「2013-14香港足球總會RedMR紅人派對香港甲組足球聯賽」正式開鑼 - 港甲我跟!! - 各隊宣傳海報(1)

足總360 於 30/08/2013 發表 收藏文章
「2013-14香港足球總會RedMR紅人派對香港甲組足球聯賽」正式開鑼!!
以前出街打機,見到有人打緊你想打部機,就會走過去放低1蚊,然後話"我跟"~
以前落街踢波,仲會等幾個隊友到球場,然後叫"跟隊!"~

為宣傳今屆賽事,足總都希望球迷可以揀你地鍾意個隊波,,然後大嗌"我跟"~


港甲我跟,你跟邊隊?

南華嘅偉豪貴為上屆最受球迷歡迎嘅球員,球場內外都好有感染力,你會唔會跟佢?

傑志嘅黃洋上年憑著優秀同穩定嘅表現成為香港足球先生,唔知佢今年可唔可以為自己,傑志,甚至係香港,帶來更多榮譽?

屯門嘅葉子俊上季已經成為球隊嘅主力,而係李海強及不少上季嘅外援相繼離隊下,相信子俊將會係球隊扮演更重要嘅角色!

皇室南區嘅魯賓上季係南區後防嘅重要球員,除左防守了得,後上以頭鎚入球亦有唔少斬獲,睇下今季可唔可以繼續為皇室南區帶來驚喜!

太陽飛馬嘅麥基作為上季嘅神射手,今季定必繼續以速度深入對方敵陣,而且佢每次落場必定搏盡,只要加強把握力,絕對有機會打破上季入16球嘅紀錄!

標準流浪嘅梁興傑上季左飛右撲,為標準流浪救左唔少險球,只要累積更多比賽經驗,今季表現一定可以更成熟更穩定!

港甲我跟,你跟邊隊?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→