係黃潛的表現，最終成功吸引車路士以35M的身價買佢，登陸倫敦史丹福橋。
數據 & 表現：
係黃潛的最後一季，積臣的表現真心好搶眼，無論係入球，助攻定係跑動數據都名列前茅。但係當佢轉去左車路士，特別係前半季，可以用災難黎形容，上年的車迷至少有一半人想衝入場打佢都唔定。
協防需要：
災難的原因其一，係普捷天奴 (肥普) 的戰術需要。肥普要求球員回後協防，積臣係防守半場以前平均觸球數只有2.78次，但係加盟車仔後就大幅升到3.92次，差唔多係過往的2倍。
失去控球次數：
基本功唔好，護球能力不足，最先出現的問題就係失去控球次數多。相比係黃潛的場均1.98次，係車路士的前半段平均係2.58次，加埋季尾都好仍然係2.12次，比佢係西甲的數字要高。
平均帶波失控球比率去講的話，每9.34次帶波就會甩一鑊，比起佢係維拉時期的10.4次比率更高。
把握力：
甚至唔止係甩波，上季最多人討論就係積臣的把握力問題。入球同預計入球差距高達-4.6。射門命中率亦由原本的49.1%跌到45.5%，如果上年唔係有彭馬在陣，相信車路士好難單靠積臣一個保住歐協聯個位。
但今年馬利斯卡走馬上任，積臣成個人醒神晒。一來係積臣多少已經適應左英超的環境同踢法，二來係馬蛇對於積臣的定位的轉變。
「既然快，就唔應該長跑。」
第一樣，係減少積臣的帶球跑動距離。波底差易甩波，咁就應該要減少甩波的機會，所以今季積臣的帶波跑動由場均的68.2碼減少到52.9碼，因為咁樣的改動，直接減少左積臣係失去控球的數字到場均1.04次。
用返平均帶波失控球比率去講的話，由上季的9.34次大幅跌到14.81次，可以話積臣的護球能力有爆發性增長。當然，如果要同英超的頂級射手比賽就仲差一截，例如上年的Humble哥17.94次先甩一次波，或者係今年的沙拿15.93次帶波先甩一次，積臣今年的數字比同位置平均的13.32次已經好。
「把握力唔好，就近D射。」
第二樣係，縮短射門距離。足球統計學就係咁簡單，起腳位置角度越好，距離越短，入波機會(xG)就越大。今季積臣的命中率由45.5%大幅升到60.7%，多少係受惠於佢縮短左射門距離，由12.6碼變成11.3碼。
再放大少少睇，今季積臣係禁區內的觸球比例亦由上季的12.6%升到14.5%，超越左黃潛時期的13.9%，證明左積臣係對方禁區內的活躍程度同馬利斯卡想要積臣做的轉變。
「射唔到，就交俾隊友。」
第三樣係更多的致命傳送。積臣傳送技術絕對唔係好果班，但係要傳簡單的波佢一樣做到。既然有本錢係對手禁區內活動，除左射門不如傳埋波俾你的隊友？係數據上，因為禁區的防守更緊密，理論上可以做到的助攻同傳送數字會細左，但今季鋒線大爆發，積臣的助攻/關鍵傳球數無因為入左禁區而變細，無論係xAG定係實際助攻數都仲可以保持不變，所以呢方面都係一個進步黎。
以上三樣，加埋就變成今日的積臣。
積臣呢一刻的表現仍然未足夠說服所有人。例如頭先講過的基本功問題，仲有就係傳波精準度未夠，應付逆境波能力不足等等。
不過亦唔可以否定，至少係數字上，積臣唔止搵返係黃潛的自己，甚至係各方面都超越左自己變成一個更好的前鋒。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
積臣的人生唔可以話係一帆風順，16歲之前都只係踢街頭足球，直至因為政治因素搬左去塞內加爾之後，先第一次接受正式的系統化訓練。憑住佢的射門觸覺同努力，積臣好快就吸引左球探的注意，進而獲得塞內加爾甲組 Casa Sports 的青睞。
持續的優秀表現，仲意外地吸引到維拉利爾主席的目光，所以係塞內加爾過左一年，就獲得加盟維拉利爾B隊的機會，再外借去西乙的聯賽一路學西班牙文同習慣歐洲足球。
經過左一年的努力，最後成功升上黃潛的一隊，22/23季尾的5場比賽射入7球，唔止協助維拉利爾取得歐聯資格，亦令佢成為左車路士的收購目標。係維拉利爾的積臣，其實多少已經話左俾大家知佢係咩球員。
⭕️ 有背身能力容易吸引對方防守球員
⭕️ 射門觸覺唔錯，係門前的表現冷靜
⭕️ 速度快而且爆發力強，會積極跑到對方中後衛身後，利用速度創造機會
❌ 算係有身高但係唔識用頭鎚頂波
❌ 波底唔好，First Touch處理間中就會失靈
❌ 應付逆境波能力唔夠，有時無法融入比賽，長時間無觸球
而積臣係黃潛的表現，最終成功吸引車路士以35M的身價買佢，登陸倫敦史丹福橋。
數據 & 表現：
係黃潛的最後一季，積臣的表現真心好搶眼，無論係入球，助攻定係跑動數據都名列前茅。但係當佢轉去左車路士，特別係前半季，可以用災難黎形容，上年的車迷至少有一半人想衝入場打佢都唔定。
協防需要：
災難的原因其一，係普捷天奴 (肥普) 的戰術需要。肥普要求球員回後協防，積臣係防守半場以前平均觸球數只有2.78次，但係加盟車仔後就大幅升到3.92次，差唔多係過往的2倍。
失去控球次數：
基本功唔好，護球能力不足，最先出現的問題就係失去控球次數多。相比係黃潛的場均1.98次，係車路士的前半段平均係2.58次，加埋季尾都好仍然係2.12次，比佢係西甲的數字要高。
平均帶波失控球比率去講的話，每9.34次帶波就會甩一鑊，比起佢係維拉時期的10.4次比率更高。
把握力：
甚至唔止係甩波，上季最多人討論就係積臣的把握力問題。入球同預計入球差距高達-4.6。射門命中率亦由原本的49.1%跌到45.5%，如果上年唔係有彭馬在陣，相信車路士好難單靠積臣一個保住歐協聯個位。
但今年馬利斯卡走馬上任，積臣成個人醒神晒。一來係積臣多少已經適應左英超的環境同踢法，二來係馬蛇對於積臣的定位的轉變。
「既然快，就唔應該長跑。」
第一樣，係減少積臣的帶球跑動距離。波底差易甩波，咁就應該要減少甩波的機會，所以今季積臣的帶波跑動由場均的68.2碼減少到52.9碼，因為咁樣的改動，直接減少左積臣係失去控球的數字到場均1.04次。
用返平均帶波失控球比率去講的話，由上季的9.34次大幅跌到14.81次，可以話積臣的護球能力有爆發性增長。當然，如果要同英超的頂級射手比賽就仲差一截，例如上年的Humble哥17.94次先甩一次波，或者係今年的沙拿15.93次帶波先甩一次，積臣今年的數字比同位置平均的13.32次已經好。
「把握力唔好，就近D射。」
第二樣係，縮短射門距離。足球統計學就係咁簡單，起腳位置角度越好，距離越短，入波機會(xG)就越大。今季積臣的命中率由45.5%大幅升到60.7%，多少係受惠於佢縮短左射門距離，由12.6碼變成11.3碼。
再放大少少睇，今季積臣係禁區內的觸球比例亦由上季的12.6%升到14.5%，超越左黃潛時期的13.9%，證明左積臣係對方禁區內的活躍程度同馬利斯卡想要積臣做的轉變。
「射唔到，就交俾隊友。」
第三樣係更多的致命傳送。積臣傳送技術絕對唔係好果班，但係要傳簡單的波佢一樣做到。既然有本錢係對手禁區內活動，除左射門不如傳埋波俾你的隊友？係數據上，因為禁區的防守更緊密，理論上可以做到的助攻同傳送數字會細左，但今季鋒線大爆發，積臣的助攻/關鍵傳球數無因為入左禁區而變細，無論係xAG定係實際助攻數都仲可以保持不變，所以呢方面都係一個進步黎。
以上三樣，加埋就變成今日的積臣。
積臣呢一刻的表現仍然未足夠說服所有人。例如頭先講過的基本功問題，仲有就係傳波精準度未夠，應付逆境波能力不足等等。
不過亦唔可以否定，至少係數字上，積臣唔止搵返係黃潛的自己，甚至係各方面都超越左自己變成一個更好的前鋒。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊