上場對阿仙奴係睇曼聯暫時既上限，今場對富咸就係睇曼聯既下限。理論上，曼聯要贏依家既阿仙奴係有難度，但上場對阿仙奴打甩門牙，反而踢得非常唔錯既情況下都全失三分，確係非常唔抵。當然所謂既打得唔錯，場面上好多機會都係靠transition，曼聯係underdog情況下，可以憑安保姆同古拿既個人能力屢次衝擊阿仙奴壓前既防線；而上年富咸排第十一，曼聯今季要重返前六或起碼排上半版的話，呢場曼聯係要贏之外，仲要展示到係場面上既控制同贏得有說服力，先有條件講今季係有競爭力，但最後卻只係「逼和」對手，因為到最後係唔駛輸已經可以還神。問題究竟係邊度？
《迪亞路點用好？》
曼聯今夏重金收購前賓福特前鋒安保姆，就係買佢黎踢右攻中位置，而曼聯本身上季踢右攻中既人多數係迪亞路，所以最正路係呢個位置會係佢兩個直接競爭。從數據上睇，迪亞路踢右翼衛既效果反而比踢右攻中好。主因係迪亞路踢開翼鋒拉邊上腳內切盤扭射門，要佢移入中路要背身護波停波做串連，並唔係佢強項，而安保姆同迪亞路都非常相似。當兩個人一齊出場既時候，就會有撞位同唔知點夾既感覺。反而先用達洛治去夾其中一個，配合度明顯會比佢兩個一齊出更好。另外，當你選擇兩個一齊出果陣，雖然你仍然可抽起其中一隻翼再換入達洛治，但呢個時間留低既果隻翼鋒都一定消耗左唔少體能，想再強攻就難了。上年迪亞路拯救球隊好多次不能不用，安保姆就擺明核心，但兩人同場就撞到九彩，點用真係考起阿摩！
《出正選同換人都係今場問題》
上場對阿記前場用曼治、古拿同安保姆，踢出黎既反擊效果係幾好，但有時往往係中路始終缺乏中鋒去搶點或捕位。上場踢得唔差，自然今場會續用，曼治同古拿都係踢左攻中俾自由度佢去組織串連較好，而當球隊要主導球賽陷入陣地戰時，冇中鋒點呢個問題就會被放大。
場波係未領先既情況下，阿摩選擇用達洛治同錫斯高入替卡斯美路同迪亞路。迪亞路或安保姆二選一而收起迪亞路都可以理解，收起卡斯美路將曼治拉後一格拍般奴換入錫斯高加強攻力，想法係有，但咁樣中場係完全冇屏障。對住富咸既盧基治同貝治，點搶得贏個中場？都唔好講曼治同般奴都唔適合踢平排中場，不過又俾你負碌入到一球先，真係算死好命。69分鐘用烏格迪入替曼治加強掃蕩，我嫌你換得遲添。好多人會話點解唔換走般奴？我嘗試幫領隊解釋既係，第一佢係球隊隊長，第二係般奴相比起曼治較為攻守平衡，體能上亦比曼治好少少，係69分鐘保留隊長，都唔可以話錯。到被人逼和後，阿摩去到87分鐘先選擇用麥佳亞同希芬，都唔出明奈同舒克斯就真係睇到火滾。舒克斯大可以入替古拿或安保姆改踢雙箭頭。和緊果陣想贏就要換前鋒，但諗極都唔明既係，點解一定係要換錫斯高？後備席明明仲有上季打番起左少少既舒克斯，論適應性就一定好過錫斯高，換錫斯高先都算，但當你被追和時，爆炸頭竟然係一分鐘都冇得踢就真係r撚晒頭。依家講緊佢係兩場波連一分鐘既上場時間都冇，係咪可以賣得？明奈既情況係比較尷尬，係3-4-2-1陣式下，佢既技術特點係介乎8同10號位之間，擺佢踢中場中，佢係可以做到ball carrier角色但唔夠能力去組織球隊攻勢，呢樣係熱身賽完全見到佢同般奴既分別；如擺佢踢攻擊中場就要收起古拿，而係必定想贏場波既情況下，阿摩就未必想抽走一個入球能力強既球員。依家傳緊會賣佢走，我就唔覺得出奇，哥利亞個作用分分鐘仲大過佢，所以點解一完季我已經話買中場比買前鋒更急切。
《入果球都係問題球；輸果球完美解釋般奴係唔夠sense踢中場中》
58分鐘，約羅接應角球頂左落蒙尼斯個身再撞入，負負碌碌咁領先一比零。睇番慢鏡，約羅係頂頭鎚前都幾明顯推開左巴斯先頂到，VAR同球證都睇唔到，真係難以明白英超球證執法既標準係咩。
73分鐘輸果一球就反映左般奴係冇sense踢中場中。首先，達洛治係邊線一個瀟灑拎波轉身被攔截，雖然係相當抵屌，但個波都仲係邊線，對球隊都唔係有好大威脅。去到伊禾比係邊線傳中，史密夫路係般奴面前行入禁區準備執第二點，般奴係完全冇意識要跟進防守，結果就俾史密夫路輕鬆篤入。
《總結》
呢場波班球員踢落都幾大壓力，可能大家都知道呢場波既意義係乜，所以愈入唔到波就愈大壓力。去到般奴射失12碼之後，整隊個信心都有動搖。富咸捱過左頭15分鐘後，都愈踢愈有信心。到般奴射唔入12碼之後，富咸基本上都主導左球賽，再不停用兩邊側擊再加角球去爭取贏波。呢場富咸既踢法絕對可以比其他隊參考如何應付曼聯。下場曼聯對般尼，呢3分真係一定要拎到，否則睇黎今季要上番上半版都幾唔樂觀！
《迪亞路點用好？》
曼聯今夏重金收購前賓福特前鋒安保姆，就係買佢黎踢右攻中位置，而曼聯本身上季踢右攻中既人多數係迪亞路，所以最正路係呢個位置會係佢兩個直接競爭。從數據上睇，迪亞路踢右翼衛既效果反而比踢右攻中好。主因係迪亞路踢開翼鋒拉邊上腳內切盤扭射門，要佢移入中路要背身護波停波做串連，並唔係佢強項，而安保姆同迪亞路都非常相似。當兩個人一齊出場既時候，就會有撞位同唔知點夾既感覺。反而先用達洛治去夾其中一個，配合度明顯會比佢兩個一齊出更好。另外，當你選擇兩個一齊出果陣，雖然你仍然可抽起其中一隻翼再換入達洛治，但呢個時間留低既果隻翼鋒都一定消耗左唔少體能，想再強攻就難了。上年迪亞路拯救球隊好多次不能不用，安保姆就擺明核心，但兩人同場就撞到九彩，點用真係考起阿摩！
《出正選同換人都係今場問題》
上場對阿記前場用曼治、古拿同安保姆，踢出黎既反擊效果係幾好，但有時往往係中路始終缺乏中鋒去搶點或捕位。上場踢得唔差，自然今場會續用，曼治同古拿都係踢左攻中俾自由度佢去組織串連較好，而當球隊要主導球賽陷入陣地戰時，冇中鋒點呢個問題就會被放大。
場波係未領先既情況下，阿摩選擇用達洛治同錫斯高入替卡斯美路同迪亞路。迪亞路或安保姆二選一而收起迪亞路都可以理解，收起卡斯美路將曼治拉後一格拍般奴換入錫斯高加強攻力，想法係有，但咁樣中場係完全冇屏障。對住富咸既盧基治同貝治，點搶得贏個中場？都唔好講曼治同般奴都唔適合踢平排中場，不過又俾你負碌入到一球先，真係算死好命。69分鐘用烏格迪入替曼治加強掃蕩，我嫌你換得遲添。好多人會話點解唔換走般奴？我嘗試幫領隊解釋既係，第一佢係球隊隊長，第二係般奴相比起曼治較為攻守平衡，體能上亦比曼治好少少，係69分鐘保留隊長，都唔可以話錯。到被人逼和後，阿摩去到87分鐘先選擇用麥佳亞同希芬，都唔出明奈同舒克斯就真係睇到火滾。舒克斯大可以入替古拿或安保姆改踢雙箭頭。和緊果陣想贏就要換前鋒，但諗極都唔明既係，點解一定係要換錫斯高？後備席明明仲有上季打番起左少少既舒克斯，論適應性就一定好過錫斯高，換錫斯高先都算，但當你被追和時，爆炸頭竟然係一分鐘都冇得踢就真係r撚晒頭。依家講緊佢係兩場波連一分鐘既上場時間都冇，係咪可以賣得？明奈既情況係比較尷尬，係3-4-2-1陣式下，佢既技術特點係介乎8同10號位之間，擺佢踢中場中，佢係可以做到ball carrier角色但唔夠能力去組織球隊攻勢，呢樣係熱身賽完全見到佢同般奴既分別；如擺佢踢攻擊中場就要收起古拿，而係必定想贏場波既情況下，阿摩就未必想抽走一個入球能力強既球員。依家傳緊會賣佢走，我就唔覺得出奇，哥利亞個作用分分鐘仲大過佢，所以點解一完季我已經話買中場比買前鋒更急切。
《入果球都係問題球；輸果球完美解釋般奴係唔夠sense踢中場中》
58分鐘，約羅接應角球頂左落蒙尼斯個身再撞入，負負碌碌咁領先一比零。睇番慢鏡，約羅係頂頭鎚前都幾明顯推開左巴斯先頂到，VAR同球證都睇唔到，真係難以明白英超球證執法既標準係咩。
73分鐘輸果一球就反映左般奴係冇sense踢中場中。首先，達洛治係邊線一個瀟灑拎波轉身被攔截，雖然係相當抵屌，但個波都仲係邊線，對球隊都唔係有好大威脅。去到伊禾比係邊線傳中，史密夫路係般奴面前行入禁區準備執第二點，般奴係完全冇意識要跟進防守，結果就俾史密夫路輕鬆篤入。
《總結》
呢場波班球員踢落都幾大壓力，可能大家都知道呢場波既意義係乜，所以愈入唔到波就愈大壓力。去到般奴射失12碼之後，整隊個信心都有動搖。富咸捱過左頭15分鐘後，都愈踢愈有信心。到般奴射唔入12碼之後，富咸基本上都主導左球賽，再不停用兩邊側擊再加角球去爭取贏波。呢場富咸既踢法絕對可以比其他隊參考如何應付曼聯。下場曼聯對般尼，呢3分真係一定要拎到，否則睇黎今季要上番上半版都幾唔樂觀！
請按此登錄後留言。未成為會員? 立即註冊