今個禮拜日深夜12:30就係曼市打吡。首循環曼城上半場已經入兩球，下半場曼城收油，以避免球員受傷為大前提下，HEA住踢唔駛換人輕鬆猜完場既畫面歷歷在目。今場連般奴費南迪斯都話要不惜一切都要贏今場波，就知上場輸得幾慘不忍睹。有鬥志係好，但你憑咩贏人？究竟要點踢先贏到人？人腳狀態不及對手，就唯有靠戰術。曼城前一場對熱刺，上一場對愛華頓，兩隊既對手都用左不同既防守模式，又睇下蘭sir會揀邊一種又還是自己再諗一種出黎守！
1）熱刺 - 超低位防守
干地先選擇用5-4-1為防守陣式，5人防線基本上係企係禁區線黎防守，4人中場線企係自己三閘線同禁區線中間，前鋒哈利簡尼都要落到三閘線黎幫手遮線。目的係壓縮後場空間，5人防線相互企位緊密，大約十至十五碼。除左賓坦古亞會睇情況離開崗位幫哈利簡尼壓迫一下對方持球中堅外，4人中場線會先集中中路。逼你個波先俾向二閘，再由翼鋒球員埋去遮線。
下圖示熱刺企位情況
整隊人一齊向強邊移。弱邊翼衛球員亦會跟隨整隊移近強邊位置至中線附近，放棄弱邊曼城翼鋒球員。本身成隊已經踢得後，加上全隊一齊去同一邊收縮，曼城非常難係咁少空間去打穿熱刺防守。熱刺二閘既薜斯隆同艾馬臣具備速度同一定既單防能力，曼城既兩翼要突破去創造空間亦非常困難。呢個防守模式雖然可以將球場可進攻既空間減到最少，但亦變左會長期被曼城圍攻。因為簡尼企得太後，令到曼城中堅可放心壓上。解圍既波只要佢停唔到，就等於曼城可以拎番個波再黎過。反擊效果亦會變差，兩翼係防守都要協防到咁深，搶到波由守轉攻，就要跑一段半馬先可以到對方禁區再完成攻門，對體能同速度都有極高要求。值得留意既係，熱刺場波贏並不是靠生波既反擊，而係靠係後場組織破前場逼搶再去取得入球。
2）愛華頓 - 中低位式防守
林伯特就選擇用4-5-1為防守陣式，佢選擇將防線推至三閘線，中場線盡量企番係中場線後十碼到，前鋒既李察利遜就係中場線開始施壓。佢個中場線並唔似干地一字排開，兩翼個企位會推前半格，唔會拉開到最闊，而係選擇企係對方中堅同對方既邊中場既線路。因曼城既中前場球員善於搵線與線之間既空位拎波轉身，咁樣做可以先防止對方中堅可以透過直線打穿中場線同後防線，逼到對方後場先去二閘位，愛記兩翼先再出去逼。二閘一回傳俾中堅，愛記兩翼就先番崗位重建陣形先。林伯最有心思既一著係三中場既安排。知道曼城既假九前鋒會現身中路，亞倫甚少離開中間。迪布尼或科頓走左入half-space位置，雲迪碧克或杜哥尼就會離開自己既位置，移後到較深既位置先作釘人防守，佢移後既空間則由翼鋒內收適當距離去補位。
下圖示愛華頓企位情況
當防線被壓至禁區線，曼城回傳或者愛華頓球員大腳解圍，就會立刻推前防線嘗試到番三閘線再開始防守，盡量推曼城球員遠離禁區。好處係反擊時可投入進攻既人數增加，體能消耗冇咁大，畢竟跑動距離冇咁遠。壞處就當然係一反擊失敗，中後場容易失去聯繫，而防守線推得前，後面會多左空位俾曼城前場球員打身後波，亦多左空間俾曼城翼鋒球員作個人突破。
我個人覺得中低位防守會較適合曼聯。首先，我唔信C朗會先打後備，所以如要佢做簡尼既工作，只會加快佢腳軟。如踢超低位防守，要面對被圍攻既情況下係冇條件犯錯，而呢季曼聯後防球員犯錯既次數多不勝數，冇信心可以頂得住。曼聯除左面子要贏之外，呢三分對爭奪前四係極其重要，贏到仲可以打到支強心針去預備下幾場對車仔對利記等強隊。
兩種部署明顯不同，各有好處壞處，唔知曼迷又覺得今場點踢好呢！還是黎個前場瘋狂逼搶？呢個我覺得會死得好轟烈，對我黎講唔會係一個選擇。禮拜日12:30，約定你一齊睇下蘭sir點部署！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
1）熱刺 - 超低位防守
干地先選擇用5-4-1為防守陣式，5人防線基本上係企係禁區線黎防守，4人中場線企係自己三閘線同禁區線中間，前鋒哈利簡尼都要落到三閘線黎幫手遮線。目的係壓縮後場空間，5人防線相互企位緊密，大約十至十五碼。除左賓坦古亞會睇情況離開崗位幫哈利簡尼壓迫一下對方持球中堅外，4人中場線會先集中中路。逼你個波先俾向二閘，再由翼鋒球員埋去遮線。
下圖示熱刺企位情況
整隊人一齊向強邊移。弱邊翼衛球員亦會跟隨整隊移近強邊位置至中線附近，放棄弱邊曼城翼鋒球員。本身成隊已經踢得後，加上全隊一齊去同一邊收縮，曼城非常難係咁少空間去打穿熱刺防守。熱刺二閘既薜斯隆同艾馬臣具備速度同一定既單防能力，曼城既兩翼要突破去創造空間亦非常困難。呢個防守模式雖然可以將球場可進攻既空間減到最少，但亦變左會長期被曼城圍攻。因為簡尼企得太後，令到曼城中堅可放心壓上。解圍既波只要佢停唔到，就等於曼城可以拎番個波再黎過。反擊效果亦會變差，兩翼係防守都要協防到咁深，搶到波由守轉攻，就要跑一段半馬先可以到對方禁區再完成攻門，對體能同速度都有極高要求。值得留意既係，熱刺場波贏並不是靠生波既反擊，而係靠係後場組織破前場逼搶再去取得入球。
2）愛華頓 - 中低位式防守
林伯特就選擇用4-5-1為防守陣式，佢選擇將防線推至三閘線，中場線盡量企番係中場線後十碼到，前鋒既李察利遜就係中場線開始施壓。佢個中場線並唔似干地一字排開，兩翼個企位會推前半格，唔會拉開到最闊，而係選擇企係對方中堅同對方既邊中場既線路。因曼城既中前場球員善於搵線與線之間既空位拎波轉身，咁樣做可以先防止對方中堅可以透過直線打穿中場線同後防線，逼到對方後場先去二閘位，愛記兩翼先再出去逼。二閘一回傳俾中堅，愛記兩翼就先番崗位重建陣形先。林伯最有心思既一著係三中場既安排。知道曼城既假九前鋒會現身中路，亞倫甚少離開中間。迪布尼或科頓走左入half-space位置，雲迪碧克或杜哥尼就會離開自己既位置，移後到較深既位置先作釘人防守，佢移後既空間則由翼鋒內收適當距離去補位。
下圖示愛華頓企位情況
當防線被壓至禁區線，曼城回傳或者愛華頓球員大腳解圍，就會立刻推前防線嘗試到番三閘線再開始防守，盡量推曼城球員遠離禁區。好處係反擊時可投入進攻既人數增加，體能消耗冇咁大，畢竟跑動距離冇咁遠。壞處就當然係一反擊失敗，中後場容易失去聯繫，而防守線推得前，後面會多左空位俾曼城前場球員打身後波，亦多左空間俾曼城翼鋒球員作個人突破。
我個人覺得中低位防守會較適合曼聯。首先，我唔信C朗會先打後備，所以如要佢做簡尼既工作，只會加快佢腳軟。如踢超低位防守，要面對被圍攻既情況下係冇條件犯錯，而呢季曼聯後防球員犯錯既次數多不勝數，冇信心可以頂得住。曼聯除左面子要贏之外，呢三分對爭奪前四係極其重要，贏到仲可以打到支強心針去預備下幾場對車仔對利記等強隊。
兩種部署明顯不同，各有好處壞處，唔知曼迷又覺得今場點踢好呢！還是黎個前場瘋狂逼搶？呢個我覺得會死得好轟烈，對我黎講唔會係一個選擇。禮拜日12:30，約定你一齊睇下蘭sir點部署！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊