3-2 反勝，打破歐聯作客魔咒，鎖定聯賽榜第 6 位直入 16 強。單睇結果，呢場絕對係羅生執教以嚟含金量最高嘅一場勝仗。
不過，千祈唔好俾比數呃到，以為係一場由頭帶到尾嘅完勝。呢場波其實係一場由「自殺」到「自救」嘅過山車比賽。上半場個陣排到好似想送頭咁，好彩下半場四眼仔肯認錯修正，加上球員夠韌力，先至可以喺地獄主場全身而退。贏波過程驚險，但贏在對手把握力唔夠我哋班球員咁強，亦贏在羅生夠膽推翻自己嘅錯誤部署。
比賽簡述
成場波嘅劇本真係好似坐過山車咁，起伏大到嚇死人。
開波初段車路士其實入局入得幾好，19 分鐘就靠占士罰球射人牆博到手球，安素射入 12 碼領先，以為可以踢場穩陣嘅作客波。點知入完波之後成隊波好似斷咗片咁，俾拿玻里搶返個勢。對手 Vergara 一下轉身扭過科芬拿射入追平，之後海龍哥再接應傳中近門撞入，短短 10 分鐘內由領先變落後，防線俾人打到懷疑人生。
半場 1：2 落後，羅生終於意識到唔對路，半場休息即刻換入彭馬救亡，之後去到 60 分鐘再做多轉關鍵調動，換走古斯圖加強防守硬度。呢幾手調動即刻見效，祖奧柏度先係背身接應彭馬傳波控定轉身射入一球世界波追平，去到 82 分鐘再接應彭馬反擊妙傳，冷靜推射反超前 3：2。
去到補時階段仲有一幕驚心動魄，倒戈嘅盧卡古近門起腳，好彩山齊士反應快一手擋出，先至保得住呢場得來不易嘅勝仗，成功喺地獄主場帶走 3 分兼殺入 16 強。
戰術深潛
賽前部署：激進嘅 Man-to-Man 實驗
羅生今場嘅排陣可以用玩火嚟形容。佢擺出一個極具侵略性嘅 3-2-4-1 陣式，試圖以攻代守。防線由占士移入中路拍住科芬拿，古古打左中堅，而古斯圖就推到勁前做翼衛。
當中最特別嘅部署落咗喺山度士身上。為咗應對拿玻里前場五人組嘅攻力同企位，羅生安排山度士喺防守時要縮後半格，做偽中堅角色，希望佢可以隨時填補防線空位。
呢種近乎全場 Man-to-Man 嘅部署，原意係想利用人數優勢喺中前場窒息對手，但風險極高：後場結構長期處於變動狀態，兩條邊路（特別係古斯圖同尼圖身後）留低咗極大嘅空間，一旦前場第一浸逼搶失效，後防就會直接面對衝擊。
上半場崩盤嘅背後
事實證明，拿玻里雖然傷兵滿營，但干地始終係老狐狸，一眼就睇穿咗呢個陣式嘅弱點。
佢哋專登安排海龍哥喺中路釘死科芬拿，令科芬拿唔敢隨便補位；然後利用兩翼（Di Lorenzo 同 Olivera）瘋狂由外線切入攻擊古斯圖身後嘅Half-space空位。
上半場兩個失球都係咁樣嚟：第一球 Vergara 一個轉身就擺過咗科芬拿，第二球海龍爆過科芬拿搶點入波。雖然好多人會怪科芬拿單防能力差，俾人一扭就過，但公道講句，係戰術體系令佢長期處於孤立無援嘅 1v1 甚至 1v2 狀態。喺無保護之下，中堅再好波都死，我會話呢個係結構性嘅崩潰多過球員個人失誤。
數據亮點：反直覺嘅 xG 真相
睇直播嗰陣，覺得拿玻里氣勢如虹，好似隨時會再入多兩粒咁。但睇返數據，其實只係一場海軍鬥水兵嘅虛火戰。
全場拿玻里 xG 其實只得 0.98；而車路士雖然全場有 2.02 xG，但扣除安素嗰球高達 0.76 xG 嘅 12 碼，Open Play xG 亦只係得 1.26。
數據反映咗一個事實：雙方其實創造力都一般。拿玻里嘅入波主要係靠車路士結構性送禮，而我哋贏在祖奧柏度嘅把握力夠高。另外有一個數據好值得提，就係車路士全場做出 19 次解圍，對比拿玻里得 4 次，證明最後階段班球員真係用生命去防守，棄用控球權死守返嚟。
換人目的：回歸 4 後衛嘅穩定性
如果話上半場係戰術實驗失敗，咁下半場就係羅生展現修正能力嘅時刻。半場換入彭馬取代表現平平嘅尼圖，絕對係成場波嘅轉捩點。
彭馬一落場就展現出高人一等嘅球商，佢頻頻喺對手中場線同後衛線之間接應，令車路士嘅進攻由上半場嘅單調邊路突破，變成有層次、有穿透力嘅立體攻勢，球隊亦因此重奪比賽控制權。(但……同時要彈彭馬係直接攻門時無表現………呢D留返個人評價再講。)
最關鍵嘅一手棋出現喺 59 分鐘。羅生見勢色唔對，果斷換走古斯圖，由查路巴入替。呢個調動直接將陣式由自殺式嘅 3 後衛，變返做傳統穩陣嘅 4 後衛。
占士移返去佢最擅長嘅右閘位，專心封死對手左路嘅攻勢；查路巴就入中路拍科芬拿，增加禁區防空高度同人數。 效果可以話係立竿見影，防守結構即刻穩返晒，唔再出現上半場俾人任攻嘅畫面。由數據睇，下半場拿玻里嘅 xG 暴跌到得 0.21，證明只要切斷咗兩翼供應，回歸基本步就已經足夠，唔使畫蛇添足。
至於基頓斯入替山度士，就係想利用佢嘅速度同直接性去拉開拿玻里防線，為中路製造更多空間。最後時刻換入巴迪亞舒尼，就純粹係為咗加強防空高度，守住 3-2 嘅勝果。
修正主義 vs 結構隱憂
換人後僅僅 2 分鐘，祖奧柏度就射入世界波追平，呢個時間點（59-61 分鐘）絕對係整場波嘅分水嶺。由混亂變做有秩序，就在於領隊一念之間。
要讚羅生夠清醒。好多領隊死要面，唔肯認自己排錯陣，死都要撐到 80 分鐘先換。但羅生展現咗極強嘅臨場閱讀能力，見到 Man-to-Man 唔 Work 就即刻改，呢種自我修正能力係今場反敗為勝嘅關鍵。
不過都要彈下個開局。用拿坡里嚟試陣，你無x嘢呀？如果唔係前場球員把握力夠高，加上山齊士最後神救，呢場波隨時因為個開局而輸得好難睇。贏波係好，但千祈唔好覺得個開局部署無問題。
總結：
雖然過程嚇到大家個心離一離，但足球始終睇結果。3：2 反勝，打破拿坡里由2024年12月以來嘅主場記錄，最重要係可以鎖定第 6 名直接殺入 16 強，唔使再去踢嗰兩場消耗體力嘅附加賽。對於傷兵滿營嘅車路士嚟講，能夠平平安安過渡，2 月份有得休息下，已經係最好嘅結局。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
不過，千祈唔好俾比數呃到，以為係一場由頭帶到尾嘅完勝。呢場波其實係一場由「自殺」到「自救」嘅過山車比賽。上半場個陣排到好似想送頭咁，好彩下半場四眼仔肯認錯修正，加上球員夠韌力，先至可以喺地獄主場全身而退。贏波過程驚險，但贏在對手把握力唔夠我哋班球員咁強，亦贏在羅生夠膽推翻自己嘅錯誤部署。
比賽簡述
成場波嘅劇本真係好似坐過山車咁，起伏大到嚇死人。
開波初段車路士其實入局入得幾好，19 分鐘就靠占士罰球射人牆博到手球，安素射入 12 碼領先，以為可以踢場穩陣嘅作客波。點知入完波之後成隊波好似斷咗片咁，俾拿玻里搶返個勢。對手 Vergara 一下轉身扭過科芬拿射入追平，之後海龍哥再接應傳中近門撞入，短短 10 分鐘內由領先變落後，防線俾人打到懷疑人生。
半場 1：2 落後，羅生終於意識到唔對路，半場休息即刻換入彭馬救亡，之後去到 60 分鐘再做多轉關鍵調動，換走古斯圖加強防守硬度。呢幾手調動即刻見效，祖奧柏度先係背身接應彭馬傳波控定轉身射入一球世界波追平，去到 82 分鐘再接應彭馬反擊妙傳，冷靜推射反超前 3：2。
去到補時階段仲有一幕驚心動魄，倒戈嘅盧卡古近門起腳，好彩山齊士反應快一手擋出，先至保得住呢場得來不易嘅勝仗，成功喺地獄主場帶走 3 分兼殺入 16 強。
戰術深潛
賽前部署：激進嘅 Man-to-Man 實驗
羅生今場嘅排陣可以用玩火嚟形容。佢擺出一個極具侵略性嘅 3-2-4-1 陣式，試圖以攻代守。防線由占士移入中路拍住科芬拿，古古打左中堅，而古斯圖就推到勁前做翼衛。
當中最特別嘅部署落咗喺山度士身上。為咗應對拿玻里前場五人組嘅攻力同企位，羅生安排山度士喺防守時要縮後半格，做偽中堅角色，希望佢可以隨時填補防線空位。
呢種近乎全場 Man-to-Man 嘅部署，原意係想利用人數優勢喺中前場窒息對手，但風險極高：後場結構長期處於變動狀態，兩條邊路（特別係古斯圖同尼圖身後）留低咗極大嘅空間，一旦前場第一浸逼搶失效，後防就會直接面對衝擊。
上半場崩盤嘅背後
事實證明，拿玻里雖然傷兵滿營，但干地始終係老狐狸，一眼就睇穿咗呢個陣式嘅弱點。
佢哋專登安排海龍哥喺中路釘死科芬拿，令科芬拿唔敢隨便補位；然後利用兩翼（Di Lorenzo 同 Olivera）瘋狂由外線切入攻擊古斯圖身後嘅Half-space空位。
上半場兩個失球都係咁樣嚟：第一球 Vergara 一個轉身就擺過咗科芬拿，第二球海龍爆過科芬拿搶點入波。雖然好多人會怪科芬拿單防能力差，俾人一扭就過，但公道講句，係戰術體系令佢長期處於孤立無援嘅 1v1 甚至 1v2 狀態。喺無保護之下，中堅再好波都死，我會話呢個係結構性嘅崩潰多過球員個人失誤。
數據亮點：反直覺嘅 xG 真相
睇直播嗰陣，覺得拿玻里氣勢如虹，好似隨時會再入多兩粒咁。但睇返數據，其實只係一場海軍鬥水兵嘅虛火戰。
全場拿玻里 xG 其實只得 0.98；而車路士雖然全場有 2.02 xG，但扣除安素嗰球高達 0.76 xG 嘅 12 碼，Open Play xG 亦只係得 1.26。
數據反映咗一個事實：雙方其實創造力都一般。拿玻里嘅入波主要係靠車路士結構性送禮，而我哋贏在祖奧柏度嘅把握力夠高。另外有一個數據好值得提，就係車路士全場做出 19 次解圍，對比拿玻里得 4 次，證明最後階段班球員真係用生命去防守，棄用控球權死守返嚟。
換人目的：回歸 4 後衛嘅穩定性
如果話上半場係戰術實驗失敗，咁下半場就係羅生展現修正能力嘅時刻。半場換入彭馬取代表現平平嘅尼圖，絕對係成場波嘅轉捩點。
彭馬一落場就展現出高人一等嘅球商，佢頻頻喺對手中場線同後衛線之間接應，令車路士嘅進攻由上半場嘅單調邊路突破，變成有層次、有穿透力嘅立體攻勢，球隊亦因此重奪比賽控制權。(但……同時要彈彭馬係直接攻門時無表現………呢D留返個人評價再講。)
最關鍵嘅一手棋出現喺 59 分鐘。羅生見勢色唔對，果斷換走古斯圖，由查路巴入替。呢個調動直接將陣式由自殺式嘅 3 後衛，變返做傳統穩陣嘅 4 後衛。
占士移返去佢最擅長嘅右閘位，專心封死對手左路嘅攻勢；查路巴就入中路拍科芬拿，增加禁區防空高度同人數。 效果可以話係立竿見影，防守結構即刻穩返晒，唔再出現上半場俾人任攻嘅畫面。由數據睇，下半場拿玻里嘅 xG 暴跌到得 0.21，證明只要切斷咗兩翼供應，回歸基本步就已經足夠，唔使畫蛇添足。
至於基頓斯入替山度士，就係想利用佢嘅速度同直接性去拉開拿玻里防線，為中路製造更多空間。最後時刻換入巴迪亞舒尼，就純粹係為咗加強防空高度，守住 3-2 嘅勝果。
修正主義 vs 結構隱憂
換人後僅僅 2 分鐘，祖奧柏度就射入世界波追平，呢個時間點（59-61 分鐘）絕對係整場波嘅分水嶺。由混亂變做有秩序，就在於領隊一念之間。
要讚羅生夠清醒。好多領隊死要面，唔肯認自己排錯陣，死都要撐到 80 分鐘先換。但羅生展現咗極強嘅臨場閱讀能力，見到 Man-to-Man 唔 Work 就即刻改，呢種自我修正能力係今場反敗為勝嘅關鍵。
不過都要彈下個開局。用拿坡里嚟試陣，你無x嘢呀？如果唔係前場球員把握力夠高，加上山齊士最後神救，呢場波隨時因為個開局而輸得好難睇。贏波係好，但千祈唔好覺得個開局部署無問題。
總結：
雖然過程嚇到大家個心離一離，但足球始終睇結果。3：2 反勝，打破拿坡里由2024年12月以來嘅主場記錄，最重要係可以鎖定第 6 名直接殺入 16 強，唔使再去踢嗰兩場消耗體力嘅附加賽。對於傷兵滿營嘅車路士嚟講，能夠平平安安過渡，2 月份有得休息下，已經係最好嘅結局。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊