聯賽只屬名次之爭，不過阿摩今場都冇話完全放棄，正選陣容都出左唔少應該係歐霸決賽會踢正選既球員，大約有7個到，而比連迪亞、阿密斯、梳爾同明奴都係需要透過比賽去提升狀態或搵一個合適既位置。呢場比賽輸贏相對好閒，所以球員心態上都比較踢得謹慎，踢落唔算好有火，都係唔好傷為主。
從呢場正選都見到阿摩係想試下野，包括用約羅踢中中堅。係阿摩既體系下，中中堅係需要移前半格當防中踢幫手build-up，麥佳亞同迪列特都冇機會做到，冰人下季都離隊，而馬天尼斯技術上冇問題，但身高上係冇可能係英超踢中中堅。如係唔買人情況下，嘗試叫約羅去踢呢個位置都係一個辦法。有速度去包波，有一定既高度，係身型暫時比較單薄，可惜最後受傷被換走，就真係有少少擔憂。
阿密斯係呢幾場都好多上陣機會，但佢個人盤扭能力唔夠強會係一個問題。係呢個歲數好難練到變成瘋狂扭波，佢要上陣既就一定係靠同隊友既配合，自己再練下傳中球既質素。曼治今場踢左60分鐘都幾多亮點，開始見到佢既能力，有般奴係佢後面俾波等佢係前面做會係一個唔錯既進攻模式。曼聯今場嘗試overload左路清空右路俾迪亞路，相信呢個會係曼聯主要進攻大方向。明奴就有少少格格不入，上半場踢右面攻擊中場近乎隱形，下半場改去左面，但都唔係有好突出表現，較後時間又改踢防中拍般奴。以年青球員黎講，咁樣轉位踢唔係一件好事，佢都要盡快搵到岩佢踢既位置。不過以佢既能力而要適應阿摩既體系，我覺得係有難度，真係有機會會被賣走如有人出價買的話。阿摩終於肯將般奴擺去踢8號位，呢個位對般奴同球隊黎講都係十分重要，有佢係中後場穩住個波係差好遠。
最後一樣反而係烏格迪要點用。近幾場當佢拍卡斯美路時，進攻時佢係會比胖虎再推前半格去做波。當然佢既創造力就麻麻地，但勝在推前佢可以一失控球就原地反搶，同時間佢可以將佢控波護波能力既不足隱藏，果幾場仲有幾個助攻添。今場一將佢擺番後半格踢就即刻出事，用波既決定一慢，俾人用身型一壓就失控球輸反擊。唔係怪佢，但點樣用佢就係領隊既責任。既然係咁，買一個有用球能力而防守唔太差既球員踢烏仔後面，會唔會更好？還是點樣調教烏仔進攻都係領隊要諗既野！
英超曼聯又輸一場，呢幅圖今季見太多，已經冇特別。就算聯賽輸晒都冇乜所謂，最緊要係歐霸決賽贏就得。隊波係未夠班踢歐聯架啦，但入到歐聯既錢先緊要。曼聯，繼續加油啦！
從呢場正選都見到阿摩係想試下野，包括用約羅踢中中堅。係阿摩既體系下，中中堅係需要移前半格當防中踢幫手build-up，麥佳亞同迪列特都冇機會做到，冰人下季都離隊，而馬天尼斯技術上冇問題，但身高上係冇可能係英超踢中中堅。如係唔買人情況下，嘗試叫約羅去踢呢個位置都係一個辦法。有速度去包波，有一定既高度，係身型暫時比較單薄，可惜最後受傷被換走，就真係有少少擔憂。
阿密斯係呢幾場都好多上陣機會，但佢個人盤扭能力唔夠強會係一個問題。係呢個歲數好難練到變成瘋狂扭波，佢要上陣既就一定係靠同隊友既配合，自己再練下傳中球既質素。曼治今場踢左60分鐘都幾多亮點，開始見到佢既能力，有般奴係佢後面俾波等佢係前面做會係一個唔錯既進攻模式。曼聯今場嘗試overload左路清空右路俾迪亞路，相信呢個會係曼聯主要進攻大方向。明奴就有少少格格不入，上半場踢右面攻擊中場近乎隱形，下半場改去左面，但都唔係有好突出表現，較後時間又改踢防中拍般奴。以年青球員黎講，咁樣轉位踢唔係一件好事，佢都要盡快搵到岩佢踢既位置。不過以佢既能力而要適應阿摩既體系，我覺得係有難度，真係有機會會被賣走如有人出價買的話。阿摩終於肯將般奴擺去踢8號位，呢個位對般奴同球隊黎講都係十分重要，有佢係中後場穩住個波係差好遠。
最後一樣反而係烏格迪要點用。近幾場當佢拍卡斯美路時，進攻時佢係會比胖虎再推前半格去做波。當然佢既創造力就麻麻地，但勝在推前佢可以一失控球就原地反搶，同時間佢可以將佢控波護波能力既不足隱藏，果幾場仲有幾個助攻添。今場一將佢擺番後半格踢就即刻出事，用波既決定一慢，俾人用身型一壓就失控球輸反擊。唔係怪佢，但點樣用佢就係領隊既責任。既然係咁，買一個有用球能力而防守唔太差既球員踢烏仔後面，會唔會更好？還是點樣調教烏仔進攻都係領隊要諗既野！
英超曼聯又輸一場，呢幅圖今季見太多，已經冇特別。就算聯賽輸晒都冇乜所謂，最緊要係歐霸決賽贏就得。隊波係未夠班踢歐聯架啦，但入到歐聯既錢先緊要。曼聯，繼續加油啦！
請按此登錄後留言。未成為會員? 立即註冊