《阿摩廉調整左正選陣容》
曼聯雖然有多名傷兵復操，但希雲、迪亞路、梳爾同明奴都仍然未能上陣，今場只有曼治同麥佳亞可以擺入後備名單。龍門係安拿拿。三中堅由右至左係馬沙拉維、迪列特同約羅。左右翼衛照舊係多古同達洛治。一對防中起用卡斯美路拍烏格迪。左右攻擊中場係般奴費南迪斯同加拿祖支援前鋒舒克斯。唔知係咪因為國際賽期後，所以阿摩廉既選人準則以體力行先。加上可能佢忌憚森林既反擊，所以正選陣容起用雙防中。同時間，佢相信卡斯美路同般奴既連攜，希望透過般奴既突入加埋卡斯既中距離傳送去破密集。不過，呢個陣容冇海倫就缺乏左禁區既搶點能力，同時亦放棄左多古同舒克斯既化學作用。
《上半場同預知劇本一樣》
森林繼續一貫作風，放棄高位逼搶，使用中低位防守等打反擊；曼聯自然要用波進攻，曼聯三中堅基本上用波都冇壓力，森林既阿旺尼都係以遮住卡斯美路既傳球線路為主，遮完再去逼。森林中前場三個收縮中路overload曼聯雙防中，一對平排中場就各自捉番一對進攻中場；閘位對翼位；雙中堅就輪流防守舒克斯。只係踢左5分鐘，艾蘭加防守角球後一個走天涯，怒奔八十多碼射入，幫森林領先。落後下既曼聯空有控球權，因起用左兩個冇創造力既中場，球隊難以創造黃金機會。般奴繼續踢到咁上下就墮後要波，多古係邊路缺乏支援，加上歷高威廉斯唔係垃圾，曼聯左路甚少配合。上場對皇蘇踢到曉飛既多古都隱左形。右路達洛治今場出左幾下波，可惜中路缺乏擅頂之人，埋到門但威脅不大。上半場同預計中既劇本一樣，算係圍住人踢但俾人一兩下反擊就要禁平安鐘兼先落後。
《非常好奇點解要將加拿祖踢左路》
下半場阿摩廉即刻換人，用海倫入替表現一般既烏格迪。呢個調動非常正路，只係要揀換走邊個防中咁解，最後犧牲既係烏格迪。可惜，換人後既配置我就唔太認同。海倫入替打番中鋒正路，將舒克斯移後一格踢攻擊中場亦冇問題，但竟然阿摩廉將佢調去踢右攻中，將加拿祖擺去踢左攻中，呢個就係問題啦。近幾場睇，舒克斯同多古係左路係有火花，而加拿祖係右路單打獨鬥進攻，配合以走underlap做拉扯為主既「大碌」係有化學作用。依家反而將不擅配合既加拿祖同需要人配合既多古放埋一齊，而需要人配合既雀屎就同唔識配合既「大碌」擺埋一齊。阿摩廉，你攪邊科呀？結果，下半場就係見到多古交完波就睇加拿祖表演，加拿祖就不停嘗試內切射或單打獨鬥沉底出波；右路就自斷單臂，只靠「大碌」間中上下黎出兩腳波就完。下半場既曼聯去到大約七十分鐘先有加拿祖既禁區頂射門叫見得下人。六十分鐘，阿摩廉用艾歷臣入替卡斯美路，放棄所有防中。七十八分鐘再用曼治入替迷失左既舒克斯，嘗試加強攻力。八十八分鐘，阿摩廉用麥佳亞入替約羅改踢前鋒，麥隊拍海倫踢雙箭頭。多古改打左中堅，將加拿祖改打左翼。尾段基本上曼聯都係燒味踢法，球員冇乜位置好分，邊個咁岩係後場咪做中堅，有波就踢入去，已經冇咩戰術好講。燒味還燒味，但你幾時斬邊度斬都應該有分寸，可惜我見到既只係鳩斬。麥隊長尾尾尾段都有一下埋到門都算叻仔，可惜比對面護左個空門。最後，曼聯又輸一場。
《總結》
場波既感覺好似又倒退左十場前。我都理解可能阿摩廉想係正選陣容調整一下，但半場見唔對路，點解唔用番近幾場run得幾順既人腳配置？如發現都冇起色，先試下一個新穎少少既配搭。般奴係呢隊波入面冇可能唔踢中場中，唔好再亂咁調佢位。前場創造力交俾舒克斯同曼治好過啦笑話一則，與其買基奧基尼斯，不如買對面個阿旺尼啦。不過人地有歐聯踢，仲會唔會黎曼！
曼聯雖然有多名傷兵復操，但希雲、迪亞路、梳爾同明奴都仍然未能上陣，今場只有曼治同麥佳亞可以擺入後備名單。龍門係安拿拿。三中堅由右至左係馬沙拉維、迪列特同約羅。左右翼衛照舊係多古同達洛治。一對防中起用卡斯美路拍烏格迪。左右攻擊中場係般奴費南迪斯同加拿祖支援前鋒舒克斯。唔知係咪因為國際賽期後，所以阿摩廉既選人準則以體力行先。加上可能佢忌憚森林既反擊，所以正選陣容起用雙防中。同時間，佢相信卡斯美路同般奴既連攜，希望透過般奴既突入加埋卡斯既中距離傳送去破密集。不過，呢個陣容冇海倫就缺乏左禁區既搶點能力，同時亦放棄左多古同舒克斯既化學作用。
《上半場同預知劇本一樣》
森林繼續一貫作風，放棄高位逼搶，使用中低位防守等打反擊；曼聯自然要用波進攻，曼聯三中堅基本上用波都冇壓力，森林既阿旺尼都係以遮住卡斯美路既傳球線路為主，遮完再去逼。森林中前場三個收縮中路overload曼聯雙防中，一對平排中場就各自捉番一對進攻中場；閘位對翼位；雙中堅就輪流防守舒克斯。只係踢左5分鐘，艾蘭加防守角球後一個走天涯，怒奔八十多碼射入，幫森林領先。落後下既曼聯空有控球權，因起用左兩個冇創造力既中場，球隊難以創造黃金機會。般奴繼續踢到咁上下就墮後要波，多古係邊路缺乏支援，加上歷高威廉斯唔係垃圾，曼聯左路甚少配合。上場對皇蘇踢到曉飛既多古都隱左形。右路達洛治今場出左幾下波，可惜中路缺乏擅頂之人，埋到門但威脅不大。上半場同預計中既劇本一樣，算係圍住人踢但俾人一兩下反擊就要禁平安鐘兼先落後。
《非常好奇點解要將加拿祖踢左路》
下半場阿摩廉即刻換人，用海倫入替表現一般既烏格迪。呢個調動非常正路，只係要揀換走邊個防中咁解，最後犧牲既係烏格迪。可惜，換人後既配置我就唔太認同。海倫入替打番中鋒正路，將舒克斯移後一格踢攻擊中場亦冇問題，但竟然阿摩廉將佢調去踢右攻中，將加拿祖擺去踢左攻中，呢個就係問題啦。近幾場睇，舒克斯同多古係左路係有火花，而加拿祖係右路單打獨鬥進攻，配合以走underlap做拉扯為主既「大碌」係有化學作用。依家反而將不擅配合既加拿祖同需要人配合既多古放埋一齊，而需要人配合既雀屎就同唔識配合既「大碌」擺埋一齊。阿摩廉，你攪邊科呀？結果，下半場就係見到多古交完波就睇加拿祖表演，加拿祖就不停嘗試內切射或單打獨鬥沉底出波；右路就自斷單臂，只靠「大碌」間中上下黎出兩腳波就完。下半場既曼聯去到大約七十分鐘先有加拿祖既禁區頂射門叫見得下人。六十分鐘，阿摩廉用艾歷臣入替卡斯美路，放棄所有防中。七十八分鐘再用曼治入替迷失左既舒克斯，嘗試加強攻力。八十八分鐘，阿摩廉用麥佳亞入替約羅改踢前鋒，麥隊拍海倫踢雙箭頭。多古改打左中堅，將加拿祖改打左翼。尾段基本上曼聯都係燒味踢法，球員冇乜位置好分，邊個咁岩係後場咪做中堅，有波就踢入去，已經冇咩戰術好講。燒味還燒味，但你幾時斬邊度斬都應該有分寸，可惜我見到既只係鳩斬。麥隊長尾尾尾段都有一下埋到門都算叻仔，可惜比對面護左個空門。最後，曼聯又輸一場。
《總結》
場波既感覺好似又倒退左十場前。我都理解可能阿摩廉想係正選陣容調整一下，但半場見唔對路，點解唔用番近幾場run得幾順既人腳配置？如發現都冇起色，先試下一個新穎少少既配搭。般奴係呢隊波入面冇可能唔踢中場中，唔好再亂咁調佢位。前場創造力交俾舒克斯同曼治好過啦笑話一則，與其買基奧基尼斯，不如買對面個阿旺尼啦。不過人地有歐聯踢，仲會唔會黎曼！
請按此登錄後留言。未成為會員? 立即註冊