利記球員頂唔頂得順？施曼尤：伊拉奧拿訓練好難頂 精選

史諾（Arne Slot）剛剛被炒，利物浦一旦真係搵伊拉奧拿（Andoni Iraola）執教，球迷最應該關心嘅，未必只係戰術板上點樣逼搶、點樣轉守為攻，而係球員身體上到底頂唔頂得順。施曼尤（Antoine Semenyo）談到自己喺般尼茅夫跟隨伊拉奧拿時嘅經歷，對習慣了史諾「養生波」的紅軍球員來說，可能是一顆震撼彈。

因為呢位西班牙教頭嘅訓練量，同一般英超球員習慣嘅節奏，唔係同一個級數。

施曼尤回憶伊拉奧拿初到般尼茅夫時指：「起初我並沒有察覺。當他上任時，他有自己的一套打法，而且他安排每週訓練的方式對我們來說非常新鮮。我們幾乎沒有休息日，因此對一支球隊來說，要從原本每週三和週日休息，轉變為完全沒有休息日，實在非常困難。」
「我們週六比賽，週日訓練，而正選十一名球員還得在訓練的前30到40分鐘上場。你撐不住了，雙腿已經不聽使喚。你在進行控球練習，四處奔跑時心想：『天啊！』」

「起初的情況截然不同。戰績不盡人意，球迷們都在說他該被解僱。我認為我們在主場擊敗般尼後，一切都變了。大家逐漸適應了這個體系，從那時起情況就一路向上。」


伊拉奧拿為球隊帶來嘅唔只係「辛苦」，而係對球隊文化嘅要求。佢唔係單純加操，而係想由根本上重塑球員一星期嘅生活模式、恢復節奏同心理預期。施曼尤亦提到，開頭成績未見起色，球迷甚至叫過炒人，但當球隊慢慢適應咗呢套方式之後，表現就開始改善，意味住伊拉奧拿嗰套高強度管理，唔係即食，但一旦捱過適應期，回報可能相當可觀。

高強度背後嘅訊號

不過，利物浦唔係般尼茅夫。般尼茅夫喺伊拉奧拿麾下，賽程壓力同多線作戰程度，無法同利物浦相比；伊拉奧拿過去喺般尼茅夫毋須長期處理歐洲賽事節奏，但利物浦下季會重返歐聯，周中周末連續作戰幾乎係常態，所以佢如果真係接手，訓練強度勢必要作出調整。
利記球員頂唔頂得順？

以利物浦更衣室傳統嚟講，紅軍係高普時都接受開高要求文化，無論係高位逼搶、無球跑動，定係對比賽強度嘅執着，本身都唔陌生。所以「辛苦訓練」本身未必會嚇窒班球員；但伊拉奧拿嗰種連休息日概念都大幅壓縮嘅做法，去到一支每季都要衝擊聯賽、盃賽同歐戰嘅球隊時，仲可唔可以原汁原味搬過去，呢個先係真正關鍵。