我們的香港隊長 - 陳偉豪 (1)

講足港足 於 01/11/2015 發表 收藏文章
香港人既隊長,陳偉豪。大家對佢的應識有幾深?除左係球場上既佢之外,大家可能對依位隊長認識唔太多。等小編係到為大家介紹一下陳偉豪比大家認識啦!

陳偉豪於1982年4月24日出生,正正式式香港人。身高184,即係有6呎。標準高登仔既身高。體重大約74到76KG咁上下,165磅咁上下(近排見佢大隻左,可能重左。)各位靚女們就唔駛諗架啦,偉豪已經結左婚架啦,仲已經有一個仔仔,而且太太仲岩岩懷左第二胎,即係已經有兩個小朋友啦。仔仔陳景堯仲好得意好靚仔好得人鐘意添!


  • 陳偉豪球員生涯簡介

陳偉豪出道前一直係體院讀書,直到1998年,佢老豆帶左佢去流浪試腳,就係咁,成功地簽下職業學徒球員合約,加盟流浪。其後一季,即1999年,轉會到二合,正式簽下職業球員合約,正式出道。
2001年球季,因東聯二合宣布退出甲組賽事,偉豪決定回流流浪。而係2004年,佢係流浪效力時有段小插曲,就係同其餘5名流浪球員參與集體打鬥事件,佢因此被重罰停賽12場,令其足球生涯蒙上左一個污點,而且事後,他被流浪罰款兩月薪酬。(但其實唔係第一次出事,第一次係2000年個陣,參加全國運動會期間因事為隊友抱不平同總教練爭執,最終被從上海驅逐返回香港,及後亦被球會問責。)
2007年球季,以破香港球員轉會費記錄,加盟南華,正式上山。當時佢既轉會費係港幣40萬。(無錯,只係港幣40萬,你話係香港踢波要幾有決心同幾有熱誠先可以堅持落去)當年既主席羅生話,偉豪係本地華人球員最好既中堅,絕對物超所值。
2010年,偉豪再度回流流浪。並且係香港置業西貢匡湖居分行兼職地產經紀,為將來生活打算。(香港好多球員退休後真係生活好潦倒,而現今最新提供既保障係揸巴士)
2011年,第二度上山至今。



  • 為何陳偉豪會穿上15號球衣?

好多人只係知道陳偉豪著15號,但點解就未必知。(佢以前係流浪同港隊都唔係著15號架)偉豪係轉會南華後先著上的15號球衣。2003年因車禍不幸逝世既前流浪隊長張耀麟,佢既球衣號碼就係15號,而偉豪為紀念遇車禍身亡的隊友張耀麟,即由加盟南華開始,著上15號球衣,包括香港隊代表隊球衣。

  • 待續

留言


請按此登錄後留言。未成為會員? 立即註冊
  • Stevengngng 於 01/11/2015 評論 NO. 1

    咩叫正正式式香港人?

  • joesiu 於 02/11/2015 評論 NO. 2

    唔係國援入籍囉

快捷鍵:←
快捷鍵:→