近幾場比賽，開始聽到好多車迷咒罵山齊士。特別係上場比賽因為山齊士的一下甩手失波，令一眾車路士球迷心跳加速、血壓上升。加上近期外借左去般茅的Kepa有回勇的跡象，有球迷就話想球會收返Kepa，學細查咁返黎做英雄。
反正無野好寫，不如就比較下Kepa同山齊士兩位今季的表現，睇下Kepa係咪值得回歸？
要比較門將，最直觀當然係將佢地的撲救表現拎出黎。但公道起見，先要理解兩隊球隊 (車路士同般尼茅夫)係防守上的差別。
般尼茅夫今季場均面對4.95次射正，面對射門距離係19.8碼，當中每場面對的預計入球係1.93，實際入球差距係-0.75。
車路士方面，場均面對的射正數只有4.32次，面對射門距離係24.8碼，但係預計入球數更高達到2.05。實際入球差距係-0.83。
用人話去講的話，姐係車路士係防守上做得比般茅好，至少有效咁將對手拒諸門外，迫對手要由更遠的位置起腳，但係中堅企位的問題，令車路士面對的每個射門都比般茅更有威脅 (或者講白d就係射得好靚係世界波)，所以幾乎每救一球都會提升同實際入球的差距數。
係理解左兩隊的防守之後，就開始比較門將。下圖抽左今季兩者的數據：
山齊士：
⭕️ 傳球成功率：70.51%
⭕️ 撲救率：73.91%
⭕️ 場均失球數：1.20
⭕️ 高波阻截：1.45⭕️ 高波阻截率：14.0%
⭕️ 禁區外掃蕩：2.10
❌ 犯錯引致射門：0.30
留意返，因為車路士的防守比較穩固的關係，所以山齊士的場均撲救數係低過Kepa，但撲救率就話左俾你知，山齊士比Kepa好少少。
山齊士係車路士最為人詬病的問題有兩個：
1) 犯低級錯誤，直接或間接令球隊失波
2) 傳波唔好，經常開龍門球直接俾對手攻，唔講仲以為自己睇緊少林足球
數據上或多或少都反映出呢個事實，第一樣當然係傳球成功率問題，山齊士比世界平均低左大約2%，但同時要考慮埋車路士中前場太矮，根本無辦法可以同對手爭頂。呢方面雖然山齊士做得唔好，但唔代表Kepa就得，數字上更加表明Kepa係傳球成功率比Kepa更低。
第二樣係犯錯，山齊士的確經常奶野出事害球隊失波，今季已經累積左6次犯錯引致射門，其中有4次令球隊失波，呢d數字都係山齊士的弱點黎。的確，呢個係山齊士的最大弱點，無得兜。
不過除左呢兩點以外，山齊士表現可以話係球壇頂級。包括左現代門將最受推崇的禁區外行為，山齊士以場均2.1次禁區外掃蕩立於英超的前列，算係滿足左馬蛇對於門將的要求之一 - 要佢地準確判斷幾時離開禁區協助防守。
第二樣係彌補左車路士高空弱點的高波攔截，今季山齊士面對面207次高波，單靠佢一個人就將其中29個破壞左，成功率係14%，係英超入面排第2。
Kepa係各項數據入面，唯一比山齊士好的就只有犯錯數，今季只有一次犯錯。但因為Kepa的出場次數少於山齊士，如果單用累積去計算的話的確係會比山齊士好。
當然，Kepa救12碼的能力應該比山齊士更好，如果同樣面對5個12碼，以Kepa的往績分分錯可以失少一半。但呢樣並唔足夠成為Kepa回歸的理由，至少球隊唔應該以失12碼為前題去Build up隊波先。
而最致命的，其實係呢堆數字以外的一個項目 - 人工。
Kepa係季前為左要離隊，已經將自己的週薪大150k減到75k。但仍然比山齊士的60k要高出15k。
相比兩者，馬蛇會願意俾機會山齊士又的確唔難理解，前提係我地要接受到山齊士會間中判斷錯誤失波。
當然，我搬咁多數字出黎，仍然改變唔到我每場因為山齊士而按下平安鐘的次數。唯有求神拜佛有神仙顯靈，可以係下半季令山齊士犯少d錯。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
反正無野好寫，不如就比較下Kepa同山齊士兩位今季的表現，睇下Kepa係咪值得回歸？
要比較門將，最直觀當然係將佢地的撲救表現拎出黎。但公道起見，先要理解兩隊球隊 (車路士同般尼茅夫)係防守上的差別。
般尼茅夫今季場均面對4.95次射正，面對射門距離係19.8碼，當中每場面對的預計入球係1.93，實際入球差距係-0.75。
車路士方面，場均面對的射正數只有4.32次，面對射門距離係24.8碼，但係預計入球數更高達到2.05。實際入球差距係-0.83。
用人話去講的話，姐係車路士係防守上做得比般茅好，至少有效咁將對手拒諸門外，迫對手要由更遠的位置起腳，但係中堅企位的問題，令車路士面對的每個射門都比般茅更有威脅 (或者講白d就係射得好靚係世界波)，所以幾乎每救一球都會提升同實際入球的差距數。
係理解左兩隊的防守之後，就開始比較門將。下圖抽左今季兩者的數據：
山齊士：
⭕️ 傳球成功率：70.51%
⭕️ 撲救率：73.91%
⭕️ 場均失球數：1.20
⭕️ 高波阻截：1.45⭕️ 高波阻截率：14.0%
⭕️ 禁區外掃蕩：2.10
❌ 犯錯引致射門：0.30
留意返，因為車路士的防守比較穩固的關係，所以山齊士的場均撲救數係低過Kepa，但撲救率就話左俾你知，山齊士比Kepa好少少。
山齊士係車路士最為人詬病的問題有兩個：
1) 犯低級錯誤，直接或間接令球隊失波
2) 傳波唔好，經常開龍門球直接俾對手攻，唔講仲以為自己睇緊少林足球
數據上或多或少都反映出呢個事實，第一樣當然係傳球成功率問題，山齊士比世界平均低左大約2%，但同時要考慮埋車路士中前場太矮，根本無辦法可以同對手爭頂。呢方面雖然山齊士做得唔好，但唔代表Kepa就得，數字上更加表明Kepa係傳球成功率比Kepa更低。
第二樣係犯錯，山齊士的確經常奶野出事害球隊失波，今季已經累積左6次犯錯引致射門，其中有4次令球隊失波，呢d數字都係山齊士的弱點黎。的確，呢個係山齊士的最大弱點，無得兜。
不過除左呢兩點以外，山齊士表現可以話係球壇頂級。包括左現代門將最受推崇的禁區外行為，山齊士以場均2.1次禁區外掃蕩立於英超的前列，算係滿足左馬蛇對於門將的要求之一 - 要佢地準確判斷幾時離開禁區協助防守。
第二樣係彌補左車路士高空弱點的高波攔截，今季山齊士面對面207次高波，單靠佢一個人就將其中29個破壞左，成功率係14%，係英超入面排第2。
Kepa係各項數據入面，唯一比山齊士好的就只有犯錯數，今季只有一次犯錯。但因為Kepa的出場次數少於山齊士，如果單用累積去計算的話的確係會比山齊士好。
當然，Kepa救12碼的能力應該比山齊士更好，如果同樣面對5個12碼，以Kepa的往績分分錯可以失少一半。但呢樣並唔足夠成為Kepa回歸的理由，至少球隊唔應該以失12碼為前題去Build up隊波先。
而最致命的，其實係呢堆數字以外的一個項目 - 人工。
Kepa係季前為左要離隊，已經將自己的週薪大150k減到75k。但仍然比山齊士的60k要高出15k。
相比兩者，馬蛇會願意俾機會山齊士又的確唔難理解，前提係我地要接受到山齊士會間中判斷錯誤失波。
當然，我搬咁多數字出黎，仍然改變唔到我每場因為山齊士而按下平安鐘的次數。唯有求神拜佛有神仙顯靈，可以係下半季令山齊士犯少d錯。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊