《世界杯時裝大戰》 精選

世界杯終於開波，望穿秋水，卻只得一場揭幕戰睇，成日流流長，不如睇下靚仔吧。足球員大部分都高大有型兼備Model身型，穿起西裝來寧舍醒神。講着衫，意大利贏梗是常識，不如看看有邊幾隊，可以同意大利型男一較高下？
意大利的D&G三件頭西裝，個個有型到呢……

型到跌渣的保方

就連平時神神化化的巴神，穿起球隊西裝都人模人樣。


挑戰者一號：英格蘭
原本，英格蘭都有機會的，繼續是馬莎贊助，設計稍有不及，但特別由CQ攝影機操刀，都幾睇得。

點知，公布大軍名單後，正式影隊相時，西裝及領帶顏色都轉了，成班變晒土豪阿叔，難怪隊長、副隊長等個個在前排黑口黑面。

睇表情就知套衫出事

挑戰者二號：阿根廷
也有拉丁味道的阿根廷，球隊西裝設計不錯。

個個笑容滿面，親切感搭夠。

挑戰者三號：德國
Hugo Boss襯日耳曼型男，絕配！

雖然羊毛外套有點學生哥Feel，但同紅色喼襯到絕，加分！

挑戰者四號：西班牙
西班牙型男不少，可惜球隊西裝設計一般。

穿在沙治奧拉莫斯身上，一樣似模似樣。

挑戰者五號：澳洲
澳洲是第一支抵達巴西的國家隊，雖然較少受人注視，但他們的球隊西裝卻出乎意料地有水準。

每位球員均配上澳洲隊打氣頸巾，與隊服出奇地夾

其他挑戰者：

烏拉圭
烏拉圭大軍抵步，全世界焦點集中在阿蘇身上。西裝挺合身，但背包讓他看來像學生。
日本
格仔西裝實在蝦人着

南韓
已經不在時裝的討論範圍，但實在係團結又整齊……