到咗大家最期待嘅一篇。無錯，清算體育總監。
季初贏世冠盃嗰陣，我諗高層房入面班人，一定覺得自己同 NASA 繞月成功果時差唔多感覺：「We've Arrived」。特別係幾位體育總監 (Sporting Directors，下稱SD)，大概已經幻想緊自己會名留青史。
可惜嘅係，阿提米斯二號成功返航，而 25/26 嘅車路士喺進入大氣層時機毀人亡。自 2 月以嚟，車路士喺英超狀態榜排第幾？包尾。
你無聽錯，係實實在在嘅包尾，同期攞嘅分數，甚至仲少過降班區嘅熱刺。
由天堂直插地獄，從來都唔係一朝一夕嘅事。球員喺場上好似走失兒童咁。但面對今日呢個爛攤子，如果淨係識得鬧落場果 11 條友，又未免太唔公道。咁對準Blue Co嘅老闆？又好似隔靴搔癢咁。
呢篇算係嚟追究責任，冤有頭債有主，我哋嚟將鏡頭對準溫斯坦利（Winstanley）同史超活（Stewart）呢兩位體育總監（SD）。
車路士今季嘅崩盤，唔係單純球員狀態差，而係呢兩位總監過去一年連串建軍與管理嘅判斷錯誤，最終累積爆發嘅必然惡果。
原罪一：體系大過天嘅傲慢，當領隊係隨插即用 USB
本來馬蛇千辛萬苦，將班細路教到變成一隊有戰鬥力嘅球隊，攞埋個世冠盃。但喺 Winstanley 同 Stewart 兩位 SD 眼中，佢哋睇到嘅唔係馬蛇有料，而係：「我哋個 U25 數據庫同建軍 Model 真係超 Work！條 Formula 係無敵嘅！」
就係呢種體系大過天嘅錯覺，令佢哋極度心雄，甚至將馬蛇帶起班小朋友嘅功勞，全部歸功落自己個架構度。
所以當除夕夜馬蛇離隊（背後原因之前寫過，唔喺度 Loop），正常高層點都會擔心更衣室會散。但兩位 SD 嘅態度係點？喺佢哋心目中，領隊真係只係一個Head Coach。「你要走？無問題，我哋套系統咁完美，Head Coach 只係一件零件，是但搵個數據 Match 嘅插落去，部機一樣識自己 Run。」
於是，佢哋走去搵係史堡教得好順，但毫無英超實戰經驗嘅羅生過嚟接火棒。老老竇竇，你叫我點樣去怪羅生？你將一個未經歷過英超高壓洗禮嘅教練，掟入英超呢個煉妖壺入面，同叫羅生去死差唔多意思。
結果，睇返數據。自從 2 月以嚟，車路士喺英超只係贏過兩場波。而呢兩場嘅對手，係已經降班嘅狼隊，同埋不幸嘅阿士東維拉。
足球從來都唔係玩 Football Manager。SD 以為戰術板畫得靚、Excel 啲數據 Fit，換個教練隊波就自動識贏。但有睇波嘅都睇得出，落場班細路根本未 Move on，失去咗馬蛇呢個壓得住陣、令佢哋信服嘅領隊，成隊波即刻變返一盤散沙。
將更衣室嘅人性同領隊嘅手腕當係草，過份迷信冷冰冰嘅體系，呢種極致嘅傲慢，就係佢哋親手摧毀半季心血嘅第一宗罪。
原罪二：走火入魔嘅幼幼政策
如果話當領隊係 USB 係傲慢，咁佢哋對 U25 政策嘅走火入魔，就係固執。
兩位 SD 買人嘅 Pattern 大家有目共睹：潛力、後生、超長約。佢哋將個陣容當成股票咁砌，以為買盡全歐洲嘅天賦，就自然會升值。
順風波嗰陣，例如世冠盃，加埋個有料教頭，班後生仔的確可以踢到曉飛。但逆風呢？
今季英超我哋足足輸咗 13 場波。13 場。呢個敗仗數字，仲多過兩支升班馬列斯聯同埋新特蘭。一支掟咗幾億鎊增兵嘅「豪門」，輸得多過升班馬，荒謬到極點。
當球隊落後、當戰術行唔通，隊中完全無老鬼會喺中圈大聲屌醒班隊友，無一個經驗老到嘅定海神針識得帶起返個節奏。一班廿歲出頭嘅細路，平時的確天才橫溢，但一遇到危機，就集體變晒做等阿媽接放學嘅迷失兒童，你眼望我眼，等運到，差在未喊出聲咁解。
車路士現時極度需要一兩個有 Character 嘅領袖，去教班細路點樣喺英超呢個泥漿摔角度生存。但係喺 Winstanley 同 Stewart 嘅 Excel 表入面，呢類超過 25 歲、無「未來轉售價值」嘅球員，係絕對唔合格嘅負資產。
或者，要買U25幫球隊增值係高層嘅意思，但係SD無因時制宜、講清楚老鬼嘅用處，亦無做好平衡搞到走火入魔，呢個就係佢哋嘅第二宗罪。
原罪三：將球員當資產、無視死敵底線，同球隊間嘅嚴重文化斷層
如果你話上面兩點係建軍能力嘅問題，咁第三點就係文化斷層。喺 Winstanley 同 Stewart 眼中，車路士似乎唔係一間有血有肉有歷史嘅球會，而係一個純粹嘅資產組合。
最明顯嘅例子，就係由佢哋手握大權、但最終系統性失敗嘅醫療同負荷管理部門。
之前講馬蛇除夕夜劈炮，除咗因為買人分歧，其中一個最致命嘅導火線，就係消息指 SD 要求空降醫療部門嘅人落去教練團，要求睇住馬蛇每一場嘅換人情況。因為喺 SD 嘅諗法入面，球員係資產而唔係人，佢哋傷會仆街過輸波。但結果係，而家又傷又輸波，恭喜恭喜。
醫療咁離地，佢哋做人更加係無公關。
球隊狀態差，火燒後欄、球迷嘈到拆天嘅 Timing，SD 喺主場鋪紅地毯，請熱刺教練迪沙比入 VVIP 房，兩位總監仲要喺鏡頭前同佢有傾有講、笑騎騎。
佢哋根本唔明車路士同熱刺有咩牙齒印有咩血海深仇，完全無視球迷嘅底線同情感。將 Rival 教練當成 LinkedIn Networking 嘅客仔，將球員落場搏命當成資產減值嘅止損操作。呢種同球會歷史、球迷溫度完全割裂嘅文化斷層，就係佢哋嘅第三宗罪。
結語：坐埋同一隻船，體育總監嘅雙重背叛
成個球季，我成日都用「忒修斯之船」去諗車路士。但最諷刺嘅係，去到季尾爛攤子瀨到一地都係嘅時候，其實球迷同 BlueCo，由頭到尾都係坐緊喺同一隻船上面。
冷靜啲諗下：球隊輸波、排榜尾，球迷固然傷心憤怒，但 BlueCo 呢？落場班天價幼幼身價大跌，球會品牌受損，商業贊助危危乎。喺呢場災難入面，完全無任何一方係贏家，大家都攬炒咗。
正因為大家利害一致，Winstanley 同 Stewart 嘅失敗，先至係一種雙重嘅不可原諒。佢哋口口聲聲話係幫 BlueCo 執行宏圖大計、保護資產，但因為連串傲慢同脫離現實嘅錯判，佢哋唔單止辜負咗買飛入場嘅球迷，更加係親手燒緊自己老細副身家。
老闆掟咗幾十億出嚟，絕對唔會係想隊波死。馬蛇都證明咗件事Work，所以問題從來唔出喺目標，而出喺執行果班人身上。成件事我可以用一句講晒：
「佢哋唔係唔想贏，係根本唔識點樣贏。」
而呢個唔識，絕對係 SD 執行層面嘅傲慢同無能，而唔係 BlueCo 想球會可持續發展嘅原罪。既然大家都唔想架船沉，咁出路喺邊？老細係時候醒水，睇清楚究竟係邊個敗緊你啲資產、輸緊你嘅身家。
今個夏天，建軍策略要更加望向現實。放低對 U25 潛力嘅偏執，買返一兩個好似施華大哥嗰種，有經驗、有 Character、可以喺更衣室拍枱屌醒班細路嘅老鬼返嚟。
第一步已經做咗，就係搵咗個敢同兩位總監講「I'm in charge」嘅強勢領隊：沙比嚟做Manager而唔係Head Coach，而挽救車路士，第二步就係要由整頓總監嘅過大權力開始。如果下季仲係由得佢哋喺冷氣房入面篤住 Excel 玩 Football Manager，我敢講一句，下下季搵定點睇英冠轉播啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
季初贏世冠盃嗰陣，我諗高層房入面班人，一定覺得自己同 NASA 繞月成功果時差唔多感覺：「We've Arrived」。特別係幾位體育總監 (Sporting Directors，下稱SD)，大概已經幻想緊自己會名留青史。
可惜嘅係，阿提米斯二號成功返航，而 25/26 嘅車路士喺進入大氣層時機毀人亡。自 2 月以嚟，車路士喺英超狀態榜排第幾？包尾。
你無聽錯，係實實在在嘅包尾，同期攞嘅分數，甚至仲少過降班區嘅熱刺。
由天堂直插地獄，從來都唔係一朝一夕嘅事。球員喺場上好似走失兒童咁。但面對今日呢個爛攤子，如果淨係識得鬧落場果 11 條友，又未免太唔公道。咁對準Blue Co嘅老闆？又好似隔靴搔癢咁。
呢篇算係嚟追究責任，冤有頭債有主，我哋嚟將鏡頭對準溫斯坦利（Winstanley）同史超活（Stewart）呢兩位體育總監（SD）。
車路士今季嘅崩盤，唔係單純球員狀態差，而係呢兩位總監過去一年連串建軍與管理嘅判斷錯誤，最終累積爆發嘅必然惡果。
原罪一：體系大過天嘅傲慢，當領隊係隨插即用 USB
本來馬蛇千辛萬苦，將班細路教到變成一隊有戰鬥力嘅球隊，攞埋個世冠盃。但喺 Winstanley 同 Stewart 兩位 SD 眼中，佢哋睇到嘅唔係馬蛇有料，而係：「我哋個 U25 數據庫同建軍 Model 真係超 Work！條 Formula 係無敵嘅！」
就係呢種體系大過天嘅錯覺，令佢哋極度心雄，甚至將馬蛇帶起班小朋友嘅功勞，全部歸功落自己個架構度。
所以當除夕夜馬蛇離隊（背後原因之前寫過，唔喺度 Loop），正常高層點都會擔心更衣室會散。但兩位 SD 嘅態度係點？喺佢哋心目中，領隊真係只係一個Head Coach。「你要走？無問題，我哋套系統咁完美，Head Coach 只係一件零件，是但搵個數據 Match 嘅插落去，部機一樣識自己 Run。」
於是，佢哋走去搵係史堡教得好順，但毫無英超實戰經驗嘅羅生過嚟接火棒。老老竇竇，你叫我點樣去怪羅生？你將一個未經歷過英超高壓洗禮嘅教練，掟入英超呢個煉妖壺入面，同叫羅生去死差唔多意思。
結果，睇返數據。自從 2 月以嚟，車路士喺英超只係贏過兩場波。而呢兩場嘅對手，係已經降班嘅狼隊，同埋不幸嘅阿士東維拉。
足球從來都唔係玩 Football Manager。SD 以為戰術板畫得靚、Excel 啲數據 Fit，換個教練隊波就自動識贏。但有睇波嘅都睇得出，落場班細路根本未 Move on，失去咗馬蛇呢個壓得住陣、令佢哋信服嘅領隊，成隊波即刻變返一盤散沙。
將更衣室嘅人性同領隊嘅手腕當係草，過份迷信冷冰冰嘅體系，呢種極致嘅傲慢，就係佢哋親手摧毀半季心血嘅第一宗罪。
原罪二：走火入魔嘅幼幼政策
如果話當領隊係 USB 係傲慢，咁佢哋對 U25 政策嘅走火入魔，就係固執。
兩位 SD 買人嘅 Pattern 大家有目共睹：潛力、後生、超長約。佢哋將個陣容當成股票咁砌，以為買盡全歐洲嘅天賦，就自然會升值。
順風波嗰陣，例如世冠盃，加埋個有料教頭，班後生仔的確可以踢到曉飛。但逆風呢？
今季英超我哋足足輸咗 13 場波。13 場。呢個敗仗數字，仲多過兩支升班馬列斯聯同埋新特蘭。一支掟咗幾億鎊增兵嘅「豪門」，輸得多過升班馬，荒謬到極點。
當球隊落後、當戰術行唔通，隊中完全無老鬼會喺中圈大聲屌醒班隊友，無一個經驗老到嘅定海神針識得帶起返個節奏。一班廿歲出頭嘅細路，平時的確天才橫溢，但一遇到危機，就集體變晒做等阿媽接放學嘅迷失兒童，你眼望我眼，等運到，差在未喊出聲咁解。
車路士現時極度需要一兩個有 Character 嘅領袖，去教班細路點樣喺英超呢個泥漿摔角度生存。但係喺 Winstanley 同 Stewart 嘅 Excel 表入面，呢類超過 25 歲、無「未來轉售價值」嘅球員，係絕對唔合格嘅負資產。
或者，要買U25幫球隊增值係高層嘅意思，但係SD無因時制宜、講清楚老鬼嘅用處，亦無做好平衡搞到走火入魔，呢個就係佢哋嘅第二宗罪。
原罪三：將球員當資產、無視死敵底線，同球隊間嘅嚴重文化斷層
如果你話上面兩點係建軍能力嘅問題，咁第三點就係文化斷層。喺 Winstanley 同 Stewart 眼中，車路士似乎唔係一間有血有肉有歷史嘅球會，而係一個純粹嘅資產組合。
最明顯嘅例子，就係由佢哋手握大權、但最終系統性失敗嘅醫療同負荷管理部門。
之前講馬蛇除夕夜劈炮，除咗因為買人分歧，其中一個最致命嘅導火線，就係消息指 SD 要求空降醫療部門嘅人落去教練團，要求睇住馬蛇每一場嘅換人情況。因為喺 SD 嘅諗法入面，球員係資產而唔係人，佢哋傷會仆街過輸波。但結果係，而家又傷又輸波，恭喜恭喜。
醫療咁離地，佢哋做人更加係無公關。
球隊狀態差，火燒後欄、球迷嘈到拆天嘅 Timing，SD 喺主場鋪紅地毯，請熱刺教練迪沙比入 VVIP 房，兩位總監仲要喺鏡頭前同佢有傾有講、笑騎騎。
佢哋根本唔明車路士同熱刺有咩牙齒印有咩血海深仇，完全無視球迷嘅底線同情感。將 Rival 教練當成 LinkedIn Networking 嘅客仔，將球員落場搏命當成資產減值嘅止損操作。呢種同球會歷史、球迷溫度完全割裂嘅文化斷層，就係佢哋嘅第三宗罪。
結語：坐埋同一隻船，體育總監嘅雙重背叛
成個球季，我成日都用「忒修斯之船」去諗車路士。但最諷刺嘅係，去到季尾爛攤子瀨到一地都係嘅時候，其實球迷同 BlueCo，由頭到尾都係坐緊喺同一隻船上面。
冷靜啲諗下：球隊輸波、排榜尾，球迷固然傷心憤怒，但 BlueCo 呢？落場班天價幼幼身價大跌，球會品牌受損，商業贊助危危乎。喺呢場災難入面，完全無任何一方係贏家，大家都攬炒咗。
正因為大家利害一致，Winstanley 同 Stewart 嘅失敗，先至係一種雙重嘅不可原諒。佢哋口口聲聲話係幫 BlueCo 執行宏圖大計、保護資產，但因為連串傲慢同脫離現實嘅錯判，佢哋唔單止辜負咗買飛入場嘅球迷，更加係親手燒緊自己老細副身家。
老闆掟咗幾十億出嚟，絕對唔會係想隊波死。馬蛇都證明咗件事Work，所以問題從來唔出喺目標，而出喺執行果班人身上。成件事我可以用一句講晒：
「佢哋唔係唔想贏，係根本唔識點樣贏。」
而呢個唔識，絕對係 SD 執行層面嘅傲慢同無能，而唔係 BlueCo 想球會可持續發展嘅原罪。既然大家都唔想架船沉，咁出路喺邊？老細係時候醒水，睇清楚究竟係邊個敗緊你啲資產、輸緊你嘅身家。
今個夏天，建軍策略要更加望向現實。放低對 U25 潛力嘅偏執，買返一兩個好似施華大哥嗰種，有經驗、有 Character、可以喺更衣室拍枱屌醒班細路嘅老鬼返嚟。
第一步已經做咗，就係搵咗個敢同兩位總監講「I'm in charge」嘅強勢領隊：沙比嚟做Manager而唔係Head Coach，而挽救車路士，第二步就係要由整頓總監嘅過大權力開始。如果下季仲係由得佢哋喺冷氣房入面篤住 Excel 玩 Football Manager，我敢講一句，下下季搵定點睇英冠轉播啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊