《上半場唔差喔》
阿摩廉係今場正選陣容作出左兩個調動，前場起用加拿祖，直接將般奴移後踢中場，而約羅亦取代左有微傷既馬沙拉維踢正選，其餘人腳則同上場一樣。一開波係踢法上，曼聯進攻上改踢5-3-1-1陣式，後場build-up依靠三中堅加埋出任deep lying midfielder既般奴費南迪斯overload對方三名前鋒，中堅負責保持控球，不停搵般奴黎交波等佢去策動進攻。球隊所有進攻都必需先經隊長去選擇進攻方向。加拿祖同烏格迪則係half space channel，而舒克斯就係攻擊中場位置幫手串連。畢竟左路有多古同埋加拿祖下，兩個都有一定既進攻侵略性，所以球隊進攻上明顯側重係左路，而右路既達洛治同烏格迪係進攻上既參與度同侵略性就遠遠不及左路。老實說，同癱左係冇分別。睇數據，曼聯今場既進攻分佈係左60、中20、右20，亦可以推斷到呢個實況。上半場雖然係因一個溝通誤會而先失一球，只怪安拿拿既流量應該會多，但先落後下既表現唔係話太差。見到左路加拿祖同多古多左好多配合，舒克斯亦極主動要波轉身放波俾直線，般奴更加係超額完成，係中後場現身放波控制節奏，唯獨是佢經常拉後同麥佳亞平排要波，呢樣需要多加改善。進攻有進步但因過份集中左路，生波實際上既威脅其實唔太多，反而今場死球既威脅比生波好。先靠一個罰球令對方擺老烏，之後再靠死球令迪列特係門前補中反超前。球員當時明顯係信心爆棚。
《換人都有學問》
43分鐘，球證睇VAR認為多古既犯規需要被紅牌趕離場，相信呢個判決都冇乜好嘈。阿摩廉見狀後，用馬沙拉維入替加拿祖，係餘下既時間踢左翼衛。小弟當時既反應係愕然，因為只領先一球，前場理論係需要靠反擊黎牽制對手，戰術上應該係要換踢得幾好既舒克斯。不過小弟估計阿摩廉既想法係海倫係前場係停唔到波，就算加拿祖在場，都只得一個跑字，而海倫當時仍能靠身體同衝刺去牽制對方中堅，所以就靠雀屎去停波再放俾海倫去衝，或者用雀屎既技術做多一點控傳。
可惜係上半場補時階段，曼聯又再一次失波。下半場早段，麥佳亞接應死球一鎚定音，為曼聯再度領先。跟住，曼聯就開始屯重兵係後面踢low-block死守。數據上，葉士域治下半場只得八射一中，expected goal只有0.36；反而上半場係四射二中，expected goal有1.06。10人應戰既曼聯係下半場既防守可以話係密不透風。雖然好大程度係葉士域治傷左赫治臣，加上整隊攻擊力有限，但場面上見到曼聯既球員係3-2情況下，接近波到人到，係見到鬥心同贏波既決心，呢類鏡頭先係球迷想見到，而唔係懶懶閒踢交差波。
阿摩廉係67分鐘用卡斯美路入替跑到莫莫地既海倫，將舒克斯改踢番最前，就係想加強中場截擊力與及希望雀屎可以係前場幫手停波拎控球權。見到阿摩廉換人都有一定既想法，而唔係位換位就算，值得一讚。最後，曼聯有驚無險地贏波拎三分。
《總結》
呢場波贏得超驚險，最佳球員就肯定係一頭定音既麥前隊長。如果俾我揀既話，今場我會揀般奴同舒克斯，兩個都做到要做既野，而般奴係我心目中叫做做突左添。樂見雀屎有番多少係意甲既水準，不過肯定未係最佳，但見佢呢兩場踢起上黎係多左信心，發揮自然好左，亦要讚阿摩廉肯棄成3-4-2-1，改改陣式令更多球員相對較適合既位置，球隊既表現都開始穩定。下場足總盃對富咸，希望球隊可以晉級啦！
阿摩廉係今場正選陣容作出左兩個調動，前場起用加拿祖，直接將般奴移後踢中場，而約羅亦取代左有微傷既馬沙拉維踢正選，其餘人腳則同上場一樣。一開波係踢法上，曼聯進攻上改踢5-3-1-1陣式，後場build-up依靠三中堅加埋出任deep lying midfielder既般奴費南迪斯overload對方三名前鋒，中堅負責保持控球，不停搵般奴黎交波等佢去策動進攻。球隊所有進攻都必需先經隊長去選擇進攻方向。加拿祖同烏格迪則係half space channel，而舒克斯就係攻擊中場位置幫手串連。畢竟左路有多古同埋加拿祖下，兩個都有一定既進攻侵略性，所以球隊進攻上明顯側重係左路，而右路既達洛治同烏格迪係進攻上既參與度同侵略性就遠遠不及左路。老實說，同癱左係冇分別。睇數據，曼聯今場既進攻分佈係左60、中20、右20，亦可以推斷到呢個實況。上半場雖然係因一個溝通誤會而先失一球，只怪安拿拿既流量應該會多，但先落後下既表現唔係話太差。見到左路加拿祖同多古多左好多配合，舒克斯亦極主動要波轉身放波俾直線，般奴更加係超額完成，係中後場現身放波控制節奏，唯獨是佢經常拉後同麥佳亞平排要波，呢樣需要多加改善。進攻有進步但因過份集中左路，生波實際上既威脅其實唔太多，反而今場死球既威脅比生波好。先靠一個罰球令對方擺老烏，之後再靠死球令迪列特係門前補中反超前。球員當時明顯係信心爆棚。
《換人都有學問》
43分鐘，球證睇VAR認為多古既犯規需要被紅牌趕離場，相信呢個判決都冇乜好嘈。阿摩廉見狀後，用馬沙拉維入替加拿祖，係餘下既時間踢左翼衛。小弟當時既反應係愕然，因為只領先一球，前場理論係需要靠反擊黎牽制對手，戰術上應該係要換踢得幾好既舒克斯。不過小弟估計阿摩廉既想法係海倫係前場係停唔到波，就算加拿祖在場，都只得一個跑字，而海倫當時仍能靠身體同衝刺去牽制對方中堅，所以就靠雀屎去停波再放俾海倫去衝，或者用雀屎既技術做多一點控傳。
可惜係上半場補時階段，曼聯又再一次失波。下半場早段，麥佳亞接應死球一鎚定音，為曼聯再度領先。跟住，曼聯就開始屯重兵係後面踢low-block死守。數據上，葉士域治下半場只得八射一中，expected goal只有0.36；反而上半場係四射二中，expected goal有1.06。10人應戰既曼聯係下半場既防守可以話係密不透風。雖然好大程度係葉士域治傷左赫治臣，加上整隊攻擊力有限，但場面上見到曼聯既球員係3-2情況下，接近波到人到，係見到鬥心同贏波既決心，呢類鏡頭先係球迷想見到，而唔係懶懶閒踢交差波。
阿摩廉係67分鐘用卡斯美路入替跑到莫莫地既海倫，將舒克斯改踢番最前，就係想加強中場截擊力與及希望雀屎可以係前場幫手停波拎控球權。見到阿摩廉換人都有一定既想法，而唔係位換位就算，值得一讚。最後，曼聯有驚無險地贏波拎三分。
《總結》
呢場波贏得超驚險，最佳球員就肯定係一頭定音既麥前隊長。如果俾我揀既話，今場我會揀般奴同舒克斯，兩個都做到要做既野，而般奴係我心目中叫做做突左添。樂見雀屎有番多少係意甲既水準，不過肯定未係最佳，但見佢呢兩場踢起上黎係多左信心，發揮自然好左，亦要讚阿摩廉肯棄成3-4-2-1，改改陣式令更多球員相對較適合既位置，球隊既表現都開始穩定。下場足總盃對富咸，希望球隊可以晉級啦！
請按此登錄後留言。未成為會員? 立即註冊