2026 年嘅第一個禮拜，對於車迷黎講真係心血少啲都搞唔掂。馬蛇早三日先執包袱走人，球隊群龍無首；再望下個傷停名單：卡些度停賽，古古尼亞、科芬拿、山齊士全部缺陣。仲要作客曼城對住有洛迪復出嘅曼城？講真，開波前大家都打定輸數，諗住輸少當贏算數。
但足球最過癮嘅地方就係估佢唔到。由 U21 教練麥費蘭臨危受命帶隊，車路士竟然喺落後一球嘅絕境下，展現出好耐無見過嘅韌力同鬥心。雖則過程驚險，但補時階段安素嗰球追和，真係令人熱血沸騰。呢 1 分，唔單止係積分榜上嘅數字，更加係球隊喺亂世之中，話畀大家知車仔仲未死透嘅最佳證明。
比賽簡述：由地獄折返人間
上半場嘅形勢，基本上同預期一樣：畀人撳住砌。曼城控球率一度高達七成，我哋就縮喺後場打 Low Block。好彩臨時代替山齊士把關嘅佐真遜夠硬淨，加上門柱幫手，頂到 42 分鐘先失守。當時曼城嘅雷恩達斯把握我哋後防一次解圍不遠射入，半場落後 0:1。
以為下半場會崩盤？點知麥費蘭半場做咗幾個教科書式調動，成隊波即刻醒返晒。由被動捱打變成主動反擊，戴納嘅衝擊力難得地居然可以令曼城防線開始慌失失。去到補時 94 分鐘，古斯圖右路一腳靚傳，安素後上殺入禁區連隨補射入網！1:1！雖然呢個賽果多少幫咗阿仙奴保持領先地位，但嗰一刻，相信所有車迷都淨係識得嗌破喉嚨為呢1分喝彩。
戰術深潛
馬蛇遺產？占士踢防中嘅無奈與豪賭
麥費蘭始終係 U21臨陣磨槍上陣，唔夠時間大改，所以起手都係沿用馬蛇留低嘅 4-2-3-1 陣式。安排隊長占士客串防中可以話唔完全唔意外嘅配置。
當然，呢個排陣有好大程度係被迫嘅。卡些度停賽，拉維亞已經留咗係文員房好長時間，中場中路真空，唯有推最信得過、身體對抗最好嘅占士上去拍安素。你問效果好唔好？防守硬度係有嘅，但始終要顧慮身後嘅小將艾殊邦，覆蓋範圍有啲輸蝕。
哥迪奧拿呢隻老狐狸一眼就睇穿邦仔右閘呢個係弱點，成個上半場曼城係咁攻我哋右路。睇返數據，曼城有成 21% 嘅射門都係黎自呢邊。雷恩達斯雖然掛名左翼，但就係咁內切拉走邦仔，搞到呢位 19 歲小將成場波都好似受難咁，加上古斯圖客串左閘支援唔到，上半場條防線真係岌岌可危。
(諗返…成條防線都On99咁…右路邦仔，中堅係細查搭無腦嘅巴迪亞舒尼，左路係錯位古斯圖……)
半場調動：擁抱混亂，反轉控制
如果話上半場係捱打，咁下半場就係麥費蘭嘅表演時間。落後一球，呢位 U21 教頭無選擇繼續龜縮，反而做咗個馬蛇絕對唔會做嘅決定：擁抱混亂。半場休息果斷換走被封鎖嘅二安，換入山度士。
呢一著棋行得相當之妙，山度士入場增加咗中場硬度算係教科書式嘅調動，但最重要係釋放咗安素。安素由原本要兼顧防守嘅位置推前一格，甚至去到左邊 half-space 搵食，直接威脅曼城心腹地。另一方面，針對右路被打爆嘅問題，麥費蘭將邦仔調去左邊（之後由哈圖入替），而助攻力強嘅古斯圖調返去佢最舒服嘅右閘位。結果大家都見到，哈圖有一球傳中差少少就搵到彭馬，而補時嗰個入球，亦正正就係由古斯圖喺右路發難傳中，安素後上入楔射入。
相比起馬蛇以前果種死都要控制節奏、有時睇到人恰眼瞓嘅U型足球踢法，下半場車路士踢得更直接、更混沌。換入嘅戴納之後，前場有咗個支點去衝擊曼城防線，雖然場面係 Open 咗混亂咗，但正正係呢種亂局，打亂咗哥迪奧拿最擅長嘅精密部署。
數據話你知貴精不貴多
賽後肯定有人話車路士好彩，甚至話係偷曼城雞。但睇返數據，曼城雖然空有近六成控球，但全場 xG，車路士係 1.85，曼城得 1.02；更誇張嘅係 Big Chances，車路士創造咗 3 次，曼城係 0 次。
所以，雖然個波喺曼城腳下多，但真正入肉、能夠威脅大門嘅攻勢，車路士其實做得更好。曼城嘅進攻畀我哋個 Low Block 擋喺核心區域之外，連夏蘭特都靜晒。呢場波證明咗，足球唔係鬥傳波次數多，而係鬥邊個把刀更利。車路士雖然出刀少，但勝在刀刀致命。
球員雷達：
安素費南迪斯 (Enzo Fernández)
攻防一體嘅全能戰士，追和入球證明 1 億身價。
或者好多球迷會唔鍾意安素，但今場嘅 MVP，非安素莫屬。佢已經唔係第一次喺車仔最艱難嘅時刻挺身而出，而現役球員入面最信任球會嘅，亦非安素莫屬。防守上，佢交出驚人嘅 7 次搶斷同 16 次防守貢獻，喺客場對曼城嘅高壓下，佢嘅覆蓋範圍同鬥志簡直係領袖級別。
進攻端更加係佢表演嘅舞台。下半場麥費蘭將佢位置推前，佢即刻釋放巨大威脅。全場 xG+xA 高達 1.31，創造咗 2 次機會，xGOT（預期射正入球）高達 1.66，仲有 4 次殺入對方禁區觸球。補時 94 分鐘果一腳，冷靜補射入網，雖然過程有啲幸運，但機會係留畀有準備嘅人。入波後衝向球迷區慶祝嘅激情，正正係車路士而家最需要嘅熱血。
這場波證明咗，1 億身價唔係淨係買佢嘅傳球判斷同節奏控制，有一部份係買佢嘅大心臟同領袖氣質。
佐真遜 (Filip Jørgensen)
臨危受命，神救夏蘭特射門保住 1 分希望。
山齊士病咗，佐真遜臨急臨忙頂硬上，面對曼城咁強嘅火力，賽前個個都替佢驚。點知佢表現淡，全場交出 相當穩健嘅演出。最關鍵一刻出現喺 38 分鐘，夏蘭特近門勁射仲要省中細查改變方向，佐真遜反應快到以反地心吸力嘅姿勢飛身撲出底線。無呢球神救，半場可能已經輸 0:2，邊有後面嘅熱血迫和？
雖然有人話失嗰球近柱佢有責任，但嗰腳波角度刁鑽又大力，屬於神仙難救嘅靚波。反之，佢嘅腳下功夫令人眼前一亮，傳球成功率高達 83%，全場 62 次觸球，面對逼搶出波冷靜，長傳搵前場亦有板有眼。作為二號門將，呢場波佢絕對交足功課，甚至令人覺得佢有能力挑戰正選。
古斯圖 (Malo Gusto)
由苦工變成英雄，回歸右路即刻交出致命助攻。
上半場因為古古尼亞缺陣，佢被迫客串左閘，踢得好辛苦，進攻完全發揮唔到。但下半場麥費蘭將佢調返去最熟悉嘅右閘，仲要唔使佢好似以前馬蛇時代咁夾硬切入中路，而係俾佢盡情沿邊線爆發。
結果喺補時 94 分鐘，佢喺右路一爆，利用速度擺脫曼城防守，送出一下通透嘅低位傳中，雖然安素第一腳射門被擋，食咗古斯圖嘅助攻，但的確成功製造混亂俾安素補射入網追和，成個過程係由佢一手策動。防守上佢亦無欺場，全場交出 7 次奪回球權同 3 次攔截，證明佢唔止識助攻，更加係條邊路嘅定海神針。
總結：為車路士而戰
講真，如果係以前（唔好講太遠，就講上季），作客曼城落後緊 0:1，大家心入面可能都預咗會輸多兩粒收工。但今場最令我感動嘅，唔係最後個比分，係班球員展現出黎嘅風骨。喺經歷咗換帥、傷病、混亂嘅一個禮拜後，呢班球員無選擇放棄或者推卸責任。相反，佢哋用跑動同汗水去填補戰術上嘅劣勢。即使技術未必夠曼城細膩，但鬥心絕對贏晒。
雖然呢場和波，隔離阿仙奴球迷可能開心過我哋，但 Who Cares？呢 1 分係車路士憑實力、憑血汗喺曼城手上搶返黎嘅。我哋唔係為咗阻人爭冠，我哋係為咗自己身上件藍色波衫而戰。
傳聞新領隊（羅斯尼亞？）就快上任，前面條路仲好長，充滿未知數。但至少今場波證明咗，只要肯搏肯跑、團結一致，呢班波絕對有能力同任何強隊拗手瓜。但亂世之中見到鬥心，呢 1 分無價嘅！Blue is the Colour！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但足球最過癮嘅地方就係估佢唔到。由 U21 教練麥費蘭臨危受命帶隊，車路士竟然喺落後一球嘅絕境下，展現出好耐無見過嘅韌力同鬥心。雖則過程驚險，但補時階段安素嗰球追和，真係令人熱血沸騰。呢 1 分，唔單止係積分榜上嘅數字，更加係球隊喺亂世之中，話畀大家知車仔仲未死透嘅最佳證明。
比賽簡述：由地獄折返人間
上半場嘅形勢，基本上同預期一樣：畀人撳住砌。曼城控球率一度高達七成，我哋就縮喺後場打 Low Block。好彩臨時代替山齊士把關嘅佐真遜夠硬淨，加上門柱幫手，頂到 42 分鐘先失守。當時曼城嘅雷恩達斯把握我哋後防一次解圍不遠射入，半場落後 0:1。
以為下半場會崩盤？點知麥費蘭半場做咗幾個教科書式調動，成隊波即刻醒返晒。由被動捱打變成主動反擊，戴納嘅衝擊力難得地居然可以令曼城防線開始慌失失。去到補時 94 分鐘，古斯圖右路一腳靚傳，安素後上殺入禁區連隨補射入網！1:1！雖然呢個賽果多少幫咗阿仙奴保持領先地位，但嗰一刻，相信所有車迷都淨係識得嗌破喉嚨為呢1分喝彩。
戰術深潛
馬蛇遺產？占士踢防中嘅無奈與豪賭
麥費蘭始終係 U21臨陣磨槍上陣，唔夠時間大改，所以起手都係沿用馬蛇留低嘅 4-2-3-1 陣式。安排隊長占士客串防中可以話唔完全唔意外嘅配置。
當然，呢個排陣有好大程度係被迫嘅。卡些度停賽，拉維亞已經留咗係文員房好長時間，中場中路真空，唯有推最信得過、身體對抗最好嘅占士上去拍安素。你問效果好唔好？防守硬度係有嘅，但始終要顧慮身後嘅小將艾殊邦，覆蓋範圍有啲輸蝕。
哥迪奧拿呢隻老狐狸一眼就睇穿邦仔右閘呢個係弱點，成個上半場曼城係咁攻我哋右路。睇返數據，曼城有成 21% 嘅射門都係黎自呢邊。雷恩達斯雖然掛名左翼，但就係咁內切拉走邦仔，搞到呢位 19 歲小將成場波都好似受難咁，加上古斯圖客串左閘支援唔到，上半場條防線真係岌岌可危。
(諗返…成條防線都On99咁…右路邦仔，中堅係細查搭無腦嘅巴迪亞舒尼，左路係錯位古斯圖……)
半場調動：擁抱混亂，反轉控制
如果話上半場係捱打，咁下半場就係麥費蘭嘅表演時間。落後一球，呢位 U21 教頭無選擇繼續龜縮，反而做咗個馬蛇絕對唔會做嘅決定：擁抱混亂。半場休息果斷換走被封鎖嘅二安，換入山度士。
呢一著棋行得相當之妙，山度士入場增加咗中場硬度算係教科書式嘅調動，但最重要係釋放咗安素。安素由原本要兼顧防守嘅位置推前一格，甚至去到左邊 half-space 搵食，直接威脅曼城心腹地。另一方面，針對右路被打爆嘅問題，麥費蘭將邦仔調去左邊（之後由哈圖入替），而助攻力強嘅古斯圖調返去佢最舒服嘅右閘位。結果大家都見到，哈圖有一球傳中差少少就搵到彭馬，而補時嗰個入球，亦正正就係由古斯圖喺右路發難傳中，安素後上入楔射入。
相比起馬蛇以前果種死都要控制節奏、有時睇到人恰眼瞓嘅U型足球踢法，下半場車路士踢得更直接、更混沌。換入嘅戴納之後，前場有咗個支點去衝擊曼城防線，雖然場面係 Open 咗混亂咗，但正正係呢種亂局，打亂咗哥迪奧拿最擅長嘅精密部署。
數據話你知貴精不貴多
賽後肯定有人話車路士好彩，甚至話係偷曼城雞。但睇返數據，曼城雖然空有近六成控球，但全場 xG，車路士係 1.85，曼城得 1.02；更誇張嘅係 Big Chances，車路士創造咗 3 次，曼城係 0 次。
所以，雖然個波喺曼城腳下多，但真正入肉、能夠威脅大門嘅攻勢，車路士其實做得更好。曼城嘅進攻畀我哋個 Low Block 擋喺核心區域之外，連夏蘭特都靜晒。呢場波證明咗，足球唔係鬥傳波次數多，而係鬥邊個把刀更利。車路士雖然出刀少，但勝在刀刀致命。
球員雷達：
安素費南迪斯 (Enzo Fernández)
攻防一體嘅全能戰士，追和入球證明 1 億身價。
或者好多球迷會唔鍾意安素，但今場嘅 MVP，非安素莫屬。佢已經唔係第一次喺車仔最艱難嘅時刻挺身而出，而現役球員入面最信任球會嘅，亦非安素莫屬。防守上，佢交出驚人嘅 7 次搶斷同 16 次防守貢獻，喺客場對曼城嘅高壓下，佢嘅覆蓋範圍同鬥志簡直係領袖級別。
進攻端更加係佢表演嘅舞台。下半場麥費蘭將佢位置推前，佢即刻釋放巨大威脅。全場 xG+xA 高達 1.31，創造咗 2 次機會，xGOT（預期射正入球）高達 1.66，仲有 4 次殺入對方禁區觸球。補時 94 分鐘果一腳，冷靜補射入網，雖然過程有啲幸運，但機會係留畀有準備嘅人。入波後衝向球迷區慶祝嘅激情，正正係車路士而家最需要嘅熱血。
這場波證明咗，1 億身價唔係淨係買佢嘅傳球判斷同節奏控制，有一部份係買佢嘅大心臟同領袖氣質。
佐真遜 (Filip Jørgensen)
臨危受命，神救夏蘭特射門保住 1 分希望。
山齊士病咗，佐真遜臨急臨忙頂硬上，面對曼城咁強嘅火力，賽前個個都替佢驚。點知佢表現淡，全場交出 相當穩健嘅演出。最關鍵一刻出現喺 38 分鐘，夏蘭特近門勁射仲要省中細查改變方向，佐真遜反應快到以反地心吸力嘅姿勢飛身撲出底線。無呢球神救，半場可能已經輸 0:2，邊有後面嘅熱血迫和？
雖然有人話失嗰球近柱佢有責任，但嗰腳波角度刁鑽又大力，屬於神仙難救嘅靚波。反之，佢嘅腳下功夫令人眼前一亮，傳球成功率高達 83%，全場 62 次觸球，面對逼搶出波冷靜，長傳搵前場亦有板有眼。作為二號門將，呢場波佢絕對交足功課，甚至令人覺得佢有能力挑戰正選。
古斯圖 (Malo Gusto)
由苦工變成英雄，回歸右路即刻交出致命助攻。
上半場因為古古尼亞缺陣，佢被迫客串左閘，踢得好辛苦，進攻完全發揮唔到。但下半場麥費蘭將佢調返去最熟悉嘅右閘，仲要唔使佢好似以前馬蛇時代咁夾硬切入中路，而係俾佢盡情沿邊線爆發。
結果喺補時 94 分鐘，佢喺右路一爆，利用速度擺脫曼城防守，送出一下通透嘅低位傳中，雖然安素第一腳射門被擋，食咗古斯圖嘅助攻，但的確成功製造混亂俾安素補射入網追和，成個過程係由佢一手策動。防守上佢亦無欺場，全場交出 7 次奪回球權同 3 次攔截，證明佢唔止識助攻，更加係條邊路嘅定海神針。
總結：為車路士而戰
講真，如果係以前（唔好講太遠，就講上季），作客曼城落後緊 0:1，大家心入面可能都預咗會輸多兩粒收工。但今場最令我感動嘅，唔係最後個比分，係班球員展現出黎嘅風骨。喺經歷咗換帥、傷病、混亂嘅一個禮拜後，呢班球員無選擇放棄或者推卸責任。相反，佢哋用跑動同汗水去填補戰術上嘅劣勢。即使技術未必夠曼城細膩，但鬥心絕對贏晒。
雖然呢場和波，隔離阿仙奴球迷可能開心過我哋，但 Who Cares？呢 1 分係車路士憑實力、憑血汗喺曼城手上搶返黎嘅。我哋唔係為咗阻人爭冠，我哋係為咗自己身上件藍色波衫而戰。
傳聞新領隊（羅斯尼亞？）就快上任，前面條路仲好長，充滿未知數。但至少今場波證明咗，只要肯搏肯跑、團結一致，呢班波絕對有能力同任何強隊拗手瓜。但亂世之中見到鬥心，呢 1 分無價嘅！Blue is the Colour！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊