《哥帥正選捉蟲；阿摩廉都係防反》
哥帥正選陣容完全放棄邊路翼鋒，杜古、加利殊同沙雲奴先列後備，邊路進攻任務竟然交俾客串右閘既馬菲斯紐尼斯同左閘新仔尼高奧萊利。冇左夏蘭特下，阿莫殊出任中鋒。迪布尼、科頓、賓拿度施華、根度簡同高華錫出任中場，中場清一色係技術用波型球員。兩側缺乏個人盤扭能力，創造力亦欠奉。落唔到底線，就只能嘗試係45度傳中，但阿莫殊非夏蘭特，而其他中場亦難以接應兩側傳中，加上對方中堅麥佳亞強橫既制空能力，45度傳中作用不大。球員好多集中係中路，但個個都要策動用波，缺乏跑動拉扯，難以拉散對方5-4-1既低位防線。上半場曼城空有控球權，但難以創造黃金機會埋門，所以上半場僅得四射一中，而expected goal只有0.14，數據反映實況。
阿摩廉今季雙殺哥帥，自不然繼續起用心水陣式3-4-2-1。迪列特受傷下，阿摩廉起用約羅同馬沙拉維居左右護法幫麥佳亞。一對左右翼衛照舊用達洛治同多古。平排中場起用防守力較佳既卡斯美路同烏格迪。左右攻中則用加拿祖同般奴費南迪斯，支援前鋒海倫攻堅。球隊係前場都有試下逼搶，不過面對曼城既傳控就未有太大成效，主要都係低位防守堵塞中路空間為主。受惠於曼城兩翼自廢武功下，曼聯屯兵中路防守策略非常成功，多次搶截成功後，靠加拿祖係邊路做突擊爆破。上場已經試過將加拿祖擺左面，佢就會球皇上身。今場情況一樣，但不同既係紐尼斯係呢面係冇速度可以截停佢。加上曼城一定壓前而輸防線身後空間，所以阿摩廉呢著係有作用。唔怕你球皇上身，亦唔怕浪費左多古，十球波有三球走得甩就夠。可惜既係曼聯鋒線實在無力，除左加拿祖有能力射得中個龍門，般奴有時跟進唔切，而海倫實在鬧都廢事。除左反擊外，今場球隊利用加拿祖同多古係左路既侵略性overload對方，再靠快速轉邊到右路，等達洛治後上傳中亦算成功。「大碌」今場表現可人，有幾下後上傳中都幾靚。曼聯上半場入唔到波係可惜，而係防守方面都冇咩漏洞，當然最大原因係對面進攻便袐。
《哥帥調整有效果；阿摩廉既調動都係可預測》
兩隊半場冇換人。阿摩廉先係58分鐘用連迪路夫入替麥佳亞，希望麥隊長只係因太疲倦被調走而非因傷離場。哥帥亦同時用杜古入替科頓，換入一個邊路既突破點加強攻力。杜古出黎後係見到有效果，起碼佢可以搏到犯規兼令到「大碌」食牌。不過只換一隻翼下，右路都係繼續癱瘓，但進攻上係有起色。阿摩廉係71分鐘㩒制搏鎚，用曼治同舒克斯入替海倫同烏格迪。留番「胖虎」做掃蕩，拍住般奴控場；前場交俾曼治策動，與及「雀屎」墮後串連加入禁區接應。「雀屎」出黎冇耐已經有一下禁區內撞射，可惜被艾達臣撲走，亦有一兩下前場停波再分邊。不過，始終加拿祖係傳帶射既決定做得唔成熟，仍然嘥左好多機會，但係現時曼聯既人腳下，要依靠反擊入波，佢始終係不可或缺。我認為今場阿摩廉可以大膽少少，索性抽走「大碌」而將加拿祖改踢翼衛，先擺多海倫一陣。畢竟曼聯聯賽無慾無求，主場可以搏贏一場。如果攻唔入，除左可以試下用馬田仔後備換入海倫外，亦可以換入梳爾去穩固番條防線。哥帥係74分鐘用加利殊同李維斯入替根叔同奧萊利加強攻力。換人後，曼城改踢4-3-3，中場三個反而係高華錫逗住加利殊同施華仔，而杜古同阿莫殊就改踢兩翼，迪布尼出任假九中鋒。換完人就唔太有效，中路禁區依舊冇接應點；阿莫殊係右路唔太適應；加利殊係左面half-space同杜古既化學作用亦冇乜。唔太明白點解哥帥係換人後，唔將杜古放到右路，等「比比鳥」係左路踢番擅長既邊線去打通兩側。中路點擺都冇點，唯有照用阿莫殊，等迪布尼可以踢得自由少少，再配合施華仔既遊走去創造機會。哥帥亦可換入沙雲奴係右路爆破，但最後佢係一分鐘都冇得出。下半場雖然曼城射門中龍次數較多，但對安拿拿既威脅不大，反而曼聯雖然射中龍少，但論威脅性係比曼城高，都係老問題啦。最後，零比零握手言和都係合理。
《總結》
相信迪布尼已經完成人生最後一場曼市打吡，佢既離隊亦係曼城重建既一個訊號。哥帥仍留隊的話，加上曼城龐大既資金，相信呢個重建期唔需要太多時間，夏季轉會窗買番一兩個人就攪掂。
對曼聯黎講，呢場贏唔到係可惜。機會唔係冇，但又係把握唔到。曼聯用underdog踢法下係有把握贏波，呢場踢落分分鐘仲易踢過上場對森林。以現時既人腳，如曼治、梳爾同希雲可以復出的話，曼聯係陣地戰既攻力會有所提升。加拿祖絕對係一個雙刃劍，如何使用加拿祖係一個關鍵。下場會係歐霸盃先作客里昂，呢場睇黎要靠祖爺先掂！
哥帥正選陣容完全放棄邊路翼鋒，杜古、加利殊同沙雲奴先列後備，邊路進攻任務竟然交俾客串右閘既馬菲斯紐尼斯同左閘新仔尼高奧萊利。冇左夏蘭特下，阿莫殊出任中鋒。迪布尼、科頓、賓拿度施華、根度簡同高華錫出任中場，中場清一色係技術用波型球員。兩側缺乏個人盤扭能力，創造力亦欠奉。落唔到底線，就只能嘗試係45度傳中，但阿莫殊非夏蘭特，而其他中場亦難以接應兩側傳中，加上對方中堅麥佳亞強橫既制空能力，45度傳中作用不大。球員好多集中係中路，但個個都要策動用波，缺乏跑動拉扯，難以拉散對方5-4-1既低位防線。上半場曼城空有控球權，但難以創造黃金機會埋門，所以上半場僅得四射一中，而expected goal只有0.14，數據反映實況。
阿摩廉今季雙殺哥帥，自不然繼續起用心水陣式3-4-2-1。迪列特受傷下，阿摩廉起用約羅同馬沙拉維居左右護法幫麥佳亞。一對左右翼衛照舊用達洛治同多古。平排中場起用防守力較佳既卡斯美路同烏格迪。左右攻中則用加拿祖同般奴費南迪斯，支援前鋒海倫攻堅。球隊係前場都有試下逼搶，不過面對曼城既傳控就未有太大成效，主要都係低位防守堵塞中路空間為主。受惠於曼城兩翼自廢武功下，曼聯屯兵中路防守策略非常成功，多次搶截成功後，靠加拿祖係邊路做突擊爆破。上場已經試過將加拿祖擺左面，佢就會球皇上身。今場情況一樣，但不同既係紐尼斯係呢面係冇速度可以截停佢。加上曼城一定壓前而輸防線身後空間，所以阿摩廉呢著係有作用。唔怕你球皇上身，亦唔怕浪費左多古，十球波有三球走得甩就夠。可惜既係曼聯鋒線實在無力，除左加拿祖有能力射得中個龍門，般奴有時跟進唔切，而海倫實在鬧都廢事。除左反擊外，今場球隊利用加拿祖同多古係左路既侵略性overload對方，再靠快速轉邊到右路，等達洛治後上傳中亦算成功。「大碌」今場表現可人，有幾下後上傳中都幾靚。曼聯上半場入唔到波係可惜，而係防守方面都冇咩漏洞，當然最大原因係對面進攻便袐。
《哥帥調整有效果；阿摩廉既調動都係可預測》
兩隊半場冇換人。阿摩廉先係58分鐘用連迪路夫入替麥佳亞，希望麥隊長只係因太疲倦被調走而非因傷離場。哥帥亦同時用杜古入替科頓，換入一個邊路既突破點加強攻力。杜古出黎後係見到有效果，起碼佢可以搏到犯規兼令到「大碌」食牌。不過只換一隻翼下，右路都係繼續癱瘓，但進攻上係有起色。阿摩廉係71分鐘㩒制搏鎚，用曼治同舒克斯入替海倫同烏格迪。留番「胖虎」做掃蕩，拍住般奴控場；前場交俾曼治策動，與及「雀屎」墮後串連加入禁區接應。「雀屎」出黎冇耐已經有一下禁區內撞射，可惜被艾達臣撲走，亦有一兩下前場停波再分邊。不過，始終加拿祖係傳帶射既決定做得唔成熟，仍然嘥左好多機會，但係現時曼聯既人腳下，要依靠反擊入波，佢始終係不可或缺。我認為今場阿摩廉可以大膽少少，索性抽走「大碌」而將加拿祖改踢翼衛，先擺多海倫一陣。畢竟曼聯聯賽無慾無求，主場可以搏贏一場。如果攻唔入，除左可以試下用馬田仔後備換入海倫外，亦可以換入梳爾去穩固番條防線。哥帥係74分鐘用加利殊同李維斯入替根叔同奧萊利加強攻力。換人後，曼城改踢4-3-3，中場三個反而係高華錫逗住加利殊同施華仔，而杜古同阿莫殊就改踢兩翼，迪布尼出任假九中鋒。換完人就唔太有效，中路禁區依舊冇接應點；阿莫殊係右路唔太適應；加利殊係左面half-space同杜古既化學作用亦冇乜。唔太明白點解哥帥係換人後，唔將杜古放到右路，等「比比鳥」係左路踢番擅長既邊線去打通兩側。中路點擺都冇點，唯有照用阿莫殊，等迪布尼可以踢得自由少少，再配合施華仔既遊走去創造機會。哥帥亦可換入沙雲奴係右路爆破，但最後佢係一分鐘都冇得出。下半場雖然曼城射門中龍次數較多，但對安拿拿既威脅不大，反而曼聯雖然射中龍少，但論威脅性係比曼城高，都係老問題啦。最後，零比零握手言和都係合理。
《總結》
相信迪布尼已經完成人生最後一場曼市打吡，佢既離隊亦係曼城重建既一個訊號。哥帥仍留隊的話，加上曼城龐大既資金，相信呢個重建期唔需要太多時間，夏季轉會窗買番一兩個人就攪掂。
對曼聯黎講，呢場贏唔到係可惜。機會唔係冇，但又係把握唔到。曼聯用underdog踢法下係有把握贏波，呢場踢落分分鐘仲易踢過上場對森林。以現時既人腳，如曼治、梳爾同希雲可以復出的話，曼聯係陣地戰既攻力會有所提升。加拿祖絕對係一個雙刃劍，如何使用加拿祖係一個關鍵。下場會係歐霸盃先作客里昂，呢場睇黎要靠祖爺先掂！
請按此登錄後留言。未成為會員? 立即註冊