歐霸盃四強首回合，曼聯作客以三比零擊敗十人應戰既畢爾包。呢個比數相信都幾令球迷愕然，畢竟畢爾包今季係西甲名列前矛，而曼聯係英超只係中下游球隊。不過，踢落又係咪咁一面倒呢？
《麥前隊長不如改打前鋒啦》
三個入波都係上半場發生。只睇數據，曼聯係頭三十分鐘雖然有較多控球權，但實際攻門次數比畢爾包為少，而講埋門威脅性亦係畢爾包比較大。要不是娜娜一下靚撲，一下空晒既頭鎚攻門唔中龍，加埋連迪路夫補到鑊護空門，曼聯分分鐘要先落後。曼聯中後場繼續都係build-up唔到，仲有幾下大意自爆，俾畢爾包係前場一搶到就反擊，只係好彩畢爾包把握唔到。曼聯中後場欠缺用到波既人，所以前場冇乜波到，進攻都係靠反搶後既守轉攻去製造威脅。如果只睇頭三十分鐘，我甚至認為曼聯可能會輸。
踢到三十分鐘，麥佳亞係右路左吸右撥下落底傳中，烏格迪前柱靚跣去尾柱俾卡斯美路頂入，幫曼聯領先一比零。呢球「絕對」「絕對」「絕對」係贏麥前隊長，邊線過人再精準傳中，睇黎翼鋒都啱你踢！雖然麥前隊長係勁，但畢爾包呢下防守都幾差。曼聯總共有五個人係禁區內等接應，而畢爾包只有三四個球員係附近防守。只要個波斬到入黎，畢爾包係輸晒人數同人爭頂。
《唔俾紅牌就真係黑哨啦》
37分鐘，馬沙拉維右路落底地波傳中，海倫起步快靚搶點下，被畢爾包中堅維維安從後用手拉低，導致未能將個波係龍門口篤入。球證第一時間係冇吹罰，經Var協助下，吹番十二碼俾曼聯再紅牌驅逐維維安離場。根據球例，因為維維安係冇機會玩球情況下阻礙對方前進，所以球證呢個判決係完全正確。你話佢第一下點解唔罰？從球證既角度，可能認為維維安左手既動作唔算好大，亦可能睇唔到維維安有拉人。VAR既好處就係可以協助球證睇番呢類盲點。對畢爾包黎講，「全餐」係好慘，但根據球例，球證係絕對正確。般奴射入十二碼就基本上將場波擺左入雪櫃。45分鐘，曼聯又係一次由守轉攻，烏格迪妙傳俾般奴單刀射成三比零。電視機前既觀眾可以熄機早休息，朝早仲要起身番工。畢爾包係下半場都係想守住三球既戰果，希望下回合作客齊人再踢過，而曼聯則換下人操下狀態，唔係冇機會再入波既，不過都係過唔到對面個龍門，而自己球員都要避重就輕唔好傷，所以兩隊都冇入波，三比零完場。
《總結》
都係一場令人愕然既比賽，場波未完半場已經擺左入雪櫃。曼聯經歷左里昂之戰後，加上今次情況唔同下，成功冇失波，帶住三球優勢番奧脫福。小弟相信曼聯都會決賽見，睇下對手會係熱刺定係波杜基林特。今次真係攪掂食碗麵，希望下場可以順風順手贏埋波晉級就更好！
《麥前隊長不如改打前鋒啦》
三個入波都係上半場發生。只睇數據，曼聯係頭三十分鐘雖然有較多控球權，但實際攻門次數比畢爾包為少，而講埋門威脅性亦係畢爾包比較大。要不是娜娜一下靚撲，一下空晒既頭鎚攻門唔中龍，加埋連迪路夫補到鑊護空門，曼聯分分鐘要先落後。曼聯中後場繼續都係build-up唔到，仲有幾下大意自爆，俾畢爾包係前場一搶到就反擊，只係好彩畢爾包把握唔到。曼聯中後場欠缺用到波既人，所以前場冇乜波到，進攻都係靠反搶後既守轉攻去製造威脅。如果只睇頭三十分鐘，我甚至認為曼聯可能會輸。
踢到三十分鐘，麥佳亞係右路左吸右撥下落底傳中，烏格迪前柱靚跣去尾柱俾卡斯美路頂入，幫曼聯領先一比零。呢球「絕對」「絕對」「絕對」係贏麥前隊長，邊線過人再精準傳中，睇黎翼鋒都啱你踢！雖然麥前隊長係勁，但畢爾包呢下防守都幾差。曼聯總共有五個人係禁區內等接應，而畢爾包只有三四個球員係附近防守。只要個波斬到入黎，畢爾包係輸晒人數同人爭頂。
《唔俾紅牌就真係黑哨啦》
37分鐘，馬沙拉維右路落底地波傳中，海倫起步快靚搶點下，被畢爾包中堅維維安從後用手拉低，導致未能將個波係龍門口篤入。球證第一時間係冇吹罰，經Var協助下，吹番十二碼俾曼聯再紅牌驅逐維維安離場。根據球例，因為維維安係冇機會玩球情況下阻礙對方前進，所以球證呢個判決係完全正確。你話佢第一下點解唔罰？從球證既角度，可能認為維維安左手既動作唔算好大，亦可能睇唔到維維安有拉人。VAR既好處就係可以協助球證睇番呢類盲點。對畢爾包黎講，「全餐」係好慘，但根據球例，球證係絕對正確。般奴射入十二碼就基本上將場波擺左入雪櫃。45分鐘，曼聯又係一次由守轉攻，烏格迪妙傳俾般奴單刀射成三比零。電視機前既觀眾可以熄機早休息，朝早仲要起身番工。畢爾包係下半場都係想守住三球既戰果，希望下回合作客齊人再踢過，而曼聯則換下人操下狀態，唔係冇機會再入波既，不過都係過唔到對面個龍門，而自己球員都要避重就輕唔好傷，所以兩隊都冇入波，三比零完場。
《總結》
都係一場令人愕然既比賽，場波未完半場已經擺左入雪櫃。曼聯經歷左里昂之戰後，加上今次情況唔同下，成功冇失波，帶住三球優勢番奧脫福。小弟相信曼聯都會決賽見，睇下對手會係熱刺定係波杜基林特。今次真係攪掂食碗麵，希望下場可以順風順手贏埋波晉級就更好！
請按此登錄後留言。未成為會員? 立即註冊