《粗略講講戰況》
開賽早段，新特蘭既查奧爾門前幾碼射唔到個波，曼聯避過一劫。8分鐘，曼治禁區一控一射，射破黑貓大門。及後曼聯主導球賽，多次射門都被對手神勇既門將撲出。32分鐘，錫斯高門前幾碼tap-in入網，將比數拉開到兩球。上半場尾段，沙加先有一腳禁區外射門，威脅一下新仔拉文斯。下半場兩隊都比較膠著，新特蘭谷唔起，曼聯都冇話要推快節奏去入多球，最後就二比零完場。
《抵讚既係阿摩廉》
場波無疑係球員發揮得比較順，亦講真對方真係唔勁 ，一踢落就知係會贏，但最值得讚既係領隊阿摩廉。阿摩終於肯唔再硬頸，係戰術同用人作出改變。先換左個龍，等拉文斯試下，再抽起上場獨到爆既古拿改用曼治。先出迪亞路加強邊路突破，再將end product冇乜既多古抽起，改用達洛打逆足翼衛做波。最緊要既係改變整隊戰術，進攻時仍舊以3-2-4-1或3-1-5-1去進攻，但防守則有大改革。當對手後場持球時，前場放棄高位逼搶，並改以4-4-2進行遮線，前鋒錫斯高拍安保姆踢雙箭頭去守人地對中堅，其中一個跟波side會追番人地隻防中，卡斯同般奴就追番人地一對八號位中場，中間就冇咁易俾人overload。同時將曼治改踢左中場，同迪亞路跟番人地隻閘，後面就變左達洛同約羅對人地翼鋒，兩個中堅守一個箭頭。 整隊先係對方三閘線遮線，做到人釘人先開始逼搶。如俾人打穿中場線後，整隊就會改踢5-2-3係三閘線開始守，迪亞路就要勤力少少幫手踢翼衛。如對方整隊壓到去前場，曼聯就會再縮後變5-4-1。咁樣踢可以壓縮中路空間，而中堅就唔需要守人地翼鋒，翼鋒就留番俾兩個比較快既防守球員去守。今場黎計，成效其實幾好，就算對面前鋒想拉走中堅，曼聯都仲有一個中堅會係後面包抄，所以見到梳爾同迪列特都好敢jump上前守。除此之外，當對方係37分鐘用波蘭特入替艾丁加變陣之後，都見到阿摩有作出相對應既調整。當然對方能力所限亦係今場防守踢得幾好既一個原因，但起碼見到領隊肯變先，唔肯變真係冇得攪架大佬。
《拉文斯仍有待觀察》
對一隊唔太強既對手起用拉文斯係明智之舉，最後仲真係可以clean sheet，肯定令新龍增添唔少信心。呢個龍門今場表現亦不俗，應付兩側既傳中都唔錯。用波就稍為簡單，畢竟第一場唔踢太高張都係好事，信心來了先再搓多少少短傳，到時先睇到呢個龍門隻腳掂唔掂，而佢長傳黎講亦較有譜，左右腳都踢到，當然對面壓迫唔強，佢都有好多時間去諗點踢，個準繩度自然提高。不過，佢有兩下出迎都有少少險象，一下踢唔中，一下就踢唔應，但基本野同信心就好過比恩迪亞，相信下場對利物浦都係佢把關。呢個龍門就肯定未係最top，需要俾時間都磨練。
《曼聯換人方面都有進步》換人方面，阿摩都有進步，終於唔係第一換就換走中堅。首先換入多古同古拿，因對方變左陣，所以用多古去對位對面既翼衛，等梳爾去守對面既翼鋒，同時間因順足閘位就可以順棍向前踢向邊線，等前場球員沿邊路打反擊；古拿則加強番前場活力。77分鐘用明奴入替今場踢得一般既安保姆，推番般奴踢右攻中，係中路加強活力同控球點，同時將般奴推前加強右路既組織力。最後係85分鐘先換入麥佳亞同烏格迪加強防守同制空力。
《總結》
我認為贏波既最大關鍵查奧爾幾分鐘門前果腳射唔入，先有曼聯企穩陣腳再去贏波。如果幾分鐘就落後，以近幾場既情況…真係不敢想像。贏波既主因絕對係阿摩廉放下自己既堅持，將防守戰術同陣形更改，令球員比較出現係以前踢開既區域。球員踢得舒服，表現就自然會提升。當然要再重申，就係新特蘭隊波真係唔勁，踢落係差過賓福特。咁曼聯贏係應該既，再次證明曼聯球迷既要求已經愈黎愈低，贏左黑貓都要慶祝番幾日。下場會係國際賽後對利物浦，利記近況就麻麻，岩岩仲要比車路士絕殺。阿摩贏左呢場後，相信帥位仲保得住，睇下呢兩個禮拜諗到咩計去贏埋利記，咁個位就再穩陣少少啦！
開賽早段，新特蘭既查奧爾門前幾碼射唔到個波，曼聯避過一劫。8分鐘，曼治禁區一控一射，射破黑貓大門。及後曼聯主導球賽，多次射門都被對手神勇既門將撲出。32分鐘，錫斯高門前幾碼tap-in入網，將比數拉開到兩球。上半場尾段，沙加先有一腳禁區外射門，威脅一下新仔拉文斯。下半場兩隊都比較膠著，新特蘭谷唔起，曼聯都冇話要推快節奏去入多球，最後就二比零完場。
《抵讚既係阿摩廉》
場波無疑係球員發揮得比較順，亦講真對方真係唔勁 ，一踢落就知係會贏，但最值得讚既係領隊阿摩廉。阿摩終於肯唔再硬頸，係戰術同用人作出改變。先換左個龍，等拉文斯試下，再抽起上場獨到爆既古拿改用曼治。先出迪亞路加強邊路突破，再將end product冇乜既多古抽起，改用達洛打逆足翼衛做波。最緊要既係改變整隊戰術，進攻時仍舊以3-2-4-1或3-1-5-1去進攻，但防守則有大改革。當對手後場持球時，前場放棄高位逼搶，並改以4-4-2進行遮線，前鋒錫斯高拍安保姆踢雙箭頭去守人地對中堅，其中一個跟波side會追番人地隻防中，卡斯同般奴就追番人地一對八號位中場，中間就冇咁易俾人overload。同時將曼治改踢左中場，同迪亞路跟番人地隻閘，後面就變左達洛同約羅對人地翼鋒，兩個中堅守一個箭頭。 整隊先係對方三閘線遮線，做到人釘人先開始逼搶。如俾人打穿中場線後，整隊就會改踢5-2-3係三閘線開始守，迪亞路就要勤力少少幫手踢翼衛。如對方整隊壓到去前場，曼聯就會再縮後變5-4-1。咁樣踢可以壓縮中路空間，而中堅就唔需要守人地翼鋒，翼鋒就留番俾兩個比較快既防守球員去守。今場黎計，成效其實幾好，就算對面前鋒想拉走中堅，曼聯都仲有一個中堅會係後面包抄，所以見到梳爾同迪列特都好敢jump上前守。除此之外，當對方係37分鐘用波蘭特入替艾丁加變陣之後，都見到阿摩有作出相對應既調整。當然對方能力所限亦係今場防守踢得幾好既一個原因，但起碼見到領隊肯變先，唔肯變真係冇得攪架大佬。
《拉文斯仍有待觀察》
對一隊唔太強既對手起用拉文斯係明智之舉，最後仲真係可以clean sheet，肯定令新龍增添唔少信心。呢個龍門今場表現亦不俗，應付兩側既傳中都唔錯。用波就稍為簡單，畢竟第一場唔踢太高張都係好事，信心來了先再搓多少少短傳，到時先睇到呢個龍門隻腳掂唔掂，而佢長傳黎講亦較有譜，左右腳都踢到，當然對面壓迫唔強，佢都有好多時間去諗點踢，個準繩度自然提高。不過，佢有兩下出迎都有少少險象，一下踢唔中，一下就踢唔應，但基本野同信心就好過比恩迪亞，相信下場對利物浦都係佢把關。呢個龍門就肯定未係最top，需要俾時間都磨練。
《曼聯換人方面都有進步》換人方面，阿摩都有進步，終於唔係第一換就換走中堅。首先換入多古同古拿，因對方變左陣，所以用多古去對位對面既翼衛，等梳爾去守對面既翼鋒，同時間因順足閘位就可以順棍向前踢向邊線，等前場球員沿邊路打反擊；古拿則加強番前場活力。77分鐘用明奴入替今場踢得一般既安保姆，推番般奴踢右攻中，係中路加強活力同控球點，同時將般奴推前加強右路既組織力。最後係85分鐘先換入麥佳亞同烏格迪加強防守同制空力。
《總結》
我認為贏波既最大關鍵查奧爾幾分鐘門前果腳射唔入，先有曼聯企穩陣腳再去贏波。如果幾分鐘就落後，以近幾場既情況…真係不敢想像。贏波既主因絕對係阿摩廉放下自己既堅持，將防守戰術同陣形更改，令球員比較出現係以前踢開既區域。球員踢得舒服，表現就自然會提升。當然要再重申，就係新特蘭隊波真係唔勁，踢落係差過賓福特。咁曼聯贏係應該既，再次證明曼聯球迷既要求已經愈黎愈低，贏左黑貓都要慶祝番幾日。下場會係國際賽後對利物浦，利記近況就麻麻，岩岩仲要比車路士絕殺。阿摩贏左呢場後，相信帥位仲保得住，睇下呢兩個禮拜諗到咩計去贏埋利記，咁個位就再穩陣少少啦！
請按此登錄後留言。未成為會員? 立即註冊