《正選陣容話你知呢場波半放棄》
艾摩廉口里說不，身體卻很誠實地係呢場聯賽輪換。後備門將比連迪亞擔正，小將阿密斯出任左翼衛正選。阿摩抽起麥佳亞同卡斯美路，起用連迪路夫同艾歷臣。約羅同馬沙拉維繼續踢左右中堅。達洛治、烏格迪、般奴同加拿祖繼續正選上陣，而舒克斯則取代海倫踢正箭頭。如果阿摩話呢個陣唔係放棄場波，咁憑甚麼贏？難道單憑烏格迪同艾歷臣可以頂得住人地條絞肉機中場？難道首次上陣既阿密斯又可以係左路大放異彩？不過，就算full team上陣，小弟都唔覺有力可以係聖占士公園拎到分，更何況係半力出擊呢！
《上半場咁都和到，真係和過和仔》
上半場初段，曼聯有一下中路組織非常靚，差少少可以先開記錄，可惜過唔到樸比既十指關。自呢一腳之後，整個上半場都盡是紐卡素天下。兩隊進攻模式都係以邊路進攻為主。紐卡素中場東拿利逗後組織，查比亞同利華文圖多次走overlap協助進攻，等班尼斯同積及梅菲有選擇交還是內切，伊薩係禁區既「等待」配合埋會入禁區搶點既祖寧頓，加埋甘馬雷斯周圍幫波，進攻套路有層次有配合，並非完全靠翼鋒單打獨鬥。24分鐘既入波係一個靚組織。查比亞右路持球望空冇人對波，甘馬雷斯靚既無球走動插入half-space拉走艾歷臣清空傳球路線，等查比亞可以斜線俾到伊薩。連迪路夫見到查比亞出腳果陣，可能以為佢想吊波到尾柱，自己提早drop deep，令伊薩接應一刻無人看管。伊薩冇做任何假動作，純向前迎波，連迪路夫有冇需要提早drop deep呢？我認為係冇需要，打緊三中堅尾柱一定仲有馬沙拉維去cover。你一drop變相前鋒就可以係禁區頂轉身。伊薩first touch控高左，冇得揀下就直接逗過頭俾東拿利窩利抽射破網。整個組織有拉空有入楔有傳送，最後既埋門亦甚具質素。小弟相信如果冰人冇判斷失誤，係照跟伊薩的話，係可以成功解圍或施壓令伊薩呢個傳送冇咁輕鬆。領先一球後既紐卡素基本都係圍屌曼聯，而曼聯係防守角球既問題真係非常大。每一下角球都係可以俾對方直接攻門或做二傳，只係血肉長城頂到，又或者頭鎚攻門唔中龍。特別係禁區頂可以係完全無人走出黎守第二點，東拿利可以控定望，再控再望然後射都冇人出黎防守。要俾個credit比連迪亞有一下二連救，否則果下已經輸到二比零。37分鐘，曼聯一下零星反擊，達洛治係右路硬推入中路再分俾右邊既加拿祖。佢一控左腳推射遠柱幫曼聯扳平。曼聯始終都係要靠反擊先可以入波。雖然紐卡素被追平，但都無損士氣繼續圍攻曼聯。不過之後都仲係冇波入，一比一完上半場。
《紐卡素下半場愈踢愈輕鬆；曼聯換人操狀態》
下半場出黎雙方都冇調動。僅四分鐘，利華文圖一個靚假動作過左達洛治沉底出地波去尾柱。積及梅菲尾柱再傳中到門前俾班尼斯輕鬆射入再領先。55分鐘，艾摩廉用曼治、多古同海倫入替舒克斯、加拿祖同阿密斯，俾呢三個後備操下狀態。一見阿摩抽起加拿祖，就知呢場波宣布投降。64分鐘，馬沙拉維少有地派膠跣腳，班尼斯一個「唔該」拎左個波硬爆中路輕鬆射成3:1。77分鐘，比連迪亞傳球失誤，祖寧頓頂前俾無人防守既甘馬雷斯單刀射成4:1。及後，梳爾同明奴入替般奴費南迪斯同馬沙拉維，等兩個鐵人稍稍休息。尾段曼聯只有海倫入楔既頭鎚叫有威脅，不過都係唔中目標，但梳爾既傳中同海倫既入楔可以話係阿摩進攻戰術既慣常套路。場雞一響，紐卡素輕鬆贏四比一。
《一場波就解釋到點解奧拿拿都仲係首選》
場波相信較多人討論曼聯既係龍門位置。今場紐卡素係前場高位既壓迫唔係好高強度。前場三個各自對位曼聯三中堅，東拿利同祖寧頓各自防守艾歷臣同烏格迪。當波一回傳俾比連迪亞，連迪路夫會自動升上半格當防中踢增加傳球點，但伊薩完全唔需要理會冰人，亦冇全速進逼龍門，比連迪亞就會放長傳搵前場球員去停。唔用奧拿拿係冇問題，用撲救能力較好既比連迪亞踢長破壓迫都冇問題，但前場球員冇能力接應到長傳去停波先係大問題，而龍門斬出黎既落去唔去到到前鋒位亦係問題。除此之外，中場用艾歷臣同烏格迪，係冇可能係第二點搶得贏祖寧頓、甘馬雷斯同東拿利。基本一踢長，個波就自動俾番紐卡素，等佢地又攻過。比連迪亞黎左曼聯兩年有多，但佢用腳既能力真係有目共睹。今場佢既傳球成功率只有47.4%，長傳成功率只有26.3%，曼聯點會唔俾人禁住黎屌？而今場輸第四球正正反映左佢用腳既用球能力不足。奧拿拿雖然撲救能力較差，但佢既腳下功夫較好，對方相對會較忌憚佢既傳送，唔會太輕易發動逼搶，始終曼聯踢法上中路係有人數優勢去破逼搶再打身後空位俾快翼爆。你可以話係水鬥水，但點解奧拿拿仍然係首選，係有一定既道理。
《總結》
呢場波輸係非常正常，輸四比一就有少少愕然。輸波冇咩問題，畢竟聯賽係例行公事，但傷左舒克斯先大獲。下場歐霸次回合要靠海倫係前場搏殺，實在唔太睇好佢可以交到表現出黎，唯有睇下曼治可唔可以大爆發。下場就係歐霸盃次回合，睇下奧拿拿會唔會復任正選，還是繼續用二號門將吧！
艾摩廉口里說不，身體卻很誠實地係呢場聯賽輪換。後備門將比連迪亞擔正，小將阿密斯出任左翼衛正選。阿摩抽起麥佳亞同卡斯美路，起用連迪路夫同艾歷臣。約羅同馬沙拉維繼續踢左右中堅。達洛治、烏格迪、般奴同加拿祖繼續正選上陣，而舒克斯則取代海倫踢正箭頭。如果阿摩話呢個陣唔係放棄場波，咁憑甚麼贏？難道單憑烏格迪同艾歷臣可以頂得住人地條絞肉機中場？難道首次上陣既阿密斯又可以係左路大放異彩？不過，就算full team上陣，小弟都唔覺有力可以係聖占士公園拎到分，更何況係半力出擊呢！
《上半場咁都和到，真係和過和仔》
上半場初段，曼聯有一下中路組織非常靚，差少少可以先開記錄，可惜過唔到樸比既十指關。自呢一腳之後，整個上半場都盡是紐卡素天下。兩隊進攻模式都係以邊路進攻為主。紐卡素中場東拿利逗後組織，查比亞同利華文圖多次走overlap協助進攻，等班尼斯同積及梅菲有選擇交還是內切，伊薩係禁區既「等待」配合埋會入禁區搶點既祖寧頓，加埋甘馬雷斯周圍幫波，進攻套路有層次有配合，並非完全靠翼鋒單打獨鬥。24分鐘既入波係一個靚組織。查比亞右路持球望空冇人對波，甘馬雷斯靚既無球走動插入half-space拉走艾歷臣清空傳球路線，等查比亞可以斜線俾到伊薩。連迪路夫見到查比亞出腳果陣，可能以為佢想吊波到尾柱，自己提早drop deep，令伊薩接應一刻無人看管。伊薩冇做任何假動作，純向前迎波，連迪路夫有冇需要提早drop deep呢？我認為係冇需要，打緊三中堅尾柱一定仲有馬沙拉維去cover。你一drop變相前鋒就可以係禁區頂轉身。伊薩first touch控高左，冇得揀下就直接逗過頭俾東拿利窩利抽射破網。整個組織有拉空有入楔有傳送，最後既埋門亦甚具質素。小弟相信如果冰人冇判斷失誤，係照跟伊薩的話，係可以成功解圍或施壓令伊薩呢個傳送冇咁輕鬆。領先一球後既紐卡素基本都係圍屌曼聯，而曼聯係防守角球既問題真係非常大。每一下角球都係可以俾對方直接攻門或做二傳，只係血肉長城頂到，又或者頭鎚攻門唔中龍。特別係禁區頂可以係完全無人走出黎守第二點，東拿利可以控定望，再控再望然後射都冇人出黎防守。要俾個credit比連迪亞有一下二連救，否則果下已經輸到二比零。37分鐘，曼聯一下零星反擊，達洛治係右路硬推入中路再分俾右邊既加拿祖。佢一控左腳推射遠柱幫曼聯扳平。曼聯始終都係要靠反擊先可以入波。雖然紐卡素被追平，但都無損士氣繼續圍攻曼聯。不過之後都仲係冇波入，一比一完上半場。
《紐卡素下半場愈踢愈輕鬆；曼聯換人操狀態》
下半場出黎雙方都冇調動。僅四分鐘，利華文圖一個靚假動作過左達洛治沉底出地波去尾柱。積及梅菲尾柱再傳中到門前俾班尼斯輕鬆射入再領先。55分鐘，艾摩廉用曼治、多古同海倫入替舒克斯、加拿祖同阿密斯，俾呢三個後備操下狀態。一見阿摩抽起加拿祖，就知呢場波宣布投降。64分鐘，馬沙拉維少有地派膠跣腳，班尼斯一個「唔該」拎左個波硬爆中路輕鬆射成3:1。77分鐘，比連迪亞傳球失誤，祖寧頓頂前俾無人防守既甘馬雷斯單刀射成4:1。及後，梳爾同明奴入替般奴費南迪斯同馬沙拉維，等兩個鐵人稍稍休息。尾段曼聯只有海倫入楔既頭鎚叫有威脅，不過都係唔中目標，但梳爾既傳中同海倫既入楔可以話係阿摩進攻戰術既慣常套路。場雞一響，紐卡素輕鬆贏四比一。
《一場波就解釋到點解奧拿拿都仲係首選》
場波相信較多人討論曼聯既係龍門位置。今場紐卡素係前場高位既壓迫唔係好高強度。前場三個各自對位曼聯三中堅，東拿利同祖寧頓各自防守艾歷臣同烏格迪。當波一回傳俾比連迪亞，連迪路夫會自動升上半格當防中踢增加傳球點，但伊薩完全唔需要理會冰人，亦冇全速進逼龍門，比連迪亞就會放長傳搵前場球員去停。唔用奧拿拿係冇問題，用撲救能力較好既比連迪亞踢長破壓迫都冇問題，但前場球員冇能力接應到長傳去停波先係大問題，而龍門斬出黎既落去唔去到到前鋒位亦係問題。除此之外，中場用艾歷臣同烏格迪，係冇可能係第二點搶得贏祖寧頓、甘馬雷斯同東拿利。基本一踢長，個波就自動俾番紐卡素，等佢地又攻過。比連迪亞黎左曼聯兩年有多，但佢用腳既能力真係有目共睹。今場佢既傳球成功率只有47.4%，長傳成功率只有26.3%，曼聯點會唔俾人禁住黎屌？而今場輸第四球正正反映左佢用腳既用球能力不足。奧拿拿雖然撲救能力較差，但佢既腳下功夫較好，對方相對會較忌憚佢既傳送，唔會太輕易發動逼搶，始終曼聯踢法上中路係有人數優勢去破逼搶再打身後空位俾快翼爆。你可以話係水鬥水，但點解奧拿拿仍然係首選，係有一定既道理。
《總結》
呢場波輸係非常正常，輸四比一就有少少愕然。輸波冇咩問題，畢竟聯賽係例行公事，但傷左舒克斯先大獲。下場歐霸次回合要靠海倫係前場搏殺，實在唔太睇好佢可以交到表現出黎，唯有睇下曼治可唔可以大爆發。下場就係歐霸盃次回合，睇下奧拿拿會唔會復任正選，還是繼續用二號門將吧！
請按此登錄後留言。未成為會員? 立即註冊