艾斯迪華奧，二安。佢係我而家車仔陣中最愛嘅球員，無之一。大家睇咗佢一季，你對佢嘅印象係咩？
水土不服嘅南美妖人？燦爛笑容嘅巴西小朋友？大賽入波嘅超新星？定係容易受傷嘅男人？
無論係邊一樣，你睇到嘅，只係一個預告片。佢嘅第一季，有世界波，有傷患，有被埋沒嘅天賦，但就係無一個完整嘅答案。
呢篇文，一齊嚟回顧一下二安嘅英超之旅。
回帶：當初球探報告點睇佢？
二安正式加盟之前，我寫過一篇球探分析。嗰時我得出嘅結論係：天賦係真嘅，但能唔能夠適應英超更強更快嘅身體對抗，係最大嘅問號。【車迷觀點】備受青睞巴西妖人 淺談艾斯特禾韋利安
嗰陣我最擔心嘅兩件事：
一、佢嗰套Stop-motion dribbling，喺對手更大隻更強嘅英超環境，係咪仲Work？
二、形勢判斷唔夠快、失去球權過多，係咪會喺頂級聯賽俾人放大？
一季過後，兩個問題都有咗初步答案。
對住巴塞嗰場，佢果腳世界波，xG 只有 0.14，但佢射入咗：射門觸覺，係真實嘅。
同一場，佢輸咗全場最多嘅 10 次對抗，地面對抗成功率只得 25%：身體對抗嘅壓力，亦係堅過石堅。
兩樣嘢都預測中咗。但呢兩個「真實」同時存在，亦說明晒二安係一個極端矛盾嘅球員：佢可以係最低 xG 嘅角度射波入網，但佢喺英超嘅生存難題，同佢嘅天賦一樣真實。
今季實際交貨：交足貨，然後俾班黃綠玩爛
一季落嚟，二安各項賽事踢咗 36 場，交出 8 入球 4 助攻。以一個 18 歲第一次踢英超嘅南美幼幼嚟講，呢張成績表我會話係超額完成。
最精彩應該係主場對利物浦 95 分鐘遠柱嗰腳絕殺，再睇埋歐聯對阿積士頂住壓力射入十二碼。佢唔單止無水土不服，嗰招 Stop-motion 喺英超班黑又硬嘅後衛面前一樣過到，場均 3.09 次成功過人，完美證明佢有做戰術爆點嘅本錢。
但再精彩，都敵唔過傷患。
BlueCo 嗰班所謂嘅高層同醫療團隊，佢哋嘅負荷管理今季仍然係世界級災難。二安過嚟之前已經差唔多踢足全年巴甲，無縫銜接英超再加歐洲賽，根本就係將架超級跑車當泥頭車咁日操夜操。12月肌肉唔舒服？頂硬上。3月大腿後肌痛？繼續上。
結果呢？4 月對曼聯終於連條筋都斷埋。第四級Hamstring，半場喺更衣室喊到崩潰，直接收咧兼無緣世界盃。佢交足咗天才應有嘅功課，避得開英超後衛嘅收山腳，最後偏偏敗喺自己球會嘅摧殘之下。呢個就係今季最真實、亦最絕望嘅交貨結果。當然，後面話佢康復進度良好係一回事，但係錯失世界盃已經成定局，無得返轉頭。
數據與場上解讀：唔只係一味死衝嘅南美幼幼
好多人對南美翼鋒嘅刻板印象，都係盲頭烏蠅，腳下有波就死扭爛扭兼獨食。(雲尼你行開，無叫你。)
但數據同畫面都話俾我哋知，二安唔係。
進攻端上，佢全季每 90 分鐘交出 0.64 次直接參與入球（G+A）。更值得留意嘅係，佢嘅 npxG + xAG 加埋大約係 0.9。呢條數講明咗一樣嘢：佢唔係靠幾球神仙波去撐起張成績表，而係穩定地喺 Half-space 製造緊真實威脅。
講到佢最煞食嘅盤扭，場均 3.09 次成功過人。全季 31 次推進帶球（Progressive carries），17 次帶波入禁區。
呢啲數字背後嘅場上意義，係佢嘅盤扭極具戰術意圖。佢嘅 Stop-motion 唔係為咗拍片放上 Youtube變成球皇片，而係為咗突破第一道防線，逼使對方防線移動收縮，進一步釋放左邊線上落嘅疊瓦空間。面對英超中下游嘅大巴陣，佢往往就係撕裂防線嗰把尖刀。
不過，唯一令我跌眼鏡嘅，係佢喺歐聯嘅傳球成功率有 81%。唔係踩佢，係讚。
一個 18 歲嘅翼鋒爆破手，識得無球走位入楔，識得喺密集空間做 Switches of play。佢唔係一個淨係識得要波嘅球員，而係一個有戰術視角，識得閱讀比賽嘅現代化翼鋒。
天賦加埋個腦，呢個配搭本身係完美嘅。只可惜，佢個肉體暫時仲未跟得上佢個腦同英超嘅強度。
問題位：天賦掩蓋唔到嘅對抗劣勢與防守黑洞
前面講到佢進攻有幾咁交足貨，但優點有幾勁，弱點同樣有幾差。
先講身體對抗。全季對抗成功率只得 34.9%，爭頂更加係慘不忍睹嘅 17.6%。每場平均 Dispossessed 高達 2.13 次。
呢組數字說明咗一個現實：一旦對手唔理佢嘅假動作，直接用身位同速度埋身肉搏，二安係完全處於下風。佢嘅盤扭成功率其實只有 41.4%，證明佢喺被夾擊時好多時都係硬著頭皮死衝，然後甩波。
再講防守。現代翼鋒無得唔回防，但二安喺防守端，可以話係一個計時炸彈。
場均搶截只有 1.17 次，但被人扭過嘅次數同樣高達 1.17 次。即係對手一旦強攻車路士右路，二安基本上同雪糕筒無分別，佢回防一係截唔到，一係直接俾人過。佢在陣嘅時候，對手場均製造 1.10 個預期入球：喺英超同位翼鋒入面，係最差嗰批之一，用人話講，姐係佢嘅存在令對方更輕鬆更多進攻威脅。
防守意識差、落腳慢，令佢只能夠依賴超技術去阻止對手推進。場均 1.28 次犯規，換嚟每 90 分鐘高達 0.43 面黃牌。作為一個前線攻擊球員，食牌密度竟然拍得住防守球員。
右路變成防守缺口，搞到卡些度同右閘要瘋狂幫佢補位執屎。呢個生存難題，同佢嘅過人天賦一樣咁顯眼。
體系適配度：由如魚得水，到跑到斷筋
車路士最唔缺嘅就係換帥。今季我哋又經歷咗一次由控球變速攻嘅折騰，而二安就係呢場戰術動盪下最大嘅犧牲品。
上半季馬蛇年代，球隊主打 Positional Play。二安被安排做內切右路組織者，多數時間逗留喺 Half-space 攞波。呢個體系其實好啱佢。有隊友現位配合，佢可以用控球同傳送去控制節奏，將防守負荷同不必要嘅長途奔襲減到最低。嗰陣嘅佢，係有限嘅時間入面踢得最舒服，亦最少失誤。
但到咗一月，高層又身痕，手起刀落換上羅生。羅生套戰術要咩？要快，要直接，要無盡嘅快速攻守轉換。
結果，二安由一個陣地戰嘅右路大腦，變咗做一個要覆蓋全條邊線嘅工兵。戰術要求佢不斷做極限折返跑，進攻時往往被孤立喺外線，防守時又要硬住頭皮回追。
對於一個 18 歲、身體仲未適應英超對抗嘅南美幼幼嚟講，呢種體系唔係考驗，係摧殘。戰術大兜亂，加埋無止境嘅衝刺跑，直接將佢雙腳推向極限，最終換嚟四月份嗰次斷筋收咧。
體系適配？當一間球會嘅高層同領隊都唔知自己想點嗰陣，球員根本無得揀。
下季定位：放棄跑狗翼鋒，轉型保命大腦
經歷過第四級大腿後肌撕裂，有件事我覺得大家都要理解：下季初嘅二安，係一件需要嚴格保護嘅易碎品。
如果仲要佢場場正選踢足 90 分鐘右翼，上上落落做跑狗，呢個唔係信任，係謀殺。
右路嘅正選位，其實大可以交俾尼圖。講進攻爆破，尼圖未必夠二安咁致命，但尼圖可以提供穩定嘅防守覆蓋同身體對抗。粗重工夫，留返俾有對抗力嘅人去做。
咁二安點擺？答案係橫移一步，入佢中路。
其實季初已經睇得出，二安具備打中路嘅視野同傳送。將佢放喺 4-2-3-1 嘅 10 號位，或者 3-4-2-1 嘅雙十號位（如果沙比阿朗素真係接手的話），係目前最理智嘅做法。
將佢安置喺 Half-space，佢可以專心做串聯同致命一傳，大大減少喺邊線需要嘅極限長距離衝刺，同埋深度回防嘅次數。呢個唔單止係戰術考量，更係為咗保住佢條大腿後肌、減低二次受傷風險嘅保命方案。
喺佢副偈完全好返之前，做住最後 30 分鐘嘅超級後備，用佢招 Stop-motion 對付對手無晒氣嘅後衛，已經夠殺。
天賦再高，都要有命享。高層同新領隊如果仲想呢粒巴西寶石發光發亮，下季第一件事，唔該學識點樣保護佢。
今季表現：B+，天賦兌現咗，但肉體透支晒
18 歲，第一季踢英超，各項賽事 8 個入球 4 個助攻。大戰有Score，絕殺亦試過。以進攻產出同戰術作用嚟講，無可挑剔。扣分位係防守缺失同埋最後嘅重傷，但呢個賽季嘅動盪同負荷管理，錯不在佢。
球探報告講過嘅賣點，Stop-motion 同射門觸覺，佢完美咁帶晒落英超。甚至連傳球視野同閱讀比賽能力，都超出咗對一個南美幼幼嘅預期。當然，防守黑洞同對抗力弱嘅問題，亦都如實反映晒出嚟。天賦，無花無假。
技術值 SSR 級，但健康狀況同球會嘅醫療團隊只值 C。四級大腿後肌撕裂唔係小事，對翼鋒嘅爆發力係極大考驗，傳聞話佢好返好多，但世上無咁多奇蹟。下季新帥上場，體系又會變。一日未證明到可以健康踢足半季，佢依然只係一件隨時跌碎嘅玻璃工藝品。
呢一季嘅二安，將最高嘅天賦同最痛嘅現實，一次過擺晒喺大家眼前。希望下季，球會真係識得點樣珍惜佢。
========================================Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
水土不服嘅南美妖人？燦爛笑容嘅巴西小朋友？大賽入波嘅超新星？定係容易受傷嘅男人？
無論係邊一樣，你睇到嘅，只係一個預告片。佢嘅第一季，有世界波，有傷患，有被埋沒嘅天賦，但就係無一個完整嘅答案。
呢篇文，一齊嚟回顧一下二安嘅英超之旅。
回帶：當初球探報告點睇佢？
二安正式加盟之前，我寫過一篇球探分析。嗰時我得出嘅結論係：天賦係真嘅，但能唔能夠適應英超更強更快嘅身體對抗，係最大嘅問號。【車迷觀點】備受青睞巴西妖人 淺談艾斯特禾韋利安
嗰陣我最擔心嘅兩件事：
一、佢嗰套Stop-motion dribbling，喺對手更大隻更強嘅英超環境，係咪仲Work？
二、形勢判斷唔夠快、失去球權過多，係咪會喺頂級聯賽俾人放大？
一季過後，兩個問題都有咗初步答案。
對住巴塞嗰場，佢果腳世界波，xG 只有 0.14，但佢射入咗：射門觸覺，係真實嘅。
同一場，佢輸咗全場最多嘅 10 次對抗，地面對抗成功率只得 25%：身體對抗嘅壓力，亦係堅過石堅。
兩樣嘢都預測中咗。但呢兩個「真實」同時存在，亦說明晒二安係一個極端矛盾嘅球員：佢可以係最低 xG 嘅角度射波入網，但佢喺英超嘅生存難題，同佢嘅天賦一樣真實。
今季實際交貨：交足貨，然後俾班黃綠玩爛
一季落嚟，二安各項賽事踢咗 36 場，交出 8 入球 4 助攻。以一個 18 歲第一次踢英超嘅南美幼幼嚟講，呢張成績表我會話係超額完成。
最精彩應該係主場對利物浦 95 分鐘遠柱嗰腳絕殺，再睇埋歐聯對阿積士頂住壓力射入十二碼。佢唔單止無水土不服，嗰招 Stop-motion 喺英超班黑又硬嘅後衛面前一樣過到，場均 3.09 次成功過人，完美證明佢有做戰術爆點嘅本錢。
但再精彩，都敵唔過傷患。
BlueCo 嗰班所謂嘅高層同醫療團隊，佢哋嘅負荷管理今季仍然係世界級災難。二安過嚟之前已經差唔多踢足全年巴甲，無縫銜接英超再加歐洲賽，根本就係將架超級跑車當泥頭車咁日操夜操。12月肌肉唔舒服？頂硬上。3月大腿後肌痛？繼續上。
結果呢？4 月對曼聯終於連條筋都斷埋。第四級Hamstring，半場喺更衣室喊到崩潰，直接收咧兼無緣世界盃。佢交足咗天才應有嘅功課，避得開英超後衛嘅收山腳，最後偏偏敗喺自己球會嘅摧殘之下。呢個就係今季最真實、亦最絕望嘅交貨結果。當然，後面話佢康復進度良好係一回事，但係錯失世界盃已經成定局，無得返轉頭。
數據與場上解讀：唔只係一味死衝嘅南美幼幼
好多人對南美翼鋒嘅刻板印象，都係盲頭烏蠅，腳下有波就死扭爛扭兼獨食。(雲尼你行開，無叫你。)
但數據同畫面都話俾我哋知，二安唔係。
進攻端上，佢全季每 90 分鐘交出 0.64 次直接參與入球（G+A）。更值得留意嘅係，佢嘅 npxG + xAG 加埋大約係 0.9。呢條數講明咗一樣嘢：佢唔係靠幾球神仙波去撐起張成績表，而係穩定地喺 Half-space 製造緊真實威脅。
講到佢最煞食嘅盤扭，場均 3.09 次成功過人。全季 31 次推進帶球（Progressive carries），17 次帶波入禁區。
呢啲數字背後嘅場上意義，係佢嘅盤扭極具戰術意圖。佢嘅 Stop-motion 唔係為咗拍片放上 Youtube變成球皇片，而係為咗突破第一道防線，逼使對方防線移動收縮，進一步釋放左邊線上落嘅疊瓦空間。面對英超中下游嘅大巴陣，佢往往就係撕裂防線嗰把尖刀。
不過，唯一令我跌眼鏡嘅，係佢喺歐聯嘅傳球成功率有 81%。唔係踩佢，係讚。
一個 18 歲嘅翼鋒爆破手，識得無球走位入楔，識得喺密集空間做 Switches of play。佢唔係一個淨係識得要波嘅球員，而係一個有戰術視角，識得閱讀比賽嘅現代化翼鋒。
天賦加埋個腦，呢個配搭本身係完美嘅。只可惜，佢個肉體暫時仲未跟得上佢個腦同英超嘅強度。
問題位：天賦掩蓋唔到嘅對抗劣勢與防守黑洞
前面講到佢進攻有幾咁交足貨，但優點有幾勁，弱點同樣有幾差。
先講身體對抗。全季對抗成功率只得 34.9%，爭頂更加係慘不忍睹嘅 17.6%。每場平均 Dispossessed 高達 2.13 次。
呢組數字說明咗一個現實：一旦對手唔理佢嘅假動作，直接用身位同速度埋身肉搏，二安係完全處於下風。佢嘅盤扭成功率其實只有 41.4%，證明佢喺被夾擊時好多時都係硬著頭皮死衝，然後甩波。
再講防守。現代翼鋒無得唔回防，但二安喺防守端，可以話係一個計時炸彈。
場均搶截只有 1.17 次，但被人扭過嘅次數同樣高達 1.17 次。即係對手一旦強攻車路士右路，二安基本上同雪糕筒無分別，佢回防一係截唔到，一係直接俾人過。佢在陣嘅時候，對手場均製造 1.10 個預期入球：喺英超同位翼鋒入面，係最差嗰批之一，用人話講，姐係佢嘅存在令對方更輕鬆更多進攻威脅。
防守意識差、落腳慢，令佢只能夠依賴超技術去阻止對手推進。場均 1.28 次犯規，換嚟每 90 分鐘高達 0.43 面黃牌。作為一個前線攻擊球員，食牌密度竟然拍得住防守球員。
右路變成防守缺口，搞到卡些度同右閘要瘋狂幫佢補位執屎。呢個生存難題，同佢嘅過人天賦一樣咁顯眼。
體系適配度：由如魚得水，到跑到斷筋
車路士最唔缺嘅就係換帥。今季我哋又經歷咗一次由控球變速攻嘅折騰，而二安就係呢場戰術動盪下最大嘅犧牲品。
上半季馬蛇年代，球隊主打 Positional Play。二安被安排做內切右路組織者，多數時間逗留喺 Half-space 攞波。呢個體系其實好啱佢。有隊友現位配合，佢可以用控球同傳送去控制節奏，將防守負荷同不必要嘅長途奔襲減到最低。嗰陣嘅佢，係有限嘅時間入面踢得最舒服，亦最少失誤。
但到咗一月，高層又身痕，手起刀落換上羅生。羅生套戰術要咩？要快，要直接，要無盡嘅快速攻守轉換。
結果，二安由一個陣地戰嘅右路大腦，變咗做一個要覆蓋全條邊線嘅工兵。戰術要求佢不斷做極限折返跑，進攻時往往被孤立喺外線，防守時又要硬住頭皮回追。
對於一個 18 歲、身體仲未適應英超對抗嘅南美幼幼嚟講，呢種體系唔係考驗，係摧殘。戰術大兜亂，加埋無止境嘅衝刺跑，直接將佢雙腳推向極限，最終換嚟四月份嗰次斷筋收咧。
體系適配？當一間球會嘅高層同領隊都唔知自己想點嗰陣，球員根本無得揀。
下季定位：放棄跑狗翼鋒，轉型保命大腦
經歷過第四級大腿後肌撕裂，有件事我覺得大家都要理解：下季初嘅二安，係一件需要嚴格保護嘅易碎品。
如果仲要佢場場正選踢足 90 分鐘右翼，上上落落做跑狗，呢個唔係信任，係謀殺。
右路嘅正選位，其實大可以交俾尼圖。講進攻爆破，尼圖未必夠二安咁致命，但尼圖可以提供穩定嘅防守覆蓋同身體對抗。粗重工夫，留返俾有對抗力嘅人去做。
咁二安點擺？答案係橫移一步，入佢中路。
其實季初已經睇得出，二安具備打中路嘅視野同傳送。將佢放喺 4-2-3-1 嘅 10 號位，或者 3-4-2-1 嘅雙十號位（如果沙比阿朗素真係接手的話），係目前最理智嘅做法。
將佢安置喺 Half-space，佢可以專心做串聯同致命一傳，大大減少喺邊線需要嘅極限長距離衝刺，同埋深度回防嘅次數。呢個唔單止係戰術考量，更係為咗保住佢條大腿後肌、減低二次受傷風險嘅保命方案。
喺佢副偈完全好返之前，做住最後 30 分鐘嘅超級後備，用佢招 Stop-motion 對付對手無晒氣嘅後衛，已經夠殺。
天賦再高，都要有命享。高層同新領隊如果仲想呢粒巴西寶石發光發亮，下季第一件事，唔該學識點樣保護佢。
今季表現：B+，天賦兌現咗，但肉體透支晒
18 歲，第一季踢英超，各項賽事 8 個入球 4 個助攻。大戰有Score，絕殺亦試過。以進攻產出同戰術作用嚟講，無可挑剔。扣分位係防守缺失同埋最後嘅重傷，但呢個賽季嘅動盪同負荷管理，錯不在佢。
球探報告講過嘅賣點，Stop-motion 同射門觸覺，佢完美咁帶晒落英超。甚至連傳球視野同閱讀比賽能力，都超出咗對一個南美幼幼嘅預期。當然，防守黑洞同對抗力弱嘅問題，亦都如實反映晒出嚟。天賦，無花無假。
技術值 SSR 級，但健康狀況同球會嘅醫療團隊只值 C。四級大腿後肌撕裂唔係小事，對翼鋒嘅爆發力係極大考驗，傳聞話佢好返好多，但世上無咁多奇蹟。下季新帥上場，體系又會變。一日未證明到可以健康踢足半季，佢依然只係一件隨時跌碎嘅玻璃工藝品。
呢一季嘅二安，將最高嘅天賦同最痛嘅現實，一次過擺晒喺大家眼前。希望下季，球會真係識得點樣珍惜佢。
========================================Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊