大蝦細俾屎餵，基本上呢場比賽唔算係羅帥嘅功勞，只係球員實力有差距。
羅斯尼亞 (Liam Rosenior) 帶隊第一場就交出一張 5-1 嘅成績表，驟眼睇確實係幾養眼。不過，作為資深車迷，大家都心知肚明，對手查爾頓今季喺英冠都只係下游份子，兼且傷兵滿營。喺咁巨大嘅身價同球員質素鴻溝面前，贏波係應份，大勝先叫合格。
所以，今篇文我哋唔會過份吹奏個賽果，反而想將重點放喺過程上面。雖然話一場波睇唔到啲咩驚天大改變，但由球員嘅企位、進攻側擊嘅重心，以至換人後嘅局勢變化，其實多少透露出新帥嘅執教思路。到底呢場波係馬蛇 2.0 嘅延續，定係羅帥微調戰術嘅試驗場？大家不妨抱住一種睇路嘅心態，一齊拆解呢場充滿實驗味嘅首騷。
比賽簡述
今場比賽嘅劇本可以分做兩截。上半場車路士雖然控球率極高，但面對查爾頓嘅死守其實係熟口熟面嘅老鼠拉龜，遲遲打唔開缺口。直到上半場補時階段，哈圖喺禁區內接應傳中，一腳精彩嘅左腳窩利抽入，先幫球隊打破僵局，領先 1：0 返更衣室。
換邊後無幾耐，50 分鐘托辛接應般拿洛迪嘅罰球傳中頭槌頂入拉開至 2：0。雖然查爾頓喺 57 分鐘把握防線一次混亂由利本 (Leaburn) 近門追返一粒，但車路士好快就由古爾補射得手，將比數改寫成 3：1。
比賽尾段，隨著查爾頓體力下降同防線崩潰，羅帥換入尼圖、安素等主力屈機。尼圖先係補時射入 4：1，之後二安博到 12 碼，由安素操刀埋齋，鎖定 5：1 勝局。全場車路士錄得驚人嘅 30 次射門（下半場佔 19 次），展現出新帥對進攻強度嘅要求。
戰術深潛
賽前部署：舊酒新瓶嘅 4-2-3-1
雖然換咗領隊，但羅斯尼亞並無急住要推翻前朝。喺排陣結構上，今場依然係大家熟悉嘅 4-2-3-1。最明顯嘅訊號係左閘哈圖嘅角色，佢基本上完美複製咗馬蛇年代古古尼亞嘅踢法：防守時係左閘，進攻時內切入中場甚至係突入禁區幫手做控球同派牌。
呢個安排好合理，始終羅帥上任得幾日，無可能即刻令球隊重新適應一套全新嘅體系。沿用馬蛇留低嘅控球結構，由熟書嘅球員，例如曾同佢合作過嘅山度士去做核心，係最穩陣嘅過渡方案。所以喺後場Build-up階段，其實大家都見到好多馬蛇嘅影子。
右路試驗：邦仔推進與無限開火權
雖然大框架無變，但細節上羅帥其實做咗唔少手腳，重點落喺右路。大家可以留意到右閘艾殊邦嘅踢法，佢唔似以前古斯圖咁係又疊瓦唔係又疊瓦，反而更多係沿住邊路直線推進，拉闊個球場闊度。
而右翼基頓斯就獲得極高自由度。佢喺右路基本上係攞正牌去做 1 vs 1 嘅個人突破，而唔係好似以前咁不斷尋求回傳或者配合。值得留意嘅係，羅帥似乎畀咗右路球員包括切入中路嘅般拿洛迪極大嘅開火權。無論係基頓斯定後來換入嘅二安，只要有空位就起腳，全場 30 次射門有唔少都係來自這種鼓勵性質嘅遠射。呢種「有腳就試」嘅直接踢法，明顯係羅帥想加強球隊進攻侵略性嘅特點。
攻堅困局：五後衛下的老鼠拉龜
講返上半場，點解空有控球但老鼠拉龜？好大程度係因為對手查爾頓非常識做，一開波就擺出 5 後衛死守自己禁區。有項數據好誇張：去到比賽第 26 分鐘，查爾頓全隊嘅成功傳球次數竟然得 23 次……基本上佢哋係放棄進攻，全軍退守。
面對呢種密集防守，車路士喺上半場其實缺乏足夠嘅攻擊手段。左路嘅加拿祖除咗俾主場球迷噓之外，基本上無乜貢獻，突破唔到又拉唔開空位；右路嘅基頓斯雖然好努力嘗試突破，但始終火候未夠，好多時過到第一關過唔到第二關。喺打開缺口之前，車路士其實係陷入咗一種圍住攻但入唔到肉嘅尷尬局面，亦係球隊一直以來面對低位防守嘅通病。
勝負分界：對方變陣與後備屈機
好多人會覺得下半場車路士突然識踢波，入球停不了。但其實最大嘅轉捩點，未必係我哋踢得特別好，而係查爾頓自己攞黎衰。去到 66 分鐘，查爾頓眼見落後緊，想嘗試加強攻力追分，於是將原本守得好地地嘅 5 後衛陣式，改為 4 後衛。
對於車路士黎講，呢個簡直係送禮。原本塞滿人嘅後場突然多咗好多空位，加上羅帥喺呢個時候換入尼圖、安素、同埋二安呢班主力。面對住體力下降兼且失去人數優勢嘅英冠防線，呢班後備球員就如魚得水。
特別係二安同尼圖，佢哋嘅個人質素同速度完全碾壓對手。當對方一壓上黎想攻，身後留低嘅空間就成為咗二安嘅遊樂場。最後階段嘅入球騷，講穿咗就係一場質素上嘅欺凌，係對方變陣自曝其短後嘅必然結果。
隱憂與亮點：邊緣人的救贖
雖然大勝一場，但唔代表無隱憂。最明顯嘅係失球嗰一下，反映出球隊喺防守專注力上依然有甩漏，俾對手喺混亂中近門射入。而且要記住，喺哈圖未入嗰球世界波之前，我哋面對密集防守其實係相當頭痕。如果對手由頭到尾都堅持泊大巴，我哋係咪真係有能力可以守得住個比數到尾？呢點仲係一個問號。
不過亮點都係有嘅。哈圖嗰球窩利絕對係強心針，佢今場踢得比之前更有自信；古爾雖然全場表現一般，但作為前鋒有波入始終係好事。對於呢班平時少出場嘅邊緣人黎講，呢場波做到咗最好嘅救贖同熱身。
總結：意念與現實的距離
一場 5：1，對於新帥上任肯定係好開始。雖然講戰術革命言之尚早，但我哋至少見到羅斯尼亞帶黎嘅一啲新意念：例如畀右路基頓斯、艾殊邦更大嘅自由度去衝擊，以及般拿洛迪喺前場擁有無限開火權，鼓勵球員多起腳而唔係盲目傳控。
不過，意念歸意念，現實歸現實。呢套踢法對住查爾頓當然曉飛，但如果對手換成係阿仙奴或者曼城，右路咁樣開放式進攻會唔會反而俾沙卡打反擊打到爆？艾殊邦推得咁上，身後嘅空位邊個補？
呢啲先係真正嘅考驗。星期三聯賽盃對阿仙奴，先係羅斯尼亞真正嘅考牌戰。希望到時球隊唔好因為今場大勝而輕敵，畢竟打英冠同打英超榜首，係完全兩個世界嘅遊戲。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
羅斯尼亞 (Liam Rosenior) 帶隊第一場就交出一張 5-1 嘅成績表，驟眼睇確實係幾養眼。不過，作為資深車迷，大家都心知肚明，對手查爾頓今季喺英冠都只係下游份子，兼且傷兵滿營。喺咁巨大嘅身價同球員質素鴻溝面前，贏波係應份，大勝先叫合格。
所以，今篇文我哋唔會過份吹奏個賽果，反而想將重點放喺過程上面。雖然話一場波睇唔到啲咩驚天大改變，但由球員嘅企位、進攻側擊嘅重心，以至換人後嘅局勢變化，其實多少透露出新帥嘅執教思路。到底呢場波係馬蛇 2.0 嘅延續，定係羅帥微調戰術嘅試驗場？大家不妨抱住一種睇路嘅心態，一齊拆解呢場充滿實驗味嘅首騷。
比賽簡述
今場比賽嘅劇本可以分做兩截。上半場車路士雖然控球率極高，但面對查爾頓嘅死守其實係熟口熟面嘅老鼠拉龜，遲遲打唔開缺口。直到上半場補時階段，哈圖喺禁區內接應傳中，一腳精彩嘅左腳窩利抽入，先幫球隊打破僵局，領先 1：0 返更衣室。
換邊後無幾耐，50 分鐘托辛接應般拿洛迪嘅罰球傳中頭槌頂入拉開至 2：0。雖然查爾頓喺 57 分鐘把握防線一次混亂由利本 (Leaburn) 近門追返一粒，但車路士好快就由古爾補射得手，將比數改寫成 3：1。
比賽尾段，隨著查爾頓體力下降同防線崩潰，羅帥換入尼圖、安素等主力屈機。尼圖先係補時射入 4：1，之後二安博到 12 碼，由安素操刀埋齋，鎖定 5：1 勝局。全場車路士錄得驚人嘅 30 次射門（下半場佔 19 次），展現出新帥對進攻強度嘅要求。
戰術深潛
賽前部署：舊酒新瓶嘅 4-2-3-1
雖然換咗領隊，但羅斯尼亞並無急住要推翻前朝。喺排陣結構上，今場依然係大家熟悉嘅 4-2-3-1。最明顯嘅訊號係左閘哈圖嘅角色，佢基本上完美複製咗馬蛇年代古古尼亞嘅踢法：防守時係左閘，進攻時內切入中場甚至係突入禁區幫手做控球同派牌。
呢個安排好合理，始終羅帥上任得幾日，無可能即刻令球隊重新適應一套全新嘅體系。沿用馬蛇留低嘅控球結構，由熟書嘅球員，例如曾同佢合作過嘅山度士去做核心，係最穩陣嘅過渡方案。所以喺後場Build-up階段，其實大家都見到好多馬蛇嘅影子。
右路試驗：邦仔推進與無限開火權
雖然大框架無變，但細節上羅帥其實做咗唔少手腳，重點落喺右路。大家可以留意到右閘艾殊邦嘅踢法，佢唔似以前古斯圖咁係又疊瓦唔係又疊瓦，反而更多係沿住邊路直線推進，拉闊個球場闊度。
而右翼基頓斯就獲得極高自由度。佢喺右路基本上係攞正牌去做 1 vs 1 嘅個人突破，而唔係好似以前咁不斷尋求回傳或者配合。值得留意嘅係，羅帥似乎畀咗右路球員包括切入中路嘅般拿洛迪極大嘅開火權。無論係基頓斯定後來換入嘅二安，只要有空位就起腳，全場 30 次射門有唔少都係來自這種鼓勵性質嘅遠射。呢種「有腳就試」嘅直接踢法，明顯係羅帥想加強球隊進攻侵略性嘅特點。
攻堅困局：五後衛下的老鼠拉龜
講返上半場，點解空有控球但老鼠拉龜？好大程度係因為對手查爾頓非常識做，一開波就擺出 5 後衛死守自己禁區。有項數據好誇張：去到比賽第 26 分鐘，查爾頓全隊嘅成功傳球次數竟然得 23 次……基本上佢哋係放棄進攻，全軍退守。
面對呢種密集防守，車路士喺上半場其實缺乏足夠嘅攻擊手段。左路嘅加拿祖除咗俾主場球迷噓之外，基本上無乜貢獻，突破唔到又拉唔開空位；右路嘅基頓斯雖然好努力嘗試突破，但始終火候未夠，好多時過到第一關過唔到第二關。喺打開缺口之前，車路士其實係陷入咗一種圍住攻但入唔到肉嘅尷尬局面，亦係球隊一直以來面對低位防守嘅通病。
勝負分界：對方變陣與後備屈機
好多人會覺得下半場車路士突然識踢波，入球停不了。但其實最大嘅轉捩點，未必係我哋踢得特別好，而係查爾頓自己攞黎衰。去到 66 分鐘，查爾頓眼見落後緊，想嘗試加強攻力追分，於是將原本守得好地地嘅 5 後衛陣式，改為 4 後衛。
對於車路士黎講，呢個簡直係送禮。原本塞滿人嘅後場突然多咗好多空位，加上羅帥喺呢個時候換入尼圖、安素、同埋二安呢班主力。面對住體力下降兼且失去人數優勢嘅英冠防線，呢班後備球員就如魚得水。
特別係二安同尼圖，佢哋嘅個人質素同速度完全碾壓對手。當對方一壓上黎想攻，身後留低嘅空間就成為咗二安嘅遊樂場。最後階段嘅入球騷，講穿咗就係一場質素上嘅欺凌，係對方變陣自曝其短後嘅必然結果。
隱憂與亮點：邊緣人的救贖
雖然大勝一場，但唔代表無隱憂。最明顯嘅係失球嗰一下，反映出球隊喺防守專注力上依然有甩漏，俾對手喺混亂中近門射入。而且要記住，喺哈圖未入嗰球世界波之前，我哋面對密集防守其實係相當頭痕。如果對手由頭到尾都堅持泊大巴，我哋係咪真係有能力可以守得住個比數到尾？呢點仲係一個問號。
不過亮點都係有嘅。哈圖嗰球窩利絕對係強心針，佢今場踢得比之前更有自信；古爾雖然全場表現一般，但作為前鋒有波入始終係好事。對於呢班平時少出場嘅邊緣人黎講，呢場波做到咗最好嘅救贖同熱身。
總結：意念與現實的距離
一場 5：1，對於新帥上任肯定係好開始。雖然講戰術革命言之尚早，但我哋至少見到羅斯尼亞帶黎嘅一啲新意念：例如畀右路基頓斯、艾殊邦更大嘅自由度去衝擊，以及般拿洛迪喺前場擁有無限開火權，鼓勵球員多起腳而唔係盲目傳控。
不過，意念歸意念，現實歸現實。呢套踢法對住查爾頓當然曉飛，但如果對手換成係阿仙奴或者曼城，右路咁樣開放式進攻會唔會反而俾沙卡打反擊打到爆？艾殊邦推得咁上，身後嘅空位邊個補？
呢啲先係真正嘅考驗。星期三聯賽盃對阿仙奴，先係羅斯尼亞真正嘅考牌戰。希望到時球隊唔好因為今場大勝而輕敵，畢竟打英冠同打英超榜首，係完全兩個世界嘅遊戲。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊