《馬後炮講正選陣容出事》
賽前明知熱刺冇左古路錫斯基同麥迪臣，中場得番三個工兵防守型球員，都幾肯定普帥會放棄控球，一係踢低位穩守突擊，一係嘗試係前場踢高位逼搶打快速攻守轉換。咁你一係揀齊齊放棄控球，扔晒防守球員出黎，前場擺幾隻快馬打突擊，大家一齊唔要個波；一係你就主動出擊，盡量出攻強守弱既球員，務求入波解決對手。
之前幾場歐洲賽事，無論主場對里昂次回合（要贏既比賽），抑或次回合對畢爾包（有3球優勢既比賽），阿摩一律都係雙防中反擊，後防以不變應萬變，反而今場決賽佢先走黎做戰術大師，將正選陣容大執。後防竟然將梳爾同約羅一齊出，將馬沙拉維改踢右翼衛，多古踢番左翼衛，中間用麥佳亞。出晒五個後衛正路就應該係想防守行先，但偏偏佢雙防中係用卡斯美路拍般奴，而前面兩個係用迪亞路同曼治支援海倫。完全唔明阿摩諗咩，要防反，你出烏格迪同加拿祖係前面哨；要主攻、你咪抽起多個後防，將迪亞路踢隻翼衛出曼治亦得，偏偏佢套正選陣係兩頭唔到岸。想守又唔係守得穩；要攻唔會夠銳。老實說以近幾場比賽所見，梳爾係未有足夠狀態應付決賽，既然約羅復出到既話，梳爾係冇必要正選落場；而曼治信心同狀態都係可以但未夠sharp，要強攻而出佢係岩，但依家唔咸唔淡咪出事。
《睇阿摩調動都夠火滾》
上半場兩隊都踢得保守，中場埋身犯規多，熱刺班人務求令你用波唔流暢，進攻停下斷下；曼聯控球係多，但承接上面講，用既人腳令進攻乏力。右路馬沙拉維幫唔到迪亞路，整隊曼聯都係得迪亞路，可以憑突破創造機會，但熱刺亦唔係傻，李察利臣逗得極深去協防，所以迪亞路靠到自己既次數唔多；左路多古同曼治默契欠奉，而多古亦冇左對皇蘇光芒四射既表現，一對一都唔敢去扭，左路進攻完全癱瘓。再睇深一層會發現，曼聯進攻時既俾波套路選擇，都係俾對方睇通睇透，套路方式冇變化亦單調，所以熱刺好輕鬆就可以防守到。
42分鐘，熱刺負負碌碌就入左波，整場計亦只得呢腳中龍就攪掂你。呢球波咁近輸就冇得怪龍門，罪人會係梳爾同多古。梳爾有出聲叫多古跟番莊遜，但多古明顯走甩左，而梳爾既然係諗住「包」麥佳亞，就冇理由個波過完麥佳亞後解唔到圍，俾人從後搶到點。安拿拿平時係柒，但如果因平時表現而將球波「入佢數」係極唔公道。
下半場阿摩廉夠膽死到七十分鐘先換第一次人，將曼治同零作用既海倫抽起，換入加拿祖同舒克斯。短短幾分鐘就見到隊波進攻流暢左好多，亦創造左幾下射門機會，可惜都係入唔到。阿摩廉八十五分鐘再用達洛治入替馬沙拉維，都係維持五後衛。佢去到九十分鐘先用明奴入替多古，將加拿祖改踢左翼衛，明奴踢攻擊中場。最後都係入唔到一球，輸俾熱刺。
睇住阿摩換人就火滾。點解要踢左25分鐘先黎換？上半場進攻無力，下半場唔換照踢，但係毫無顯著效果，結果係浪費左二十五分鐘。再講，佢換完人之後，仍然係維持五後衛，去到補時階段先肯抽走一個後衛換入一個中場。陣式不變問題不大，但呢場係決賽啊，輸一打定一球都冇分別架，點解唔可以早少少就換隻翼鋒黎打條邊？死都攬住堆後衛幫手拉邊，出腳波又唔係好，突破能力又冇。唔好下下賴班球員，領隊有責任點出人點用人，擺球員落一個唔適合既位置咪發揮差囉，輸緊唔識變通咪領隊責任囉！
《總結》
一場海軍鬥水兵既比賽，最後熱刺憑一下負負碌碌既入波，以一球擊敗曼聯。除左打破好多年既錦標荒外，亦可以拎到下季歐聯賽事資格。係呢度都恭喜埋孫仔，終於係熱刺捧盃，做到球會legend！而曼聯…真係「哈哈哈」。下季冇左歐聯席位，即係收入大縮水，加上球會財赤問題嚴重，要俾錢阿摩買人就難囉！聽聞管理層話下季以頭六為目標，咁首先要睇下夏季買到咩人同買到幾多人再講啦！
賽前明知熱刺冇左古路錫斯基同麥迪臣，中場得番三個工兵防守型球員，都幾肯定普帥會放棄控球，一係踢低位穩守突擊，一係嘗試係前場踢高位逼搶打快速攻守轉換。咁你一係揀齊齊放棄控球，扔晒防守球員出黎，前場擺幾隻快馬打突擊，大家一齊唔要個波；一係你就主動出擊，盡量出攻強守弱既球員，務求入波解決對手。
之前幾場歐洲賽事，無論主場對里昂次回合（要贏既比賽），抑或次回合對畢爾包（有3球優勢既比賽），阿摩一律都係雙防中反擊，後防以不變應萬變，反而今場決賽佢先走黎做戰術大師，將正選陣容大執。後防竟然將梳爾同約羅一齊出，將馬沙拉維改踢右翼衛，多古踢番左翼衛，中間用麥佳亞。出晒五個後衛正路就應該係想防守行先，但偏偏佢雙防中係用卡斯美路拍般奴，而前面兩個係用迪亞路同曼治支援海倫。完全唔明阿摩諗咩，要防反，你出烏格迪同加拿祖係前面哨；要主攻、你咪抽起多個後防，將迪亞路踢隻翼衛出曼治亦得，偏偏佢套正選陣係兩頭唔到岸。想守又唔係守得穩；要攻唔會夠銳。老實說以近幾場比賽所見，梳爾係未有足夠狀態應付決賽，既然約羅復出到既話，梳爾係冇必要正選落場；而曼治信心同狀態都係可以但未夠sharp，要強攻而出佢係岩，但依家唔咸唔淡咪出事。
《睇阿摩調動都夠火滾》
上半場兩隊都踢得保守，中場埋身犯規多，熱刺班人務求令你用波唔流暢，進攻停下斷下；曼聯控球係多，但承接上面講，用既人腳令進攻乏力。右路馬沙拉維幫唔到迪亞路，整隊曼聯都係得迪亞路，可以憑突破創造機會，但熱刺亦唔係傻，李察利臣逗得極深去協防，所以迪亞路靠到自己既次數唔多；左路多古同曼治默契欠奉，而多古亦冇左對皇蘇光芒四射既表現，一對一都唔敢去扭，左路進攻完全癱瘓。再睇深一層會發現，曼聯進攻時既俾波套路選擇，都係俾對方睇通睇透，套路方式冇變化亦單調，所以熱刺好輕鬆就可以防守到。
42分鐘，熱刺負負碌碌就入左波，整場計亦只得呢腳中龍就攪掂你。呢球波咁近輸就冇得怪龍門，罪人會係梳爾同多古。梳爾有出聲叫多古跟番莊遜，但多古明顯走甩左，而梳爾既然係諗住「包」麥佳亞，就冇理由個波過完麥佳亞後解唔到圍，俾人從後搶到點。安拿拿平時係柒，但如果因平時表現而將球波「入佢數」係極唔公道。
下半場阿摩廉夠膽死到七十分鐘先換第一次人，將曼治同零作用既海倫抽起，換入加拿祖同舒克斯。短短幾分鐘就見到隊波進攻流暢左好多，亦創造左幾下射門機會，可惜都係入唔到。阿摩廉八十五分鐘再用達洛治入替馬沙拉維，都係維持五後衛。佢去到九十分鐘先用明奴入替多古，將加拿祖改踢左翼衛，明奴踢攻擊中場。最後都係入唔到一球，輸俾熱刺。
睇住阿摩換人就火滾。點解要踢左25分鐘先黎換？上半場進攻無力，下半場唔換照踢，但係毫無顯著效果，結果係浪費左二十五分鐘。再講，佢換完人之後，仍然係維持五後衛，去到補時階段先肯抽走一個後衛換入一個中場。陣式不變問題不大，但呢場係決賽啊，輸一打定一球都冇分別架，點解唔可以早少少就換隻翼鋒黎打條邊？死都攬住堆後衛幫手拉邊，出腳波又唔係好，突破能力又冇。唔好下下賴班球員，領隊有責任點出人點用人，擺球員落一個唔適合既位置咪發揮差囉，輸緊唔識變通咪領隊責任囉！
《總結》
一場海軍鬥水兵既比賽，最後熱刺憑一下負負碌碌既入波，以一球擊敗曼聯。除左打破好多年既錦標荒外，亦可以拎到下季歐聯賽事資格。係呢度都恭喜埋孫仔，終於係熱刺捧盃，做到球會legend！而曼聯…真係「哈哈哈」。下季冇左歐聯席位，即係收入大縮水，加上球會財赤問題嚴重，要俾錢阿摩買人就難囉！聽聞管理層話下季以頭六為目標，咁首先要睇下夏季買到咩人同買到幾多人再講啦！
請按此登錄後留言。未成為會員? 立即註冊